تجمع مواليد ( مارس & ابريل ) 2014 الله يحفظهم

[glby7sas]

مايكبرني اللهم امين .. وكل عام وانتو بخير

 

[Q8_QT]

كل عام وانتوا بخير بنات والله يجعلها سنة خير عالكل



فوفو



المشيمة النازلة يبيلها راحة ولاااااازم ماتشيلين شي ثقيل دربالج
ومستشفى الولادة تعيييس بالمراجعات جربتهم بولدي لان كنت مسوية علاج هناك انا اقترح عليج تخلين مراجعاتج بالخاص اريح وبالسايع روحي الحكومة لان معروف ترى موشرط اللي تراجعين عندها اهي اللي تولدج وترى الحكومة ماتعترف بتحاليل الخاص وسوناراتهم كل شغلهم اهم يسوونه وسألي اذا رحتي عن دكتورة لطيفة الكندري تيننننن تنيننن وحنونة بشكل ونفسها حلوة بس صج انتي اي منطقة جيكي اذا تبعهم ولا تبع الفروانية مو كل المناطق تابعة لهم

 

[Q8_QT]

خوخة




صاجة حركتهم مو حلوة بس شتسوين بعد وصي الخدامة ماتبطل الباب اذا انتي بالحمام خل تنطرج ولا تيي تقولج مو تتفاجئين فيهم

 

[fofowa_q8]

قلبي وكيوت ان شاالله ترتفع لازم راحة

يمكن اروح بيت اهلي اقعد جم يوم على مايتحسن

وضعي عالاقل امي وخواتي يساعدوني

ريلي مايقصر يحاول يساعدني بس الرياييل يملون

بسرعة مافيهم صبر والحين عبود بعد مريض كلش

موقادرة الحق الله يعين


قلبي انا بعد جم يوم ادخل الرابع


كيوت مادري والله انا حيل مرتاحه حق د خالده بس

هم قاعده اوسوس والكل يقول مستشفى الولادة

احسن حق القيصرية بشوف وريلي مو راضي يقول

ماتدرين منو يولدج هناك

 

[fofowa_q8]

وانتي بخير مايكبرني والله يجعلها سنة خير عليج



قلبي الله يسهل عليج ويرزقج باللي تتمنينه

واهو بصحة وعافية يارب

شلون النساة معاج؟ شكثر صارلج الحين؟

 

[glby7sas]

هلا والله فوفوه والله مادري اشكثر خخخخخ جد هالحمل حتى مادري شنو حسبته بس دخلت البرنامج كاتب الاسبوع ٧ يعني جم صارلي شهرين ؟!


انا مااحس بشي غير اني مفجوعه عالاكل كأني مو شايفه نعمه من قبل ومن دريت اني حامل لي اليوم احس متنانه ١٠ كيلوات

بس انا صارلي جم يوم احس مكان العمليه بحرقه خفيفه ويروح

 

[خوخه89]

شو اخباركم بنات

الله يعينكم والله احس صعبه تحملين على قيصري ماكمل سنتين الله يعيضكم خير يارب ويسهلهاعليكم

 

[fofowa_q8]

قلبي الله يتمم عليج وان شاالله ماتتنسين النساة ذابحتني

كارهه كل شي واشم ريحة خايسه بكل شي وكل شخص

يقعد يمي ودي مرة اتنسى اشتهي اكل شي الحمدلله

وبالنسبة للجرح كان بالشهر الثاني يحرني شوي ويروح

الحين صارله جم يوم لا عوار خصوصا صوب اليسار

يوم قلت حق الدكتورة سوت لي سونار داخلي وشافت

الجرح قالت احتمال كبير هالمرة قيصريه بعد مانبي

نجازف الجرح ضعيف من داخل

اذا راجعتي الدكتورة قولي لها عن هالالم تجيك على الجرح

وان شاالله هالمرة تولدين طبيعي وترتاحين


خوخه صاجه والله القيصرية المفروض تنطر سنتين

او اكثر لان كل ماكبر البطن راح يزيد العوار اذا كان توه

الجرح .. بس الحمدلله نعمة من رب العالمين ماندري وين

الخيره الله يسهل ويقومنا بالسلامة

 

[glby7sas]

هلا فوقوه انا اصلا ناويتها قيضري ههههه
ماابي اخرب تحت خلاص الكرش واخترب اخرب تحت بعد

ان شاءالله اليوم مراجعتي تسمع النبض وبقولها على الجرح
انا مفكره اولد بالعدان فمادري يرضون على كيفي اقولهم ابي قيصريه
بصراحه هالحمل كلش مو مخططه له وله الماده تسمح اسم الله عليهم البنات نشفونا

 

[fofowa_q8]

قلبي من صجج!! لا حرااااام اذا تقدرين تولدين طبيعي

وتطلبين قيصرية ليش!! ومنو قالج يخترب بالعكس

يسوون لج تجميلي ويضبطونج لاتحاتين بتردين احسن

من اول وبتحسين بالفرق عن العملية واي الطبيعي رحمة

حتى العوار جم يوم ويروح واصلا من تولدين تقدرين

تقومين تتحركين وتسبحين وتشيلين البيبي تاخذين

راحتج بالقومه مادري انا وايد تاذيت من العملية وكل

مااتذكرها قلبي ينقمت صج معاناة

وبالنسبة للكرشة ترا اذا ولدتي قيصرية مرة وحدة تفرق

عن مرتين و ٣ اذا بس مره وحده سهل تروح اذا زادو

القيصريات يصير صعب مادري انا هذا رايي حرام

لاتطلبين القيصرية من اول شي اذا حالتج تسمح

 

[MOOON&M]

شلونكم ياحلوات

عسى الله يسهل عليكم وتولدون طبيعي ياااارب


شوفوا هالاكاونت اذا المنتدى علق


7wamel_storiesq8


بشروا عن بيبياتكم

بنتي من حبت وصار استنفار بالبيت ما تخلي شي وكل شوي كافخه بالطاوله والا عالارض

تروح صعروره وترد صعروره ياااارب يتغير طبعها وصايره بس تبجي اذا رحنا عنها

ونومتها صعبه لازم بالكرسي الهزاز تنام ما ادري شلون اغير طبعها

 

[glby7sas]

اي من صجي فوفوه جد ماابي طبيعي خخخ انا مادري خلاص احس القيصري اهون تعب بس اسبوع وتهون يمكن ماحسيت بالتعب لانه عيالي كانو بالشيشه شهر كامل فانا تعافيت الحمدالله بعدها بلش معاي تعب النفاس


حبيبتي مووون ضفتها ماتقصرين

 

[fofowa_q8]

تمام الحمدلله انتي شلونج مون؟

واي حلات النتفه اللي تحبي الله يحفظها

ديرو بالكم عليها

حاولي تعودينها تنام بفراشها جذي راح تتاذين

اذا سافرتي ولا تبينها تنام بره البيت شوي شوي لين تتعود

 

[fofowa_q8]

قلبي مادري يمكن لانج ماجربتي الطبيعي عشان جذي

بس انا اكثر من اسبوع مااقدر اتحرك عدل ولا اشيل

ولدي تقريبا اسبوعين والعوار ظل معاي مده

الطبيعي ارحم وايد ثاني بنفس اليوم تمشين تتحركين

وتجابلين البيبي مااقولج جرح الطبيعي مايعور اكيد

عوار بس اخف بمليون مره وانتي لان بنفاسج عيالج

مو عندج يمكن عشان جذي ماكنتي تعبانه وايد

تخيلي حالتج اول الايام مع جرح القيصرية وبيبي يبي

مجابل وسهر وتغيير حفاظه ورضاعة كل ساعة

وانتي بالغصب ترفعين نفسج من الفراش

عالعموم انتي لاتستعيلين شوفي شنو تقرر لج الدكتورة

والله يسهل ويتمم علينا ونقوم بالسلامة

 

[glby7sas]

امين حبيبتي ويسهل عليج يارب


بنات انا صاير معاي مشكله بالطلعه نادر ما القى حمامات حق يهال خصوصا المطاعم اليوم اطريت اروح السياره ابدلهم واي ليش جذي الديره في كل ديره اسافرها دايم كل مكان حمام اليهال ونظيف اشحلاته الا اهني ما القى الا بالمجمعات الكبيره

 

[fofowa_q8]

اي صح ماكو بكل المطاعم مكان تبديل شي

يبط الجبد انا نفسج كنت اوديه السيارة وابدل

له بس ديري بالج الحين برد لايستمرضون

انا اذا بطلع قمت ابدل له واجهز جنطته وانا ابدل

وقبل لا نطلع اخر شي اسويه اغير له حفاظته عشان

اضمن تصير نظيفة اطول مدة ومرات طبعا يوهقني

بنص الطلعه اشوف ويهه يتعصر ههههه

 

[fofowa_q8]

البنات ماقامو يدشون التجمع بس انا وانتي ولما

اللي نسولف قطعو مره وحده ولهت على تجمعنا

 

[baa6aa]

مبروك فوفوا و قلبي عالحمال ربي يتمم لكم على خير و يرزقكم تمامه يارب ويقر عينكم بشوفه عيالكم

وفوفو دام المشيمة نازلة نفس ما قالو البنات مو زينه لج الحركة لازم منسدحة على طوووووووووووول خصوصا بعد انج تاخذين مثبتات اذكر رفيجتي عطوها الدوام مجلس طبي اجازه بسبه هالشي و قالت لها الدكتورة تقومين من مكانج بس حق الحمام وانتو بكرامه
فديري بالج و كله باجره يارب

انا بنتي عيوزة حرها ماضرست ولا ناوية تحبي بس تلعب بالدراي تحوس وراي

وببيتنا عند ابوي عادي من ايد لي ايد بس من ارد حق حمولتي تبلش بجي يا تقعد بحضني يا تقوم القيامه

فحيل اتعب معاها اذا كانو قاعدين بس بالشقه اهون اذا كنا بروحنا تحوس وراي بالدراي او تقعد بالكرسي على ما اخلص شغلي

و ليلحين على وضعي ماكو خدامه وبنتي معاي بكل مكان كل طلعه اخذها تعودت ماقمت استنكر اذا سوتلي لويه

والحمدلله قطيت وزن الحمال كله و مكمله على رياضتي و نفس الشي الحمام المغربي بالبيت

و ودي انزل جم كيلو زياده لان ويهي اصلا قاعد يتغير

بس اللي فارق علي الحين شعري بلش يطيح فبرجع على حبوب الحديد مرة ثانيه خصوصا ان فيني انيميا حاده تروح و ترجع

وبس هذا الملخص هههههههه

 

[glby7sas]

هههه فوفوه اي والله محد قام يدش التجمع مثل قبل
انا ابدل حفاظتهم قبل لا اطلع بس اموقتيها حق كل ٣ ساعات لازم ابدلهم لوول

بطه الله يبارك فيج
واي الله يعينج بدون خدامه احس اتأزم قبل الحمال كان عادي مايهمني عندي خدامه او لا بس الحين احسها شي مهم بحياتي لووول وشي حلو انج ماشاءالله اهتميتي بنفسج انا يووم سويت رجيم وضعفت جان احمل خخخخخ

 

[baa6aa]

تصدقين عاد قبل لي ثاني سنه جامعه و انا كلش مهمله
بعدين بلشت لا احب اني اتحلى على عمري و تنظيفات و جلسات وجذي و تعودت كل اسبوع يا صالون او سبا ماسكات شعر تنظيف بشره تقشير مساج حمام مغربي بدكير منكير لازم كل اسبوع تلقيني اسوي شي من هذول على طووووووووووول
وبعد الزواج ريلي نوعه مايحب اقول بطلع وايد بس اذا راح دوامه خفاره هني احلى نحشه اروح اسوي
وفتره الحمال ممنوع طبعا نسوي هذول فكنت فاقده هالشي حيييييييييييييل و الحين عقب ماجابلت بنتي و خلاص اقدر اخليها عند اهلي شوي شوي قمت ارجع حق سوالفي اول
واذا ماحصلت لي فرصه اني اطلع العده كلها بالبيت و انا اسوي حق عمري
وناااااااسه حلو لمن اقعد و احسني نظيفه ونعومه


وعالخدامه احس مابي اييب لي وحده تجابلني بالبيت شنو البس و اشتري و كل شي
كافيتني مالت بيت ابوي اتيي تنظف كل اسبوع مره و باقي الايام انا اللي اسوي اهيا بس اتيي مره وخلاص
ماخذه راحتي بالشقه على كيفي البس اللي ابيه و اسوي اللي ابيه
بعد اهيا ادميه حالها من حالنا عسى الله يرحمنا
ونفس الوقت مو من كبر شقتي ولا اذيه بنتي اللي احتاج احد
دام تعدلت نومتها الحين و خلاص تأقلمت عليها الحمدلله الامور ماشيه
بس طبعا اذا الله سهل و حملت عقب راح احتاج احد يساعدني اذا كانو ياهال فوق بعض
بس ناويه ان شاء الله اذا وصلت عمر الروضه وتفهم تسوي كل شي بروحها هني ودي احمل
بس اذا بعمر تبي مجابل ما ودي صراحه