تجمع مواليد ( مارس & ابريل ) 2014 الله يحفظهم

[baa6aa]

فوفو ..
خالدة وايد زينة ماشاءالله و اذا كانت مو موجودة راح يحولونج حق زينب
وزينب انا كل مراجعاتي عندها .. اتينن و مافكر اغيرها
والمستشفى عجيب يعني ان شاء الله هالمرخ تجربتج بتكون احسن من اول احسن من اول بوايد وربي يسهل عليج
وعالنساه مابي اخرعج بس في من اهلنا تظل نساتهم لي الولاده
وان شاء الله انتي مو منهم
والله يعينج شعور خايس لمن تستثقلين روحه الشقه مع ان دام معاهم المفروض اريح بس انا نفسج معاهم و مو مرتاحه احس قعدتنا ببيت ابوي ابرك


لما ..
اي و الله ياريت يرجعون نفس اول



واشوه مو بس بنتي عيوزه ههههه اقرا تعليقاتكم و من داخلي مستانسه ان وضعي طبيعي كنت شاكة ببنتي ان فيها شي
والله يعينج حمره انا انضم لج من اللي قاعدين بدون خدم ومنهد حيلي بس الحمدلله ماشيه اموري


قلبي ..
على نومة الليل المفروض تسوين لهم اعشاب بليل اذا قعدو و يبون الحليب عطيهم و تحملي جم يوم بس لان راح يبجون بعدين راح يستوعب مخهم ان اذا قعدو بليل ماراح يلقون الا هذا فراح ينامون و هذا اللي سويته مع بنتي بس تقعد كل يوم بين ال6 او 7 اعطيها حليب ومره وحدة اكون قايمه حق الدوام

 

[fofowa_q8]

قلبي والله حالتج كسيفه كسرتي خاطري والله وايد

٣ مرات يقومون وانتي عندج دوام؟

ميخالف حاولي تعودينهم اذا قامو حطي لهم مصاصة

شكلهم بناتج نفس بنتي كانت جذي اذتني لين

صار عمرها سنه واهي جذي لانها ماترضع وايد

تشرب رقمين او ٣ بالكثير وتنام فماتشبع تقعد بعد

ساعتين او ثلاث تبي بس انا كان عبالي طبيعي لين

قالولي المفروض ماتشرب حليب بالليل وقمت اعودها

اعطيها مصاصه او ماي كانت تبجي تستعسر اول الايام

بعدين تعودت

 

[fofowa_q8]

بطه انا والله حيل مرتاحة حق دكتورة خالدة

كل مراجعاتي عندها ماشفت زينب ولا مرة

انتي قصدج بالمراجعات اذا ماكانت موجودة يحولوني

على زينب ولا بالولادة !!

 

[fofowa_q8]

والمستشفى في اللي يمدحونه وفي اللي يذمون

يعني الوحده تروح خاص وتقط فلوس تبي راحتها

الصراحة راح احتر اذا ماكانو زينين

الله يسهل ان شاء الله

والنساة انا بولدي جذي لين ولدت وانا جذي

بس طلع من بطني سبحان الله راحت النساة

بس هالمرة النساة اخف الحمدلله بولدي كانت

حالتي حالة كل يومين مستشفى هالمرة اتمنى

تخف علي

 

[دلوعة ماماتي 88]

مرحبا


هلا حمره وفوفو

بخير الله يسلمكم .. يووه حمره الله يعيينچ الحين الخدم شي فضيييع ..




قلبي الله يعنيچ

بنتي يالله تعدلت نومتها قبل كل ساعه تقوم والفجر تلعب بس الحمدلله الحين اهون بس اعطيها ٣ رضعات تقريباً اذا ربي هداها ورضعت كل الرضعه اما اذا رضعت بس رقم عاد ليلتها الله يعيني كل شوي تقعد ترضع شوي وتخلي الباقي وماتخليني انام

 

[Q8_QT]

شلونكم بنات شخباركم



شكلهم عيالنا متفقين علينا حتى انا بنتي صارلها تقريبا اسبوعين كل يوم تقعد بس ما تبي ترضع تبيني اشيلها وانومها يمي مأذيتني اسم الله عليها على هالشي

 

[حمرة الورد]

اي من البرد ترى حتى يحسون بالجوع طبيعي يقعدون باليل كثير

 

[fofowa_q8]

مساء الخير

شلونكم بنات؟

امس اول مرة ولدي يقعد ٣ مرات بالليل

عشان يرضع كل يوم يقعد مرة وحدة!!

الظاهر غار من ربعه

 

[baa6aa]

فوفو
صح وايد يمدحونها ماشاءالله عليها .. بس اذا كان عندها ظرف طارئ سفر او ماتقدر اتيي وقت المراجعات او الولاده الاغلب يحولونهم حق زينب الا اذا طلبتي انتي احد ثاني
وانا والده برويال .. عجيب عجيب عجيب عجيب
على كثر ماكنت خايفه منه من كثر الذم اللي عليه بس كنت مقرره اكمل فيه عشان الدكتورة
وصج اختياري كان بمحله
ماتحسين انج باجواء مستشفى بالعكس دلع و اهتمام على الاخر بس بغرفه الولاده اذا كان في زحمة و ضغط ما تشوفينهم طول الوقت على راسج الا وقت الولاده صج
غير جذي ما يخلونج
وحيل هادي المكان ما تحسين بلويه باقي المستشفيات و تنامين بليل على راحتج ان دخلوا وشافوج نايمه خلوج الا وقت الضروره اللي لازم يقيسون الضغط و الحراره لان صارلج فتره هني بهدوء يسوون شغلهم
حبيتهم صج حبيتهم و لا افكر اغيرهم

هههههههههههههههه يحليلهم مره وحده اشتطوا الياهال على قعده الفير
انا يتها هالعره بس اشوه صارلها يومين رجعت حق وضعها الطبيعي الله يتمم عليها

 

[fofowa_q8]

الله يسهل بطه الوحده توكل امرها لله وتدعي

انا احتمال كبير ولادتي قيصرية فاتوقع

اهي راح تحدد لي وقت تكون موجودة فيه

عشان العملية .. صج بنات اللي ولدو قيصرية

شنو احسن من تجاربكم ابرة الظهر ولا البنج الكامل؟

كله اتخيل اني اخذ ابرة ظهر وبنص العملية فجأه

احس بالعوار واهم قاعدين يشقون بطني

واقول لا بنج احسن بس البنج يتعب ويلوع الجبد

وكثرته موزينه

 

[fofowa_q8]

واي بطه شكلي صكيت ولدي عين قبل شحليله

مايقعد واذا قام يرضع بس مرة وحدة

امس بدع بدع حسيت اني بنفاس والله

كل ساعة بالضبط يقعد مادري شيبي

واليوم من قعد واهو يحن ويبجي شكله بيصير

مريض مرة ثانية

 

[baa6aa]

فوفو خلج على ابره الظهر اكيد راح يزيدون جرعتها وان شاء الله ماكو الا العافيه و عالاقل اسمج قاعده بعافيتج ولا تعب البنج الكامل

انا جذي الاسبوع اللي طاف بنتي بالضبط كل نص ساعه
قمت اخر شي قطيت عليها 3 كفرات و لميتها فيهم عطيتها احساس انها ملفوفه كلها بثقل و هالطريقه نفعت معاها قامت تنام عدل
بس قبل النوم شي طبيعي بعطيها حليبتها تكمل رضعتها بعدين تنام

 

[لما ضاقت]

شلونكم بنات ترى البرد لاعب بنومه اليهال بنتي امس طلعت لها لفة صوف و لفئتها كلها مثل المهاد بس خليت أيدين ها طالعة و عطيتها بكنبل يالله نامت مدري شال سالفة مع انها قبل ما تقعد بالليل الا مرة الحين كل شوي تنطلي بابا دادا

 

[baa6aa]

هههههههههه عيالنا متفقين شكلهم

 

[Q8_QT]

شلونكم بنات مساء الخير





مسلسل هاليهال مستمر مادري شسالفتهم على قومة الليل الله يهديهم هالأسبوع أنا كله متأخرة




فوفو


أنا الصبيان ولدتهم بالسلام وبنتي برويال حياة و مع انه تجربتي بالسلام كانت زينة الحمدالله بس رويال حياة شي ثااااااني صج صج فرق علي حتى ريلي مع انه ماكان متحمس أولد هناك وما كان حاب المستشفى بس عقب ماشاف التعامل قالي اذا الله كتب كل ولاداتج هناك فتطمني ولا تحاتين ان شاءالله هالمرة الله يسهل وتحسين بالفرق حتى العمالة مالت التنظيف رووووعة و نفسهم حلوة
وانصحج تأخذين إبرة الظهر ترى تجربة حلوة تشيلين ضناج بإيدج وماراح تحسين بالم لا تحاتين جربت الولادة في بنتي إبرة ظهر و كنت ميتة خوف بس الحمدالله سهالات

 

[fofowa_q8]

الله يكتب اللي فيه الخير

طمنتوني والله بنات

عبود مايحب اغطيه بالليل كله يعرق وكل شوي

رافس الغطا وصارلي الحين فترة انومه يمي لان

اذا بجى مااقدر اشيله بالليل فالأخ مستانس

امس جربنا نحطه بفراشه فضحنا قام يبجي بجي

وزعل علينا حتى عقب ماشلناه من فراشه يطالع

الفراش ويطالعنا ويمد البوز يتعبر ههههههه

 

[glby7sas]

بنات ايي عيالي يرضعون اشوي اهم ليلحين60 يشربون
وجربت اخر وجبه سيريلاك نفس الشي استغفر الله تعبت

راهم يميزون الاعشاب والماي فمايرضون يشربونهم واضلا المصاصه على طول بحلجهم واي اليهال متعبين

المهم فوفوه انا جربت ابره الظهر بالقيصري روعه ووناسه بنفس الوقت واذا طبعا ولدتي بحزتها وناسه الياهل يمج وانتي كلش مو تعبانه اصلا دكتور البنج والدكاتره قاعدين يسولفون معاي وسمعتهم بنتي كانت مو راضيه يمسكونها تصعد فوق ولمه مسكوها قالو ايواااا خخخخخخخ طبعا لو انتي ملقوفه نفسي بقولج سر مكان تقدرين تشوفين كل شي بس اذا خوافه ماراح اقولج

 

[fofowa_q8]

قلبي لا تكفين لاتقولين مااتحمل اشوف بطني مبطل

يمكن يغمى علي

اليوم رحت موعدي الحمدلله البيبي زين وكل شي فيه

اوكي وانا باخر الرابع تقريبا

والدكتورة قررت لي قيصرية خلاص ان شاالله

والبيبي طلع ولد

بيكون بينه وبين عبود ان شاالله سنه تقريبا

يعني جنهم توأم .. قلبي شكلي بحجز لهم بناتج

من الحين شرايج

 

[fofowa_q8]

اي صج بنات منو جربت مع الولادة القيصرية يسوون

لها شد شوي حق البطن مو شفط لا لانه خطر

مع الولادة بس شد بسيط ويكون الجرح شوي اكبر

من جرح القيصرية؟

 

[lawyara]

شلونكم بنات شخباركم ..
فوفوو الله يسهل عليج حبيبتي ..
من فتره منقطعه عن التجمع ، بنتي بتدش 10 شهور وكسلانه ليلحين ما تحبي تزحف ههه بس احطها بالدرايه اتشفط بالصاله، اطلعولها ليلحين 4 ضروس.. اسم الله عليها من تشوفني بطلع تصرخ و تصيح كل يوم على هالحال