تجمع مستخدمين زيت دابر املا 2012

[ماتغير شي]

انا استخدمته وريحته قووويه حيييل غسلت شعري ماراحت الريحه

فـ شسويت ريحت شعري يومين وحطيت حنااا ١٢ ساعه وغسلت شعري وراحت الريحهـ


بنااات انا شعري طويل بس خفيف حيييل ويتساقط فـ سويت برنامج يوم الخميس احط الزيت ويوم الأحد احط حناااا وبشوف شيصير بشعري


بنات ابسئلكم يقولون فيه زيت دابر املا بالنكهاااات صــج ؟؟

 

[om-3azo-83z]

انا بعد بس انا شعري بني من الاساس من جذي ما خذيت نفس الصوره خذيت الذهبي و صار افتح مابي يصير اسود يصير شكلي فلم رعب بليل بيييضه و شعر اسود طويل حشا ذا رنق مو ام عزوز ههههههه
بس الحين لازم نشوف حل حق التساقط و الريحه انزين ليش ما نجرب نعطر الشعر بعطور الشعر الخاصه اللي تصير بدون كحول و بعدها نبخره و اللي لها خلق تحط دهون عود خلف الاذن وناسه يصير ريحه الشعر عجيبه مادري شكو

 

[غلاي عزوزي]

ام عزوز خوش فكره بس اذا بنطلع ريحتنا بتفوح وحرام مايجوز

 

[ام فاطمه 12345]

السلام
اشلونكم
انا الحين شريت زيت سمسم
قلت ايربه مع زيت عافيه
رحته عاديه تقدري تخلينه علي شعرج طول اليوم
بدون ماضايق احد مثل زيت دابر املا بو ريحه

ان شاء الله هستعمل زيت دابر املا يومين في الاسبوع
وزيت السمسم
يومين

 

[هدوووشه]

ااااااااااااب

 

[~شيخة~]

الحين ام فطووم اذا حطيييت الثوم بزيت دابر

بتصير الريييحه يالهوووووي ><

شلوون بنوخرها ... ريحه الزيت بروحه يالله تطلع الحين مع الثووم خخخخ

.. ماعرفت طريقه الليمون شلوون ؟

 

[ام فاطمه 12345]

انا اعسل شعري ٣ مرات عقب الزيت والثوم
وابخر شعري
والحمد لله تروح الريحه
بس تطلع اذا عرقت او اول ماتسبح


طريقه الليمون
انج تفرقين راسج بشوي ليمون قبل استعمال الزيت
او تضيفي ملعقه ليمون للزيت


وينكم يابنات

اليوم كنت في المباركيه
اف انواع واشكال زيت دابر املا
انواع وايد وماكو صورة معروضه علي النت مو موجودة
واكو انواع مكتوب علي مو عربي
وانواع ثاني مكتوب عليهم عربي
يعني الي يبي الاصلي مال الهند يروح المباركيه
بس انا والله عندي وايد
اخر مرة كنت في الجامعيه
شاريت دابر املا حجم كبير علبتين
وبراشوت الازرق
وزيت سمسم
وزيت دابر فاتيكا
يعني مصنع زيوت
قلت بس اخاص الي عندي وان شاء الله
اشتري من المباركيه

بنات عافيه بشرو مابين شي من الطول
ابي شعري يطول*

 

[دلوعة ملآكي]

انا لي شهر استخدم دابر كل مااحد شافني يقول لي وش مسويه بشعرك >> يفكروني حاطه كيراتين
* بالنسبه للريحه قبل لا اتروش اخذ كوب بلاستك واحط فيه ملعقه كوفي واخلطه بماي
اغسل شعري بالشامبو وبعدين احط شامبو مره ثانيه وأكب خلطة الكوفي بشعري وافركهم وتروح الريحه
واحط احيانا حمام زيت
نصيحه بنات والله هالزيت خطيييييييييير للشعر
نبقى هالتجمع ماينقطع ونشجع بعض

 

[ام فاطمه 12345]

دلوعه انتي تقريبن نفسي
تستعملين الزيت صارلج شهر
زين حبيبتي حسيتي ان شعرج طال شوي
ولا بس فرق معاج في اللمعه والنعومه
وان شاء الله حبيبتي نشجع بعض

 

[ام فاطمه 12345]

اب اب

 

[الملاك الروحي]

أنا عن نفسي أستخدم الدابر صارلي شهر تقريبا
والحمد لله في نتيجة بس بطيئة
طريقة استخدامي:
أسخن الدابر شوي وأحط معاه محلب مطحون
وأخيه كم ساعة تالي أغسله بشامبو عادي

طبعا الريحة قوية بلاشك علشان كذا أنا أحط رشوش علشان الريحة تروح
واللي مايعرف شنو يعني الرشوش هو عبارة عن أعشاب متنوعة( ورد + آس+ محلب+ مسك+ ريحان+ جوزة الطيب)
أحطه مع ماي شوي واخليه ساعتين بالكثير بعدها أغسله
صدقوني بنات الريحة تروح ويصير الشعر ريحته حلوة

 

[حكمتي بصمتي]

طيب الليمون كم مرة احطه في الاسبوع

 

[ana moo ana]

انا استغرب من الي يقولون ريحته ماتروح

انا استخدمه وعقب ماغسله بح ماافي

ريحه انااستخدم شامبو >>>ايفا بالصبار

غسلتين والريحه متبخره

ولاحطيت حمام زيت خلاااص

بح ماافي اثر للريحه كلش

بس صرراحهـ ماااشفت نعوومه وكثااافه

يمكن يطووول بس مانعم شعرري ولااكثفه


انزين شنو فايده اليمون قبل الزيت ؟؟؟؟

 

[حكمتي بصمتي]

انا بعد لاحظت الطول بس التساقط مازال الى الان من اي زيت ينحط على شعري فبستخدم الليمون وانشالله يوقف التساقط

 

[ana moo ana]

عــــــــــــــــــــــــــادي

يتساقط الشعر هذا بالبدايه لان يطيح

الشعر الخفيف انا جي بالبدايه اختررعت

شعري قام يتساقط بالهبل بس عقب

الحمدالله خف عن قبل واايد

لان الشعر بالبدايه استنكر الزيت

وعقب يتعود عليه وماعاد يطيح

فلاتخافون استمرو وراح يخف التساقط

 

[همبرغر]

ريحته أرف بس صج يهبببببببل للشعر

 

[ام فاطمه 12345]

صباح الخير
امس استعملت الزيت
وغسلت شعري بالشامبو الاحمر القديم
احس انه زين هذي اول مرة استعمله
منو يعرف هذا الشامبو

الليمون قبل اي حمام زيت يخفف وايد من التساقط
الحمد لله بديت اشوف بدايه في الطول

يارب ان شعري وشعركم بسرعه بسرعه يطول
ابي شعري يطول ابي شعري يطول

 

[توته وزيتونه]

ترا الحين ابجي 

انا تعبببت تعبببت من شعري استمريت برنامج عنايه لشعري ثلاث شهور وماكو فايده يطيح واخذت كورس تقريبا ابر شعر عند دكتور بس لاحظت التساقط مستمر واثر عالميزانيه عندي ووقفت وامس قررت وشريت دابر املا مكتوب عليه باللوز وريحته حلوه قلت بحطه مع مايونيز لان حلوو للشعر بس تو خوفتوني يطيح وتساقط انا بروحي اعاني شعري مو قاصته صارلي سنين وبطلعه الروح يطول شووووي
خوفتوني منه بناات اخاف يطيح شعري
عفيا قوليلي شسوي عرسي قرب وشعري للحين منتف ومايطول ويتساقط عفيا انصحوني 

 

[إسكادا]

اولا تجربتي معه زففففففففففففففففت ولا فادني ابددددد وكذلك اختي سببلها تساقط
وبعد مافارقته وهي بألف خير
وبالنسبه لك ياتوته وزيتونه
روحي لموضوعي (ليس منقول ولاقريت وحده بالمنتدى لا هذي تجربتي )
وبتلقين اللي يفيدك و يسرك ان شاااااء الله ياعمري تعاطفت معك

 

[غلاي عزوزي]

فعلا احنا نشتري الي بالجمعيات وبس لكن في عند الهنود وبالسيتي سنتر انوااااااع منه واشكااااال اذا خلصت الي عندي بروح اشتري