تجمع مواليد ( مارس & ابريل ) 2014 الله يحفظهم

[baa6aa]

مبروك فوفو على الشيخ ربي يبلغنا بولادتج يا رب
وعلى الالتهاب اذكر ببنتي اول جم شهر ياها التهاب تخيلي داخل المنطقة يطلع منها كور و اشياء تخرع
فلمن سالت الدكتور قالي مو مع كل غسيل تستخدمين الصابون حقها اذا كانت مو موصخه غسليها بماي
وعقب ما اخلص انشفها واخليها تتهوى مو على طول البسها بامبرز
وصج من عقب هالشي الحمدلله ربي يتمم ليلحين ما عانيت معاها من التهاب
ومستمره على هالشي جم مره بس اغسلها بصابون باليوم
والباقي بس ماي و انشفها عدل


و على ابره الظهر توكلي على الله وايد احسن وربي يسهل عليج

وانا بنتي العيوزة سننت اخيرا و بنسوي لها نون ان شاء الله

 

[baa6aa]

وين اختفيتو
عسى المانع خير

 

[مآيكبرني نك]

��

 

[خوخه89]

هاي بنات امهات اخباركم مادري شفيني مالي بارض حق شي

 

[Q8_QT]

مساء الخير امهات شعلومكم




لهيت ويا ولدي امتحانات هالفترة




خوخة وبطة ومايكبرني



شلونكم وشلون عيالكم ان شاءالله اموركم طيبة





فوفو




وينج بشري عنج ان شاءالله تحسنتي



والباجي وينكم غاطين

 

[مآيكبرني نك]

الحمدلله ..

مانع طلع له ضرسين ويحبي ويوقف اتريآه يمشي بعد هالفترة ،

طمنيني عنج وعن بنوتتنا الحلوة ��

 

[حمرة الورد]

انا كأني موجوده منوعي نفس علاوي بالضبط ههههه

 

[baa6aa]

باقي بنتي العيوزة يا تحبي يا تمشي خل تحدد ههههههههههههههههه بس معاكم طلعو لها ضرسين تحت

 

[حمرة الورد]

فديتهم انا علاوي كله تحت الطاولات هههه

 

[baa6aa]

هههههههههه بلشنا حركات العياره الله يحفظهم

 

[Q8_QT]

حلت دنياك حبيبتي والله يخليلج منوعي


انا نفسكم بنتي طلعت ضرسين ووقفت عبالها خلاص الظاهر بس اثنين وهم تحبي وتمسك الطاولة و توقف بس ماودي تمشي قبل السنة نتتتتفة صايرة فديتها

 

[خوخه89]

انا بنتي عندها 3 اسنان تحت وتحبي وتوقف فديتهم تصدقون انهم بيكملون سنه الله يعطيهم طوله العمر بطاعته

 

[Q8_QT]

اي والله خوخة آخر ٣ بنتي تكمل سنة احس بسرررعة كبرت
الله يحفظهم و يخليهم لنا يارب

 

[glby7sas]

انا بناتي تفسكم وحده طلعلها ٤ ضروس ماشاءالله والثانيه بس ضرسين اثنينهم يحبون ويمسكون الطاوله يوقفون مادري متى ناوين يمشون على خير بس يمشون بعلمهم عالحمام هههه حدي قويه صح

 

[Q8_QT]

ههههههههههه حدا قوية قلبي

 

[ward-ward]

شلونكم يالغاليات شخباركم عساكم بخير والله لكم وحشة سبحان الله عيالنا مشاءالله بيضير لهم سنة. انا بنتي طلع بس سنين تحت والحين بدت تحبي والله يخليهم لنا ويخلينا لهم اللهم امين اشتقت لكم والله واشتقت لسوالفنا قبل بتجمعنا بس لهينا بالدنيا وبعيالنا وبامتحانات العيال والحمدالله علي كل حال

 

[Q8_QT]

هلا ورد



صاجة الكل لاهي بهالدنيا بس ان شاءالله نظل متواصلين والله يخلي لنا عيالنا




فوفو


غاطة كلش عسى المانع خير

 

[baa6aa]

صبااااااااااح الخير بعد الاجازة الحلوة
وكل عام وكويتنا بالف خير ربي يدوم علينا هالفرحة يارب


وبنتي العيوزة و اخيرا قررت تحبي و لعبت فينا لعب ههههههههههه و حاليا لثتها اللي فوق وارمة ودهم يصيرون 4 بدل 2

وماشاءالله الايام صج تركض باقي لها اسبوعين و تكمل سنه ماشاءالله
ربي يبلغنا بعيالنا معاريس يارب ونفرح فيهم

وبعد مناقشات و لوية و سوالف تم الاتفاق ان مشروع الحمال يتأجل لي السنه الياية ان شاء الله اذا ربي سهل
منها تكون كملت سنتين و على ما احمل واولد تكون 3 سنين الحمدلله خير و نعمه عالاقل تفهم شوية ما اتوهق خصوصا انها حيل متعلقه فيني

 

[Q8_QT]

مساء الخير





اي والله خوش اجازة كانت الله يزيد افراحنا و يتمم علينا


بطة



انا بنتي تكمل السنة آحر الشهر ناطرتها تسنن الاخت لي الحين بس ضرسين

 

[baa6aa]

عندي و عندج خير بقي لها اقل من اسبوعين و غير هالضرسين ما شفنا ههههههه عالاقل حبت شوي حسستنا ان في تطورات