قلبي اتوقع الدم مايطول لان توج ماطولتي بالحمال
يمكن 10 ايام او اسبوعين ويوقف وترا لازم تصلين
لان ماتعتبرين نفاس نسيت اقولج
حتى انا عبود لي الحين يقعد يرضع بالليل رضعه
وحده قبل لا يدش البرد ماكان يقعد يرضع واذا قام
احط له المصاصه يرد ينام الحين لا لازم يرضع عشان
يرجع ينام اتوقع البرد ايوعهم وعليه
بس بناتج جم رضعه يرضعون بالليل؟
شوفي العشا خليه وجبه ثقيله عشان يشبعون
سوي لهم عيش ولحم وخضار وقبل لا ينامون عطيهم
رضعتهم حاولي تزيدين لهم كمية الحليب بس طبعا
الرضعه من عقب العشا مباشرة عشان لا يرجعون
واذا قعدو جربي تعطينهم ماي بالمميه شوفيهم اذا
ردو نامو اوكي مع الوقت راح يتعودون واذا مانفعت
الطريقة ماكو الا تحطين لج منبه مثلا بعد 6 ساعات
من نومتهم تقومين تعطينهم حليب ثنتينهم وتردين
تنامين .. والله يعينج
انا صارلي عند اهلي اسبوعين من قالت لي الدكتورة
المشيمه نازله حدي مرتاحه هني الحمدلله امي وخواتي
يساعدوني انام وقت ماابي واقعد على راحتي
بس كل مااتذكر اني برد بيت حمولتي احس ودي ابجي
مابي ارجع اكره ريحة غرفتي والبيت هناك كله يهال
ازعاج مااقدر ارتاح ودي اقعد هني تعودت على بيتنا
بالسنه والنص اللي ريلي كان فيها بره احس
مومرتاحة كلش هناك والنفسيه مع الحمال حدث ولا حرج
