تجمع مستخدمين زيت دابر املا 2012

[حكمتي بصمتي]

اي والله انا بعد انشالله يطول شبر

 

[الفخر كله]

اب اب اب اب اب اب اب اب

 

[غلاي عزوزي]

اليوم رحت سيتي سنتر نفس ماقلتلكم خذيت امامي دابر بلس قريت عنه بالمواقع انه ممتاز قلت اجربه سامعين عنه اهو انتاج الهند بعد وفي انواع وايد

 

[Sara !]

هذي رابع مره لي مع الزيت
احطه ساعه واغسله

بنات اتهقون صج يطول مادري ليش مو واثقه فيه لووول

 

[ام فاطمه 12345]

يارب كلنه شعرنه تطول شبر في الشهر
انا الحين فوق راسي الزيت
مشاء الله الريحه وايد قويه
زيت دابر املا- زيت براشوت - زيت السمسم - ثوم
يعني اقوة ريحه
وان شاء الله بغسل شعري
بالشامبو الاحمر القديم
ترا والله يطير الريحه
بس وانا بغسل شعري يصير جنه دبق
بس لم ينشف الشعر
واو يصير بدون ريحه كلشششششش

 

[ام فاطمه 12345]

امامي والله ولا مرة سامعت عنه

حبيبتي يطول الشعر بس مو مثل مانسمع
والبنات تهول وتقول شبر في الشهر

يطول تقريبن من ٢ الي ٣ سانتي في الشهر
ويبين الطول عقب شهر من الاستعمال


اكيد يابنات الكل يتسبح كل يوم
ويغسل راسه
زين
ليش كل يوم قبل السبوحه ماتستعملين زيت السمسم
وعقب شوي تسبحي
ودابر املا مرتين بس في الاسبوع

ولازم لازم لازم
تستعملون الشامبو الاحمر القديم
اول شي قريت وايد انه يطول الشعر
ثاني شي مامنه ضرر للشعر عشان مكوناته طبيعيه
ثالث شي واهم شي انه يطير ريحه اي زيت من الشعر
مهمه كانت قوت رحته

الشامبو الاحمر القديم
يتباع عند اي حواي (عطار)
سعرة ربع دينار

 

[روح غلاها]

انا امغمجه شعري ومكتوب عليه للشعر الملون يعني يغير لون الشعر ولا لا
اخاف من بني يقلبه احمر :eh_s(2): بليز فيدبني ابي استعمله وخايفه



حبيبتي السيروم اشلون ريحته

وام فاطمه انا بعد ببلش وياكم بس بالذهبي الياسمين
وبالنسبه للتساقط يمكن سببه مشكله بالجسم

انا اكتشفت انه فيني نقص دم مسبب لي التساقط

لا حبيبتي ماتغير اللون صار لي شهر استخدمه مع براشوت واللون مثل ماهو

 

[عشق رسامه :$]

بقولكم سر من اسراري نياهاهاهاهاهاها :$ :$

من ناحية ان زين فهو صج زين بس يبيله استمرار

بناااااااااااااااات اللي يبي تروح الريحه من الشعر او بسرعه يروح الزيت

هاذي طريقه انا الفتها وصادف اني قريت هالطريقه من البنات

شوفوا اول ما تحطون الزيت قعدوا ساعه بعدين حطوا فوقه حمام زيت بشرعركم ونطروا 10 دقايق على

حسب اللي مكتوب وغسلوه بس راح يطيح الزيت مع الحمام الزيت ههههههههههههههههه والحياه حلوه

غسلوه بالشامبو مرتين وبس طلعوا وبجذي مافي ريحه ولا شسمونه ودعولي :$

 

[عيـون المهـآ]

بنات ممكن انضم وياكم انا عندي جدول عنايه مكثففف ومو بس دابر استخدم
ومسويه عنايه لوجهي
وش رايكم نكتب يومياتنا كامله
يعني وش نحط اليوم قي شعرنا ووجهنا وكذا
طبعا انا اليوم راحه لانوو زواج بنات عمي الليله
وامس اول استخدام لي لدابر الاخضر
وبكره ببدي وياكم وبكتب يومياتي هون
ممكن انضم ؟ ^~**

 

[دلوعة ملآكي]

بنات انا مستمره ع الزيت يوم ورى يوم بس مااقدر ادخل المنتدى الا ونا ونا ببيت أهلي
بصراحه كلما وحده تشوفني تقول وش مسويه بشعرك
بس عيب شعري موناعم مره ومتقصف من كثرر الاستشوار والسيراميك
مااقدر استغني عنهم لازم كل يوم ولا يصير شكلي غلط
​

 

[styli]

thanks

 

[عشق رسامه :$]

انا توني حاطته مع جم شغله وشعري لونه غمج ونااسه انا احب الاسود وشعري كثف اصلا من الزيوت ولا اهوه كان ميت

 

[عيـون المهـآ]

**

اللحين حطيته على شعري من 10 وبخليه الى 3
لأن ريلي وياي :d
امممم بعدها بحط ماسك المايونيز
لمدة ساعه وبعدها بحط حمام الزيت لمدة ساعه

سُبحآن الله وبِحمده سُبحآن الله العظَيِم
سُبحآن الله وبِحمده سُبحآن الله العظَيِم
سُبحآن الله وبِحمده سُبحآن الله العظَيِم
سُبحآن الله وبِحمده سُبحآن الله العظَيِم

**

 

[ام فاطمه 12345]

هلا فيج حبيبتي نورتي التجمع
اشلونكم واشلون شعركم
انا في بدايت استعمالي الزيت فتح لون شعري
يعني انا كان شعري اسود
وصله لدرجه بني غامق
والحين بدا يصير اسود
بس ترا اسود من شعري الطبيعي
وناسه يعني اسود سواد الليل


بنات ترا الثوم وايد حلو استعملوة مع الزيت
انا استعمل
ثوم زيت براشوت. زيت دابر املا
ترا كلهم خلطاهم مع بعض
ولم اكون بستعمل الزيت اخذ بس علي قد شعري
وزيت السمسم ادهن فيه قبل ةماتسبح في الايام
العاديه مو مع الخلطه
نبي تشجيع
وينكم يابنات

 

[مشاعل حرب]

صباحكم رحمه ياحلوات ,,, انا ان شاءالله راح ابدا باستخدام زيت دابر املا معاكم ويارب نحصل على نتايج كويسه . بس انا مااحب تعلق بشعري ريحته :eh_s(2): لان اكثركم يشتكون من هالشي مممم عشان كذا راح استخدم زيت دابر الجديد اخف ريحه ,,,
تنصحوني فيه!!
واقدر اضيف له شي غير الليمون !!

ويعطيكم العافيه :eh_s(17)::eh_s(17):

 

[عيـون المهـآ]

**

الزيت على شعري حالياً وحاطته من الساعه 7 ونص وبخليه الى 12
وبعدها بحط ماسك المايونيز =)
وبشرتي حطيت ماسك السدر
واما ركبتي شوفان وليمووووون
وشفايفي سويت لهم تقشير بالسكر وزيت الزيتون =)

وينكم بنااات نبي حماااااااااااااااااااااااااااااااااااااااس


سُبحآن الله وبِحمده سُبحآن الله العظَيِم
سُبحآن الله وبِحمده سُبحآن الله العظَيِم
سُبحآن الله وبِحمده سُبحآن الله العظَيِم
سُبحآن الله وبِحمده سُبحآن الله العظَيِم


**

 

[عسووولــــة]

هلا بنااااااااااااات ؟؟؟

حبيت اشارك معاكم التجمع اذا يصير

خبروني كيف طريقة الاستخدام ؟؟

وشنو رايكم نظيف على زيت ملعقة صغيرة حلبة مطحونة سمعت انة يكثف الشعر

 

[Um Badori]

بناات حابه اسالكم اقدر استخدم زيت دابر املا للاطفال
ووين ينباع الاصلي الهندي الي في زجاج :eh_s(7):

 

[حبيبه ببي]

ودي استخدمه بس ريحته مااتحملها وشعري اشقر مومستعدده اخسررلونه

 

[فراأأأأأأوله 89]

بنات عادي احط بعلبة الزيت ثوووم؟؟

انا شعري خفيف وقصير ان شالله يكثف ويطول