## تجمع معلمات تعيين يديد##

[fri2010]

كل ما اقول حق اهلي اني بشتري بطايق لوحات ووسايل

اله التغليف حراري ادوات المكتب عبايه يقعدون يقولون ليش وحق شنو

ما سمعنا عن وحده يابت وسايل واشرحت عليهم

هالشغل حق ابتدائي مو ثانوي

ليش بتقطين على المدرسه والوزاره موفره كل شي

وبنات الثانويه ما يحبون سوالف الوسايل

كل ما اقول شي ليش وحق شنو

والله شكلهم اهما اللي بيخلوني اكره الوظيفه

ماكو تشجيع وكل تطنز وليش متحمسه هالكثر وتزهبين الدوا قبل الفلعه

وقلت لهم عن سالفه التغليف الحراري يقولون لي وشنو ضمنج بتدرسين نفس المرحله السنه اللي بعده

ا فلوس على الفاضي

وانتي امبين عليج ما راح تكملين بهالوظيفه

المدرسات لي بغو يشترون يشترون حق عمرهم الماس جناط ماركه ساعه

مو ادوات مدرسه

يحسسوني انهم كانوا مدرسين ما ادري شسوي احس إن حماسي بدا يقل

 

[jen2n]

حبيبتي فراي عورتي قلبي ،،بس الاهل دايما لهم نظرة مختلفه ،،ويشوفون شي احنا ما نشوفه،،وبالعكس هالشي خل يكون دافع لج انتي تبدعين،،وتثبتين لهم انج بالوظيفه المناسبه،،اما بالنسبه للتشري خليها ورا العيد أو خليهم يسمعون من باقي المدرسات شنو يشترون وشنو يسون،،الاهل على بالهم إن المدرسه تشرح شفوي وتكتب على السبوره وتمشي،،ما يعرفون إن في وسايل تعليميه ويمكن معاهم حق بنقطه الوسايل ما تذكر قبل إن ابله التاريخ يكون معاها وسايل اللهم الخرايط،، بس هم يمكن الحين الامور تطورت ما ندري ،،وقوي قلبي فراي وخلج ثقتج بنفسج اكبر من جذي

 

[fri2010]

حدها صاكه فيني الدنيا اطالع مسلسل بنات الثانويه وقاعده ابجي

اهلي يكسرون من حماسي ويحسسني اني مو قد المكان ومسؤوليه الوظيفه

نفسيتي صج اتعبت

 

[jen2n]

حيااااتي لا تبجين وتأذين عمرج ونفسيتج والله ما تسوى انتي اثبتي لهم كل يوم عن حماسج وهم كل يوم تكلمي عن الاشياء اللي تبينها واشلون الطريقه اللي بتشرحين فيها لازم تورينهم انج عكس اللي متصورينه

 

[fri2010]

جنان انتي تعرفين اني ما كنت حابه هالوظيفه

ولا كنت مفكره بيوم من الايام اني راح اشتغل بهالشي

بس على اخر كورس لي بالجامعه غيرو لي الدكاتره يزاهم الله الف خير الفكره

وخلوني احب هالوظيفه واتحمس لها اكثر

بس لو تشوفين اقرب الناس لج يحاولون يحطمونج

ترجعين لي ورا واني كنت مو حابتها

 

[jen2n]

شفتي قلتيها بنفسج كنتي مو حابه هالوظيفه من جذي اهما الحين متفاجئين من حماسج للشغل يبون يعرفون شنو اللي غير الفكره من بالج عشان جذي اقول لج ابدعي في شغلج وانسي اللي يقولون سووي اللي انتي مقتنعه فيه

 

[fri2010]

تدرين جنووون قاعده افكر الحين اقول لهم خلاص ما ابي اصير مدرسه والا ابي اتوظف من كثر ما حطموني عدل من الداخل عفت الشغله مو ليه

 

[jen2n]

لا فراااي لا تقولين جذي ازعل منج ترا جذي معناه من اول موقف يصير وياج تنسحبين منه ترا ما ينفع بهالدنيا تعوذي من ابليس وصلي ركعتين وان شاء الله تفرج مع الايام

 

[MisS *-* BMW]

يااا عمري فراي عورتي قلبي ..!

جنج اناااااااا مع اهلي لمن يحبطوووني

ولمن أيام الكليه كنت ادرس واشد حيلييي

كانوا يقولون لي ترى اقصاج بتصيرين مدرسه !! اللي يشووفج يقوول انج قاعده تدرسين طب

وهل شيء يحبطني حيل حيل وانا توني يديده وهل سنه أول سنه لي بالتوظيييف واللي بااط جبدي يقولون لي المدرسه أحسن وظيفه شيء يقهرر متناااقضين

وبيني وبينكم انا مادري مستانسه لاني بستقر ويصير عندي معاش ومسؤوله عن نفسي .. وبرتاح شوي من الدراسه وهم الامتحانات

وهم بنفس الوقت ضايق خلقي لاني مدرسه !! ماكو تشجييع وجو المدرسه كئيب حيل
انا جربته بالميداني ولاعت جبدي من المدرسااات وبلاوييهم كله مشاكل ولوعه جبد وهممم

ياربي مادري شسوي وفوق هذا تعب وتحضير ولازم وسائل وصور واجهزه الداتا شو وجهاز مال التغليف الحراري وطابعه ووااايد اشياء وخصوصاً انا بعد ابله رسم وابتدااائي !!! يعني كديييت خيييييييييير وفوق هذا جاان زيييين معاشنااا زين مثل باجي الوظااايف احنا المدرسات اقل راتب !! وفوق هذا ذالينا على الكااادر الله يعييييييييييييين

 

[jen2n]

ويييه على اخر 3 اسابيع بنات بتطقونها مناحه وحماسكم يقل يا بنات بكل مكان تلقون هالسوالف اللي يشجع واللي يحطم

بس الوحده فينا تسوي شي اللي مقتنعه فيه وتشوف انه صح مس بي ام دبليو ان شاء الله يارب يحطونج بمدرسه زينه ويقدرون

الشغل اللي تسوينه وتثبتين للكل انها احسن وظيفه والتعب والله والله بكل مكان انا اليوم بالمنطقه والبنات اهناك يتشكون

وتعبانين والمعاشات شويه احنا الحمدالله معاشتنا زينه وكل ما صار شي عطونا هالعطل وماكو اختلاط واذا تزوجنا عيالنا يعطلون

ويانا والله باقي الموظفين يدورون على الاجازات والعطل دواره بس الواحد يقول الحمدالله على كل شي الله اذا كتب على الانسان شي ياخذه ويشوفه

 

[miss shouq]

حبيبتي فراي لاضايقين روحج وبالعكس مفروض كلامهم يكون دافع انج شدين حيلج وتثبتين لهم انها الوظيفه المناسبه لج حبيبتي لاضايقين روحج يقل حماسج بعدين

 

[ذكريات عشاق]

والله انا بخاطري افلاون اليديده او انفنيتي

وانتي؟

ما ودج تكملين دراسات عليا؟

امبيه فرااااااااااااااي مو جذي الشبه بينا
حتى انا بخاطري انفينيتي
ههههههههههههههههههه

بس للحين محتارة مادري لانه انصدمت بالسعر صراحه

بس اللي عجبني وحاطة عيني عليه مورانو2011 حححده حححلو

بس يقولون لي اللكزس 2011 اححلى بعد

بس انا مابي سيارة صالونه لا ابي جيب

 

[ذكريات عشاق]

فرااااااااااااي حححياتي
شوفي اذا شي انتي حابته ماعليج من احد
لا تحبطين نفسج ترى مابقى شي على الدوام
ولا تكرهين الوظيفة اللي تعبتي بالمراجعات والمشاوير واللي تبينها
وعلى اخخر خطوة تتراجعين
بالعكس تحمسي اكثر وخلج واثقة من نفسج
وانا نفسج اهلي دايم يقوولوون ليش شاطة عمرج ترى كلها ثانوية وبنات كبار ولسان طويل الله يعينج
بس بالعكس تحمست اكثر وابي الدوامات تيي عشان اثبتلهم ان انا قد المسؤولية وحابة وظيفتي
والحمدلله لله شهادتج عندج واحلى وظيفة واحلى معاش ومحد له شغل
واذا على الشغل والادوات خليهم لما تبدي الدراسة عشان محد يكون له حجه وما يودينا
انا بسوي جذي والله لان صج تعبت من التحبيط

 

[ذكريات عشاق]

بخصوص الدراسات العليا لا يبااا مالي خلق ولا فكرت اكممممل لي هني وستووب ماعاد فيني

 

[ذكريات عشاق]

ممااااادقت الوزراااااااااااااة اوووووووف

 

[fri2010]

حبيبتي فراي لاضايقين روحج وبالعكس مفروض كلامهم يكون دافع انج شدين حيلج وتثبتين لهم انها الوظيفه المناسبه لج حبيبتي لاضايقين روحج يقل حماسج بعدين

كله على بالهم اني ما راح اكمل بهالوظيفه

او اني اقول لهم ابي مرحله غير ما ابي ثانويه :eh_s(2):

وايد يحنون علي الا تروحين ابتدائي

امبيه فرااااااااااااااي مو جذي الشبه بينا
حتى انا بخاطري انفينيتي
ههههههههههههههههههه

بس للحين محتارة مادري لانه انصدمت بالسعر صراحه

بس اللي عجبني وحاطة عيني عليه مورانو2011 حححده حححلو

بس يقولون لي اللكزس 2011 اححلى بعد

بس انا مابي سيارة صالونه لا ابي جيب

اي صح وايد غاليه

فقاعده افكر ب افالون عشان تويوتا وشكلها جنا الحوت مرسيديس

بس اخوي يقول زيدها جم الف واشتري لكزس

واحس لكزس صارت موضه قديمه

واهلي يقولون الجيب احسن

انا صج صج والله حابه البورش ام اربع بيبان بس هههههههه سعرها شويه بصراحه لووول

فرااااااااااااي حححياتي
شوفي اذا شي انتي حابته ماعليج من احد
لا تحبطين نفسج ترى مابقى شي على الدوام
ولا تكرهين الوظيفة اللي تعبتي بالمراجعات والمشاوير واللي تبينها
وعلى اخخر خطوة تتراجعين
بالعكس تحمسي اكثر وخلج واثقة من نفسج
وانا نفسج اهلي دايم يقوولوون ليش شاطة عمرج ترى كلها ثانوية وبنات كبار ولسان طويل الله يعينج
بس بالعكس تحمست اكثر وابي الدوامات تيي عشان اثبتلهم ان انا قد المسؤولية وحابة وظيفتي
والحمدلله لله شهادتج عندج واحلى وظيفة واحلى معاش ومحد له شغل
واذا على الشغل والادوات خليهم لما تبدي الدراسة عشان محد يكون له حجه وما يودينا
انا بسوي جذي والله لان صج تعبت من التحبيط

كل ما ابي شي والا بشتري شي يقولون وايد شاطه عمرج

وانتي امبين عليج ما راح تكملين بهالوظيفه

بس صج ان ما يحتاجون الثانويه وسايل؟؟؟ يقولون داتا شو كافي

وكله يقولون محد من الابلات يشرحون بوسايل كله شرح وينكتب بالسبوره الحقائق

بسكت الحين لين تبدي المدارس

انا اصلا ادري لما تبدي المدارس محد راح يلتفت لي لان بينشغلون باخواني

عشان يشترون الدفاتر والاقلام والجناط لهم

من جذي اقول لهم بخلص الحين

بخصوص الدراسات العليا لا يبااا مالي خلق ولا فكرت اكممممل لي هني وستووب ماعاد فيني

انا الحين مالي خلق بس يمكن بعد جم سنه افكر فيها

ممااااادقت الوزراااااااااااااة اوووووووف

ويييه ليش قاعدين يطولونها وياكم

ترا على حسب اللي قريت من جنان ان بسرعه الشغل يخلص من عند الوزاره

عكس اللويه اللي صارت وياي

 

[ذكريات عشاق]

اي تصدقين اللكزس صارت موضه قديمة بس يختي كل شي غالي
وانشالله مو نص المعاش اقصاد

وبالنسبة لكلام الاهل عندي وعندج خخير
وترى محد فاهمنا يعني الحين مثلا تبين تكتبين كلمة على البطاقة وانتي تكملين بخط ايدج على السبورة
واو تلصقين الصورة على البطاقة عشان تصير ثانية
واي واي اهلنا فلم لو شنو ماراح يفهموناـآـآـآـآ
هههههههههههههههههههههههههههههه

بس تعالي اخاف اروح ويوقن احنا ماطبعنا ورقة التعيين

 

[fri2010]

اي والله كل شي غالي يعني افالون اليديده وصلت 12 الف واللكزس 14 الف يعني فرق الفين

اهلي يقولون لا تفكرين غير تويوتا وما ادري والله

ايه مو فاهمينا ولما يسمعون من ناس ثانيه ياللا يقتنعون

قوليلهم يطبعونها لج او خلي احد يروح الشؤون الماليه فوق ويسأل لج متى راح يطبعونها

 

[ذكريات عشاق]

اي وانا بعد اهلي يقولون التويوتا اححسن شي
اقولهم يا سلام اصووم وافطر على بصله
مااحب التويوتا حتى لو زينة وتكد وماتخرب وايد بس انا مااحبه
واذا كلش كلش الطوارق هم ححلو


اي شوفي انا بروح الاحد انشالله ااذا مادقوا باجر وبحوس لما اخلص اوراقي

تدرين ان رفيجتي راحت لهم بعد يومين من عطوها الوصل وخلصت اوراقها واحنا بيصرلنا شهر وماخلصنا

 

[fri2010]

ايه والله حتى انا مو عاجبتني التويوتا

قاعدين يقولون مو شرط بس على الاقل من نفس الوكاله اشتري

وما يندرا شكلي بظل على سيارتي القديمه اذا على كل شي ليش شاطه عمرج لوووول

اذا رحتي الاحد وقالو ما وصلنا شي قولي شمعنى رفيجتي بعد الوصل بيومين خلصتو شغلها!