تجمع مواليد ( مارس & ابريل ) 2014 الله يحفظهم

[ward-ward]

مررررررحبا ربيعااااااتي شلووونكم وشخباركم ان شاءالله بخيررررر حبيت اسلم عليكم اشتقت لكم ولتجمعنا القديم وسوالفنا الله ياحلووها من ايام الله يدًوم المحبة بينا والله يوفقكم والله يخليكم لعيالكم يارب

 

[حمرة الورد]

خوخه شلون البنوته والكاكاو هههه دمار اما عن الحمل طبيعي جداً انا كل حمله جذي والحين اسم الله علي اذا حملت الله يستر احس قربت موتي وخاصه باخر حمله كانت رعب الحمدلله على كل حال

مووون وي الله يعينج على المراقبة وصاجه كنت ابي علاوي متبتب وطلع شحلاته بس الحين قاعد ينمغط ههههه

لما الله يشافيها ليش اهي يتيمه البنت وين أهلها والله يعينج ياقلبي

كيوت بجري عمره ١٥ الله يحفظه ليش شفي ولدج لايكون يغار بس وماتشوفين شر ياقلبي

ورد الحمدلله كلنا بخير انتي شلونج اي ياحلوها كلها تحلطم ههههه والحين احلى بعد بتواصلكم
اللهم أمين

 

[لما ضاقت]

حمره يا قلبي اي بنت حماتي عمرها ٧٠ و عيال عيالها متزوجين بس شتقولين عن الناس اللي ماتخاف ربها. بناتها مروا عقب ثلاث ايام كل وحدة نص ساعة و مشوا كانهم ضيوف الزمن هذا يخوف اشفايدة العيال اذا ما ينفعوني اذا طحت بس نتحمل تعبهم طول عمرنا و حمل وولادة و طلعة روح و تالي لي كبرنا ما يبارونا الله يسامحهم و يهديهم. مسكينة عندها جلطات متككرة خلتها ما تشوف و لا تتكلم و لا تتحرك الله يكون بعونها و يرحم اخرتها و اخرتنا

 

[حمرة الورد]

مافهمت البنت الي عندج بالبيت اهي اللي مرضت وعمرها ٧٠ الحين شلون

 

[لما ضاقت]

اي حمرة حماتي اللي عندي بالبيت مرة كبيرة عمرها ٧٠ قبل ثلاث سنين حاشتها جلطة سببتلها شلل نصفي و فقدان البصر و النطق و اثر على عقلها صار ادراكها و استيعابها مو ذاك الزود و من يومها عيالها ما رضوا تقعد عندهم فقعدت عند اخوها اللي اهو زوجي و بناتها يمرون كل شهر او اسبوعين مثل الضيوف نص ساعة ساعة و يمشون عرفتي

 

[لما ضاقت]

و اهم يقولون احنا مالنا شغل ما نقدر نداريها تخيلي اقعدت ثلاث ايام بالعناية محد ياها من بناتها و عقبها مروا نص ساعة و مشوا

 

[لما ضاقت]

انشالله نطلع هاليومين قعدة المستشفى مرض البيت وايد ارحم

 

[حمرة الورد]

وأي الدنيا بخير لما لان فيها ناس مثلج وشرواج ودي اكتب كلام كثير وبس كلمه جزاج الله خير تكفي عند ربي وعسى عيالج يبرونج وإنتي بعافيتج ويسخر لج زوجج ويسهل امورج ويفتحها عليج ياكريم اما عيالها فاهم الخسرانين والمره تعبانه وممكن يتوفاها ربج باي لحظه بعد عمر طويل وعيالها يتسكر عنهم باب من أبواب الجنه ربج يحبها لانج مرت اخوها عساج ع ألقوه ياقلبي

 

[fofowa_q8]

واااااي لما دمعت عيني ماشاالله عليج

ماكنت ادري ان الدنيا فيها ناس مثلج

الله يعطيج على قد نيتج ولا يرد لج دعاء يارب

انتي المفروض ريلج يحطج على راسه

وصدقيني هذا اللي تسوينه مايضيع عند ربج

بتشوفينه بحياتج وبعيالج ان شاالله

 

[لما ضاقت]

الله يسلمك حمرة و فوفو. فوفو الناس ما يبين بعينها و لاعاد يهمني بين او ما بين اللي عند الله احسن و ابقى شقد بعيش مهما قعدت اخرتها بنرحل و ما يبقى الا اللي عند ربك يالله اخسن خاتمتنا

 

[حمرة الورد]

صاجه بس أكيد ربج بيرزقج كل خير بالدنيا ىالاخره

 

[Q8_QT]

حمرة



موبس غيرة صاير اسم الله عليه عسر بكل شي بنومه بنظافته وشطانة مو طبيعية وفيه خوف مادري اذا هالشي عادي ولا لأ يعني انه يقعد بالدار بروحه حتى لو احنا بالصالة وداره يم الصالة والشقة اصلا ملمومة ولا ينام بروحه واللي مضيق خلقي لما يبجي ولا يعصب جنه ياهل عمرة سنتين يقعد عالارض ويرافس ويصارخ ويطق راسه باي شي يعني موسنه متأزمه وايد منه ومن طبعه وماني عارفة من وين ابدي وياه

 

[glby7sas]

لما الله يشافيها ويعافيها ويعطيج الصحه والعافيه يزاج الله خير


بنات انا احس تعبانه احس ماني عارفه اتأقلم ليلحين
بالنسبه حق جسمي يلوع الجبد لوول هذي كلمه مختصره لوضعي حاليا خخخخ

اما بالنسبه للتشققات فعادي معطتهم طاف لاني مليت

 

[Q8_QT]

لما



الله يجزاج خير على اللي تسوينه والله يرزقج بر عيالج وصاجة انج ماتنطرين شي من احد الله يشوف واللي عنده احسن من غيره وماينسى عبده وراح يعوض صبرج على زوجج واخته

 

[baa6aa]

لما
صج ماتقصرين و اصيله ماكو مثلج الحين صراحة وحده تتحمل مسؤوليه شخص مو من مسؤولياتها ولا اهلها
ربي يعطيج على قد نيتج و لا يضيع تعبج يارب و يهدي لج زوجج و عيالج و يحفظهم لج ان شاء الله



وبالنسبه حق بنتي مع الادول اي ما ودي اكمل عليه عشان ماتتعود و شريت الجل ان شاء الله بجرب فيها
وامس شريت لها العيش اللي مع حليب نفس سيريلاك بس ماركة فارليز اعطيها تتفله بويهي هالنقطه ههههههه مو عاجبها شي
ماتبي تاكل الا الاشياء اللي بمزاجها مو على كيفنا
عمتي من الحين تتشرط ههههههه

وبالنسبه حق الجسم
مبلشه رياضه صارلي مده و ما اوقف حمام مغربي
فالحمدلله نتيجة حلوة ليلحين بس بعد قطيت النص و باقي النص

 

[Q8_QT]

لووووول ضحكتيني بطة يا حلوها بنتج انا بعدي مابديت في بنتي ناطرة تكمل 6 شهور وابدا اعطيها شي بسيط اشزفها تتقبل ولا لأ والله يستر ماتعفر فيني




اعجبتني عنايتج وين تسوين الحمام المغربي انا سويته بطلعتي من الاربعين مرة وحدة وودي اسوي مرة ثانية
وعالوزن الحمدالله راضية عن جسمي باقيلي 5 كيلوات وارجع وزني القديم قبل لا احمل بس ناوية بعد انزل 3 او 4 كيلوات زيادة عشان اكون بالسيف سايد

 

[حمرة الورد]

كيوت قعدي معاه حاولي تفهمين منه أكيد في شي مضايقه الله يعينا عليهم

بطه هههههههه مت ضحك العوبه مو عاجبها

 

[Q8_QT]

كيوت قعدي معاه حاولي تفهمين منه أكيد في شي مضايقه الله يعينا عليهم

بطه هههههههه مت ضحك العوبه مو عاجبها

حمرة



ولدي بياع حجي ماتاخذين منه حق ولا باطل عادي يسويلي قصة طويلة عريضة ومااطلع بفايدة اهو اكيد فيه غيرة من اخوانه لان كان وحيدي ومدلل من اهلي بينه وبين اخوه 6 سنين بس هم متضايقة من طبعه وخصوصا التصرفات اللي مو سنه ويسويها يعني احس اوفر غيرته موعارفة اتعامل معاها تخيلي حتى بنت اختي يغار منها واهي بعدها ماكملت 3 سنين

 

[fofowa_q8]

كيوت الله يعينج حاسه فيج خصوصا انه ولد مو بنت

يعني صعبة اذا ظل جذي

انا بهالحالات افضل التعامل مع اخصائي سلوك اطفال

عالاقل يعرف يقولج شلون تتعاملين معاه

 

[fofowa_q8]

في مركز الاستماع تابع حق وزارة الاوقاف يعطيج حلول تربوية واجتماعية

حق الصغار والكبار اذا عندج اي استفسار دقي عليهم

يمكن يساعدونج رقمهم ١٨٠٤٤٤٧