تجمع مواليد ( مارس & ابريل ) 2014 الله يحفظهم

[baa6aa]

كويت اهوة عندهم فرع بشرق عند هوليداي ان و في بالسالميه و في بالفنطاس
وهذا اكاونتهم
@spabiosphere

رقمهم 99695054
99695055
99695056

 

[fofowa_q8]

بنات ولدي صارله جم يوم ماينام عدل كل ساعة تقريبا يقعد

يبجي ويظل ساعه او ساعتين يله يرجع ينام وعساره

مو طبيعية طول النهار وفيه حرارة بس نص درجة

انا توقعت انه قاعد يسنن بس اجيس لثته بيدي

مااحس في ضرس بيطلع.. قمت اشك انه مو تسنين

اخاف فيه شي! والحمدلله يرضع عدل .. ويمسك

ايده ويعضها حيل ويبجي .. تهقون اوديه الطبيب

ولا طبيعي اللي فيه؟ ناسيه بنتي كانت جذي ولا لا

 

[حمرة الورد]

فوفو انا علاوي حيل مبجر مسكين صارله جذي هذا قبل التسنين اللثه تستعد وبالضبط نفس علاوي جذي بس انه مايرجع يمكن من البجي رجع وهم رأسه دافي بس تو الناس على شق السن بعد يبيله وقت الله يعينهم عادي لاتحاتين بس أخذي من الحواج قولي له ابي فروك الأسنان حق البيبي بجمعيتنا يبيعونه جاهز بعلب بدينار وهم الجل ينفع


بنات اليوم لقيت حبيبه عز بالانستقرام هههه طبعا بالصدفه سويت لها فولو مادري تقبل ولا لا ان شاء الله نطلع ذكيه وتعرفني لوووول ياحلوها

 

[fofowa_q8]

لا حمره ما يرجع يعني يستفرغ لا اقصد يرجع يعني يرد ينام

واااي قطع قلبي يبجي حيل حتى يوم طهروه مو جذي

اول مرة اشوفه بهالحالة .. بروح الجمعية اشوف ادور

اللي قلتي عنه واشتري الجل بعد ان شاالله ينفع

قاعدة افكر اوديه الطبيب

 

[حمرة الورد]

وديه اذا مو مرتاحه عادي ويشوف حرارته بعد

 

[Q8_QT]

فوفو




ئي اتوقع من التسنين بعد بنتي جذيه تمسك ايدي وتعضها حيييل وهم لاحظت تسعبل وايد واتعسر ساعات جربي تعطينه العضاضة وبرديها له قبل يمكن تريحه

 

[حمرة الورد]

اي كيوت صاجه وانا عندي عضاضه ع مساج عجيبه

 

[حمرة الورد]

اي فوفو ههههههه عاد حجينا حجي يرجع لها اكثر من معنى لوووول وانا اخترت الأصعب هههه

 

[fofowa_q8]

وديته طلعت اذنه ملتهبه ومنشول حرارته ٣٩.٥

 

[حمرة الورد]

اوف اسم الله عليه ليش مو مبين عليه حرارته كانت عاليه زين وديتيه لانج ماكنتي مرتاحه دايما اذا مو مرتاحه عندي قاعده اروح ولا اقعد احاتي والمسكين متاذي الأذن متعبه حيل

 

[fofowa_q8]

اي حمره كانت حرارته خفيفه بس سبحان الله قلبي

كان ناغزني وبعدين على بجيه وحده من الصبح ماسكت

اهو مو جذي اسم الله عليه مو عسر طبعه

وديته وبالطريج فجأه زادت حرارته.. الحمدلله لحقت عليه

باجر يمعه عاد دكتوره مو مداوم

 

[حمرة الورد]

الله يطمن قلبج ويشافيه يوم الأحد دوامات وعلاوي عنده تطعيم الله يعين

 

[حمرة الورد]

وأي بطلو تجمع ابريل الأيام تركض

 

[Q8_QT]

يا حياتي مايشوف شر فوفو اشوا وديتيه الطبيب ولحقتي






حمرة



صاجة الايام تركض وهالسنة بالذات احس مرت بسرعة وااايد احداث مرت فيها الحمدالله على كل حال

 

[MOOON&M]

السلام عليكم

حمدلله على سلامة عبود فوفو

مايشوف شر ان شاءالله


وعلى طاري السعابيل بنتي حيل تسعبل تتوقعون من المصاصه

شلون اذا بقطعها شسوي

 

[حمرة الورد]

مون السعابيل من التسنين بس اذا تبين تقطعينها على طول بالزباله تكرمين ولا تشترين غيره جم يوم وخلاص

 

[fofowa_q8]

الله يسلمكم من الشر

 

[Q8_QT]

مساء الخير




فوفو




شلون عبادين اليوم ان شاءالله تحسن
انا بنتي اليوم وديتها الطبيب من امس تون وايد وحرارة خفيفة تروح وتيي طلع فيها احتقان خفيف بس الحمدالله حرارتها ماارتفعت وايد

 

[fofowa_q8]

صباح الخير

اي الحمدلله عبود احسن اليوم

حبيبتي ماتشوف شر ان شالله الحين حزة مرض

الله يعينا

 

[glby7sas]

اشلونكم بنات امبي حدي لهيت اليهال يلهوون والله طافتني سوالف وايد لوول
مايشوفون شر عيالكم حبايبي اليهال مو حلوين لما يمرضون

بالنسبه حق شعري لاحظت من رديت استخدم حبوب الحديد الحمره والتساقط خف بنسبه ٤٠٪ توني مخلصه شريط اتوقع لو استمر بررح مني التساقط

بنات عيالكم ما اقغدوو انا توهم يبدون يقلبون ومو راضيت يقعدون عالقنفه لما اقعدهم يبجون على طول شنو الحل ابيهم يقعدون بسرعه


بالنسبه للاكل متى بلشتو تعطونهم واشلون اعطيهم علموني من شنو ابدي ترا بجريه وغشيمه