تجمع مواليد ( مارس & ابريل ) 2014 الله يحفظهم

[live life]

قرموشه

نفس حالتي الله يعين

جربت الرهش مافادني وتركته

الاكل كلش ما شتهيه استغفر الله


النفاس غثا متى يخلص

 

[dewy twilight]

اي والله غثااااااا من قلب


بالاول متى نولد
والحين نحن متى نخلص نفاس

 

[Q8_QT]

مساء الخير شلونكم بنات
كان ودي اشارك معاكم يوميا بس تعرفون حوسة النفاس ومع يهال بعد حده لوية واختي بنتها تعبانة واسدحوها بالمستشفى ضايق خلقي بروحي بالبيت واحاتيها مااقدر اروح لها بس بالتلفون اتطمن عليها حسيت اني صج مقيدة ادعو لها بنات الله يشافيها ويرخصونها باجر يارب

 

[baa6aa]

الله يشافيها يارب وترد لكم بصحة وعافيه

 

[MOOON&M]

كيوت


عسى الله يشافي بنت اختج وتقوم بالسلامه ان شاءالله

 

[قرة عيونه]

الله يشافيهااا يارب ويحفظها لكم

بنات الخياط للحين باقي شوي ماطاح وانا صارلي ثلاث اسابيع عادي ؟

 

[ام مريم ورحمة]

الله يشافيهااا يارب ويحفظها لكم

بنات الخياط للحين باقي شوي ماطاح وانا صارلي ثلاث اسابيع عادي ؟

قرة ممكن يصير جذي صارت وياي من قبل بس تبينه يطيح بسرعة غسلي بماي وملح قفشة اكل ملح على لتر ماي مرتين باليوم اناجذي كنت اسوي

 

[قرة عيونه]

انا ع طول استخدم المطهر اللي عطوني اياه

بس شكلي بسوي ماي وملح ويارب يطيحون

مشكوره ي قلبي

 

[dewy twilight]

قره


انتي خذيتي ابرة الظهر ؟؟

ولا بس كمام ؟؟

 

[live life]

حتى انا ليما الحين خيوطي ما ذابواا احس بشد بالمنطقه ودي اطالعهم بس اخاف

الحين انا اغسل بمره

شكلي بسوي بنصيحتج ام مريم ويارب افتك منهم

 

[Q8_QT]

مساء الخير



اللي دعوا حق بنت اختي مشكورين كلكم الحمدالله نحسنت وطلعوها من المستشفى واهي بخير الحين



بنات سرة بنتي شوي رطبة مانشفت عدل استخدم لها كحول و بودر من الصيدلية في احد صارت معاه هالمشكلة ؟؟

 

[baa6aa]

انا من طلعت من المستشفى وانا استخدم البودر و الكحول
الحين طاحت سرتها قمت استخدم البودر بس

 

[حمرة الورد]

سلام بنات شلونكم انضم لكم الحمدلله ولدي عمره ثلاث ايام سره قصوه اهم ثاني يوم وضلت قطعه صغيره وقالت لاتحطين عليها شي والحمدلله كل شي تمام وطهرته الحمدلله وافتكيت

 

[Q8_QT]

هلا فيج حمرة والحمدالله على سلامتكم ومبروك طهور ولدج
شلون امورج الحين وعيالج شلونهم مع البيبي اليديد انا ولدي الصغير بدا يفطن على اخته لي شافها تبجي ولا تتنهوص قام يطالعها ويقلدها مرات ومرات يمد صبعه يتفحصها

 

[ام مريم ورحمة]

الحمد لله على سلامة بنت اختج كيوت بالنسبة للسر انا صارت وياي ظلت رطبة مدة طويلة وطاحت ونصها البعيد عن البطن توه رطب واستخدمت لها كحول ومافادني وايد وبالاخير وديت علاوي سووله كوي لها يوم شلنا حلقة الطهور
انتي لما تيين تغيرين للبيبي اعصري مسحة الكحول فوق السر وان شاء الله تيبس وتطيح

 

[ام مريم ورحمة]

وين باقي الالامهات الحلوات فاقدة لما ضاقت وقرة عساهم يكونون بخير

 

[لما ضاقت]

هلا ام مريم و الله لاهية بهالبيت غسيل و طبخ و تنظيف و اليهال امتحانات هذا غير حماتي المعاقة بعد و ما عندي خدامة و ريلي بالطالعة و النازلة يقولي شوفي و الله ما تدللني باي أنفاس لك مثل هالمرة لان اول نفاس لي في بيتي و يليتني ما تنفست طلعت روحي صاعدة نازلة به الدري و ما اقدر اتمدد احوس طول النهار خلصت الحين عشر ايام و الله سعدي الباجي على خير

 

[حمرة الورد]

هلا فيج حمرة والحمدالله على سلامتكم ومبروك طهور ولدج
شلون امورج الحين وعيالج شلونهم مع البيبي اليديد انا ولدي الصغير بدا يفطن على اخته لي شافها تبجي ولا تتنهوص قام يطالعها ويقلدها مرات ومرات يمد صبعه يتفحصها

والله الحمدلله والله يبارك فيج والله ولدي بدى حركات يحط صبعه بعينه يمشط شعره بقوه الله يستر منه يحاول يلبس ملابسه هههههه

 

[ام مريم ورحمة]

هلا ام مريم و الله لاهية بهالبيت غسيل و طبخ و تنظيف و اليهال امتحانات هذا غير حماتي المعاقة بعد و ما عندي خدامة و ريلي بالطالعة و النازلة يقولي شوفي و الله ما تدللني باي أنفاس لك مثل هالمرة لان اول نفاس لي في بيتي و يليتني ما تنفست طلعت روحي صاعدة نازلة به الدري و ما اقدر اتمدد احوس طول النهار خلصت الحين عشر ايام و الله سعدي الباجي على خير

الله يعينج ويقويج لما ماعليه انا بعد نفس الحالة اتنفس ببيتي وعيالي مدارس وطباخ وغسيل وحبيبي الصغير لاصق في حضني معظم اليوم ما يبيني اهده ابد بس الله يقوينا

 

[baa6aa]

يعطيكم العافيه بنات
الله يعينا كلنا على اللوية وكله باجره ان شاء الله