تجمع مواليد ( مارس & ابريل ) 2014 الله يحفظهم

[baa6aa]

لما احس الحين وقتج عشان تجابلين عمرج مو وقت تحملين الحمدلله عندج عيالج وحواليج ربي يخليهم لج
ليش تفكرين بعد تحملين
ماودج تجابلين عمرج تتحلين على عمرج و تخففين عن نفسج المسؤوليات شوية
خصوصا ان ماشاءالله مو بس مسؤولية عيالج عندج حتى حماتج
فمادري اسفه اذا تدخلت بس احس الحين يا دورج نفسج عليها حق

وبالنسبه حق اختج اتوقع لو تفتح حساب يديد احسن
لان المشرفات و الباقي ماحس قامو يدشون نفس اول والدليل المواضيع المتروسة اللي مالها داعي

 

[قرة عيونه]

شخبااااااام بنات


امبيه ماتوقعت التجمع للحين تفاعل وانا مادري عنكم

شكثرررر صارتلي سوالف ويا ولدي واتعب نفسياً نسيت كلياً هالموضوع مع اني انا مسويته لو ذاكره كان دشيت كل شوي وفضفضتلكم ههههه

والله لكم وحشه بنات شخباركم عساكم بخير

ابشركم انا توني محلله قبل يومين وطلعت حامل وهذا سبب رجوعي للمنتدى لووول

وفديتها لما دزتلي خاص ذكرتني بهالموضوع لان قسم التربيه مو حيل ادخله فنسيت

المهم بنات ولدي باقيله عشر ايام ويكم سنه وشهرين ان شاء الله وللحين مايمشي

متضايقه حيل ودي يمشي وافرح فيه بسرعه

ومو بس جذي لاعت جبدي كل مابي انسى الناس تذكرني ليش مامشا وليش مامشا ومادري شنو وديه طبيب

مع ان ولديته وقالوا مافيه شي وانا الحمدلله اشوفه يمشي بالمشايه عادي بس بروووحه يخاااف يعني مو فيه شي لا سمح الله بس خوووووف مايبي يمشي بروحه

ادعوله يمشي بسرعه :'(

 

[fofowa_q8]

الف مبروووووك قرة عيونه والله يتمم عليج

بنات نصيحة اللي ناويه عالحمال تنطر شويه

عالاقل لما يكمل البيبي سنتين

انا هلكت تعب تعب دبل حمالاتي اللي قبل

والجرح ذابحني وثقل مو طبيعي والنساة

موراضيه تفج مع اني دخلت الثامن ومن اول

شهر نزيف ومثبتات لاني اشيل ولدي ولي

يومكم هذا وانا اخذ المثبتات .. الحمدلله اهو

نعمة من رب العالمين بس هم احنا اجسامنا

لها علينا حق وعيالنا بعد لازم ياخذون حقهم

 

[fofowa_q8]

حبايبي تسلمون وانتو بخير والله يبلغكم

بعيالكم


حمره انا عبود من فطمته واهو كل شهر مريض

صدره وحرارة ويتعب وايد مادري شفيهم

عيالنا مناعتهم كلش

 

[قرة عيونه]

الله يعيييينج غفوفوا ويسهل عليج يارب

صح الحمل ورا بعض متعب خصوصاً اذا الجاهل مايمشي

انا لان كاسر خاطري بروحه حيل يزهق ويبجي مايسكت لين يجون عيال خالاته ولا عماته يستانس معاهم

فادنىى حد عندي احس سنه ع الاقل يبلش مشي ويشد حيله واحمل

ويصيرون اثنين ان شاء الله يلعبون مع بعض وانا اريح ع راااااحتي

لكن للاسف كمل سنه وشهرين وحملت وهو مامشى ههههه

والله يبارك فيج ي قلبي

 

[baa6aa]

ماشاءالله قره ربي يتمم لج على خير يارب و يرزقج الذريه الصالحة

بالنسبة لي على الحمال نفس ما قالت فوفو ما افكر حاليا اذا كملت بنتي ان شاء الله سنتين تالي اشوف اذا اقدر على 2 ان شاء الله واذا حسيت ان تعب علي اءجل لي عقب خصوصا ليلحين انا معاها بدون خدامه

ولا تختفين ولي يعافيج خلج معانا طلي علينا دايما
وعسى ماشر شفيه ولدج ؟

و فوف شلونج الحين ان شاء الله احسن ؟

 

[baa6aa]

وقره على مشي الياهل لاحقة على رزقج حبيبتي دام وديتيه و قالو ماكو شي الحمدلله هذا اهم شي
وياما ناس طولو على ما مشووو
لاحقة على رزقج و على تعفس البيت هههههههههه

 

[قرة عيونه]

والله قبل كنت اقول لاحقه وعادي لكن بديت اخاف

خصوصاً ان يرفع رجوله ويمشي ع اطراف اصابعه مادري اذا هذي بالبدايه ولا شنو بالضبط

وهم احس بيكمل سنه وشهرين وللحين حيل خواف

توه من شوي يمشي وهو متسند ع الطاولات وجذي صارله فتره ع هالحاله لكن من شوي اختل توازنه وطاح ��

صج صج حيل تضايقت يعني حتى مع الطاولات مايقدر يتوازن ؟؟ خفت يكون فيه شي بس يارب مايكون فيه شي ويمشي ويستانس حيل حيل معور قلبي احس وده يمشي ويركض ويلعب مع الجهال بس مو قادر يلحقهم وهو يحبي

ولما امسكه بايده يطير من الفرحه ويركض معاي يمشي بسرعه بسرعه مبين ان حيل وده يمشي ��


بنات تكفون ادعوله

 

[fofowa_q8]

من صجج قره لاتحاتين حبيبتي عااادي يقولج البيبي. اذا

كمل سنه ونص ومامشى ولا سنن هني تراجعين

دكتور واهو اذا يحبي بالعكس هذا شي زين وترا

من ياهل لي ياهل يفرق انا بنتي سنه بالضبط مشت

وماكانت تحبي على طول مشت وولدي يحبي بس

مايحب امشيه حتى امسكه من ايده يطفر يقط

روحه على الارض ويحبي عااادي خليه على راحته

راح يمشي ان شاالله اول وتالي ويقعد يحوس ويعفس

الدنيا ويكسر الاغراض ههههه

 

[fofowa_q8]

والياهل اذا بدا يمشي دايما على اطراف اصابعه وبعدين يوازن

نفسه ويمشي عدل لاتحاتين بتلقينه فجأه يمشي

وحلو على مايكمل سنتين الا البيبي الثاني ان شاالله ياي

الله يسهل ويتمم عليج بس ديري بالج لاتشيلينه كلش

انا اشيل واحط بولدي ووايد تعبت بحمالي هذا

 

[fofowa_q8]

بطه الحمدلله على كل حال والله تعبانه وايد

قاعد اييني طلق وكل شوي مستشفى ونسبة

دمي حيل نازلة ولي الحين اعاني مع النساة

الله يسهل مابقى شي ان شاالله دشيت الثامن

وقررولي عملية خلاص ماكو مجال اولد طبيعي

جرح عمليتي القديم ضعيف وراس البيبي

كبير على حوضي

 

[baa6aa]

قره .. ترى نفس ما قالت فوفو اذا كمل سنه و نص هني ميخالف تراجعين و تحاتين بس قبل لا حرام
بنتي نفس ولدج تمسك الطاولات و القنفات و تمشي واهيا ماسكتهم و الله لا يوريج شكثر تطيح و اذا مسكتها من ايدها عشان امشيها تستاااااااااااااانس و نفس ولدج تمشي على طرف اصابعها
فالحين امي شرت لها العلاقه البسها اياها و من فوق خيط و مسكه حق ايدي عشان امسكها فيها و امشي بدون ما احدب ظهري
حيل مستانسه عليها
واذا حست اني رخيت ايدي عشان ابيها تمشي بروحها لا تشوفين المناحه
تطيح روحها عالارض و تصرخ حييييييييييل
فعادي لا تحاتين ان شاء الله ماكو الا الخير
بس احنا على بجر ماعندنا خلفيه كافيه عن هالسوالف
ان شاء الله مع البيبي الثاني بتشوفين كل شي اوكي و كنتي تحاتين بزياده



و فوفو .. بعد قلبي الله يعينج و مأجورة ان شاء الله
كثري من الرمان و الجبده و الجرجير لان اهمه اللي سريعين حق نزول الدم
وان شاء الله تردين احسن من اول يارب
ودام من الحين محددين لج عمليه احسن و لا ان ينطرون و تالي يلعبون فيج
فالحمدلله على كل حال
ربي يقر عينج بشوفه ظناج بصحه و عافيه يارب

 

[خوخه89]

هلا بنات اخباركم

قره عيونه عادي انا بنتي للحين مامشت ولا علي من كلام حد ونفسج خاطري احمل مب عشان شي بس لان بنتي مسكينه تتملل بروحه وتفرح اذا شافت يهال تقعد طول الوقت تلعب حتى لو تبي ترقد تقاوم بس عشان اليهال فلو حملت الحين ان شالله بيكون عمرها سنتين لين اولد فالتوقيت جدا ممتاز

فوفو الله يعينج انتي بسرعه حملتي عشان جذي تعبتي كفايا النساه تهلك بالوحده وتخليها تزهد الحياه يارب اذا حملت ما اتنسى بس اتدلع عليكم خخخخخخ


لما ليش تبين تحملين سوري مب من صلاحياتي اتدخل بس انتي حياتج متعبه مع زوجج وحماتج وعندج ٤ يهال لازم تتفرغين حق نفسج شوي انا للحين ما انسى سالفه ريلج مع القنفه لو كنت مكانج جان ذبحته

بطه اخبارج واخبار بطتج الكتكوته

 

[خوخه89]

حمره وكوبت اخباركم

 

[baa6aa]

هلا خوخة حبيبتي
لا تشوفين بنتي ان شافت ياهال تستااااااااااااانس وتناديهم بيبي وبيبي بس فيني خير خل اشيل احد ولا احطه بحضني
يابوووووووووووووووووووووي الغيره تشتعل ناااااااااار
اقولهم جنها حاسه اني تعبانه ومافيني على ياهلين هههههههههه

 

[قرة عيونه]

الله يجزااااااكم خير بنات وربي كلااامك ريحني

ويني عن تجمعكم من زمان

والحمدلله طلع ولدي طبيعي نفس اغلبية الاطفال

تخيلوا والله بالبدايه كنت عادي بس من كثر ماناس تتكلم عنه وتسال وامبيييه مووو صج ولدج ضعيييييف حرااام

وليش مايمشي مو من صجكم ليش ماتودونه الطبيب

مو شخص ولا شخصين تقريباً كل اللي حولي وزوجي مرات يتاثر ومرات لا وانا كذلك

بس يوم قريت كلامكم وربي ارتحت وصج بحاول اطنش بكلام الناس

اي وولدي وزنه ١٠.٥ والطبيب يقولي ممتاز بس الناس تقول لا هو وزنه ماخذه الراس ولا جسمه ضعيف :/

واختي تقولي اذا جبتي بيبي ثاني راح يخف تركيييييزج هذا ع ولدج وتصيرين عادي ماتتاثرين بكل شي فيه


فووفواا حبيبتي عسى الله يسسسسهل عليج يارب وتولدين بالسلامه وتنسين كل تعب الحمال

شغلي سورة مربم على طول وادعي يارب يسر ولا تعسر والله ييسر كل امورج يارب

 

[لما ضاقت]

شلونكم بنات فوفو الله يسهل عليج و يعينج بيصير نفاسج برمضان مو جذي عاد لوية خوخة الله يرزقج انشالله قرة عادي ولدج مافي شي انا اهل ريلي طفروني باوزان عيالي مع ان نفس عيالهم بس شكلهم يعطي على ضعيف و اهل ريلي مربربين لا تحاتين انشالله خير بطة معاج حق سنتين حلو خاصة انج موظفة بالنسبة لي معاكم حق المفروض اهتم بنفسي هالفترة بس تبون الصج صارت فيني عقدة صبيان ودي اييب ولد على كثر ما الناس يسموني ام البنات انسى ان عندي صبي مرات اقول خل احمل الحين يمكن يكون صبي و يصير رفيج اخوه بالعمر و هم قبل لا اكبر الحين عمري ٣١ و ريلي عقدني يقولي انتي كبيرة و ما ادري مشاعري متناقضة بهالموضوع و الله يكتب اللي فيه الخير و ريلي مانع الحين يقولي ماله داعي نكثر البنات بصراحة هذا اللي مخليني ودي احمل يعني علشان اييب بنات مالي حق احمل و لو كانوا اولاد مو كان راح يقولي كل سنة حملي صراحة حاز بخاطري بس ارد اقول اخاف صج احمل و اييب بنت و ازيد الطين بله سوري بنات بس فضفضه

 

[fofowa_q8]

الله يسلمكم يارب بعد عمري تسلمون

قره وزن ولدج طبيعي لاتحاتين نفس وزن عبادي بالضبط

وهم احس وزنه كله براسه وجسمه زين موضعيف ماعليج

من احد لاتوسوسين وتحاتينه

 

[fofowa_q8]

لما ماعليج شغل باحد حبيبتي جابلي نفسج وعيالج

توج صغيرة لاتخلين احد يحبطج وشفيهم البنات

ياحلوهم ويازينهم اهم شي الصحة والعافية والله يطرح

فيهم البركة الحمدلله بصحتهم وعافيتهم هذا اهم شي

باجر بيكبر ريلج ويشوف منو اللي يقوم فيه ويتحسف على تفكيره

 

[قرة عيونه]

اي والله يازينهم البنات وانتي عندج صبي الحمدلله

شكثر اعرفهم عندهم بنات وصبي واحد وعادي لا متضايقين ولا شي

وشنو 31 كبيره !!!!

شوي الاجانب 31 توها تفكر تتزوج ولا لا ��

ريحي سنه سنتين وحملي وان شاء الله تجيبين صبي يارب