مممبروووك
ماعليه بنشف ريجج بالاسىلة بس جم شخص كان بالمقابله االلي سالوج\وشنو سالوج
بس عن التاريخ والا اسالوج بعد عن مواقف بالصف
والتحريري شنو سويتي فيه
الله يبارك فيج :eh_s(17): ،،
لا عادي اخذي راحتج :rerrerek:
3 موجهين رياييل بس اللي اسألوني اثنين والثالث كان يكتب ،،،
اممممممممم أول سؤال قال لي الموجه عايلته العصفور جنا
بسألج سؤال واحد اذا عرفتي اجاباته بخليج تتوكلين على الله
جان اقول ان شاء الله راح اعرف الجواب
وكرر علي السؤال مره ثانيه
قلت له ان شاء الله اعرف الاجابه
وكرر مره ثالثه لووول
جان اقول ان شاء الله
جان يقول شنو معنى الثوره الفرنسيه:eh_s(4):
ترددت شوي وقاعده اطالع واحد واحد فيهم من الربكه:eh_s(2): مو عارفه شنو اقول
قعدت اخربطت وقلت اهيا ثوره التعبير عن الراي بسبب الضرائب والظلم اللي تعرض له الشعب الفرنسي وخلت الانسان يهتم بالعلم والتفكير
جان يقول لي لأ
اهني ارتبكت اكثر:eh_s(2):
ويعيد علي السؤال مره ثانيه
وانا كررت الجواب بس بطريقه مختصره لوووول
جان يقول صح العلم وبعد شي ثاني فوقفت ما قدرت اتكلم
جان يقول لي اهيا ثوره تنوير صح؟
وهز راسي واقول اي صح
عاد قام يشرح لي عنها
بعدين الموجه الثاني سألني انتي اكيد تعرفين بالثانويه في مقررين تاريخ شنو اهما؟
قلت تاريخ اسلامي وتاريخ اوربا الحديث والمعاصر
قال لي صح برافوو:ggdw:
جان يقول لو صرتي معلمه تاريخ بالثانويه وخيروج بين المقررين شنو تختارين
جان اقول تاريخ اسلامي مع اني اموت بتاريخ اوربا بس ما كنت دارسته عدل حق المقابله فخفت يسألني شي وما اكون عارفه الاجابه:eh_s(10): فقلت تاريخ اسلامي
قال لي ليش
جان اقول احنا كعرب ومسلمين لازم نفتخر بمنجزات المسلمين اللي بلغت فتوحاتهم من الشرق في الصين الى الغرب في اسبانيا
وان ما كانت هذي الفتوحات مجرد لنشر الدين الاسلامي
انما كان في منجزات حضاريه وعلميه و عمرانيه
جان يقول انزين مثل شنو
قلت مثل قيام الدوله العباسيه اللي استمرت 4 عصور
تكلمت عاد عن قيام الدوله وعن اهم المنجزات
بعدين سألني الموجه ثاني جم حمله في الحروب الصليبيه
شنو اسباب الثوره الامريكيه
بين منو ومنو كانت الحرب البارده
يعني كنت منحاشه من تاريخ اوربا بس ما رده اسألوني:krkrkr: بس اشوا عرفت الاجابات
جان يقول لي الموجه نسيت اسمه بس اسم عايلته العصفور وكان قاعد يكتب
قال اقول لج اشلون خلاص توكلي على الله
التحريري طبعا كان قبل المقابله مدته 20 دقيقه 4 صفحات
موضوعي ومقالي
اول شي اكملي الفراغ
ناسيه الاسئله بالضبط بس عن كل شي وطن عربي تاريخ اسلامي تاريخ اوربي تاريخ الكويت كل شي بالتاريخ وفي اسئله ماي وفي اسئله صعبه
اذكر بعض الاسئله شنو اخر غزوة بين الاوس والخزرج
حاطين لي خريطه الوطن العربي ومظللين على ليبيا كاتبين اي استعمار تعرضت له هذي الدوله
حاطين لي صوره الشيخ احمد الصباح شنو المعركه اللي صارت في عهده
شنو موقف الكويت من القضيه الفلسطينيه
شنو اسم مشروع غرباتشوف
اممممممم مدى صحه عباره ميكافلي الغايه تبرر الوسيله
شنو اهم الاحداث اللي صارت في عهد ابو بكر الصديق
وجدول مقارنه بين ممالك الجنوب والشمال قبل الاسلام
فدرسي مناهج الثانويه الوطن العربي مع التاريخ الاسلامي والاوربي
لان مرت علي اسئله ما اعرف اجاباتها بس قمت أألف
وطلعت من المقابله بتاريخ 2/6 وكل يوم اروح الوزاره عشان اعرف نتيجتي ويردوني لما اليوم ياللا قالو لي ناجحه:eh_s(2):
ولاني كنت معصبه لانهم اخروني وايد كل الناس بنفس اليوم والا بعد المقابله بيوم يقولون لهم نتايجهم الا انا
عاد عطوني اوراق الفحوصات وباقي لي تحليل الدم والفحص النظر والسريري باجر اسويهم ان شاء الله وارد مره ثانيه الوزاره
