تجمع مواليد ( مارس & ابريل ) 2014 الله يحفظهم

[fofowa_q8]

قلبي حساس الشر مااييج

ههههه ليش مستعيله عالقعده خليهم على راحتهم

متى ماقعدو وعلى فكرة القعده حق البنيه موزينه حق حوضها

اذا كانت صغيرة خليهم ترا راح يقعدون ويتقلبون

ويحبون ويمشون ان شاالله لاحقه عاللويه ترا جذي

وايد اريح صدقيني .. بالنسبة حق الاكل ابدي لما

يكملون ٦ شهور وابدي اول شي بالعيش المطحون

يا انج تسوينه بالبيت او تشترينه المعلب الجاهز

بس لاتاخذين اللي معاه قمح بالبداية لان يمكن معدتهم

تتحسس منه وانا افضل اسويه بالبيت اطحن العيش

وبعدين اطبخه مع ماي.. وعشان يتقبلون طعمه اذا طبخيته

وخلصتي خليه يبرد وحطي معاه قفشة حليب من اللي يشربونه

عطيهم بالبداية كمية بسيطة حيل واستمري اسبوعين

وبعدين دخلي نوع من الخضار(جزر-كوسا-بطاط-بطاطا حلوة...)

ابدي بنوع واحد عطيهم لمدة ٣-٥ لاتعطينهم شي ثاني معاه

عشان تعرفين اذا فيهم حساسية من هالنوع ولا لا

اذا كل شي اوكي دخلي نوع ثاني وجذي

ابدي بالخضار وبعدين بالفواكه لان اذا بديتي بالفواكه

راح يتعودون عالطعم الحالي ماراح ياكلون شي غيره

وابتعدي عن المانجا والفراولة لي عمر سنة جذي

والعسل هم لاتعطينهم لي عمر سنة

 

[fofowa_q8]

بنات بحط لكم جدول الاكل حق البيبيات ماخذته

من دكتور عيالي ومشيت عليه حق بنتي وايد ارتحت


٦شهور: عيش (رز) مطحون

٦ ونص: يمكن اضافة المنتجات اللي فيها قمح(مثل السيريلاك)

٧شهور: خضار(ابتعدو عن البروكلي والزهره والملفوف يسببون غازات خلوهم حق بعدين)

٧ ونص: فواكه(ابتعدو عن الفراولة والمانجا بهالعمر)

٨شهور: لحم

٨ ونص: دجاج

٩شهور: صفار البيض(لاتعطونهم البياض بهالعمر يسبب حساسية)

١٠شهور: سمك(السمك الابيض ابتعدو عن اللي يكون احمر نفس السالمون والتونه)

سنة: بيضة كاملة


*الابتعاد عن المأكولات البحرية غير السمج(الربيان وغيره) لي عمر سنتين



وبالعاااااافية



بنات اذا تبون احط لكم وصفات بسيطة حق اكل البيبيات

عشان يستفيدون البجريات

 

[glby7sas]

حبيبتي حبيبتي ماقصرتي بعد عمري
اي والله اذا اي شي تشوفينه يفيدنا حطيه انا غشيمه واحس متوتره وكل شي افكر فيه
بالنسبه للهيش لما تطبخينه تحطين شوي دهن وبهارات صحيحه مثل دارسين شي جذي وله بس مجرد عيش وماي ادري بطقيني اسألتي وايد صح لوول

 

[glby7sas]

بالمسبه للقعده ابيهم يقعدون ابي ارتاح ذبحوني هابين هبه كله يبون الشيل جود يلهون بالقعده احس جذي اقدر اطلعهم

 

[Q8_QT]

قلبي حساس



تصدقين ولدي الثاني تأخر بالقعدة حبا اول بعدين قعد شلون مادري لا تسأليني :080402ask_prv: يمكن لان انومه على بطنه فتعلم يدز روحه مبجر

 

[Q8_QT]

فوفو




مشكورة عالنظام انا هم ناسية بس اذكر ولدي جريب ال6 شهور بديت اوكله قفشة عيش وشوي شوي ضفت اكلات
انا شارية كتاب الدكتورة ريم كنت آخذ منه افكار يبيلي اقراه مرة ثانية واشوف الوصفات اللي فيه

 

[fofowa_q8]

قلبي حساس هههههه ياحلوج ضحكتيني

مايصير تحطين لا دهن ولا زبدة ولا بهارات حق البيبي كلش

وحتى الملح لاتحطين عشان مايتعودون عالمالح

اذا حق اللحم والدياي والسمج بس حطي نتفه ملح

والافضل ملح بحري نفس اللي عند ارض الطبيعية

العيش حطي عليه ماي وخليه يطبخ لين يصير لين حيل

ونفس الشي اللحوم لا تقلينها بس فوحيها

وبالنسبة حق الخضار افضل تطبخينهم عالبخار

عشان مايفقدون القيمة الغذائية اللي فيهم

في آلة الطبخ بالبخار تحصلينها بالغانم وغيره

او ان تحطين جدر فيه ماي وفوقه مشخال تحطين

فيه الخضره وتغطين الجدر وتستوي على بخار الماي

وبعدين في مطحانه صغيرة حق البيبيات تحطين

فيها الاكل تطحنينه انا اللي عندي فيلبس زينه كدت معاي


كيوت انا بعد ناسيه بس كاتبه كل شي بدفتر وخاشته

كتاب الدكتورة ريم يقولون وايد مفيد شكلي بعد بشتريه

انا الوصفات اطلعها من مواقع اجنبية اكتب لكم اياها ان شاالله

الاجانب وايد يعطون عيالهم شوفان مع الحليب وايد مفيد

بس مادري من اي عمر بتاكد واقولكم

 

[Q8_QT]

يا ريت فوفو حطي المواقع انا احاول اعطي عيالي اشياء صحية بس العود للاسف ما يطاوعني يحب الناجت والنقانق وما يتقبل اي شي

 

[glby7sas]

كويت زين الله يبشرج بالخير بعد لو يحبون اول احسن خخخخ لو يمشون سيده بعد احس واحسن خخخخخخ


فوفو حبيبتي مشكوووره ماقصرتي عندي بعد سؤال لا بتزنطيني مو بس اطقيني خخخخخ
الحين انا كل ثلاث ساعات اعطيهم رضعتهم مع الاكل اشلون احسب الوقت وجم رضعه حليباعطيهم

 

[Q8_QT]

قلبي حساس جم عمرهم عيالج ؟؟



انا بنتي مااعطيها كل 3 ساعات لان زدت كمية الحليب وعالغلبة يكتبون لج شكثر الكمية وعدد الرضعات باليوم
والاكل اول شي تبدين تعطينهم مرة وحدة باليوم بين الرضعات الظهر مثلا مقدار قفشة وتزيدينهم تدريجي وكل ماكبرو تدخلين وجبات اكثر وتقللين الحليب

 

[حمرة الورد]

قلبي حساس لاتنسين تسوي حشو حق العيش حقهم لوووووول سوري لاتزعلين بس مت ضحك على البهارات مبين بجريه من قلب شلون بناتج الحين وصج شلون الشبه بينهم كثير ولا تفرقين بينهم حلاتهم

فوفو تسلم ايدج اللي كتبت ماقصرتي

كيوت فعلا مثل ماقلتي قالت الدكتوره حطيه دايما على بطنه بسرعه يحبي عاد انا يوميا أسوي جذي شكلي بخفف ههههه أتعس شي الحبي كل شي بالحلج وتفتيش على قدم وساق هههه

 

[baa6aa]

صباح الخير بنات
توني راده من المستشفى بنتي صارلها جم يوم على بجيه وحده من 1 الفير لي الصبح بس كنت اطوف بس اليوم من 4 الفير ماسكتت جنا احد طاقها عاد ماقدرت اقعد و خذيتها المستشفى على طول من شافت الدكتور تضحك و تناغي تخيلو
حتى اهوة ضحك يقول بنتج عياره و جيك عليها ماكو شي الحمدلله
لا حراره و لا احتقان و لا التهاب ولا شي لا بالبلاعيم و لا الاذون و فوق هذا جيك عالعظام و كل شي الحمدلله كل شي اوكي
بس قالي اذا مثلا تبلش تبجي 1 الفير .. اعطيها الادول 12 واشوف هل تبجي او لا
اسوي جذي جم يوم و اذا طخت الحمدلله واذا لا لازم ارجع له
الله يستر و يهديها يارب

 

[حمرة الورد]

ماتشوف شر حبيبتي يمكن تخاف هههه مو معقوله عياره مسكينه

 

[fofowa_q8]

صباح الخير

اليوم وديت بنتي الروضة اول يوم احساس غريب

يوم خليتها قلبي قام يعورني مادري ليش مع انها داشه

حضانة من قبل مادري ليش حسيتها فجأة

كبرت وراحت عني بس اشوه صرت قويه

و مسكت روحي مابجيت هههههه

 

[fofowa_q8]

الله يسلمكم حبيباتي وعليكم بالعافية

ههههه حمره مت من الضحك عالحشو

حبيبتي توها بجريه ماتدري شالسالفة ومستعيله

حلاته علاوي شكله بيزحف مبجر .. عبودي طفارته

لما احطه على بطنه مايحب يقعد يبجي الدلوع

وصاير اذا طلعت وخليته جم ساعة بس يشوفني

يقعد يبجي ويستعسر لين ينام مادري ليش

مع اني مااطلع الا وين وين


اي صج بنات بسالكم عن الشفاط مال الخشم اللي

يصير على كهربا وعلى بطارية مو اليدوي العادي

منو مجربه؟

 

[fofowa_q8]

بطه ماتشوف شر بنوتج اخاف غازات داشها هوا

وبطنها يعورها او يمكن اسنانها

او تكون شبعانه نوم ماتبي تنام

حاولي ماتخلينها تنام من عقب المغرب لعبيها

صحصحيها وبعدين سبحيها بماي دافي ودهني

جسمها سوي لها مساج ورضعيها وراح ادوخ وتنام ان شاالله

وشوفي اخاف ماتشبع عشان جذي تبجي زيدي لها كمية الحليب

وبالنسبة حق الادول اذا اسنانها اهي اللي تخليها

تبجي راح تشوفينها ترتاح عالادول بس هم ماتقدرين

تعطينها ادول كل يوم

 

[fofowa_q8]

قلبي انا ولدي ماالتزم معاه بساعات معينة حق الرضاعة

لاني ارضعه طبيعي فكل ما ياع رضعته

ونفس ماقالت كيوت اذا دخلتي الاكل راح تقل الرضعات

بس اهم شي تبدين بكمية بسيطة وتزيدينها كل يوم شويه

وقبل الوجبة لاتعطينهم حليب عشان لاينغثون

انا اذكر بنتي تاكل وجبتها وبعد ساعة جذي تشرب حليب

 

[baa6aa]

فوفو انا مرتبه وقت نومتها بس تنام مثلا من 9 الصبح لي ال11 او 12 بعدين ترد تنام العصر لي 5 او 6 وعقبها خلاص ماكو نوم لين اهيا تسكر عينها بروحها حق نومة الليل
يعني ماخليها اي وقت تنام على كيفها عشان تنام بليل واقدر اداوم
ولمن كنت اعطيها ادول كان اهون بس هم مو زين كل يوم عشان جذي صارلي مده موقفته و اعطيها عضاضه اكون حاطتها بالثلاجه عشان تبرد عليها
وعلى كميه الحليب اكون زايده الكميه عشان مرات تشربها كلها ومرات تفضل فاخاف يقصر عليها و تكون تبي مخليتها على كيفها مو تقولين فيها شي
مادري شنو هالشي اليديد
بجرب اليوم الادول والله يعدي الليله على خير

 

[حمرة الورد]

فوفو هههه انا مقويه قلبي عيالي كل واحد فيهم دش اول مرحله بديره بجري بكندا وبعده بريطانيا والي بعده بالكويت والي بعده بأمريكا والحين داومو بعد سنه بالكويت جنا شي جديد علينا ولدي الكبير يكسر الخاطر درس بكل الدول هذي وبالكويت درس بثلاث مدارس مختلفه الله يعينه اليوم بدى دوام حطيته مدرسه امريكيه ويارب توفقه وتسهل عليه وعلى اخوانه شعور خايس عدم الاستقرار

 

[fofowa_q8]

بييييه حمره الله يعينكم

اكيد شعور عدم الاستقرار كريه