تجمع مواليد ( مارس & ابريل ) 2014 الله يحفظهم

[دلوعة ماماتي 88]

السلام عليكم ورحمة الله وبركاته



شلونكم .. شخباركم !!



عندي سؤالين واتمنى تساعدوني



الاول


صارلي ١٧ يوم من ولدت وللحين الخياط ماذاب ولا طاح !!!

عادي ولا لا !!!

استعمل ~>> الصبح بيتادين مخفف بماي وبعدين ميبو والظهر مرات اغسل بمره وماي واحط ميبو بعد وبالليل غسول وصفته لي الدكتوره وهم احط بعده ميبو


وللحين مجلب الخياط فيني ~>> فيس يبچي





الثاني



حليب بنتي سميلاگ وبغيره عشان المغص


شرايكم

اشتري لها ابتاميل (( اتوقع هذا اسمه )) ولا اس ٢٦ !!!!

 

[glby7sas]

حمره تعرفين ردادات زينين احنا متعودين يدتي تردد بس الله يرجعها بالسلامه مسافره علاج احس ضايعه بدونها

 

[ام مريم ورحمة]

دلوعة اعتقد لج موعد مراجعة مع الطبيبة عقب اسبوعين من الولادة تجيك ع الخياط افضل لج لان وايد 17 يوم وما طاح وبالنسبة للحليب كل طفل وله حليب يناسبه انا ببناتي ما ناسبهم سيميلاك ابد كله نفخة وغازات واس 26 ناسبهم بس علاوي ما ناسبه لا نان ولا اس 26 وبنجرب له نوع ثاني بس مثلج افكر في ابتاميل او بيبيلاك والله ييسر

 

[حمرة الورد]

حمره تعرفين ردادات زينين احنا متعودين يدتي تردد بس الله يرجعها بالسلامه مسافره علاج احس ضايعه بدونها

للاسف انمسحت كل الارقام بس خاشه هذي قلت بجربها جربيها

 

[حمرة الورد]

دلوعة اعتقد لج موعد مراجعة مع الطبيبة عقب اسبوعين من الولادة تجيك ع الخياط افضل لج لان وايد 17 يوم وما طاح وبالنسبة للحليب كل طفل وله حليب يناسبه انا ببناتي ما ناسبهم سيميلاك ابد كله نفخة وغازات واس 26 ناسبهم بس علاوي ما ناسبه لا نان ولا اس 26 وبنجرب له نوع ثاني بس مثلج افكر في ابتاميل او بيبيلاك والله ييسر

بيبيلاك استخدمته حق ولدي ممتاز صراحه ان شاء الله يمشي مع علاوي حلو حتى طعمه هههه ذايقته

 

[حمرة الورد]

دلوعه ماعرف عن الخياط بس حليب سيميلاك حرام يذبح بالغازات اللي حطيتيهم كلهم اوكي ومعاهم بيبيلاك هم حلو

 

[دلوعة ماماتي 88]

ام مريم



كان لي موعد بعد ١٠ ايام من ولادتي (( الاحد اللي فات )) وقالت كل شي اووگ

وحطت لي موعد قبل طلعتي بـ ٦ ايام تقريباً





وبالنسبه للحليب حدي محتاره

 

[MOOON&M]

دلوعه

انا خياطي توه اليوم يطيح

اليوم لي 18 يوم

 

[Q8_QT]

دلوعة



الحليب انا جربت ابتاميل ونوفولاك والاثنين زينين بس سيميلاك وخري عنه يسوي امساك وغازات كريه

 

[ام مريم ورحمة]

ههههههههه ضحكتيني حمرة انا بعد اذوووق حليب اليهال هههههههههه

 

[fofowa_q8]

سيميلاك استغفر الله موزين يسوي امساك وغازات

احسن شي ابتاميل ونان..

قلبي حساس انا قيصريه يتني الرداده باليوم

١١ و ١٢ وايد ارتحت بس طبعا ماقربت يم

بطني كلش

 

[دلوعة ماماتي 88]

رسيت على ابتاميل وان شاءالله تصير زينه عليه




استغفر الله قاعده احاول قد ما اقدر مافكر بالخياط بس موقادره معقدتني هالسالفه

 

[حبيبة عز]

بنات

انا بال6 شهور الاولى استخدم سيميلاك

حلو يمتن البيبي

وليما الحين مالاحظت امساك ومغص على بنتي

امس شفتها تتعصر

بس امي تقول خروجها زين عزكم الله

وبعد ال6 شهور استخدم بروجرس

لانه ينشط الطفل ويعطيه حيويه

-----

دلوعه

اسكتي ذاك اليوم طليت على خياطي

وليتني ماشافته

شي يخرع

الدكتورة تقول باجي أطراف الخيوط

اشطفي بماي وملح عشان يطيحون

ماجربت ليما الحين وخايفه يحرق

منو جربت

 

[حبيبة عز]

انا اتردد عند ام علي الإيرانية

تييج على يومين

اليوم الاول تدهنج بزيت زيتون وتدليكها يعور بس يطلع الماي من الجسم

وتحط لبخه على راسج عشان تطلع الهوا

عباره عن عجينه بيض وطحين

وثاني يوم تبخرج باعشاب وتفركج بهرده وليمون واخر شي

تبخر اذونج بديايه محشيه خضرة وتاكلين منها

انا ارتحت لها وحسيت فادتني والفايد الله

يمكن يكون بمذهبهم الديايه لها معنى معين مادري والله

بس رافعه اسعارها

تاخذ الحين 60 د.ك .. غميضه بس ميخالف عشان عظامي لا يعورني

 

[glby7sas]

اشلونكم بنات واهيرا فتح المنتدى

اممم يعني جريب اييبلي

بس غريبه سالفه الديايه
موجنه ٦٠ وايد وله عذي اسعارهم ؟!!

 

[glby7sas]

حمره مشكوره حبيبتي على الرقم

 

[دلوعة ماماتي 88]

طفرني المنتدى كل ماكتبت انمسح




حبيبه


باقي بس الماي والملح ما استخدمته

خايفه بعد يحرقني


19 يوم صارلي وللحين خياطي صاامد اهئ اهئ


قدمت موعدي 8/5 خايفه اطوول واتلعوز مع الخياط



مو اقولكم 40 يوم ماتكفي هههههه

 

[fofowa_q8]

دلوعه انا اذكر ببجري رحت حق الدكتورة اهي

قصت الخيوط اللي بقت ماطاحت

صدقيني بعدين بيروح الاثر ان شاالله

ومايبين الجرح لاتحاتين انتي بس اهتمي

بجسمج وشعرج وبشرتج وبتطلعين عروس



بنات القيصيرية ودي اسوي حمام مغربي اذا

كملت شهرين بس خايفه كله اوسوس ان

الرطوبة والبخار تخلي الجرح ينفتح

 

[ليالي العاشقينه]

شلووونكم بنات مع لسهررررررررر ؟
اااخ صارت لنومه عزززيييييييييزه علي

ولدي فيه امساك ووديته الطبيب ..
وسالته عن الطهور قال نطري خل يكمل 3 كيلو
لي الحينه نتفه

 

[ليالي العاشقينه]

وقرررت اييب لي ردااده معنى صارلي 20 يوم