تجمع مواليد ( مارس & ابريل ) 2014 الله يحفظهم

[baa6aa]

كويت هذا اللي قاعد يصير حاليا كل يوم ادق اكلمها
اتحرش فيها و اختفي هههههه

خوخة حبيبتي وانتي بخير يارب عقبال تفرحين بعروستج ان شاء الله

 

[Q8_QT]

هههههههه زين تسوين بطة


ناطرة يوم الخميس على نار يوم عيدميلادها تكمل سنة وبوديها اصورها ان شاءالله


صج بنات صورتوا عيالكم ؟؟ ووين تصورونهم فيدونا ؟

 

[baa6aa]

حجزت لها بنفس اليوم تصوير عند لولي بوب ستديو و عطتني بكج الاعياد ميلاد خذيت البكج العادي مو السبشل
بس 8 لقطات و معاهم كيكه اخذها حقنا البيت ب 47
واي لقطة زياده ب 4
فيعني جنج دافعه 32 حق الصور و 15 دينار كيكة على اسمها
واللقطات عجيييييييييييييييييييييييبه صراحه الشغل اينن
خذيت ال8 مازدت عليهم لان بس ذكرى
وكل شي كان منها حتى اللبس انا بس وديتها ايد ورا و ايد جدام هههههههههههه

 

[Q8_QT]

حجزت لها بنفس اليوم تصوير عند لولي بوب ستديو و عطتني بكج الاعياد ميلاد خذيت البكج العادي مو السبشل
بس 8 لقطات و معاهم كيكه اخذها حقنا البيت ب 47
واي لقطة زياده ب 4
فيعني جنج دافعه 32 حق الصور و 15 دينار كيكة على اسمها
واللقطات عجيييييييييييييييييييييييبه صراحه الشغل اينن
خذيت ال8 مازدت عليهم لان بس ذكرى
وكل شي كان منها حتى اللبس انا بس وديتها ايد ورا و ايد جدام هههههههههههه

بطة شهالصدف الحلوة حتى انا حاجزة حق بنتي عند لولي بوب اتعامل معاها من عمر ولدي العود 4 سنين بس انا خذت باكج الاسبيشال ومونفس يوم ميلادها خليته من باجر اليمعة عشان اودي الكيكة الزوارة يعني بضرب عصفورين بحجر انا معروف عني مينونة بالتصوير الود ودي آخذ كل اللقطات عسى ماتهور بس

 

[حمرة الورد]

كيوت بنتج نفس ميلادي فديتها
عطوني أكاونت الاستديو وين مكانها تفاصيل اكثر بليز

 

[وداعيه]

السلام عليكم

ونااااسه نصكم كانوا معاي بالتجمع قبل


وابشركم حامل بعد ولله الحمد




شلووون عيالكم فديتهم

ولدي حبيبي لي شهرين مو شايفته حتى بنتي


مسافره مع زوجي علااج

صار يوقف بروحه الحين فاتتني اشياء واجد تعلمها بهالشهرين


والحمدلله على كل حال ، شهر ورادة لهم باذن الله

 

[Q8_QT]

كيوت بنتج نفس ميلادي فديتها
عطوني أكاونت الاستديو وين مكانها تفاصيل اكثر بليز

يفداج الغالي حمرة وكل عام وانتي بخير
والله الاستديو عجيييب انصحج فيه انا اتعامل معاها من زمان تصوير اطفال وعائلي ممتازة
الاستديو اسمه لولي بوب @lollipop_studio
مكانهم في مبارك الكبير طريقتها تدزين لها واتس اب عشان تحجزين ممكن ماترد عليج بسرعة لان عندها ضغط بس عادي اذا طولت دزي مرة ثانية واهي ترد عليج اذا دشيتي اكاونتها تلاقين بنتي اللي لابسة نفنوف بنفسجي وكبوس اليوم حطت صورتها فدييييتها

 

[دلوعة ماماتي 88]

السلام عليكم ورحمة الله وبركاته


شلووونكم .. اشتقت لكم .. ��


كل عام وكتاكيتنا بالف خيير والعمر كله ياارب


حجزت لبنوتي بسوي لها حفله بماكدونالدز وودي اصورها بس مادري محتاره اي مصور والميزانيه مو مضبوطه ��


بنات اللي صوروو بلولي بوب الـ ٨ صور خلفيتها ولبسها واحد !!!

واقدر اصور انا وزوجي ولا بس اطفال !!



بنتي الحمدلله الحين تمشي بس مشيتها احس مو مضبوطه عاد سويت تحاليل لها واليوم النتيجه ان شاءالله
طلع لها سنين تحت


امممممم ومادري شقوول بعد ههههههه من زمان عنكم




وداعية


الف مبرووگ الحمل
الفال لي ان شاءالله �� تركت حبوبي من بداية السنه


والله يشافي مريضكم وترجعون بالسلامه ان شاءالله

 

[لما ضاقت]

السلام عليكم شلونكم بنات اليوم عيد ميلاد بنتي سبحان الله بسرعة مر الوقت

 

[لما ضاقت]

مبروك للحوامل و الفال للي يبي

 

[لما ضاقت]

كل يوم ادش بس ما ادري ليش ما اشارك هههههه

 

[لما ضاقت]

بنات اختي مشاركة بالمنتدى من اسبوع و لي الحين ما يتها موافقة الادارة يعني ما تقدر تشارك او ترد في وحدة تعرف اشقد يطولون ذبحتني تسال كاني انا اللي بوافق هههههه

 

[لما ضاقت]

مهارات بنتي تمشي مثل البطة و عندها ثلاث اسنان واحد فوق و اثنين تحت و بس ماما دادا بس ما تعرف الكلمة اذكر بنتي الكبيرة بعمرها كانت تقولي ماما و اذا تبي حليب تقول ممي و الاكل نمنم عرفتوا شلون اما هذي لا بس اصوات يعني ما تسمي

 

[لما ضاقت]

فوفو شلونج مع الحمال

 

[baa6aa]

كويت
انا معاج من قبل مصورة بنت اخوي عندها ومن عقبها كل اتعامل معاها
زين تسوين على قولتج تضربين عصفورين بحجر
بس عقب ماخلصت التصوير رحت حق حمولتي وتالي بيت اهلي اللي شبت الشمعه و طفتها بنت اخوي ههههه
شفت الصورة اسم الله عليها الله يحفظها
خوش لقطة

وداعيه
الله يشافي مريضكم يارب و يردكم بالسلامه حق عيالكم يارب
وربي يتمم عليج الحمل يارب
حمرة
نفس ماقالت كويت كلميها وتس اب اكثر من مرة اذا ماردت عليج و ان شاءالله ترد

دلوعه ماماتي
الخلفية وحده بس تلبسها اكثر من لوك و تالي تختارين اللي تبين
البكج 47 كيكة مع ال8 لقطات واي لقطة زياده ب4
وعادي اذا تبين مع زوجج طلبي منها هالشي و راح تخلي موعدكم بليل عشان تاخذون راحتكم

لما
كل عام واهيا بخيييير العمر كله يارب و عقبال تفرحين فيها عروسة

 

[Q8_QT]

مساء الخير بنات




بطة


اي انا بعد عقب ما خلصنا تصوير رحنا بيت خالتي الزوارة عندهم وحطينا الكيكة واهي ماتدري وين الله قاطها اللي طفى الشمعة ولدي وولد حماي يتهاوشون عليها بس اهي استانست تلعب بالبالونات وتصفق وسوينا جو ماقصروا كل الموجودين احتفلوا فيها وناسة والله
اي شفتي الصورة باكاونتها حاطتها حيل حبيتها




لما



كل عام وبنتج بخير تفرحين فيها عروس ان شاءالله




ومبروك للبنات اللي احملوا والله يتمم عليكم




دلوعة



شلون حسيتي انه مشية بنتج مو طبيعية ممكن توضحيلي ووين وديتيها
انا ولدي الصغير مرات يقولولي جنه مشيته مو طبيعية مع اني ماشوفها مو طبيعية عادي عندي خلوني احاتي وماني عارفة حق منو اوديه عشان اجيك

 

[خوخه89]

الله يستر اخاف اطلع حامل احس تو الناس خصوصا اني بسافر الاسبوع الجاي

 

[baa6aa]

صباح الخيير بنااات


كويت
زين سويتي عليكم بالعافية
وعلى المشية امس قارية بانستغرام دكتور كاتب ان مشي الياهال من 8 اشهر لي سنه و 3 اشهر
اذا صار اكثر وما مشا ودوه جيكو عليه
فاذا تحسين ان يبيلج تراجعين راجعي



خوخة ان شاء الله مايصير الا اللي تبينه و بالسلامة يارب مقدماً

 

[وداعيه]

اهلييييييين دلوعة ماماتي ، الله يرزقج يااااااارب وتفرحينا

 

[وداعيه]

تسلمين حبيبتي بطه