تجمع * معلمات * تعيين * جديد * 2012

[كوكولوكو]

الخاطر المكسور

بسم الله ماصار لج اسبوع من داومتي شكو يحضرون لج ؟؟؟

وبعدين مالنا تقييم هالسنه

 

[%meme]

الاسم : ميمي
تاريخ التعيين: 21 مارس
المدرسه : بنين مبارك الكبير
التخصص: انقليزي


بنات بصراحه كرهت الشغله مع اني كنت حابتها
حتى مجالي كرهته من الوافدات
واللللله آله مو آدميه
حتى اليوم غايبه من التعب اللي احسه ماقدر صوتي راح وانا امشي واعدل بالصفوف الزباله حشاكم اللي معطيني ياهم ثلاث صفوف وكلهم ع 26 طالب
والابله المص***ة
كانت امخليتهم ع راحتهم وانا تعبت ع ما اظبط الصف عشان ابلش الحصه
ومن اول اسبوع يقولولي امتحني الصبيان وحطي الدرجات و لويه
يعطوني مناوبة الصبح وفرصتين واحتياطات وغير ثلاث حصص نصابي اكثر وحده اكرف
ووو الباجي ع حصاين مايسوون شي آخر شي جبت واسطه قلت مابي لا مناوبات ولا احتياطات واشوه
شالو مني المناوبات والاحتياطات علما اني حامل بالسابع داشه الثامنووو حدي اعطي ابضمير بس بصرادحه التدريس تغير
كلش مايبونج مدرسه يبونج خدامه والله يابنات من ثاني يوم قاعده بالمناوبه جان يقولي ولد ابرابعه كلمه وصخه وصخه وصخه ماتنقال..خليت الناظره تطقه بالطابور وجابو ابوه المدرسه عاد ابقلبي اقول هاذا اولها
ينعاف تاليها
ادري تحلطمت واجد بس بنات ليش التدريس صار جذيه بس مناوبات وشوفي العيال كلو ولا لأ ولا تاكلين بالمناوبه ولاتشربين شي @@
شي مو طبيعي كل هاذا ليش عشان كادر مية دينار عووووع اشتري راحتي وفوق كل هاذا تعيين على مسمى هاء
قطع
ورئيسة قسمي وافده ماكو الا انا و وحده ثانيه كويتيه والباجي من الجنسيه الاخرى
قاع ترحمهم واتعذبنا وانا اكثر لاني تعيين جديد !!!!!!!!

 

[كوكولوكو]

اففففف الصبيان يطفرون يخلونج تحرقين اعصابج وحنجرتج تروح فيها من الصراخ حتى يوم ارد البيت اتكلم يقولون لي انتي تصارخين وانتي قاعده تتكلمين >> لوووووووووووووول لا تلوموني والله من الي شفته منهم الله يغربل بليسهم

عندي سؤال :
الطق ممنوع بمدارسكم ولا لا ؟؟
احنا ممنوع واولياء الامور مايرضون على عيالهم بس صراحه المدرسات يطقون الصبيان المشاغبين يطلعون حرتهم
وانا ماطقهم اخاف اعور واحد سبحان الله وتصير فيه عاهه ماني ناقصه انا هههههههههههه انا من النوع الي يصارخ بس

ابي آرائكم ؟؟

 

[طالبة1990]

لازم يحضرون لكم

بس بدون تقييم

بس لازم يوجهونكم ويعلمونج اخطائج

واحسن لج كثرة الزيارات دام ماكو تقييم

اول شي تتعودين ع دخلتهم

وتكونين دايم على استعداد لهم






مدارس الصبيان

الاغلب مسموح الطق

اختي مسكينة والله تطقهم <<<< منو المسكين بالضبط هع

لان مايفهمون للكلام مع انهم كبار صف رابع

بس تقول ماقدر اضبطهم ابدااا الا بهالطريقة

 

[طالبة1990]

لازم يحضرون لكم

بس بدون تقييم

بس لازم يوجهونكم ويعلمونج اخطائج

واحسن لج كثرة الزيارات دام ماكو تقييم

اول شي تتعودين ع دخلتهم

وتكونين دايم على استعداد لهم






مدارس الصبيان

الاغلب مسموح الطق

اختي مسكينة والله تطقهم <<<< منو المسكين بالضبط هع

لان مايفهمون للكلام مع انهم كبار صف رابع

بس تقول ماقدر اضبطهم ابدااا الا بهالطريقة

 

[الخاطر المكسور]

كوكو انا للحين مرتين رئيسه القسم ومره الناظره ومره الموجه
وبالنسبه للطق انا اطق بالكتاب بالدفتر عالخفيف ههههههههههههه
انا مثلج اخاف افقد واسبب لهم عاها
ف عشان جذي ماحط المسطره جدامي
اصارخ لين تطلع روحي
وبنات المدرسه اليوم عطوني تقرير راتب من غير ما اطلب منهم
وفعلا احنا هاء يعني خلاص بدون شك

 

[سحرالورد]

آلسَلٱمٌ۶ـَآـْيگمّ ۈرζـْمّـٌۃ ٱللـّہ ۅ بُرگـّآتہ

شلوونكم بنات

مبروك التجمع : )

سجلوني معاكم

 

[سحرالورد]

بنات انا سعوديه ودورت ارقام وزراة التربيه لاعرف متى راح يعلنون عن التقديم لسعوديات حق وضيفة معلمات بالكويت ماحصلت شي

بنات بليز متى التقديم ومتى اخر يوم
انا تخصص تاريخ بكالريوس
ومعي دبلوم حاسب سنه تخصص سكرتاريه تنفيذيه

تكفون ساعدوني لايطفوني الوقت وين اروح وادق على مين

التسجيل في ديوان الخدمه يبدا شهر 6 اغلب ظني

لهم حساب بتويتر تقدرين تسالينهم عن اللي تبين عشان مايطوفج

 

[بنت احلام]

ذبحتهمممم بالطق الله يستر عليهم وعلي من الشكاوي
لاتلوموني صبيااان

 

[فرفورهـ]

مرحباااااا
شو الاخبار ​

 

[فرفورهـ]

بنات منو تعرف نضام الطبيات والغياب وجم يخصمون وجذي والاستئذانات ​

 

[طموحه بزياده]

مرحبا

انا
ابله علوم
الحين ميداني صبيان ابتدائي

امبيه كرهت التدريس ماني قادره اتحمل صبيان امبيه موووو صج بنات شسوي انتم شلون متحملين؟

صبيان يبيلهم رياجيل يسنعونهم

طول الحصه ازعاج وشغب ماكو فايده سويت كل شي ..سويت نظام الافرقه والهدايا والنجوم والتشجيع ثلث الصف ينضبط وثلثين لا بس ازعااااااااااااااج ..تعبت نفسيا اففففففففففففف


يصير احول و اصير ابله رياضيات؟؟

 

[Om_RaYomaH]

مبرووووك التعيييين

نصيحه بنات اي شي يصير بالمدرسة انسووووه فيها

وسوي نفسج غشيمة ماتعرفين عشان مايكودون عليج الشغل
<<< مريت بالمرحلة وكنت شاده حيييل علي نفسي

عشتو باطلع فيها يعني

صرت كديش عندهم ككككككك

والشغل حاولي تخلصينه بالمدرسة لاتاخذين شي معاج للبيت

لاحقة عليه
البيت لج ولعيالج

واذا طلبوا تجيبين شغلات

قولي عطوني استئذان رسمي اروح اجيبهم ماقدر اطلع من البيت تعذري باي شي

عشان ترتاحين بالبيت وتنظمين وقتح عدل



سوري طولت عليكم

بس حبيت افيدكم لاني حاسة فيكم كنت محتاسة اول ماتعينت

 

[الخاطر المكسور]

ام ريومه تسلمين ع النصايح العظيمه
فعلا انا يوم كنت ميداني شفت هالشي الابلات الي شادين حيلهم
اهم الي يكرفونهم
انا حاليا اغبى وحده وماعرف شيء هههههههههههههههههه
كيفهم ليش اخسر راحتي وصحتي على شيء مو مطلوب مني

 

[*الفراولة*]

بنات اشلونكم ... منمو تعرف اشلون اقدر اعدل على الموضوع
جني وايد متحمسه وكاتبه اسم المدرسه ... هههههههههه
ماقدر افضفض يعني خخخخخخ

 

[بيبي فيس2008]

السلام عليكم بنات &#55356;&#57146;&#55357;&#56464;
ومبروك الوظيفه &#55357;&#56541;&#55357;&#56534;والله يعينكم
بنات انا نسيت اشلون ادرس نسيت &#55357;&#56880;&#55357;&#56880;كل شي وخايفه اتوهق ويسلمون علي طول صفوف قولولي شنو اسوي احس اني ببجي&#55357;&#56877;&#55357;&#56877;
ساعدوني شسوي؟!

 

[Australia girl]

قوه انا معاكم بعد

العضوه: Australia girl

تاريخ التعيين :15-3 -2012

المدرسه : بالقصور

معلمة : انجليزي ابتدائي... والله يعين

 

[كوكولوكو]

بنات شهاده الراتب اقدر اخذها من السكرتيرة عادي ولا لازم شهر جذي ؟؟؟
الخاطر المكسور بشرينا شلون المعاش نفس معاش معلم دال قبل الكادر ولا نفس معاش الدبلوم قبل بس من غير ارقام فديتج اخاف حيل قاصين من المعاش
بنات حبايبي الحين اذا ابي اغيب شلون ابي طبية مايصير يقولي انت غير مسجل بالديوان ؟؟ وابي احط لي رقم سري بعد ؟؟
ساعدوني ماعرف الطريقة ؟؟

 

[*الفراولة*]

السلام عليكم بنات ??
ومبروك الوظيفه ??والله يعينكم
بنات انا نسيت اشلون ادرس نسيت ??كل شي وخايفه اتوهق ويسلمون علي طول صفوف قولولي شنو اسوي احس اني ببجي??
ساعدوني شسوي؟!

حبيبتي حياج الله معاانا بالقروب لاتحاتين ... انا كنت وايد ارتبك بالميداني يوم تعينت تخيلي اول يوم قالولي دخلي اقري معاهم الكتاب حتى بدون تحضير ...راح تكتشفين انج وايد راح اتكونين احسن
من الميداني ... وتكونين واثقة من نفسج والامور تمشي سهالات لا تحاتين

قوه انا معاكم بعد

العضوه: Australia girl

تاريخ التعيين :15-3 -2012

المدرسه : بالقصور

معلمة : انجليزي ابتدائي... والله يعين

حياج الله معانا ,, سوي كوبي على توقيعي وحطي بتوقيعج

 

[*الفراولة*]

بنات شهاده الراتب اقدر اخذها من السكرتيرة عادي ولا لازم شهر جذي ؟؟؟
الخاطر المكسور بشرينا شلون المعاش نفس معاش معلم دال قبل الكادر ولا نفس معاش الدبلوم قبل بس من غير ارقام فديتج اخاف حيل قاصين من المعاش
بنات حبايبي الحين اذا ابي اغيب شلون ابي طبية مايصير يقولي انت غير مسجل بالديوان ؟؟ وابي احط لي رقم سري بعد ؟؟
ساعدوني ماعرف الطريقة ؟؟

حبيبتي اللي اعرفه ان مايصير تاخذين طبيه من الديوان .. بس كلمي الاداره والطبيه تكون
من الطبيب او المستشفى الخاص