تجمع مواليد ( مارس & ابريل ) 2014 الله يحفظهم

[قرة عيونه]

هالدكتور حيل مشهور بالجهرا والكل يمدحه عيال حمولتي كلهم عنده

لكن انا بيني وبينج مارتحت مادري احس صج شلون يحكم ان نقص بدون مايسوي تحليل !!

يعني مستغربه دكتور شاطر هو مفروض قالوا سوو تحليل مادري ليش ماسوا

اصلا في أشياء واجد تحسفت اني سكت وماسالته لاني وقتها بلعت العافيه مادري شقول مصدومه

وع الوزن هم انا كل اللي بالحكومه قالولي ممتاز الا هو يقولي أبدا مو طبيعي :/

المهم بنات في احد سمع عن إبر فيتامين د ؟؟

تنصحوني أعطيه ولا أخليه ع الدوا والشمس بس ؟

 

[قرة عيونه]

اي وبنات قالي وقفي بديا شوور !!

خليج بس ع بيبيلاك

مع ان انا حيل مستانسه بلديا شور واحس ولدي مازاد وزنه الا هو بعد الله

مادري ليش قالي وقفيه

 

[لما ضاقت]

قرة حبيبتي صج المفروض تحاليل ما ينفع تشخيص على طول بس انا اقول عطيه الفيتامين انشالله ما يضر انا عيالي من ينىلدون اعطيهم فيتامين ميكسافيل نقط للاطفال و لما يكملون السنة اعطيهم فيتامين كيدي للاطفال مع ان مافيهم شي بس تدرين عمر نمو و الطفل يحتاج مقويات اعطيه مده اسبوع و بتحسين بفرق خاصة اذا كنتي ما تعطينه من اول اما على الوزن مالج شغل فيه طبيعي و كل عيالنا بنفس المعدل يعني لا تخافين و ما يشوف شر الحلو

 

[لما ضاقت]

بدياشور مو حليب يعني تعطينه مرة مرتين كمقوي بس مو بديل للحليب و بيبيلاك اخف نوع حليب على معدة الطفل ٢٦ ثقيل و لان طول معاه الاسهال علشان جذي غيره لج

 

[لما ضاقت]

فوفو اشسويتي على دراستج

 

[لما ضاقت]

هالفترة احس اني تعبانه ودي انام على طول بس محد يخليني اليهال يقعدوني من الصبح و زوجي ينام متاخر يعني شغالة فل تايم ماعندي وقت زوجي هالفترة بيسافر و دايخ راسي منه يسوي حركات ما افهم معناها ان الله مع الصابرين الحسنة الوحيدة اللي بيسويها ان لما يسافر اقدر انام من غير ازعاجه

 

[لما ضاقت]

فوفو زوجك خلص دراسة بغيت اسالج شنو تسوين و هو مسافر برا اقصد اهو يقعد فترة طويلة وين تقعدين و شلون تمشين امورج بغيت اسالكم بنات شغلة مهمة اذا مافيها احراج فترة ثلاث اسابيع كم المفروض يكون مصروف عايلة يعني يهال و جذي مو قادرة اقدر خاصة ان الحين عطلة يعني مافي مدارس لليهال و جذي

 

[fofowa_q8]

صباح الورد

اهلين لما حبيبتي انا خلصت رسالتي الحمدلله

ودزوها بره عشان التحكيم وناطرة يردونها لي

عشان المناقشة.. زوجي سافر سنة ونص طبعا قعدت

عند اهلي ومصروف ماكنت اصرف وايد اشتري

بس حق عيالي تكرمين حفاظات واغراض بسيطة

ابوي الله يحفظه مايرضا اشتري شي حتى حليبهم

اهو يشتريه وريلي كان يدزلي عشان اعطي ابوي

بس مايرضا ياخذ .. وبالنسبة للمصروف مادري عيالج

اسم الله عليهم شي جم واحد بس اذا ريلج بيسافر

خل يشتري لكم كل شي محتاجينه وزيادة عشان اذا

ماقدرتي تطلعين كل شي عندج ولازم يكون عندج مبلغ احتياط

حق الله لايقدر طبيب او شي

 

[fofowa_q8]

قره لاتعطينه شي الحين نصيحة وديه سوي له تحاليل

وشوفي الدكتور شيقول احسن وديه فهد المخيزيم

شاطر عنده عيادة وهم موجودة بمستشفى مبارك اهو

رئيس طوارئ الاطفال .. ووزنه في بالمستوصفات

قسم تغذية حق اليهال وديه عشان يتطمن قلبج مع

ان وزنه اشوفه طبيعي نفس اوزان عيالنا ودوري

بالنت وشوفي

 

[fofowa_q8]

الحليب انا اعطي عبودي ابتاميل ممتاز

واعطيه روب وداناو يحبه وهالايام هاب بحليب

ككاو كي دي دي .. لاتوسوسين وايد عادي ترا

مايمشي والله اهم شي يقعد ويحبي ويقدر يوقف

واسنانه طلعته

 

[baa6aa]

قرة حبيبتي سلامته ولدج مايشوف شر
وانا مع البنات اقول الافضل تراجعين عند دكتور ثاني تتاكدين ما يمنع هالشي عشان انتي ترتاحين
وعالوزن ماحس ان لي هالدرجة مشكله بالعكس ولدج مع عيالنا نفس الاوزان اسم الله عليهم
ولابد من التحاليل قبل ما يقولج على اي شي
وعلى فيتامين دال ميخالف كلنا نعطي الياهال قطرات الدوا بالاضافه الى الشمس طبعا نخليهم يحوسون بره يلعبون شوي اقل من 10 دقايق بس ياخذون شمس شويه و ندخلهم
وبعدين على الحليب يمكن نفس ما قالو البنات ان بيبيلاك اخف على ولدج يجووز ماراح افتي بشي ماعرفه صراحة
وان شاء الله خير الله يطمنج عليه يارب



لما انتي قدري بهالفتره هل راح تطلعينهم ؟ واذا ايي يبيلج مصروف حق كل يوم طلعه مو اقل من 50 لان مثلا سينما او العاب و لابد من الاكل فتحتاجين هالمبلغ .. يعني اليوم الواحد يبيلج فيه 50 اذا كنتو مخططين تطلعون كذا يوم
واذا حق البيت اتوقع بين ال100-150 كافي حق لوازم الجمعيه و سوالف مطاعم خرابيط اذا اشتهيتو فجاه
فانتي و على حسب شنو راح تقضين هالعطله فيه تحكمين

 

[baa6aa]

بنااات
انا من زمان مفكره اغير من حليب بنتي نان لي حليب فرش
وكنت متردده شوي
لين قبل يومين بانستغرام دكتور اطفال كاتب ان اذا كملوا سنه عادي نغير حليبهم لي حليب بقري مبستر اللي اهوة نفسه حليب التموين
بس ماودي اعطيها حليب بودر ودي اعطيها الفرش
شرايكم ؟

 

[baa6aa]

قره يا قره
شوفي هالدكتورة شنو كاتبه


من الطبيعي ان يصل وزن الرضيع الى ضعف وزن الولاده بعمر 4 اشهر
والى 3 اضعاف وزن الولاده بعمر السنه


يعني اذا كان البيبي نفترض 3 كيلو .. بعمر السنه يكون 9 كيلو
وزيدي عليهم ان كل وحده فينا ياب بيبي 3 كيلو و شي
يعني تقريبا وزن البيبي بين 9 - 12 كيلو

فانتي ليلحين بالسليم

 

[fofowa_q8]

بطه انا بنتي يوم صار عمرها سنة ونص تقريبا

كنت اعطيها نيدو الحين ولدي سنه اعطيه ابتاميل

بس الحليب الفرش مادري متى

 

[baa6aa]

صج عادي عطيتيها نيدو تقبلته ؟
الفرش عطته رفيجتي حق بنتها تقول تقبلته عادي وحبته حتى تعطيها اياه بدون شكر عشان ماتبيها تتعود عالحالي

 

[خوخه89]

بنات في نيدو ٣ حق عمر سنه لين ٣ سنوات انا غيرت حق بنتي من ابتميل لين نيدو ٣ وبعد الحين احطيها حليب فرش شوي عشان تتقبله

 

[خوخه89]

قره احس هالدكتور مخرف مادري ليش وايد يخربط وعلى اي اساس يقرر بعدين ياهل شنو ابر فيتامين د

ترى مب لعبه روحي مكان ثاني اح
احسن لج

 

[قرة عيونه]

بطه لا ولدي بعد كان ٢.٧ كيلو ههههه

يعني حتى لو كان ٨ بيكون طبيعي

انا وزنه وجسمه ماعندي مشكله فيه

والدكتور صج مارتحتله اليوم اخر ابره مضاد

وللحين الولد اسهال

ولا طلع معطينا دوا اول مره اشوفه حماتي تقول وقائي صدر !!

انصدمت ولدي مافيه شي بصدره الحمدلله

دق عليه زوجي توه قاله خلاص جيب ادويتك وتعال

وماعلي منه خلاص قررت ماني معطته ابر فيتامين د

 

[قرة عيونه]

توني راده من الدكتور طلع الوقائي حق الالتهاب للي مسبب اسهال

ويقول الالتهاب خف الحمدلله وان الاسهال يومين ويخف ان شاء الله واذا ماخف جيبوه

وفحصه يقول كل شي تمام بس ع جسمه قال استمري بعلاجه وبعد اسبوعين نفحصه ونتكلم ع هذا الاساس يعني بعد الفحص يقرر شنو يعطيه

وان شاء الله يارب يكون تحسن وماحتاج اني اوديه

وقلتله انت شلون قررت ان نقص بدون ماتسوي تحليل قال باين عليه الاعراض والاطفال مايصير نسويلهم تحليل

 

[baa6aa]

كان في ردود بعد وين اختفوو