هلا والله
الله يعافيج ولو ماسويت شي
للاسف التظلمات بالتربية ما رضوا يستقبلونها
طبعا هالشي مو قانوني لان مو من حقهم مايستقبلون التظلمات
وفاتحين تحقيق بخصوص هالشي
فاتوقع الاوقاف يفرق
قدمي التظلم بخدمة المواطن بوزارتكم
واذا سوا نفس التربية ف دزي التظلم بالبريد المسجل
في هالحالة اهمه مجبورين يستقبلونه ويوقعون بالاستلام
بس في حالة قدمتي او ماقدمتي اسلم طريقة اللي اغلب المحاميين نصحونا فيها
انج ترفعين قضية بالمحكمة الادارية
والقضية مضمووونة
وللاسف مو صحيح ان اجتماع الجمعية مع الديوان حل هالقضية
والاسوأ ان الجمعية محتفلة وتعلن انتصارها بتطبيق الكادر كامل
وجنه قضية التعيين الجديد مو هامتهم او مو من ضمن الكادر
يكون بعلمج قبل قانونهم التعبان كانوا الجامعيات معلم د
بس حقااارة منهم هالتغيير بالقانون وغلطة ماراح تغتفر لهم
وواللي صج يقهر انهم حلوا كل الخلافات الا هالقضية لانهم مو مستفيدين منها
يعني بدل التوجيه وكوادر مديري المناطق والمراقبين قدروا يحلونها ويفسرونها صح
بس معلم هـ صارت قصور تشريعي
عقبالكم
