تجمع * معلمات * تعيين * جديد * 2012

[كوكولوكو]

الله يسمع منكم يارب

دلال السمر
مبروووك التعيين
كل معلمات رياض الاطفال معينينهم بالجهرا ؟؟؟ ورفيجتي معاهم
يبتي واسطه ولا شلون ؟؟ عشان يعينونج بالفروانية

 

[طالبة1990]

بنات سالفة المنطقة التعليمية خرررطي

اغلب التعيين الجديد قالوا لهم رقمكم المدني غلط

الحمدلله والشكر من صجهم

حييييل مستخفين بعقول المعلمات

شنو غلط ماغلط

انا اختي طلبت من السكرتارية ورقة تفصيل راتب وتدرج وظيفي

لان ناوية ترفع قضية عشان يعدلون مسماها من معلم هـ الى كعلم د

ردوا لها الورقة ومكتوب الرقم المدني غلط

بالذمة شعرفكم انه غلط

ودام عرفتوا انه غلط يعني انتوا عارفين الصح

طيب الله لا يهينكم عدلوه

اوكي صدقناكم وانه غلط وان الاوراق ياحرام ضاعت

ليييش ماكو سيستم ونظم معلومات




بنااات ماعليييكم منهم

مادري شسالفتهم وراهم شي

اتعععس نااااس موظفين التربية

 

[طالبة1990]

وعلى فكرة اختي بياناته اساسا بالديوان موجودة

وموجود كل شي


بس الحمدلله والشكر مايبون يشتغلون

او انهم مايبون يطلعون اي مستند رسمي

يعني شهادة تفصيل راتب او تدرج وظيفي

اتوقع عندهم تعليمات بهالشي ليين تتوضح الامور

خصوصا للمعلمين الجدد

لان هالوزارة عندها سوابق وخبرة بالقضايا

 

[طالبة1990]

بنات منو تعرف نضام الطبيات والغياب وجم يخصمون وجذي والاستئذانات ​

حبيبتي انتي بوزارة غييير

كل شي فيها غير

وبما ان الاستئذان حق مشروط

فعدده يعتمد ع ادارتج

اما بشكل عام فلج 12 ساعة استئذان بالشهر

موزعة على 4 ايام بحيث ماتتجاوز 3 -4 ساعات للاستئذان الواحد



اما الحق اللي غصبن عليهم تاخذينه

ومن غير استئذان او شروط فهو المرضي

وتاخذينه باي وقت سواء امتحانات او بداية الدوام او اخر الكورس

لان في ادارات للاسف قاصة ع المعلمات ومحددة شروط للمرضي

جنه المرض بيستأذن منا مثلا

او يبونا نقول للمرض لا بليز ستوب اجلها الاسبوع الجاي

استغفر الله ياربي لاتواخذنا بس من حر مافينا



نرجع للمرضي يحق لج 15 يوم بالسنة بدون اي خصم من مستوصف حكومي او خاص

و30 يوم من مستشفى حكومي او خاص


واذا زادت طبيات المستوصف عن 15 بالسنة فيبدا الخصم

والخصم يكون نص يوم ومسموح لج ب 15 يوم ثانية بنص يوم

و15 يوم بعد بخصم ثلاث ارباع الراتب


ونفس الشروط تنطبق ع المستشفى

بعد ال 30 يوم

لج 30 يوم من مستشفى بخصم نص يوم عن كل يوم غياب

و هكذااااا


هذا بالنسبة للمرضي

في شي اسمع عرضي او اجازة طارئة

وهي حق مشروط

يعني بموافقة المديرة

بس تبقى من حقج

لج 4 ايام منفصلة بالسنة

كل كورس يومين



وفي شغلة ثانية اسمها اجازة خاصة بحد اقصى 15 يوم

وتاخذينها بموافقة الناظرة او المراقب

وعليها خصم كامل يعني كل يوم ينخصم عليج يوم كامل

واذا خذيتي الاجازة كلها يعني طلبتي 15 يوم ينخصم منج نص معاشج بالضبط ويمكن زيادة حبتين

لان ١٥ يوم عبارة عن نص شهر يعني نص راتب قبل خصم التأمينات



وعندج شغلة بعد اسمها غياب بعذر مقبول

طبعا هذا اذا غبتي بدون سبب وبدون طبية ينخصم منج عن يوم كامل



ويومية المعلمة تختلف من معلمة لي الثانية

ومن شهر لي الثاني

واذا تبين تعرفين جم يومية الخصم

تقسمين معاشج قبل خصم التأمينات على عدد ايام الشهر

لان في اشهر 30 يوم وفي اشهر 31 يوم


ومعلومة ثانية اذا غبتي يوم خميس وبدون طبية او عرضي ينخصم منج 3 ايام

عن الخميس والجمعة والسبت



هذا اللي يحضرني حاليا

واذا تذكرت شي قلت لكم

 

[طالبة1990]

بنات شهاده الراتب اقدر اخذها من السكرتيرة عادي ولا لازم شهر جذي ؟؟؟
الخاطر المكسور بشرينا شلون المعاش نفس معاش معلم دال قبل الكادر ولا نفس معاش الدبلوم قبل بس من غير ارقام فديتج اخاف حيل قاصين من المعاش
بنات حبايبي الحين اذا ابي اغيب شلون ابي طبية مايصير يقولي انت غير مسجل بالديوان ؟؟ وابي احط لي رقم سري بعد ؟؟
ساعدوني ماعرف الطريقة ؟؟

عادي بدون ماتدقين ع الديوان

روحي دايركت لمستوصف منطقتج واخذي معاج بطاقتج المدنية الاصلية

وقولي للدكتور يطبع لج طبية لان بياناتج مو بالسستم

وحزتها بيطلب منج الدكتور بعد البطاقة عشان يتأكد انج تابعة لهالمستوصف


يعني ماله داعي كللش تدقين ع الديوان

سواء بياناتج موجودة او لا


بس انا احب دايما اطلبها عشان لابغيت اعرف جم طبية خذيت ادش البريد واشوف

لان لما تدقين ع الديوان يدزون لج بنفس الوقت ايميل ع بريد الديوان انج طلبتي طبية



ولان يطولوون على مايحسبونها ويسجلونها ويدخلونها السستم

 

[غرور مطيريه]

بنات تصدقووون مافهمت شي من نظام الطبيات والخصم والاسئذانات لووووول
يمكن مع الايام بستوووعبهم ّّّّالمهم والوووكاد اني تعيين جديد بس ناطره
اختار المدرسه السنعه ّّّّواللله يسهل

 

[love^angel]

بنات انا صارلي اسبوع مداومه بس احط رقمي المدني بالديوان يقولون ان الخدمه للعاملين بالجهات الحكوميه
متى يدخلون اسمي و بياناتي النظام؟

 

[طالبة1990]

يطووولووون شوي على مايدخلون بياناتج

 

[كوكولوكو]

انا صار لي اسبوعين وجم يوم ويالله اليوم حطيت لي رقم سري بالديوان واعترفو فيني

يعني ياخذون اسبوعين على ما يدخلون بياناتج

 

[%meme]

ياجماعه متى ينزل اول معاش ؟؟؟
ووينزل معاه اللي داومناه من 3 ؟؟
اسبوع داونا من 3 تقريبا وفي اكثر ؟؟

 

[طالبة1990]

ينزل متى مادزوا ملفج للمالية

يعني اذا دشيتي موقع الديوان وشفتي شهادة تفصيل الراتب

معناتها بينزل لج معاش باذن الله

والايام اللي من الشهر اللي توظفتي فيه تنزل لج مع معاشات العطلة

عشان تضيع وماتعرفين لحسبتها

 

[الخاطر المكسور]

يقولون المعاش شهر خمسه
ومافي معاشات عطله صج ولا لا

 

[ام فهودي دودي]

لا المعاش هالشهر انشالله ومعاشات العطلة مادري عنهم بالضبط

 

[سحرالورد]

لوعت جبدي الناظره تبي مني اي مشروع على مستوى المدرسه

شسوي لها

استغفر الله ممداني توني بثاني اسبوع

عطوني افكار اللي عندها جزاكم الله خير

 

[طالبة1990]

حسافة يضيع تعبج

اي مشروع تسوينه ماينحسب لج

ينحسب لها ولرئيسة القسم والموجهة

اما انتي مالج تقييم هالسنة

وانجازاتج لهالكورس ماراح تدخل بتقييمج السنة الجاية

صدقيني راح تموتين قهر اذا جهدج ضاع


نصيحة بنات خصوصا ل اللي تعينوا هالكورس او هالشهر

لا تجيبون اقصاكم ولا تبينون انكم قادرين على شي وفاهمين كل شي

قولوا مانعرف شنو ماندري ليش كل مصطلحات الاستعباط استخدموها

اغلبكم داخل بنشاط مثلي سابقا

وادري بعضكم ماراح يعجبه كلامي او بيقول شنو هالسلبية والتحبيط


بس لان المثل يقول اسأل مجرب

وانا كنت بنفس همتكم ونشاطكم اذا مو اكثر

وكنت انقد ع كل اللي تقول لي من هالكلام المحبط


بس الحين تعلمت وتذكرت كلامهم عدل

لاني وصلت لمرحلة حييل ضغطت على نفسي وفي النهاية على خالي بلااش

لدرجة فكرت بالاستقالة او اي شي بس افتك وارتاح من التدريس


فانا انصحكم حاليا عشان ماتوصلون لهالمرحلة


في التربية محد يذكر لج اي شي زين سويتيه

واخذوها قاعدة شي ماراح يطلع عليج بفايدة لاتسوييينه ولاتتعبين عليه

حتى لو كان بسييييط حييييييل



يعني راح يضيع تعبج ومجهودج وانتي مالج تقييم هالسنة

 

[بلســــم الرووح]

مبروووووووووووووك بناااااااااااااات الوظيفه يعطيكم خيرها ويكفيكم شرها

انا بعد تعيين جديد وخلوني مربيه صف :eh_s(16): وضايعه بالطوشه ومدري شالسالفه
بليز افيدوني اقدر ارفضهاااااااا بعدين مربيتهم ماسكتهم طول هالسنه عجزانه تكمل وياهم هالشهر :eh_s(14):

 

[كوكولوكو]

الحال من بعضه انا عطوني اشراف اداري هالاسبوع توهم يتذكرون الظاهر مع ان مشرفتهم موجوده

 

[سحرالورد]

طالبه ١٩٩٠


جزاج الله خير ع النصايح ماااقصرتي

 

[.الاميره.]

بنااااات
شنو سالفة معلم دال ومعلم هاء
احنا خريجات بكالوريس يعادلونا بالدبلوم ؟،؟
معقووووول


حد يفيدني لاني ضايعه ومادري انا دال او هاء
ويقولون اللي متوظفين هالكورس يعطونهم هاء خايفين من الكادر لا ينقص!!
هالكادر اللي طلعوه من جبودنا ولا شمينا ريحته !!!!

 

[غاده الكامليا]

يا اخواتى بالمنتدى السلام عليكم اولا االف مليون مبروك على التعين والله يكرمكم وياتيكم خيرها ان شاء الله انا مصرية وقدمت بالتربية انا اخصائية نفسية بس لسة مااتصلوش عليا بس انا مش عارفه اية اللى ممكن يسالونى فية او استعد ليها هو صحيح ية حاجة اسمها دليل المعلم ولا اية انا اسفه انى طولت عليكم فى الاسئلة بس اللى عندها معلومة الله يكرمكم تيفيدونى بيها