تجمع مواليد ( مارس & ابريل ) 2014 الله يحفظهم

[fofowa_q8]

بنات منو بدت توكل بنتها او ولدها؟

باقي اسبوعين ويكمل ٦ شهور قاعدة اقول حق امي

اليوم افكر ابدي اوكله بعد جم يوم لان صاير مايحب

الحليب الصناعي ومايرضع وايد اخاف يضعف

تخيلو نمت العصر قمت ولا امي موكلته بسكوته من

بسكوتها اللي تاكله مع الجاي ههههههههه يارباااه غلطانة ماما

قلت مفكرة اوكله ومو بسكوت من اول شي تقول شدراني

انتي قلتي بوكله جان اعطيه بسكوت كسر خاطري

واهو يطالعني بكل براءة وويهه كله بسكوت جنه مومسوي شي

 

[حمرة الورد]

هههههههههه مت ضحك الله يخليها لج انا صارلي أسبوع أعطيه ع الخفيف
صاجه المثل تقوله امي دايما الله يعينهم حياتي يكسرون الخاطر أهو طهور وتطعيم وتسنين اتعس شي

 

[baa6aa]

انا مبلشة اوكلها صارلي اكثر من اسبوعين
اول شي بلشت فيها ببسكوت فارلز احط لها شويه مع الحليب عشان اشوف تتقبله او لا والحمدلله حبته
فقمت اعطيها بسكوته كاملة اخلط معاها شويه من حليبتها عشان تصير ذايبه حيل و اوكلها
وعقب شريت لها بعد من فارلز يصير نفس السريلاك عيش مع حليب .. و وبعدين عطيتها سريلاك
والحين غدا الشر الحمدلله قامت تاكل بطاط وجزر و اخلط معاهم عيش مهروس و مستانسه عالاقل وماقامت ترضع نفس اول
بالكثير 4 مرات تشرب حليب بس
وعالمميه انا عندي النوعين د براون و ايفينت وتحبهم اثنينهم
د براون ماخذه الورديه الكبيره و ايفينت ماخذه 4 اللي حدهم لي 120 مل

 

[fofowa_q8]

صباح الخير

امس جربت معاه مميه افنت الحمدلله حبها

بنات شنو طريقتكم لما تعطونهم عيش؟

تشترون الجاهز من الجمعية ولا تسوونه بالبيت؟

واي نوع تحسون احسن؟ وترا في اكل جاهز اورغانك حق البيبيات

في سيفكو بس انا ولا مرة عطيت بنتي شي جاهز كله بالبيت

اسوي لها بس حلو حق طلعة او سفر

 

[حمرة الورد]

فوفو انا أحب العيش المصري والخضره وشوربه شوفان أسويها ثقيله مثل الجريش وفواكه وبطاط بالفرن وسيريلاك لازم عشان اكل نصه ههههه وبساكيت وعصير طبيعي بالبيت أسويه ماحب الجاهز ممكن اعطيهم بس قليل جدا وكل فتره أزيد شوي دجاج سمج وشوربات وهكذا

 

[baa6aa]

ليلحين ماخليتها تاكل شي جاهز كل اللي اخليها تاكله نكون مسوينه بالبيت طبعا من فواكه او خضره
احس افيد حق الياهل وحتى اذا بنطل احطه لها بالعلب الصغيره الحافظة حق اكل الياهال احسن لها

 

[fofowa_q8]

حمره شنو طريقتج بشوربة الشوفان و اي عمر تبدين فيها؟

والعيش المصري تطبخينه وبعدين تطحنينه؟


اي صاجه بطه اكيد شغل البيت احسن

 

[baa6aa]

العيش المصري تطبخينه و كل ماطولتي فيه كل ما ذاب العيش اكثر و عقب تطحنينه هذا اللي نسويه بالبيت

 

[حمرة الورد]

حمست بصل وماجي وبعدين ماي ومرات معجون واحط الشوفان من الشهر السادس أعطيه باْذن الله كل عيالي
اي العيش نفس ماقلتي بالضبط بس ماي وعيش ومرات معاه خضرا وبالخلاط

 

[fofowa_q8]

حمره انتبهي الماجي مو زين فيه مادة خطرة

تاثر على خلايا المخ والكبد تأكدي منها

استعملي مرقة الدياي كل ماطبختي دياي فرزنيه

واستعمليه مع الشوربات احسن


مشكورة بطه حبي

 

[حمرة الورد]

قصدج كلهم شوربات الماجي ولا بس المكعبات لان الشوفان يضعف حيل بعد

 

[fofowa_q8]

لا انا اقصد مكعبات ماجي الشوربات مادري عنها مااستعملها اصلا

اي طبخي الشوفان مع مرقة الدياي

 

[fofowa_q8]

بنات قاعدة استعمل زيت حق الشعر قلت اجربه واذا

فاد اقولكم صارلي الحين شهر وشوي والحمدلله

التساقط حيل خف صار شويه وشعري فيه لمعة وناعم

ماشاالله فظيع الزيت حبيت افيدكم اسمه زيت جنان

وقالت اذا كملتي ٣ شهور راح تشوفين البيبي هير

يطلع .. اي صج حمرة شصار على البروتين رحتي الصالون

اللي قلتي لي عنه ؟ انا بدق احجز واروح هاليومين ان شاالله

 

[قرة عيونه]

انا مبلشة اوكلها صارلي اكثر من اسبوعين
اول شي بلشت فيها ببسكوت فارلز احط لها شويه مع الحليب عشان اشوف تتقبله او لا والحمدلله حبته
فقمت اعطيها بسكوته كاملة اخلط معاها شويه من حليبتها عشان تصير ذايبه حيل و اوكلها
وعقب شريت لها بعد من فارلز يصير نفس السريلاك عيش مع حليب .. و وبعدين عطيتها سريلاك
والحين غدا الشر الحمدلله قامت تاكل بطاط وجزر و اخلط معاهم عيش مهروس و مستانسه عالاقل وماقامت ترضع نفس اول
بالكثير 4 مرات تشرب حليب بس
وعالمميه انا عندي النوعين د براون و ايفينت وتحبهم اثنينهم
د براون ماخذه الورديه الكبيره و ايفينت ماخذه 4 اللي حدهم لي 120 مل

نفسس اللي اعطيه ولدي بالضبط وحتى نفس طريقتج


بس انا صارلي شهر من كمل خمس شهور بديت اوكله ع الخفيف وكل شوي ازيد


بس لما اسويله بطاط وجزر بالبيت مايكله ماحب الخضرا.


وجبتله من فارليز كل الانواع قلت اجرب كل شي واللي يحبه اكثرله منه


وهم جبتله بسكوت يمسكه بايده ويذوب بسرعه بس نسيت شنو ماركته بس حبه هو يستانس ع المسكه واي شيء يحطه بحلجه ويبعب فيه فقلت خل يلعب بالبسكوت ع الاقل يتذوقها وتفيده لوول


وع التسنين للحين ماسنن.

 

[fofowa_q8]

بنات عطيته عيش سويته نفس طريقتج بطه

ماعجبه عفس ويهه جني معطيته ليمونه لووول

 

[حمرة الورد]

علاوي تعبان حيل الله يشافيه من طبيب لطبيب التنفس عنده صعب جذي فجاه

 

[baa6aa]

حمرة حبيبي الله يشافيه و يعافيه يارب و يرده له احسن من اول

قره زين تسوين نوعي عشان يتقبل كل شي ومره عن مره راح ياكل الخضرا بس طولي بالج
اقولج انا بنتي لمن اعطيها تتفله بويهي تخيلي ماتبيه الحين اسم الله عليها تاكلها كله لان كل مره اغير نوع او ازيد شي عشان اغير الطعم لين جكيت اللي تحبه و طلع الجزر اكثر شي تحبه فقمت اخلط معاه كل يوم شي عشان تاكل كل شي والحمدلله نفع

فوفوا ميخالف عشان شي يديد بس كل مره حطي له معاه شي و شوفي شلون
انا خالتي قبل يومين قالتلي اخذ البطاط والجزر اللي بالمرق و احطهم مع قفشة عيش و بالخلاط و صج سويت اللي قالته لا تشوفينها شلون ينت بين لقمه و لقمه تزفني فاستانست ان حبته حتى ريحته تشووووووق مو نفس باقي الاكل

 

[fofowa_q8]

حبيبي علاوي اسم الله عليه شفيه عسى ماشر !!!!

طمنينا عليه حمره قلبي عورني يوم قريت الخبر

 

[fofowa_q8]

حمره اخاف صدره متنك فيه ربو؟

نصيحة وديه حق خالد السعيد اذا صدره فيه شي

وعسى ربي يشافيه ويعافيه

 

[حمرة الورد]

الله يجزاكم خير الولد فجاه جذي تخيلي يصرخ من قمة راْسه مو بجي لا صراخ يبي يتنفس مو قادر حطو له اكسجين وكمام وظل يبجي ويصرخ سوو له أشعه ماكو شي قال مافيه حراره مو مشكله طلع التهاب بالحنجره ويقول مايقدر يسحب هوا بس وصلت البيت ولا حرارته ترتفع نار عطيته أدول وقطره للخشم بس من امس مارضع الا ثلاث ارقام من امس الساعه سته الحين نايم وان شاء الله تعدي على خير شكله الحمدلله افضل بس ليش مايقدر يتنفس مو عارفه