تجمع * معلمات * تعيين * جديد * 2012

[مـزآج ــــية]

الًيَوُمًِ الموجهة حضرت حصتي و عطتني شكثر ملاحظات
حدي تضايقت
صج قالوا لي توجيه مبارك متشددين بس ما توقعت هالكثر

 

[الخاطر المكسور]

اذكرو الله

انا مليت من اولياء إلامور وشكاويهم هههههههههههه
بس الموجهه الحمدلله ما انتقد ورئيسه القسم كل مره تقول ضبط الصف

 

[%meme]

الخاطر المكسور انا نفسج اولياء الامور اذبحوني مع ان مالي شغل واقولهم انا ماحطيت شفوي هاذا ابلتهم اللي قبلي حطته انا بس رصدت درجات الامتحان اهما صج يسالون واجد بس محترمين الامهات والابهات بس واللله اللي قبلي امقسمه الشفوي ظلم !!! وقتلها شلون جذي
تسكت كلهم من جنسيه وحده وحتى رئيسة القسم.. والله يعين اكرفتني الله فوقها..
الموجهه اهيا نفسها اللي كانت معاي بالميداني وحدها مستانسه مني الحمدالله ..
اما رئيسة القسم كله تقول حطي وسائل بالصف هاذي كلمتها..
وحطيت وسائل بس قتلها ليش اللي قبلي مو حاطه !!!! وانا معطيني 3 صفوف وشواذي ومحد يقدر ويحس بالتعب اللي احسه ..
والله جنه حاطين اردى الطلاب بصف واحد واكسلهم .. مايطلع منهم شي كساله وابتلشت فيهم..
الله يعين هانت مابقاشي انشالله..
والله لو شنو ماآخذ ثلاث صفوف الكورس الجاي لو اترك التدريس ولا آخذ ثلاثه..

 

[كوكولوكو]

الخاطر المكسور انا نفسج بالضبط تخيلي اشرح الدرس ويحذفوني بالي عندهم بس التفت

وربي مليت ووحده معانا تقول صار لها 3 سنين كل سنه تقدم نقل وما ينقلونها لان المدرسة فيها نقص حبطوني

 

[كوكولوكو]

سؤال :

جم مرة احضرو لكم الناظرة والموجهه والوكيلة ورئيسة القسم

انا كل وحده فيهم مرة وحده بس

 

[%meme]

رئيسة القسم 3 مرات الموجهه مره الناظره ولا مره..

 

[Miss samora]

مرحبا حبيباتي ....
شلونكم ويا التدريس ؟ ادري تعب ولووووووويه بس الحمدالله ع كل حال

بسألكم الحين شصار على مسمانا الوظيفي ؟
نروح نقدم تظلم ولا نرفع قضيه بالمحكمه الاداريه ولا شنو
بليز اللي تحركت وراحت خل تفيدنا عشان نتحرك قبل لا يفوت الفوت

والله المستعــــــــــــــــــــــــــــــــان ..

 

[فرفورهـ]

مشرفتي احضرت لي اربع مرات الناضره مره الوكيله ولامره
انا فقدت الامل بسالفه المسمى الوضيفي حتى بالتويتر قل حجيهم عن القضيه ونسوا الموضوع الله يعين

 

[طالبة1990]

امس مجموعة راحت للمحامي الحميدي السبيعي

وأكد لهم على ضمان القضية

ف اللي حابة تسترد حقها تتوجه للمحامي ويقول لها ع الاجراءات المطلوبة

وتاخذ ورقة عشان تسوي له توكيل

والحمدلله اتعابه معقولة وبسيييطة جداا

توقعنا اكثر من هالمبلغ اللي قاله

 

[فرفورهـ]

وينه هالمحامي ويصير يروح له ابوي ولا لازم انا

 

[متفائله بالحياة]

شلونكم ياأبلات ؟
اشتقتلكم حيييييييييل ، والله هلكت من الشغل اللي مايخلص 
شلون التدريس معكم ؟
انا حضرت لي الموجهه مره ورئيسة القسم والناظرة ٣ مرات
وبعد يقولون هالفترة بيكثفون الزيارات علينا ، المفروض يقللونها لانها اخر السنه
بس هم يبون يشوفون إحنا شلون نمشي بالمنهج ، بس الأكيد اني تعبببببببت
الله يعين *

 

[طالبة1990]

لا عادي ابووج

امس راحت له مجموعة من ضمنهم اخوي

واخذ منه ورقة مختومة بطلب توكيل

والاحد بتروح اختي للحكومة مول تسوي توكيل

عشان يبدي باجراءات القضية

وشرح لهم المطلوب والاجراءات اللازمة



وانشالله اخذ رقمه وعنوان المكتب من اخوي واحطه اهنيه

والمكتب اظن بالسالمية شارع بغداد

 

[أطيب أحساس]

طيب جم رقمه
وشنو الأجراءات

 

[الخاطر المكسور]

انا وحده فقدت شيء اسمه انوثه وذرابه
والله صرت دفشه واطق والعن خيرهم بعد
وخل يشتكون
عيالهم مو متربين وتعبت من قلة ادبهم
بس اكشتفت ان هم يبون الي يطقهم
يمشون معاي سيده
وبالنسبه لسؤالج كوكو
الناظره مره و الموجه مره ورئيسه القسم خمس مرات

 

[.الاميره.]

رفع رفع رفع

 

[Sh@5sho5]

اب اب

 

[مارلينq8]

بناات معاشات العطله تنزل لنا كاملة والا نصها سمعت ان نصها ليش جذي

 

[%meme]

قوه بنات لحقو علي
طلعت شهادة راتب حق شهر خمسه ولا في استقطاع اسمه ايرادات مصروفات مسترده و مخصوم مني 650 تحت هالبند وصافي الراتب 302
@@
وقف قلبي بغيت اموووت
شنو هاذا
في اللي قالو مخصوم من معاش العطله..
فمادري شسوي في احد مثلي ؟؟؟؟؟؟؟؟؟؟

 

[حبـك سـراب]

انا نزلي راتب شهر ٤ بس موراضي موقع الديوان يطلع لي شهادة راتب يطلع لي لم تكمل بياناتك الاساسيه ؟؟
شالسالفه !!

 

[%meme]

حتى انا اربعه نزل كامل.. بس هالشهر مايندرا .. مايفتح الديوان شهادة الراتب..لازم تطلبينها من المدرسه..