## تجمع معلمات تعيين يديد##

[ذكريات عشاق]

اي اي بروحلهم
لازم نراكض وراهم اووووف
عاد توها كلمتني مس شوق تقول رفيجتها راحت اليوم وقالولها احنا كل يوم ندق على 10 بنات واخر يوم بندق 21/8
انا وقف قلبي قلت خليني اروووح اراكض باوراقي بنفسي بلا منتهم
بعد بالعشر الاواخر يبونا نخلص شغلنا والله مو فاضين لهم
استغفر الله حتى بشهر العبادة مو مرتاحين

لا انا طلعت الليسن بس للحين ماعندي سيارة

 

[fri2010]

اي اي بروحلهم
لازم نراكض وراهم اووووف
عاد توها كلمتني مس شوق تقول رفيجتها راحت اليوم وقالولها احنا كل يوم ندق على 10 بنات واخر يوم بندق 21/8
انا وقف قلبي قلت خليني اروووح اراكض باوراقي بنفسي بلا منتهم
بعد بالعشر الاواخر يبونا نخلص شغلنا والله مو فاضين لهم
استغفر الله حتى بشهر العبادة مو مرتاحين

لا انا طلعت الليسن بس للحين ماعندي سيارة

اي والله لازم تراكضين

ويييه ليش!! عاد تصدقين لما كنت بمكتب التنسيق في ناس توهم يخلصون مقابله:eh_s(10):

بس ما اعتقد لين 21/8 واذا صج عيل قاصدينها عشان الميزانيه لووول

بس ان شاء الله يدقون عليكم باجر يارب

مدام توج طلعتي ليسن لا تشترين الحين سياره غاليه والله نصيحه

بعدين بعد 3-5 سنين اشتري سياره اللي تبينها

 

[ذكريات عشاق]

لا شوفي انا قررت اخذلي تاجير شهر شهرين وبعدها اخذلي سيارة


اي قطيعه يعلوووووون بس انشالله الاحد انا رايحه
اي انا رفيجتي مقابلتها قالت هالاسبوع جنه

 

[fri2010]

والله بعد احسن لج تأجير تصدقين خوش فكره

اي روحي لهم امبجر وقعدي فوق روسهم

وقوليلهم طبعو لي الورقه الحين اذا ما كانو طابعينها

وان شاء الله تتسهل الامور

 

[ذكريات عشاق]

انشالله ياارب يسهل ونفتك ياارب

 

[fri2010]

​

​

وهذا قرار التعيين​

​

 

[jen2n]

هاااا فراااي للحين زعلانه؟

 

[fri2010]

والله للحين :/

دايما ليش واشحقا شاطه عمرج

وتبين تزهبين الدوا قبل الفلعه :/

واشدراج حطوج ثانويه !!

بالله هذا كلام

يعني ليش يخيروني بين 5 ثانويات دام ما راح يحطوني ثانويه

والاشياء اللي تبين تشترينها مو حق بنات ثانويه حق ابتدائي

حتى سالفه لوحه تقييم الطلبه

يقعدون يضحكون كاااااك اغوااا دادا هالسوالف

حدي متضايقه

 

[Q8Buying]

فراي! .. لا تضيقين خلقج ..

واستانسي!

لأنج (معلمة).. ولا تتراجعين عن خوض هالوظيفة .. وانتي ما جربتيها ..

وعشان ناس ما جربوها، قاموا يخلونج تهونين عليها !

إنتي تدرين إن المعلمة وظيفة مرغوبة.. ودام اهيا ياية من رغبتج، هم بعد أحسن!

لا تفقدين حماسج.. وكلام جنان حلو ! .. سمعيها!

وكل واحد يجرب تجربة جديدة .. يبي يجهز لها! ويشغل نفسه فيها ..

لأن كيفه :d لول

إمممم لا .. لأن رغبات شخصية .. وميول شخصية ..

فتجهيزاتج بمثابة وناسة حقج .. تقضين وقتج فيها ..

آنا بالنسبة لي .. صج شكوكة.. ما اصدق صرت معلمة الا ليمن اداوم لول

إمممم فراح ابدأ اجهز أفكاري أو أشيائي مع بداية الدوام 5 سبتمبر إلى 18 سبتمبر.. وقت الطالبات يداومون ..

وماكو (اغوااا دادا !) .. كل مجتهد يحب التقييم والإطراء، والتشجيع!

إحنا يطلع اسمنا بالجريدة من بين 10000 اسم! نستااانس! ووو نحتفظ بالجريدة ومادري شنسوي ..

فلوحة التقييم .. تشجع وايد وفكرتها حلوة ..

لا تتحبطين ..

وأهما يحبونج ويبون لج الخير.. بس الناس احيانا (تكسر مجاديف) من غير قصد ..

انتي حاولي تناقشينهم وتفهمينهم سبب حماسج وهالسوالف .. وراح يتفهمون .. وتكبرين بعينهم ..

إمممم عندي توقع.. إن ما في احد قريب جدا لج من عايلج .. معلمة أو معلم ؟؟؟؟؟؟؟؟؟

 

[Q8Buying]

جنان! راح نلتقي فيج هههه بس من بعيد ..

بمكان الدورة ..


وآنا حمدلله، خلصت مشاوير الوظيفة المهمة اليوم ..

وراح نداوم الدورة معاكم ان شاء الله ..

ويعطيج العافية فراي على الاوراق! وملخص محتوى الدورة ..

لأن ما عطونا :d .. نتفاجئ فيهم يووم الدورة ..

 

[fri2010]

والله كويت باينغ ان قبل الفطور بربع ساعه قلبتها مناحه وبجي

لان قعدت احن مره ثانيه على سالفه الاغراض اللي ابيها واوضح لهم شحقا

بس مو راضين يقتنعون وسولفو بمواضيع ثانيه

ورجعت تكلمت ما سكت يعني جان اختي تقول وبعدين وياج ترا خبتينا ترا يضحكون عليج الناس جذي

لما يسألونج شنو شريتي

بتقولين لهم شريت اغراض حق المدرسه!

ليش وايد مشتطه جذي جنا وحده مو مصدقه

وامي تقول انا ما اقول لج لا تشترين بس انا خايفه عليج تشترين وتصرفين وانتي ما تدرين اي صف راح يحطونج

ولما يشوفونج باقي المدرسات انج شاريه ومزهبه شغلج بيستلمونج ويستغلونج

انا مقتنعه بكلام امي معاها حق فيه

بس اللي ذابحتني كلمه ليش مو مصدقه انج صرت مدرسه وشاطه عمرج

و في من اهلنا صارو مدرسين بس من 100 سنه لووول يعني مافي ناس يدد توهم تعيين يديد

 

[fri2010]

كويت باينغ وين حطوكم بأي مدرسه الدوره لان يقولون العاصمه كل مرحله دراسيه بمكان بروح صج؟

والله يعافيج حبيبتي بس تصدقين في ناس قايلين لهم الدورة من 8 ونص الى 12 ونص

واحنا من 7 ونص الى 12!

 

[fri2010]

ايشرايكم بنات بالتوقيع ؟

 

[المؤرخة 2011]

السلام عليكم

اليوم رحت الوزاره وعطوني اوراق وديتهم حق المنطقه التعليميه

وقالت لي الموظفه انهم كل يوم يتصلون على 10 بنات

واخر يوم يتصلون فيه عليهم 21/8

ونفس الاوراق اللي عطوها فري عطوني

 

[fri2010]

معقوله اخر يوم 21 /8 !

مع ان يمدي لي اخر الشهر

 

[المؤرخة 2011]

هذا اللي قالو لي لما سألت حق رفيجاتي

 

[miss shouq]

مشكور فراي ويعطيج العافيه وايد عالصوره ولا ضايقين روحج حبيبتي انتي
واي ذكريات ان شاءالله الوزاره يدقون علينا مليت وانا انطر

 

[Q8Buying]

منطقة العاصمة بـ العديلية .. ثانوية شريفة العوضي ..

المحاضرات الإدارية يومين .. وبعدين لين تخلص، وتبدي المحاضرات الفنية ..

بعض التخصصات يخلونهم يروحون مدارس ثانية .. الخالدية والشويخ ومادري وين ..

.
.
.

فراااي ..

وخلاص اخذي من كلام أهلج .. بس بدون زعل وبجي ..

ترا تبجيني معاج ! .. لحد يزعل أبلتي :d ..

شكلج وايد حساس! .. وتاخذين الأمور بحساسية ..

أحذرج :d هههه

إذا بخاطرج تشترين أشياء ألحين ..

اشتري اشياء اللي ممكن تناسب المراحل الثلاث .. واللي تتوقعين ان فعلا راح تستفيدين منها

لا تشترين شي زايد .. وودج تقتنينه ! ..

ترا بعد حسب طبيعة كل مدرسة .. شنو توفر وما توفر .. وهالسوالف ..

وحطي بالج لا يستغلونج المدرسة صحيح .. قصدي خشي أغراضج .. ولا تبدين استعداد حق التبرعات :d ..

مو بخل ولا نحاسة ........ لكن كل أبله اسم الله عليها اتوقع تقدر تشتري اللي تبي .. بس مال بلاش حلو هههه

و المشكلة نعطي مو ما نعطي .. بس يخوفج من سوء استخدامهم .. وايدهم تكون ثقيلة .. ويتعودون .. شيفكنا !!

والا احنا نحب نساعد ونعطي ونبتسم، بس من كيفنا .. ما نبدي لحد الاستغلال والاستغفال! .. والتعاون والمساعدة حلو وايد ..

لا تسوينها بجي وزعل، .. قلت لج اخذيها بالمنطق .. وجذيه ..

وهم اهما عندهم خبرة وكلام يفيدونج فيه ..

بس أنا أدري انتي متحمسه ومستانسة بهالتجربة ... وهذي طريقة تعبيرج ..

لا تفقدين حماسج، وفسري تصرفاتج .. عشان لا يقولون خبيتينا ومادري شنو ..

وفعلاً وفري! .. لا تبالغين وتصرفين وتشترين ........ وزعي هالحماس على مدى سنواتج الوظيفية ..

الأفضل الأفضل، تشوفين طبيعة المدرسة .. وطبيعة الدورة .. وتبدين تشترين باجي الأشياء .. اللي فيها شك في مدى حاجتج لها !

وآنا أحس المكتبة وسوالف القرطاسية وهالسوالف! وأحب سالفة (اشتري اغراض المدرسة) .. فروقات فردية هههه

بس أمانه! لا تزعلين وتبجين على شيء جذيه ........ وكلامهم يمكن يكون صح .. فلا تاخذينه بحساسية ..

وكلامج مو غلط ... فعطيهم مبررات ، .. وجذيه ..

 

[fri2010]

الله يعافيج حبيبتي مس شوق وان شاء الله يدقون عليكم قريب

ويييه كويت باينغ جان زين يغيرون مكان الدورة عندنا لان حيل مشاور علي والطريج زحمه

انا مو زعلانه على كلام اني مو الحين اشتري ولازم اوفر كثر كلمة مو مصدقه تصيرين مدرسه :/

 

[Q8Buying]

كلمة مو مصدقه تصيرين مدرسه :/

إي مو مصدقة :bbbiu: .. لأن تخصصي مو تربوي.. فما فكرت بسنواتي الجامعية إني أصير معلمة !

والإجراءات مالوتهم! تحسسنا إن .. وي يمكن ما نصير مدرسات! ..

الإجراءات خلتني أتمسك بالوظيفة وأقدرها لول ..

لان طوالة ومرحلة ورا مرحلة ..

وما خذنا ميداني ..

وفي وايد أشياء هههه .. بأفضفض!

لول

إمممم ..

ذكرتيني بنفسي وآنا صغيرة ..

أطيح على دفتر تحضير مال أحد أبلات بيتنا :eh_s(9): وأحضر حق درس .. خرابيط !

وأشيل خلاجيني .. وأحط لي جم ياهل من العايلة .. وأشرح لهم درس ..

وتحقق الحلم هههه ... رغم إني ما دشيت تربية .. بس قدر محتوم لول

.
.
.

بس ترا حطي بالج على الدورة .. والتزمي بالحضور ..

ميخالف الله يعوضج ويوظفونج بمدرسة قريبة من بيتكم ..

لان اللي فهمته .. عدم الالتزام بالدورة ... يخليج تعيدين إجراءات تعيينج ..

وهذا شيء إحنا ما نبيه !

والله كريم ..

.
.
.

إن شاء الله يا رب .. تثبتين نفسج بالتربية ويصير لج مكان مرموق في التربية ..

ويقدرونج الطالبات وزميلات العمل ، وإدارة المدرسة ..

وأهلج يشوفون هالتقدير في عينج، وتقولين لهم عنه ..

وبتستانسين .. وبتروح هالمشاعر السلبية منج او منهم ..

ويفتخرون فيج أهلج .. ويدرون هالحماس كان له نتايج ..

ويا رب كلكم يا زميلاتي في المنتدى! لطالما كنتوا محبات للمساعدة ومتعاونات!