تجمع مواليد ( مارس & ابريل ) 2014 الله يحفظهم

[Q8_QT]

في مركز الاستماع تابع حق وزارة الاوقاف يعطيج حلول تربوية واجتماعية

حق الصغار والكبار اذا عندج اي استفسار دقي عليهم

يمكن يساعدونج رقمهم ١٨٠٤٤٤٧

مشكورة فوفو ان شاءالله اتصل واشوف

 

[حمرة الورد]

صباح الخير ياحلوين

إها كيوت عشان جذي الله يهديه

 

[baa6aa]

بنتي النقطه النتفه ام مزاج اذا شافتني يبت ماعون الفاكهة ولا اكل برد او اي شي مو حقها تقعد تصرخ تصرخ تصرخ و تقط روحها علي الا تبي هالعووووبة ههههههههههه مت عليها من الضحك
وصلنا حق مرحلة بالبيت نخش الاشياء عنها عشان ما تعفر اسم الله عليها مسويه لنا اكشن



وكويت بالنسبه حق الحمام المغربي شوفي مرات اييب خدمة منازل من جوري سبا .. حيل عجبني شغلهم و عندهم كذا نوع
بس كل مره اسوي المغربي مالهم حلوو و اللي تسويلي اسمها جوي احبها و احب شغلها

والاغلب اروح صالونات
كل مره اروح حق صالون ناديه ستايل بالسالميه .. سعره 10
بس عقب ماجربت مال ام ميكب صراحه اهوة التوب .. و سعره 15
وايد عجبني مالهم و شفت ان عندهم حمام فواكة ودي اجربه اشوف شنو اهوة

وباقي الايام شاريه سنفره من كذا مكان و مع كل سباحه تلقيني العب بعمري
عندج السنفره الورديه مالت فكتوريا سيكرت حلوة حيل
واقل منها بشوي في بباث اند بودي ووركس انواع وايد

حتى لو تسوين حمام مغربي مرة بالشهر و الباقي كله سنفره بالبيت ماراح تفرق لان بتظلين على نفس النعومة

وشاريه من صالون جي سي صالون مجموعه الاثاره ريحتها اتينن صراحه روعه روعه روعه
وحاليا كل ما خلص شي منهم رديت طلبت و يوصلون لي البيت احلى شي
وعندهم جلسات حق تساقط الشعر و اللي فيها فراغات وسعرهم حلو ب50
هم ودي اروح اشترك بس عقب ماخلص اشتراكي من بيوسفير سبا

 

[حمرة الورد]

انا هم أسوي المغربي بالبيت وصراحه شغلهم روعه وحتى صاحبه الصالون فيها خير وتدز رساله تقول لبسي شورت وغطي العورة عدل وتنظيف بشره وعندهم ريلاكس وترديد بس انا رفضت تسوي كاسات وترديد قالت ست أشهر لازم

 

[baa6aa]

حمرة اي صالون يسوون لج ؟
خل نستفيد كل وحده تقول منو تجرب عشان الباقي ياخذون بعد


وصح في وحده مالت شيره انييبها البيت اسمها سوما
حق الحمام مغربي ب10 تسويه واتييب اختها معاها يقولون تفرك عدل عدل شغلها حلوو و الخلطة اللي اتييبها حق عقب حلوة

وايدها بالشيره خفيفه حيل وكل ما ادق عليها اتيي بنفس اليوم عجيبه
بس اشوه الحين الله يعافي الليزر

 

[حمرة الورد]

يعطيج العافيه بطوطه ماقصرتي

هذي اللي اقولج عنها بالانستقرام Classy_spa

 

[baa6aa]

مشكووورة حمرة
سويت لهم فولو

وانا بحط اكاونتات اللي جربت شلهم عشان يستفيدون البنات بعد


@jody_spa
@salonmmakeup
@nadiastyle
@v_butterflies
@homebeautycare_spa

هذول مجربتهم و في عندي غيرهم وايد اللي تبي بس ماجربتهم

 

[حمرة الورد]

العفو ياقلبي

امس اشتريت فيتامينات وحق التساقط واشتريت خلطه حق شعري شعري الحين طوله حلو بس يبيله كثافه

فوفو ذاك اليوم لقيت وحده كاتبه ان شعرها تساقط حيل بعد الكولاجين بس دزيت اسألها وين ماردت علي عاد خفت بس صراحه انا شعري بعد الصبغ حيل كان يشابك وبعد البروتين ارتحت وكان بروتينهم مو مثل صالون خواتي شحلاته عاد خفت من الكولاجين

صج بنات بسالكم انا أسناني حيل تعبانه شنو تنصحوني أسوي ادش عيادات ألاقي مسميات شكثر مادري شنو الزين وأي عياده مجربينها زينه

 

[baa6aa]

عن تجربة عياده ابتسامه كلينك
والافضل اذا بتعالجين شي روحي المستوصف خلصي العلاجات كلها وخلي التجميلي بالخاص عشان ماتدفعين حق كل شي
انا جذي سويت صراحه خلصت كل شي بالمستوصف بعدين رحت لهم


رفيجتي الاسبوع اللي طاف سوت كولاجين ب 100 ومدحته حيييل بس مادري يمكن عقب نعرف صج زين او لا

 

[حمرة الورد]

وين العياده بطه اي مكان تدرين المشكله المستوصف عله وبعدين بطاقتنا مو على منطقتنا مايدخلوني ولازم اروح على عنوان بطاقتنا القديم درب أقوله خلاص غير العنوان تعبنا والله

 

[حمرة الورد]

شكلها بالسالميه انا مابي يلعبون بأسناني ويحفونها وجذي الله يستر منهم

 

[baa6aa]

الله يسلمج العياده على الدائري الخامس .. اذا طفتي جسر فحيحيل .. رميثيه على يمينج و السالميه على يسارج راح تلقين العماره عاليسار
من فوق مكتوب ابتسامه كلينك تبين واضحة

 

[baa6aa]

وهذا اكاونتهم
ebtisamaclinic

 

[Q8_QT]

مشكورة بطة ولا مرة جربت اييب احد البيت يسوي حمام مغربي

انا بعد ودي بعيادة زينة ودي اسوي تبييض حق اسناني احد جرب التبييض بنات ؟؟

 

[MOOON&M]

السلام عليكم

وااااي يا حلو سوالف العنايه والتفرك اموووووتن فيها كثروا منها


انا هالايام هابه بتصبغ الاظافر كل يوم لون والحمدلله اظافري تسنعت من المقوي قبل كنت ما اطولهم

يفشلون يتقوسون ويتكسرون بسرعه الحين الحمدلله الحمد لله شكلهم صار صحي ومستانسه فيهم

 

[MOOON&M]

كيوت بخصوص التبيض رفيجتي اسنانها صارت حساسه من التبيض


مسكينه اذا شربت شي بارد والا حار تتحسس ويعورها

 

[لما ضاقت]

اهلين بنات رجعنا البيت الحمد الله ضرس العقل وارم و مطلع عيوني ريلي على غير العادة يابلي من الصيدلية امس مضاد و قالي بس تخلصينه باخذك اشيله لك صراحة مستغربة بس الله الهادي كيوت صج التبييض يسوي حساسية اسنان بس بصراحة يعطي منظر

 

[لما ضاقت]

و من ناحية العناية لي فترة مهمله روحي بس ابي ارجع اسوي تمارين و اشد جسمي شوي لان الكرش زايد عندي و مخرب شكل جسمي وايد

 

[لما ضاقت]

المدارس ليما الحين ما داوموا عيالي انشالله الاحد بوديهم

 

[حمرة الورد]

الله يعينج لما انا يبيلي ترميم ههههه

التبييض انواع كثيره في الزوم وفي قوالب وفي ليزر هذا مو زين لعب باسنان أختي وفي الشغلات الي ينحتون فيها الأسنان كثيره