تجمع مواليد ( مارس & ابريل ) 2014 الله يحفظهم

[fofowa_q8]

لما انا اللي اعرفه اللي يحفظ القرآن مو سورة البقرة بس

بس انتي سألي افضل.. وبالعكس ابدي بالسور

الصغيرة السهله عشان لاينفرون من اول شي وكافئيهم

باشياء يحبونها.. انا شاريه حق بنتي لعبه على شكل

لابتوب من سنتربوينت فيها كل السور القصيرة

يمكن ٢٠ سورة ويكرر السورة بنتي مستانسه عليه

عبالها لابتوب صجي احط لها اياه واهي تلعب او تلون

تقعد تسمع وتردد معاه بس مااجبرها تقعد وتحفظ

عشان ماتمل وتحس انها مغصوبه

 

[fofowa_q8]

لما خيمه البخار حلوة عندي اياها استعملها مرات

اذا مالي خلق اروح الصالون حلوة واللي عندي

اللي تتصفط نفس ماقالت همي


مايكبرني عليج بالعافية حبيبتي وفديت

قرعة منوعي اريح القرعه وسنة عن الرسول

عليه الصلاة والسلام بس الدلوووع ماقرعوه

وبالنسبة للحمام المغربي احسن اذا طهرتي

عشان مايدشج هوا

 

[ام مريم ورحمة]

السلام عليكم يا بنات اشتقت لكم بس مشغولة مع علاوي والبنات عندهم امتحانات نهاية العام بس اطمن عليكم وما الاقي فرصة ارد
لما شغلي سورة البقرة كل يوم الصبح قبل لا يروحون عيالج المدارس بصوت مسموع وتلاقينهم بسرعة راح يحفظونها انا سويت جذي ويا عيالي
بالنسبة لاخباري قاعدة اسوي دايت وبديت مشي خفيف لاني صايرة دبة بعد الولادة وانا ما احب المتن اتعقد منه واكره عمري يعني صايرة اكل فواكه وخضرة ولحوم قليييلة وحليب خالي الدسم والحلا مو وايد شي بسيط باليوم لان الرضاعة تخليني ودي اكل اي شي حالي
والحمد لله قاعدة اضعف دعواتكم
ان شاء الله باروح اقص شعري واصبغه واسوي كيراتين دايموند مال اليوم الواحد ودي اغير شكلي شوي مفكرة اسوي صبغة اومبري راح تليق على بشرتي لاني خمرية مو سمرة ولا بيضا
وبس هذي اخباري

 

[حمرة الورد]

اخيه فوفو حياتي عشان جذي طول يبجي بس غريبه ماقالج يمكن على باله عارفه وفعلا جديد لان استغربت تقولين ثاني يوم يشلون الشاش لا انا قبل انقعه بالماي وتكرمون ماابدل الحفاظه تكون ناقعه يقولون البول يبرى الجرح



مايكبرني فديت القرعه اقرع مقيرع طاح بالطاسه يبجي على امه هههههههه

لما عندي الخيمه وعجيبه وحتى ترا تضعف تطلع الماي الي بالجسم ومرات اشيل الجهاز الي داخلها واحط بحمامي تكرمين عجيب والله

بنات تطلع لكم دعايات قليله ادب لاعت جبدي لايكون فايروس بس

 

[حمرة الورد]

اهلين ام علاوي زين تسوين غيري انا ودي اقص ومتحسفه انزين كيراتين مو زين اخاف يطيح شعرج

 

[حبيبة عز]

حمرة

اي هذا فايروس

قبل كمبيوتر بيت اهلي

كله يطلع فيه سوالف جليلين الحيا

 

[ام مريم ورحمة]

هلا حمرة الدايموند كيراتين انا مسويته من قبل زين مايخرب الشعر اللي يخرب الشعر الكيراتين العادي اللي تقعدين ثلالث ايام ما يجيسه الماي وتعيدين عليه بالسيراميك الدايموند بس يوم واحد وخلاص ممكن تتسبحين
وعادي الشعر يطول مرة ثانية الحين شعري قريب اخر ظهري بس كله رافعته مو مستفيده منه لانه نفس الشكل ماكو تغيير بس شعر مفتوح واذا بسوي فيه حركة يبيله عناية وسشوار وانا مالي خلق

 

[fofowa_q8]

ام علاوي الله يعينج ويوفق البنات يارب

ماانصحج بالكيراتين جربته وتلف شعري


ايييي حمره عشان جذي لي الحين يبجي ويعوره

ياحياتي وقبل مااطهره ماقالولي شي

وعلى طاري الدعايات انا تطلع لي بعد لايعه جبدي

قاعده اقول معقولة الموقع يحط دعايات جذي!!

بنات ومادري شنو استغربت!

 

[fofowa_q8]

اي ام علاوي انا مجربه القديم قبل ٤ سنين اللي اول

ماطلع الكيراتين تقعدين فيه ٣ ايام وصح دمر شعري

مادري عن هذا اليديد شنو اللي غير فيه؟

ونتيجته نفس نتيجة الكيراتين العادي؟

ووين تسوينه؟! انا شعري ناعم بس فيه شوية

رده ومااحب اسشوره على طول

 

[ام مريم ورحمة]

فوفو اهو مو يديد هذا من اول بس مو مشهور وايد ولازم لما تسويلج تنتبهين لان في منهم يغشون تسويلج بالعادي على ابو انه دايموند واي صالون يسويه عادي لان نفس طريقة الكيراتين العادي بس لازم تفهمينهم زين انج تبين الدايموند وفي الحين كيراتين ويا كولاجين هذا بعد زين
بالنسبة للاعلانات اللي تلوع الجبد روحوا بالزاوية اليمين فوق بصورة الاعلان بتطلع علامة اكس ضغطوا عليها واطلبوا عدم اظهار الاعلان مرة ثانية هذي الاعلانات من جوجل مو من الموقع واختاروا السبب غير لائق

 

[همي رضى خالقي]

بنات منو استخدمت تحاميل بيتادين وجم يوم

 

[fofowa_q8]

يعني هذا مايطيح الشعر؟؟

همي انا استخدمت البيتادين من اليوم ٣٥

قاعده احطها كل يوم وترك بحط ٥ ان شاالله

وبوقف .. بنات عقب باجر اطلع من النفاس

ولي الحين ماطهرت هل هالشي عادي؟!

وشلون يعني اصلي اذا خلصت ٤٠ يوم ولا انطر انظف؟!

 

[لما ضاقت]

همي اضم صوتي لصوتك و منو اخسن اهي و الا البوثيل ااعتقد جذي اسمها

 

[لما ضاقت]

فوفو انا سمعت الصلاة بعد ١٥ يوم لانها تعتبر استحاضة و الله اعلم

 

[لما ضاقت]

فوفو انا سمعت الصلاة بعد 15 يوم لانها تعتبر استحاضة و الله اعلم

 

[لما ضاقت]

فوفو دام ريلك مسافر استخدمي ادوية اعشاب بخور لحد ماتنظفين و جيكي عند اللطبيب علشان اذا حايشتك التهابات من الاربعين. انا احس ان معاي التهاب لا و معاي هوا بعد احس فيه يطلع و انا امشي و انتو بكرامة مضيق خلقي لما يبت مرددة قالتلي ظهرك و ريولك متروسين هوا و سوتلي مساج بس ضليت ثلاث ايام احس جسمي متورم و يعورني من مساجها و قالتلي احتاج اكثر من جلسة بس ما يبتها على الشهر الياي يمكن اييبها ميزانيتي مو مستحملة و ابي وايد شغلات فقاعدة اسوي قائمة بالاولويات

 

[لما ضاقت]

حمرة شقص بروحه كشة و غصب ينلم هالدور اقصره بعد و كله رافعته احس ما اقدر اسوي في شي لي فكيته صرت جنية الخط السريع. لووووووول

 

[لما ضاقت]

بنات جسمي صاير الوان الطيف كل جزء لون منو تعرف شي او خلطة لتوحيد اللون. مو لازم يصير ابيض بس على الاقل يصير لون واحد

 

[حمرة الورد]

فوفو انا خلصت الاربعين وللحينها مايصير نصلي هذا دم

 

[لما ضاقت]

عاد تدرون احاتي رمضان السنة بيكون حار حيل مدري شلون بوفق بين الطبخ و شغل البيت و الرضاعة و اليهال ما ادري احس حوسة يعني المفروض الواحد يتفرغ للعبادة بس ما اظن مع هاللوية صج عاد كل وحدة تقولي شنو تطبخ برمضان علشان ناخذ افكار انا مفكرة ما اسويلهم حلويات بس اطباق رئيسية احس ما يمدي كلش انتو اشرايكم