## تجمع معلمات تعيين يديد##

[وحدة من الناس *]

ليش ضعتي ذكريات؟؟؟؟؟؟؟؟

جناااااااااااااااااااان وينج

انا مبارك الكبير

 

[ذكريات عشاق]

مادري معطين حق كل بنت طريقة واخاف اطول لان انا طلع اسمي معاج وللحين مادقوا ولا شي

 

[وحدة من الناس *]

يمكن قسم الاجتماعيات غير!!!

بس فراي تقول دفعتها اللي كانت بشهر 5 يعني مو معانا!

 

[eastfem]

لووول ذكريات انا وانتي ليلحين ننطر مته يدقووون علينه انا قمت اشك بعمري احاتي جني على نار مره اقول اخاف الارقام غلط ومره اقول اخاف نسو ورقتي بين الاوراق يووووه هذا غير المصري الى شككني بنفسي عموما الخميس او الاحد بحيل الله بروح وبسأل والله يكتب الخير لنا ..

ومبروك للبنات الى نجحوا وبالتوفيق للجمييييييييييييع

 

[وحدة من الناس *]

بنات لا تنطرون يتصلون فيكم

لان ماشاء الله وايد اللي قابلينهم حق التربيه فبيتصلون على منو والا منو

فعشان جذي انا اقول لكم روحو لهم الوزاره احسن

 

[ذكريات عشاق]

اي انشالله بروح الاحد وبشوف اخخخرتها وياهم

 

[ج ــرح]

فرآي ,, وحده من النآآآس

:
آلف مبــرؤؤؤك ؤتستاااهلؤؤؤن كل خيـر


وآلفآل لذكريآت وeastfem <<آلله يوفقكــم يآآرب ويسهل آمركم

 

[ج ــرح]

بما اني نجحت ولله الحمد بالمقابله حبيت اعزمكم

بما ان احنا 5 بنات لووول

جنان

ذكريات العشاق

ايستفهام

فراي

انا لووول

:ggdw: آنا آنا بعد آبي :ggdw:

آحسبي حسابي

 

[jen2n]

شوفي وحده من الناس اول شي مبروك على نجاحج بالمقابله ومشكوره على الكب كيك الحلوووو
قريت مواقف بعض البنات في المقابلات اغلب البنات اللي يسقطون اللي يكونون مو حالين شي بالتحريري أو انهم بالمقابله ما تكلمو خير شر ترى الغرض من المقابله إن يبون يعرفون صوتج اشلون وهل ينسمع أو لا والحمدالله انج نجحتي وتعديتي مرحله الخطر لووول بس لا تكنسلين السفره عشان الفحص لان قاعدين يمطالون ترا


الف مبروك فراي النجاح ماشاء الله زين نسبتج ترا لان اهما اعلى شي يعطون 80% على ما اعتقد واقل شي 60% بس والله اسألوج وايد اسئله بس الحمدالله انج عرفتي اجاباتها

ذكريات العشاق مثل ما قالو البنات لا تنطرين اتصال من احد وبقول لكم عن الموقف اللي صار ويا ي امس وهم بعد شوفي الارقام اللي عطيتج وانا من محافظة حولي

ميوزك تيجر أي تسجلين بالديوان واول ما يطلع ترشيحج تروحين دايركت المنطقه التعليميه

دموع الورد فعلا المقابله بتكون بشهر 8 وراح اقول لكم ليش من خلال مواقف اللي صارت معاي امس
انتي خلصتي الحين مقابله والا لا لان قريت لج رد انج خالصه من شهر 6!

 

[jen2n]

صباح الخير بنات

اشلونكم عساكم بخير

اول شي مشكورين كلكم على سؤالكم عني

ما قدرت ادخل امس لان الوايرليس مخرف ما ادري اشفيه

المهم قلت لكم اني بروح الثلاثا الوزاره ومتحلفه فيهم صح؟

وقلت لكم قبل اني يوم الاثنين الاسبوع اللي طاف رحت الوزاره وشاف لي الموظف اسمي بالكمبيوتر وقال المعامله قاعده تمشي ويمكن خلال يومين يتصلون فيج عدل؟

وطبعا ما اتصلو فيني فعشان جذي رحت لهم امس استفسر

رحت طبعا من صباح الله خير لووول خذيت رقم في الصاله اللي قدمنا فيها اوراقنا اول مره

بخلي الكلام على حوار

ورحت عند الموظفه

جان اقول لها :انا مقابلتي كانت بـــ 1/6 وقالو لي خلال اسبوعين يتصلون فيني والحين صار لي 3 اسابيع محد اتصل ليش!!!

الموظفه : اكيد لان ما خلصت المعامله

انا :بس انا بسافر شهر 7 متى يمديني اسوي فحوصاتي وتحاليلي؟

الموظفه: احنا لو وصلنا شي بنتصل فيكم

أنا: بس ليش يقولون لي بعد اسبوعين من المقابله!

الموظفه: عادي مو الحين التعيينات بشهر 9 !! وبعدين احنا مو مضغوطين انتي اللي مضغوطه عشان تبين تسافرين!!!

فقامت اتصلت على قسم التعيينات

الطامه الكبرى والصدمه بعد الاتصال

الموظفه:ويييه احنا اسفين والله معاملتج مخلصه من 13/6 واهيا الحين بالشؤون الماليه قسم التعيينات!!

أنا: لا والله صج وليش ما تتصلون بالله!!!

الموظفه: روحي مبنى الشؤون الماليه

ورحت اهناك صعدت فوق قسم التعيينات حق الكويتيات طبعا

جان الموظفه تطلع لي الورقه !!!

قلت لها: ليش ما اتصلتو فيني عشان اخلص اجراءاتي

الموظفه: احنا متعمدين نسوي جذي ووايد موقفين البنات لان بنخلي التعيين على شهر 9!!

أنا: شنو؟؟؟ بس ليش كاتبه تماضر السيدراوي 7/8 التعيين

الموظفه: للحين ما تشكلت الميزانيه والدرجات عشان جذي قاعدين نماطل

و7/8 تقصد فيها مقابلات المعلمات!!!

أنا: بسافر اشلون؟؟؟

الموظفه: مده الفحص 3 اشهر

أنا:انزين اقدر اسوي التحليل بوقت معين ؟؟؟

الموظفه: والله ما ادري روحي رجعي الصاله مره ثانيه

قلت: اوكي

ورجعت اهناك وعطتني الموظفه اوراق الفحص وقالت سوي الفحص اليوم ولما تخلصين تعالي مره ثانيه

جان اقول: بس اهناك قالو لي الفحص مدته 3 اشهر وانتو تقول التعيين بشهر 9!

الموظفه: لا سوييه الحين ولما تخلصين يبيه احطه بالملف وبعدين عاد نتصل فيج عشان تكملين باقي الاوراق والتوزيع بالمنطقه التعليميهوغالبا نحطج على اساس البطاقه المدنيه

طلعت من عندهم بعدين رحت المجلس الطبي العام المكان اللي فيه العلاج بالخارج نفس المنطقه اللي فيها مستشفى الصباح

وعطيتهم اوراقي وعطيتني الموظفه ورقه حق اشعه الصدر وتحليل السكر

وسويته بمستشفى مبارك والحمدالله اطلعت النتايج بنفس الوقت

بس ما قدرت ارجع مره ثانيه المجلس الطبي

اليوم رحت المجلس شباك رقم 20 عطيتهم اوراق الاشعه وتحليل السكر

بعدين رحت غرفه 17 سحبو مني دم ايدها ثقيله الهنديه قطييعه ايييدي تخدرت للحين تعورني اليسار

بعدين عطتني رقم وقالت لي روحي غرفه 18

دخلت على دكتوره كويتيه شافت النظر والاشعه وتحليل السكر وكتبتني اني الحمدالله لا اشكو من امراض

بعدين حطج السماعه عشان القلب والحمدالله كل شي تمام

بعدين رحت غرفه 20 مره ثانيه وقالت تعالي بعد اسبوع يعني الاربعا الياي

وهذي كل شي

ملاحظه بنات ترا في ناس طلع ترشيحهم بالوزاره شهر 5 مثلي انا وفراااي بس راح نتعين معاكم شهر 9 لانهم تأخرو علينا واحسبو حسابهم يعني نداوم اسبوعين بس ووناخذ معاش فقالو خل نخليهم على شهر 9

وفي ناس طلع ترشيحهم بشهر 6 فعشان جذي اتوقع والله اعلم المقابلات بيبلشونها فيكم شهر 7 او مثل ما قالت لي من 7/8

والدوره قالو بشهر 9 بس هم مو عارفين بتاريخ جم

وهذا كل شي صار وياي

 

[ذكريات عشاق]

الحمدلله جنان ارتحتي الحين الله يوفقج يارب
وتروحين وتسافرين وتستانسين
انا انشالله الاحد بروح لهم وبسال بعد بشوف

 

[ذكريات عشاق]

خخخخلااااص انا كلمت امي وبتوديني باجججر نروح للوزارة واشوف

 

[eastfem]

على حسب كلام حنان انه احنا ماشين صح ولا تأخروا علينه لانه اهيا طلع اسمها قبلنا واحنا بشهر 6

انا حاولت اتصل فيهم من التسع لي الوحده محد يرد .. ذكريات عطينه الاخبار باجر ،، نناطررتج

 

[بطوووطة$بيضة]

بنات انا بصيرلي شهر مانادوني واحاتي المقابلة شنو هالاسئلة الخايسة من وين اييب كتب ثانوية؟؟؟؟؟

 

[بطوووطة$بيضة]

وانا من سنتين متخرجة ماذكر شي من اللي درسته مادري شسوييي؟

 

[زهراء 24]

انا صارلي اكثر من اسبوعين مقدمه اوراقي وللحين مادقوا علي عشان المقابله
يعني متى راح يدقون مليت وانا ناطرة بروحنا قاعدين على اعصابنا
ناطرين المقابله​

 

[jen2n]

الحمدلله جنان ارتحتي الحين الله يوفقج يارب
وتروحين وتسافرين وتستانسين
انا انشالله الاحد بروح لهم وبسال بعد بشوف

اي والله الحمدالله ارتحت من هالهم

اي يبيلج تراكضين وراهم

خخخخلااااص انا كلمت امي وبتوديني باجججر نروح للوزارة واشوف

اي والله احسن بعد على الاقل عندج فكره متى بتكون المقابله وتدرسين

على حسب كلام حنان انه احنا ماشين صح ولا تأخروا علينه لانه اهيا طلع اسمها قبلنا واحنا بشهر 6

انا حاولت اتصل فيهم من التسع لي الوحده محد يرد .. ذكريات عطينه الاخبار باجر ،، نناطررتج

بس هم روحي الوزاره سألي

قلت لج بالغصب يردون من جذي اقول تروحون لهم احسن شي

بنات انا بصيرلي شهر مانادوني واحاتي المقابلة شنو هالاسئلة الخايسة من وين اييب كتب ثانوية؟؟؟؟؟

معقوله شهر!!

ما حاولتي تروحين الوزاره تستفسرين؟

درسي من كتب احد من اهلكم بالمدرسه

وهم شويه من النت شوي من نوتات الجامعه

وانا من سنتين متخرجة ماذكر شي من اللي درسته مادري شسوييي؟

اقري معلومات من النت
اخذي كتب احد من اهلكم عن تخصصج

 

[jen2n]

انا صارلي اكثر من اسبوعين مقدمه اوراقي وللحين مادقوا علي عشان المقابله

يعني متى راح يدقون مليت وانا ناطرة بروحنا قاعدين على اعصابنا

ناطرين المقابله​

حبيبتي لا تنطرين يتصلون فيج

روحي الوزاره وسألي اهناك عن موعد المقابله

 

[دمموع الورد]

الله يبشرج بالخير ياجنان والله يوفقج ويسرعليج وتروحين وتردين بالسلامه انا بعد مقابلتي كانت 1\6وليلحين بروح الأحد إنشالله وأفتك من الحوسه

 

[jen2n]

الله يبشرج بالخير ياجنان والله يوفقج ويسرعليج وتروحين وتردين بالسلامه انا بعد مقابلتي كانت 1\6وليلحين بروح الأحد إنشالله وأفتك من الحوسه

تسلمين يا قلبي اجمعين يارب

الله يسلمج

ان شاء الله نجحتي في المقابله؟

اول شي تروحين الصاله اذا عندهم الملف راح يعطونج اوراق الفحص

اذا مو عندهم الملف راح يكون بمبنى ثاني اسمه الشؤون الماليه

عاد تصعدين فوق قسم التعيينات ويعطونج ملفج

وعقب ترجعين عن الموظفات بالصاله مره ثانيه وتعطيج اوراق الفحص

عاد روحي على طول المجلس الطبي

ولو انا منج اخلص تحاليل الاشعه والسكر

وارجع مره ثانيه المجلس الطبي حق تحاليل الدم

صج ان تعب

بس تفتكين من الحوسه

لان بالمجلس الطبي زحمه حيل واكثره وافدين