تجمع مواليد ( مارس & ابريل ) 2014 الله يحفظهم

[fofowa_q8]

قلبي حساس انا اول مرة اسمع بكيري مطبوخ

اللي نعرفه الكيري العادي واصلا ثقيل عالبيبي

تعطينه بالبداية غلط المفروض عيش شوفان سيريلاك

بسكوت وحليب هالاشياء تبدين فيها وشوي شوي تدخلين

الخضار والفاكهه .. انا اذكر كنت اخلط صفار البيض

مع جبن كيري حق بنتي يوم صار عمرها سنه

لانها ماكانت تحب الصفار فمع الكيري طعمه يصير حلو

 

[fofowa_q8]

قلبي حساس وين سويتي البروتين؟

وشلون النتيجة يعني شعرج ماقامت يطيح

بعد ٤ شهور؟

 

[MOOON&M]

شخباركم بنات

حمره حمدلله على سلامة علاوي

قلبي الكيري ثقيل عالبيبي ما ادري يمكن غلطان دكتورج


انا بديت مع بنتي من دشت الخامس

عطيتها عيش وجزر وبطاط وجربت الموز حبته

وبطاطه حلوه

والحين اذا شافت الاكل تعصب تبي

 

[Q8_QT]

اهلا بنات شلونكم





حمرة وفوفو




انا الصالون هذا كنت مسوية فيه بروتين وهم ماغسلته بنفس اليوم قالت لي عقب 3 ايام عشان يمسك بالشغر اكثر وكنت اروح اسوي بالستريت نفسج فوفو وانا شريت منهم الشامبو والماسك بس جنه سعرهم كان عشرين خل اسألج اختي اهي بعد سوت بس فوفو ترى الشامبو مو مال بروتين لونه برتقالي ومكتوب للشعر المصبوغ جنه من ويلا او لوريال نسيت وموكبير حجمه وعلى نتيجته كانت عاجبتني بصراحة بس مادري ثاني مرة لما صليت استخارة ونويت اروح اعيده كل يوم يصير شي وتتأجل الروحة لما قالت لي رفيجتي عن صالون هير بوتيك اهو اللي سويت فيه علاج الامازون وحسيت اني مرتاحة وغسلته من باجر يعني يوم واحد بس والحين مسوين عرض عليه ب100 لكل اطوال الشعر وخذيت شامبو وماسك ب30 بس حجمه كبير وراهي
وعالريحة اي اهم كلهم فيهم هالريحة بس متى تطلع لما تنشف شعرج بالسشوار بس الشعر نفسه ماشميت فيه ريحة وهم لما سألت قالولي هالمواد مع الهوا الحار تطلع الريحة مادري والله
والتساقط انا لما سويت البروتين ماكان شعري يطيح بس عقب 3 شهور قام يطيح بس انا توقعت مع الولادة يطيح وخف الحين الحمدالله






قلبي حساس




انا قالولي ان الصيغ يوخر البروتين

 

[Q8_QT]

تصدقون مابديت اوكل بنتي لي الحين مادري شفيني مترددة
بس ان شاءالله بعد العيد ببدي اوكلها

 

[fofowa_q8]

كيوت مشكورة اي اهم الشامبو عندهم نوعين ويلا البرتقالي

وقالت في نوع ثاني بعد مادري شسمته

اهو شامبو وماسك وكريم وسيروم كلهم ب٣٥

بس اذا على قولتج حق الشعر المصبوغ شالفايدة!

اللي انا اعرفه ان لازم شامبو للبروتين مخصص

مادري شرايكم مااخذ الشامبو اروح اشتريه من المجمع

اللي بالسالمية اللي فيه سوالف الصالونات هناك عندهم كل شي

انزين كيوت شنو الشامبو اللي خذيتيه من الصالون الثاني؟

واتوقع شعرج طاح من الولادة لان اهو الشعر بعد ٣-٤ شهور

من الولادة يبدي يطيح وبعدين يتعدل على ٦ شهور

 

[Q8_QT]

فوفو






انا صاحبة الصالون مانصحتني استعمل شامبو الامازون اللي سويته قالت لي يصير حيل مركز وانتي اصلا منعمة شعرج موزين كثرة التنعيم ممكن تطيح الشعر انصحتني بشامبو ثاني وماسك وقالت لا تحطينه عالشعر كله بس الاطراف والشامبو اسمه B6 Shampoo ولونه احمر وهم قالت ممكن تستعملين الشامبو العادي يعني مرة هذا ومرة شامبو ثاني وانا قلت بسوي جذيه

 

[مآيكبرني نك]

يه يه شالروآيح الطيبه

ريحه شعوركم وآصله لين عندي لوول

نعيما صبايآ واكتفي بالمشاهدة من بعيد

 

[خوخه89]

شخباركم صبايا لكم وحشه والله احس كلش ماعندي وقت والوقت يطير طيران قلت اطل عليكم طريتوا على بالي

وعيدكم مبارك مقدما حبيباتي

 

[fofowa_q8]

مشكورة كيوت حبي



ام منوعي شخبارج وشخبار الشيخ؟




اهلين خوخه الله يعينا صج اليوم يطير بسرعة

ماتحسين فيه اسم الله عليهم عيالنا بيكملون ٦ شهور

جنه امس والدين

 

[Q8_QT]

حياج الله فوفو






ما يكبرني


الله ينعم عليج شلونج وشلون منوعي



خوخة




ايامج سعيدة صاجة اليوم بسرعة يطييير
بنات منو طعم تطعيم الست شهور ؟؟

 

[glby7sas]

هلا بنات لا مو غلطان كاتبلي بورقه والدكتور وايد زين اهو استشاري اطفال خدج بس ماشاءالله عليه خبره عرف انه بنتي معاها نقص حديد من النظر


بالنسبه للبروتين مسويته عند غنوه شعري يطيح بس مادري من الولاده وله من البروتين بس قعدت اخذ حبوب الحديد الحمره قام يخف التساقط

 

[خوخه89]

انا بنتي ٣٠/٤ بكره بتتم ٥ شهور وبتددخل ٦ شهور وتطعيمها اخر ١٠ حق ٦ شهور

بنتي اصغر وحده فالتجمع ههههههه

اي والله فوفو صج الايام تمشي بسرعه رهيبه والعيد جانا بسرعه كله من عمرنا هالايام تزيد وعمرنا ينقص

جني قلبتها مناحه خخخخخ

 

[fofowa_q8]

ماطعمته لي الحين ماكمل ٦ عقب العيد ان شاالله


قلبي حساس دقي على العيادة وقولي حق السكرتيرة

تسأل الدكتور تأكدي احسن شنو هالكيري المطبوخ

واذا عرفتي قولي لنا

 

[حمرة الورد]

قلبي والله ماعرفته وبحثت عنه ماكو شي

اهلًا اهلًا بالحلوين يختفون مع بعض ويطلعون مع بعض خوش جيران أهل الخليج فديتهم شخباركم

خوخه الأيام تركض وشي يخرع اي والله

 

[خوخه89]

بنات انابدخل بنتي حضانه شوفو النظام وقولو لي اوكي ولا لا 4 يهال على مربيه وحده ومافي كيمرات دايركت على الجوال بس في كيمرات مراقبه فالحضانه نفسها شرايكم ؟

 

[fofowa_q8]

خوخه ماعندج احد تخلين بنوتج عنده؟

يعني خليها مع الشغاله عند امج او خالتج

اذا ماعندج احد افضل حل الحضانة ولا انج تخلينها

مع الشغاله بروحها بالبيت.. والحضانة لها سلبيات وايجابيات

سلبياتها الامراض خصوصا وقت الشتا راح تكون طلعتها

من البيت الصبح برد وهم اليهال اللي معاها احتمال كبير

اذا كانو مرضا تنتقل لها العدوى والشي الثاني انج ماتثقين

بنظافة العاملات لما يوكلونها او يحضرون لها الممميه

وتغيير الحفاظه بعد.. انا ايجابياتها انج ماتخلينها فالبيت

بروحها مع الشغاله مااثق فيهم انا ومستحيل اخلي البيبي

عندهم بس حاولي انج تلقين حضانة ثقة واحسن يكون فيها

كاميرات تقدرين تشوفينها كل شوي راح ترتاحين نفسيا


اي صج خوخه شصار على دراستج؟ انتي قلتي ماراح تكملين

 

[fofowa_q8]

بنات ابي كرسي ينفع حق عبود بهالعمر

ينسدح ويقعد عشان اقدر اوكله وابيه يتنظف بسهولة

وين احصل؟ دورت بمذركير وسنتربوينت ماعجبوني

 

[حمرة الورد]

خوخه بالضبط مثل كلام فوفو والله يعينج انا فيني وسواس أصلا أخذ شور أحطهم بداري واسكر عليهم وكل مشوار معاي ههههه

فوفو عندي كرسي عبودي والحين يستخدمه علاوي خذيته من وحده بس ماعندي لا رقمها ولا شي سالي اذا عجبج اسفنج أهو او أخذي من مامز اند بابز هم شفت بس مادققت كلش بدز لج صورته اذا مانسيت

 

[fofowa_q8]

حمره تصدقين ماشفت ماماز اند باباز يبي لي اروح اجيك