تجمع مواليد ( مارس & ابريل ) 2014 الله يحفظهم

[fofowa_q8]

كيوت شلون شعرج عقب البروتين خف التساقط؟

وشلون نعومته؟

الليزر انا كنت اسوي كل شهر تقويبا سويت

٣ او ٤ جلسات وبعدين قالت كل شهر ونص تعالي

 

[fofowa_q8]

كيوت انتي شنو خذيتي منهم شامبو وشنو معاه؟

وجم سعرهم؟

 

[حمرة الورد]

وي فوفو يعني ماتنصحين اروح عندها صراحه بروتينهم حلو بس سالفه الفلوس جذي مو حلوه ولاتسكتين دقي عليهم جنج بتحجزين عندهم ورراح تعرفين اذا نصابه غسلي شراعها انا قبل فتره كان عندي عرس وجبتها للبيت وسبحان الله كلش ماارتحت لها واعرف النوعيه هذي تسال جم قالت لج مدام جم السعر قلت مادري مفروض انتي تعرفين وانا اعرف بس بطلع جذبها المهم زادت علي ١٥ دينار لما خلصت قلت لها ابي فاتوره قالت بس وقعي عليها لاتكتبين شي وادق على صاحبه الصالون وجدامها قلت دازتلي وحده نصابه وتزيد السعر وماتبي اكتب بالفاتوره بنت الحلال انقهرت قالت عطيني اكلمها اللي فيها وفيها قلت لها لا مو بيتي خليها تطلع وعندج تصرفي وسوت لي خصم واستانست قالت حلوه المتابعه والصراحه عجبتيني قلت هذا حقي ودربالج منها ههههه طلع مني ودها تذبحني قلعتها النصابه

كيوت نعيما حبيبتي شنو قصيتي شعرج انا مهتمه فيه حيل ومتحسفه اقصه

 

[حمرة الورد]

فوفو اخاف العشره القص حق شعرج

 

[fofowa_q8]

لا حمره انا قاصته مكان ثاني

اي بروح لها اليوم لان لازم ٣ ايام تسوي بالستريتر

هذا بعد اللي استغربت منه لاني يوم دقيت قالت لي تغسلينه

بنفس اليوم وبعدين قالت لا لازم يومين ماينغسل

مادري حمره على راحتج اذا بتروحين بس انا مااحب اللف

والدوران ويمكن اهي غلطانه بعد مابي اظلمها

اشوه ان عندي الورقة مالت الكي نت اثبات

والله لو من اول شي قايلة لي سعر واحد ماراح اقول

شي بس اهي بروحها قاعدة تنزل لان مايسوى

اصلا شعري تسويه ب١٠٠ واهو اقصر من جتفي

وحده خفيف اصلا ب٥ دقايق حطت البروتين

 

[fofowa_q8]

حمره انتي اللي يبتيها البيت من نفس الصالون؟؟!

واللي مستغربه منه انا ان يوم حطت لي البروتين

عيوني قامت تحرني وتدمع جان اقولها المفروض ان

مواد طبيعية ليش يحر العين جان تقول عادي لان فيه

مكونات بحريه نفس البصل مو يحر العين استغربت الصراحة

لاني قاريه المفروض ماتصير فيه ريحة ولا يحسس

العين والخشم.. بروح اليوم واشوف شنو اخرتها

 

[حمرة الورد]

لا فوفو صالون ثاني مو نفسهم

اي حقج بعد لاتخلينها ونصيحتي كلمي صاحبه الصالون احسن حسيت مافي مصداقيه كلش مثل صالون يونيك هم جذابين وعندهم حساب بس مدح ولا مايعرفون شي

 

[fofowa_q8]

اي والله حمره انا بعد حسيت جذي

اهم شي النتيجة بس انا حاطه ايدي على قلبي

من شميت الريحة ان شاالله بس مايطيح زيادة

شكلي ماني ماخذه منهم الشامبو برد اخذ فلوسه

لانها ماعطتني اياه امس قالت بعدين اخذيه

 

[baa6aa]

صياح الخييير بنات
امس كنت بدورة عند الاستشاريه سلمى الفيلكاوي
عجيبه عجيبه عجيبه
وبكمل معاها بباقي دوراتها صج تنفع


واخيرا وقفنا المهاد مع بنتي
ودي ايبب و اسوي كل شي
طول الفتره اللي طافت كان لازم مهاد لان تشيل مصاصتها بيدها و تبجي اذا طاحت
وكل جم دقيقه تنعاد الحركة جان اخليها عالمهاد لي قبل جم اسبوع
كنت كل ما انومها العصر اقعد عندها اشوف اذا فالتها تعرف تاخذ المصاصه ولا نفس اول
وشوي شوي لين تعلمت اهيا تشيلها وتحطها الحمدلله والنومه صارت اهون بوايد الله يتمم عليها و يطخخها يارب
احس انه انجاز

بس اللي باط جبدي منها اذا رحنا ننام ببيت ابوي ما تنام ودي اطقها ههههههههه الظاهر مستانسه على نومتنا بالشقه بروحنا اذا ابوها دوام

 

[لما ضاقت]

حمرة سلامته علاوي حبيبي ما يشوف شر فوقو بالعافية عليك بس اللي مجربة من قبل شلون على النعومة و كم تظل معاك لان محدثتكم كشة من قلب

 

[لما ضاقت]

بنات ودي اسوي بروتين بس ما تلاحظون ان البروتين و الكيراتين و الكولاجين كلهم نفس الطريقة مافي فرق عاد قلت لاختي و استخرت و طلع البروتين و الكولاجين مو اوكي و استخرت على الكيراتين طلع زين فقامت اختي و يابتلي كيراتين من النسائم لتر ب ٤٠ دينار و ايي معاه شامبو اللي نستخدمه قبل هم لتر تقولي احسنلك و اوفرلك من بوق الصالونات لان شعري مو طويل يمكن تكفيه ربع العلبة بس بعدني ما جربته هم اهو ثلاث ايام ما ينغسل و فوفو عندهم الشامبو و البلسم و الماسك اللي بعد الاستخدام بس ما اخذت منهم و اسعارهم متفاوتة بحسب الماركة

 

[لما ضاقت]

بالنسبة للاكل بعدني ما بلشت باجر بنتي تكمل ست شهور امس مسوية صمون جبن لليهال و قاعدين يلعبون و ياكلون ما احس اللي الحلوة زاحفة و ماخذة الصمونة و تاكل و يا جبل ما يهزك ريح ههههههه

 

[حمرة الورد]

فوفو دربالج منها بس خواتي صراحه مرتاحين وحلو كان وفيه لمعه

لما انا شعري حيل ناعم ماراح افيدج بس الكيراتين معروف مو زين

 

[حمرة الورد]

فوفو خواتي غسلو بالصالون نفس اليوم يقولون شكلها هذي ناويه تأخذ منج انتبهي

 

[حمرة الورد]

كيوت ممكن اسم الصالون

 

[fofowa_q8]

حمره توني رحت لها قالت لي المجموعة اللي اهي

الشامبو والماسك والسيروم ب٣٥ مو ٢٥ مادري يمكن

انا ماسمعت امس عدل مابي اظلمها .. اهم شي ان

مايطيح شعري لان انا شعري ناعم فيه رده خفيفه

مومحتاجه شي ينعم كثر ما انا محتاجه ان يقوي شعري


لما هههههه ياحلوهاااا اسم الله عليها قاعده اتخيل شكلها

حبيبتي عليها بالف عافية

وبالنسبة حق الكيراتين وايد اعرفهم جربوه نتيجة

حلوة بالبداية وبعدين يطيح الشعر بس للامانة ينعم حيل

يعني اللي شفتهم مسوينه كان شعرهم حيل خشن صار حرير


انا عبودي مومتقبل العيش اللي سويته بالبيت

رحت توه شريت له الجاهز ماركة هاينز مكتوب عليه

رز وحليب بشوف شرايه الاخ فيه

 

[حمرة الورد]

اي زين المهم عرفتي
خلصتي شغلج فوفو حق العيد وحق زوجج انا امس فصلت عبايه على الطاير اول مره مااتحمس للعيد يمكن ليش عندي استقبال وصراحه تجهيز العيال متعب لو عندي بنت شسوي بعمري ههههه

 

[baa6aa]

انا امي توها راده من امريكا فيابت خوش حصيله حق بنتي فوفرت علي لويه العيد

وحقي توني شاريه هدوم ستايل غير عن ستايلي حيييل فقلت اهمة اللي بخليهم حق العيد

 

[glby7sas]

بنات اشدعوه محد يعرف جبن كيري مطبوخ يعني شنو ؟؟؟؟؟



اليوم باذن الله بجرب اصبغ بروحي بالبيت صبغه كوليستون الرغوه شفت مدح عليها وايد بس خايفه لي صبغت يروح مفعول البروتين لانه الحمدالله صارله ٤ شهور واهو مثل مااهو ماراح مفعوله

 

[baa6aa]

مو يمكن نفسه جبن الكيري تحطينه بالمقله عشان يصير ذايب حق البيبي و يقدر ياكله ؟ بدل لا يكون عباره عن كتل