تجمع مواليد ( مارس & ابريل ) 2014 الله يحفظهم

[لما ضاقت]

هلا بطة معاج حق الله يرحمها بس احس اني ضايعة مو عارفة من وين ابدي مستوى بناتي بالانجليزي مو شي بادية معاهم احاول ادرسهم و اقويهم و لو انهم ما يحبون الحفظ بس غاصبتهم ودي التفت حق روحي شوي بس مو عارفة شلون مسوية دايت و اسوي رياضة بعدل نفسي و اغير نفسيتي و اطلع كل اسبوع اما ازور احد انا و العيال او نروح اي مكان عام احس اني اول مرة اشوف الناس بس بصراحة تعدلت نفسيتي حتى موضوع الخلفة سكرت عليه لاجل غير مسمى ابي ارتاح ودي اشتغل و لو ان زوجي مو راضي بس بحاول معاه او اني اشترك باي دورة بس ابي اسوي تغيير فاهمة علي و بس هذا اللي افكر فيه حاليا

 

[baa6aa]

ان شاء الله ربي يسهل و تسوين كل اللي تبينه بس يبيلج تنسيق وقتج
يعني دام اسم الله عليهم بعمر مدارس تخلين شغلج كله بهالوقت
تقومين معاهم حق المدارس اهمه يروحون من صوب و انتي تروحين مشاويرج من صوب

كمثال : تبين تتعلمين عالمكياج عندج ماك يسوون دورات مدتها ساعه ونص تكون فرديه عندهم بالمحل نفرض ان التكلفه 40 او 50 منها تتعلمين و بنفس المبلغ راح تاخذين من اغراضهم
هني انتي ضربتي عصفورين بحجر

بعدها تخلين لج وقت تتنعمين
يوم تنظيف بشره يوم مساج يوم حمام مغربي
عاد دوري لج عروض و استغليها .. في كمثال صالون بيوتي ايميج بالجابريه و الشعب احب عرضهم
ب25 دينار
تنظيف بشره و حمام مغربي و بدكير منكير و ماسك شعر يعني تاخذين لج يوم كامل حق هني
ومبدئيا يوتيوب او كتب تعليميه تقرين تزيدين من ثقافتج و نفس الشي البنات تقدرين تودينهم ذات السلاسل في صوب حق الياهال حاطين لهم كراسي قعدي انتي معاهم و خل ياخذون لهم فره و يختارون على ذوقهم هني منها خذو شي يبونه و منها يتعلمون شي يديد و حببتيهم بالقرايه
شاركيهم المجال
وحتى نوادي تعليم انجليزي تقدرين تدخلين معاهم تروحين و تردين معاهم يكون شي لج و لهم

جذي انتي اللي راح تكسبين و منها سويتي كل شي بوقت اهمة مو موجودين فيه و سويتي شي معاهم
يعني ماقصرتي لا بحق بيتج و لا بحق عيالج

 

[خوخه89]

شخباركم بنات عساكم بخير

 

[baa6aa]

اهلييييييييييين خوخه وين هالغيبة

 

[خوخه89]

هلا بطبوطه والله شسوي المنتدى مب مثل قبل كل ما ادخله فاضي

شخبار فوفو ولدت ولا للحين

انا الحمدلله حامل فالشهر الثاني

 

[حمرة الورد]

سلام ياحلوين انا الحمدلله بخير
لما عظم الله اجركم
خوخه وبطه شلوننكم
فوفو الحمدلله بخير اهي وعيالها بس الله يعينها مشغوله معاهم
كل البنات يالله طلعو

 

[حمرة الورد]

خوخه توني انتبه الف مبروك حبيبتي والله يثبته لج يارب اي فوفو ولدت من زمان لها ٤ أشهر ههههههه

 

[baa6aa]

ماشاءالله خوخة ربي يتمم لج على خير يارب و يبلغنا بسلامتج ان شاء الله

و صج ولهنا على فوفو الله يحفظها اهيا و عيالها كانت مسويه لنا جو هني قبل لا تولد

وانتي حمرة شخبارج
وشلونج مع الدراسه و الياهال واللوية

 

[حمرة الورد]

هلا حبي ماعليهم الحمدلله من فضل الله كلهم متفوقين الحمدلله يارب بس واحد ٨٩ للاسف ان شاء الله يشد حيله ويصير نفس اخوانه لازم نشوف طريقه نجتمع فيها ندردش ولا كلهم تجتمعون أهني انا تجمع ولدي عمره ٨ سنوات والثاني ٤ للحين متواصلين لا تقاطعون بنات
كلمتها فوفو الحمدلله بخير ماعليها وان شاء الله تدش أهني

 

[baa6aa]

انا متواجدة دايما و ودي البنات يطلون علينا نفس اول
بس هم ما ينلامون قبل فاضين اكثر من الحين

ان شاء الله يرد كل شي مثل اول و احسن


وماشاءالله تبارك الرحمن لا ان شاء الله بيصير نفس اخوانه و احسن يارب

 

[خوخه89]

الله يبارك فيج حمره

بس فوفو ماقامت تدخل عشان جذي ماندري عنها

بطه اخبارج

انزين عطونا حل او طريقه نتواصل فيها

 

[حمرة الورد]

اي خوخه صاجه البنات كلش مانعرف اخبارهم
مايكبرني مشتاقه لج وينج يالله طلعي

 

[حمرة الورد]

تسلمين بطه لا مو سالفه انشغال كل يوم طالع لنا برنامج تواصل هههه توهقنا عشان جذي اتوقع

 

[baa6aa]

اييييي صاجة حمرة مامدانا دشينا عالم السناب طلعو لنا بالبريسكوب!
ياخوفي باجر يخلون خيال كل شخص يحوس معانا بالبيت ههههههههههههههه
مبدعين الاوادم

 

[خوخه89]

وشو ذيه بريسكوب اول مره اسمع عنه ����

 

[baa6aa]

نفس سناب بس يكون فيديو لايف و مدته طويله و تشوفين تعليقات الناس عند عالشاشه

 

[حمرة الورد]

ههههههههه اي والله

 

[baa6aa]

شنو اخر مشاريعكم

 

[حمرة الورد]

مثل شنو مشاريع قصدج انا صارلي سنه ونص ماشفت الدوره ههههههه عشان حاطه الشريحة وقاعده ابني بيتي وكل وقتي لعيالي ومن ينامون اطلع الممشى وماعندي خدامه انحاشت الجلبه قبل شهر وانطر توصل الي طلبتها راحت فلوسنا ع الخدم آلاف وتروح حسبي الله عليهم وبعد شنو طبعا انا ناطرتج تحددين شنو قصدج بالمشاريع هههههه واسترسلت

 

[baa6aa]

هههههههههههههه اي هذي اهيا شرحتيها بالتفصيل تحسين قلبج متروووووووووس هههه الله يعينج حبيبة قلبي
احم احم احنا مجاهدون اصلا ماعندي خدامه و لا ناوية اطلب
اذا حسيت محتاجة وحدة تشيل الاكو و الماكو دقيت على ام الساعات تقريبا مره كل 10 ايام او مرتين بالشهر اتيي تنظف كل شي من عرجه و انا اسوي الباقي
والغسيل و الاوتي لمن بنتي تنام بليل ابسط بالصاله ساعتين اسوي اللي اقدر عليه واخلي الباقي حق اليوم الثاني
الحمدلله احس شوي شوي كل شي يستوي احاول اونس عمري و ما اقصر بشغلي