تجمع مواليد ( مارس & ابريل ) 2014 الله يحفظهم

[قرة عيونه]

وينكم بنات احس انا اكثر وحده اشارك

يا الصق عدل او اقطع ماكو حل وسط يا ابيض يا اسود ههههههه

 

[دلوعة ماماتي 88]

السلام عليكم ورحمة الله وبركاته


صبحكم الله بالخير

شلونكم .. شخباركم !!


قاعده اكتب ودموعي بعيوني .. بنات بنتي صارلها فتره تعبانه وديتها الطبيب قالي نزلة برد وعطاني ادويه لها وكتب لي مضاد بروح في حال ارتفعت حرارتها اعطيها وبعدها بيومين ارتفعت وعطيتها مضاد وخلصنا من الدواء الحمدلله بنتي الحين زينه بس صارلها يومين تكرمون معاها اسهال واليوم لمن بدلت لها لقيت معاه افراز شفاف مع دم بسيط بس خفت لمن شفته وقلت باچر ان شاءالله بوديها ماعلمت ابوها باچر واحنا رايحين للطبيب بقوله




تكفون طمنوني اللي عندهم عيال صار معاكم چذي من قبل !!


راسي ذبحني وخايفه عليها

 

[لما ضاقت]

شلونكم بنات دلوعة ما تشوف شر الحلوة لا تحاتين انشالله مافيها الا العافية مبين معاها نزلة معوية قوية و اذا لها فترة معاها اسهال ممكن ينزل دم شوي تدرين امعاءهم رقيقة و ما تتحمل طمنينا عليها و انشالله خير فوفو متى حددوا ولادتج و شنو بتسمين الكتكوت على خير قرة شخبارج ووين الباجين مالكم بيان بناتي عطلوا الحمد الله الا بغيت اسالكم عن شغلة بنتي بتروح رابع السنة الجاية انشالله وودها تتحجب بس احسها صغيرة انا مفكرة احجبها بخامس اشرايكم اي وقت احسن

 

[baa6aa]

قره
اي لا تحاتين كل شي طبيعي الحمدلله و كلنا معاج بهالشي
وصج ان شاء الله مع العيال بتشوفين ان عشان بجر كل شي تشوفينه كبير
و وزن ولدج نفس وزن عيالنا
لان كا فوفو قالت نفس الشي و انا بعد بنتي نفس وزن ولدج فان شاء الله ماكو الا العافيه



لما
حبيبتي اللي ايي من الله حياه الله و كلهم خير و نعمه وفيهم البركة
باجر البنات اهمة اللي بيقومون فيكم و مو ناسينكم عكس الصبيان من يتزوج تلقينه مع مرته اكثر
فاذا الحين ريلج مو عاجبه ان خلفته كله بنات فهالشي منه اولا و ثانيا بعدين بيحس بالنعمه اللي اهوة فيها
الحين ماراح يتلذذ فيهم نفس اذا كبروا
بس ادعي و لاتوقفين و ان شاء الله ربي بيسخره لكم و يهديه
واذا على عمرج بالعكس احلى عمر الحين و ماكو فرق وايد بينا و بينج
والحين هالوقت اهوة اللي المفروض تتحلين فيه على عمرج و تسوين كل شي تبين
الحمدلله عندج من الخلفه اللي تبين و مانقول وصلتي لي فوق ال30 و عندج 1 او 2
الحمدلله عندج عيالج حواليج و الحين وقتج انتي وقت تجابلين روحج تتحلين على عمرج
وخل يشوف اللي كبرت شلون
المفروض الحين تشتطين و تسوين اللي تقدرين عليه عشان تبينين له ان كلمته غلط
وانج ماكبرتي وان اهوة اللي كبر
باهتمامج بنفسج و بجسمج و بطلتج
ترى انتي حاليا باحلى مرحله حلليها
وبالنسبه على حجاب بنتج خليها بعد تو الناس يمكن الحين تستعيل لان توها ماشافت البنات
وتحليهم على روحهم خوفج باجر تتحسف
خليها تنطر شوية و تالي توكلي على الله و الافضل اذا بلغت اذا انتي بخاطرج ان تتحجب مبجر



دلوعة ماماتي
انا معاج بنتي الاسبوع اللي طاف كله اسهال وكان ينزل معاها افرازات شفافه و كنت بالبدايه خايفة
وماحب اوديها وايد طبيب لان ماحب الادوية على طول احس جسمها ما يتحمل كل مرة ادوية شي
فاللي سويته اني قمت اوكلها روب اكتيفيا مع الفواكه
وكل يوم اعطيها موز لان لاحظت الموز كان يسبب لها امساك فاذا عطيتها الحين بيوقف الاسهال
ونفس الشي التفاح
كنت احرص اوكلها كل يوم انواع الفواكه و الروب و نفس الوقت شرب الماي كثرته لها
والحمدلله الحمدلله استجابت بظرف يومين و تعدلت
لا طبيب ولا شي
اذا جابلتي و اهتميتي شوي ان شاء الله كل شي اوكي
وانا بالدوام كنت اتصل عالبيت اقولهم عطوها جذي و جذي و بلغوني اذا كلت
عشان ما اكون ناسيتها
والحمدلله الحين احسن



فوفو
شلونج الحين



كتبت نشره كاملة مو رد ههههههههههههههههههه

 

[قرة عيونه]

دلوووعه ان شاء الله مافيها الا العافيه
يمكن ع قولة لما من كثر الإسهال حياتي امعائها ماتحملت

وديها طبيب احسن وان شاء الله يطمنج

انا بعد ولدي بيصيرلي شهر إسهال الله يستر عليه ومشكله مايحب التفاح والروب حيل

يارب ينتهي فيروس النزله المعوية على خير صج تعبببببنا

لما انا اقول اذا بلغت حاجبيها توها صغيره والله عاليها عن الحجاب لاحقه عليه

وبطه اي والله لما شفت ان ولدي نفس عيالكم تطمنت الحمدلله

 

[baa6aa]

الحمدلله قره اهم شي تطمنتي

 

[خوخه89]

عادي بنات بالنسبه للاوزان انا بنتي توها ٨.٥ كيلو وعاديه بين اليهال

لما ضاقت ترى هو اللي يحدد بنت او ولد المشكله مب منج انتي

ويحن على الولد فرضا جاله ولد بس عاق بيستانس بعدين ؟؟؟؟ الله مايكتب لنا الا كل ماهو خير لنا بس وين اللي يفهم

 

[لما ضاقت]

شلونكم بنات بغيت اسال وين صايرة gnc اللي بالمنطقة العاشرة و اذا تعرفون رقم تلفونها احسن

 

[baa6aa]

شنو هذي ؟

 

[baa6aa]

اذا قصدج الصيدلية اذكر شايفتها بالبيرق عاد مادري يمج او لا

 

[دلوعة ماماتي 88]

صبحكم الله بالخير



الحمدلله وديتها الطبيب وقالي هذا عادي

 

[دلوعة ماماتي 88]

خوخه


نفس وزن بنتي وقالي الدكتور طبيعي الحمدلله

 

[baa6aa]

دلوعة
الحمدلله ربي طمنج عليها والله يحفظها يارب

 

[قرة عيونه]

دلوعه الحمدلله على سلامه بنتج

 

[قرة عيونه]

بنات توني راده من الطبيب

لان ولدي معاه فتره اسهال ووديته الطبيب قال نزله معويه معاه من اكثر من اسبوعين

المهم واليوم قلنا خل نوديه نشوف ليش طول معاه الاسهال وغير جذي نطمن ع وزنه وان مامشا للحين

رحنا لدكتور ايهاب بالجهرا الكل يمدحه

المهم حيل ضيق خلقي كلامه لان كل الاطباء بالحكومه كانوا يقولون كل شي طبيعي ومادري شكلهم مايفحصون بضمير

هو فحصصه عدل من كل شي بس ماسويت تحليل

قال ان سبب الاسهال مو نزله لا هو معاه احتقان ونزل ع معدته فسبب اسهال وعطاله ابرا مضاد ثلاث ايام

لكن الي خرعني يوم سالته عن الوزن هل طبيعي وان للحين مامشا هل فيه مشكله ولا عادي

جان يقول لا طبعا وزنه مو طبيعي انا هني انصدمت لان كان وزنه ١١ وحدي مستانسه زايد نص كيلو الحمدلله

جان اقوله عيل الطبيعي جم قال ١٢ ونص

وقال عضااامه طريه وفيه نقص فيتامين د ويقول واااضح اعظامه حيل طريه وهذا السبب اللي ماخلاه يمشي

قالي غريبه اول طفل وفيه نقص العاده يجي مع الطفل الثاني شكلج انتي وانتي حامل كان فيج نقص فيتامين د

وطلب مني اسوي تحليل لنفسي لاني حامل

المهم وعطاه ادويه لفيتامين د وموعد عقب اسبوعين قال نبلش عاد وقتها بابر فيتامين د

حيل ضيق خلقي اول مره دكتور يقولي ان ولدي مو طبيعي

قلتله شنو يعني دكتور الحين خطر ؟ قال لا مو خطر زين انكم جيتوا مبجر ماتاخرتوا :/

يعني كنا رايحين عشان الاسهال وانتوا بكرامه طلع معانا مشكله فيتامين د وعظامه


ايي وغير حليبه بعد كان ٢٦ رقم ٣ غيره لي بيبيلاك ٣

قال ٢٦ حلو بس ١ و ٢ اما ٣ كلش مو حلو

وقالي حتى اذا ولدتي خلي طفلج ع طول ع بيبيلاك

 

[fofowa_q8]

اول شي قره مايشوف شر ولدج وسلامته

ثاني شي على اي اساس حكم ان عنده نقص فيتامين دال ولين عظام!!!

لازم تحاليل ووزنه طبيعي امبيه توني موديه ولدي الطبيب وزنه ١١

قالي طبيعي وممتاز واول مرة اسمع ان الاحتقان يسبب اسهال!

مادري احس هالدكتور مضيع

 

[fofowa_q8]

اول مرة اصلا اسمع باسم هالدكتور..

وديه حق المخيزيم او السعيد او السعد

وسوي له تحاليل عشان تتاكدين

 

[fofowa_q8]

دلوعة سلامة بنوتج

انا مرة ولدي صار فيه اسهال قوي عقب ماخذا

المضاد طلع فيه حساسية منه بس ماكان فيه دم

الحمدلله مدام طمنج الدكتور ماعليها شر ان شاالله

 

[fofowa_q8]

الحمدلله بطه حبيبتي انا بخير دشيت الثامن


لما بالنسبة للحجاب توها صغيرة خليها بما تبلغ

اهي الحين مو محاسبه عليه توها طفله خليها تعيش

هالمرحلة نفس اللي بعمرها لاحقه عالحجاب

والصيدلية اللي تقولين عنها شايفتها بسوق شرق

 

[دلوعة ماماتي 88]

الله يسلمكم بنات



قرة عيونه


سلامته مايشوف شر ان شاءالله

انا بنتي وديتها محمد الغانهم بـ cmc ووزنها ٨ وشوي وقالي طبيعي بالنسبه لوزنها وقت الولاده وهالفتره عيالنا اسهال عزكم الله اتوقع من الاسنان
وبالنسبه للين العظام اتوقع لازم تحاليل




فوفو وقره


الله يسهل عليكم حملكم ويرزقكم الولاده السهله المسيره ان شاءالله ويقومكم بالسلامه انتوو وبيبياتكم ����