تجمع مواليد ( مارس & ابريل ) 2014 الله يحفظهم

[baa6aa]

صباح الخير
وينكم مالكم حس

 

[خوخه89]

بنات وينكم

 

[لما ضاقت]

السلام عليكم اسجل حضور و الله انا الحين في اجازة زوجية ريلي مسافر و قاعدة بروحي صج اليهال ما يخلونج تحسين بالهدوء بس هم حاسة فيه هالفترة متفرغة اسوي تنظف عميق للبيت و اخلي بناتي ينظفون معاي مستانسين ماخذين السالفة على انها لعب بس صراحة ينفعون هم شايلين معاي و بذيت من يومين اخلي بناتي الكبار يصلون معاي اقرا بصوت عالي و هم يردون وراي قلت اعودهم من الحين علشان لا يتثيقلون لي اكبروا و بعدين ابتلش فيهم تدرون ما ينفع نهليهم يتهاونون فيها و اشوفهم متقبلين الموضوع اذا اسمعوا صوت الاذان قاموا يركضون يتوضون بس اللي يضحك اذا يينا نصلي بنتي الاخيرة عمرها سنة و شهرين تسجد كانها مسوية وقوف على الراس طول الصلاة والكل مستانس عليها

 

[لما ضاقت]

اليوم بديت صيام شعبان الله يقدرنا عليه خاصة مع الحر

 

[لما ضاقت]

ببتدي اراجع للبنات على القراءة و الكتابة و اشوف شنو الضعف اللي عندهم علشان يمديني اقويهم للسنة الياية طفارتي الياهل اللي ما يقرا و يكتب و فيهم ضعف بالانجليزي و غاثيني ما يحفظون كلمات و الدراسة كل مالها تصعب خاصة مع بنتي الكبيرة الانجليزي بدى يتطور و اهي محلك سر مع انها بالعربي زينة بس الانجليزي اكس

 

[لما ضاقت]

ماباقي شي على رمضان الله يبلغنا انشالله بخير شنو جهزتوله كل ما اتذكر ان مطبخي مافيه تكييف تخنقني العبرة ههههههههه الله يعينا على الحر بس معما يكون طعمه حلو سبحان الله

 

[خوخه89]

فديتج لما ضاقت الله يسخر لج ريلج يارب ويهدي لج بناتج

ترى حر موت ف رمضان اذا ماتقدرين تشتربن مكيف حطي لح مروحتين او ثلاث ع الاقل ينفعون شوي

بنات انا ان شالله بجيكم فالعيد واخيرا بزور الكوووويت

اول مره في حياتي ف ماعرف ولا شي عندكم غير الافنيوز والمباركيه ههههه

ممكن تعطوني مجمعات فيها اللبس الكويتي حق الكبار والصغار واماكن ومطاعم حلوه وابي محلات حلويات عشان الصوايغ

وبكون شاكره لكم فديتكم

 

[خوخه89]

ابي بعد احلى الفنادق المطلعه ع البحر بنات

 

[لما ضاقت]

ما اقدر افيدج خوخة مارحت فندق الا يوم زواجي و حتى مو متاكدة شسمه هههههههههه

 

[baa6aa]

لما
زين تسوين استغلي الفرصه و خلي بناتج يشاركونج بكل شي بتشوفين شلون الحمل شوي يخف عليج و منها يتعلمون و اهمة يسوون كل شي من نفسهم باجر
و ان شاءالله يرد لج ريلج بالسلامه يارب


خوخة
هلا باللي بتنور الديره
حبي عندج فندق المرينا عالبحر و الفيو ماله عجيب و نفس الوقت تنزلين من الفندق مشي بالباركنق الا انتي بمجمع المرينا فيه صوب مطاعم و قهاوي عالبحر وفي جسر يوديج الصوب الثاني حق المول
وعندج فندق ميسوني كشششششششخه يصير مقابل البحر بس ان لازم تعبرين الشارع عشان توصلين البحر مو نفس فندق المرينا
وعندج الجميرا احلى و احلى هادي حيل وقعده الحديقه روعه و بره عالبحر و على طول الحديقه في جم كافيه و جم مطعم لذيذين و عندج جم حوض سباحه حق الكبار و الصغار والعاب حق الصغار بعد
وشنو فيه بعد مممم
فندق كوستا نفس الشي تعبرين الشارع عشان توصلين البحر .. مو فندق كشخه بس يمشي حاله مكانه زين
وحق المولات عندج غير المرينا في يمه الفنار والبستان وزهرة ... هذول اغلبهم هادين و يصلحون حق نفانيف السهره وجذي وعلى الشارع كله تلقين مطاعم و قهاوي وسنتر بونيت بعد معاهم وh&m
وفي عالبحر بعد سوق شرق حلو حق تمشي و حق الياهال بعد في قعده عالبحر
والمباركية نفس ماقلتي تحصلين فيها اشياء حق صوايغ
وعندج البدع و ارابيلا حق مطاعم و قعده عالبحر مافيهم تمشي بس مطاعم
وعندج ذا قيت مول و البيرق بالعقيله يم بعض و حلوييييييين هذول بعد ضروري تروحين لهم و ذا قيت اهم شي
وبعد عندج 360 حق الماركات و تمشي و الدور الثالث فيه مكان العاب حق الياهال اذا ودج تخلينهم و تتسوقين
وطبعا الافنيوز شامل كل شي حتى في صوب السوق القديم تحصلين لج سوالف صوايغ حلوة


وبعد اذا ذكرت شي بقولج

 

[لما ضاقت]

بنات شلونكم وينكم مالكم حس احس هالعطلة ملل ضيقة خلق ما ادري ليش احس باكتئاب مع ان الحمد الله اليهال عندي و النت هم اتسلى فيه بس اعوذ بالله من الشيطان الرجيم ما يخلي احد احس دايما بضيقة و عدم رضى عن كل شي ما ادري ليش الله يكون بالعون فوفو لها فترة غاطة لا يكون ولدتي ههههه قرة شلون ولدج انشالله احسن

 

[baa6aa]

صاجة فوفو مالها حس
ان شاء الله ماكو الا العافية

 

[خوخه89]

بطه بقولج ابي مجمعات فيها الجلابيات الكويتيه وابي فناتك دراريع وجذي تعرفين وين احصلهم ؟

 

[خوخه89]

بنات عندكم سوق اسمه البلوكات والعربيد ؟؟؟

 

[baa6aa]

بلوكات مو مول
يكون نفس شي مفتوح و محلات يم بعض شي منهم يبيعون خامات و شي عنده تفصال اللي تبينه
والعربيد نفس الطريقه اهوة جم بنايه يم بعض وفيهم دراريع
وهم عندج صوب البيرق هالسوالف بعد

 

[Q8_QT]

مرحبا بنات شلونكم


غطيت عنكم لهيت بهالاجازة ومع اليهال



خوخة





اذا ييتج الكويت قريبة هالفترة في معارض بالافنيوز و360 تحصلين فيهم دراريع ان شاءالله تلحقين عليهم

 

[Q8_QT]

فوفو وبطة وباجي البنات شلونكم وشلون عيالكم



انا بنتي هم توقف ومشت شوي وهونت الحين من امسكها اوقفها تقعد تعاند عمرها الحين سنة وشهرين والاخت موراضية تمشي بس سننت الحين مطلعة 4 فوق و4 تحت

 

[baa6aa]

هلا كويت
مشكلة المعارض كله 3 ايام ما توقع تلحق الا اذا يايه هالويك اند

وما يندرى عن ارض المعارض فيه شي هالفتره او لا المفروض في معارض قبل رمضان

وبنتي ابشركم قامت تمشي و اخيرا العيوزة عطتنا شي يديد ههههه و رحنا قصينا شعرهااا رتبنااه

 

[fofowa_q8]

لا كااااني ماولدت بعد باقي جم يوم وادخل التاسع

باذن الله ادعولي اولد طبيعي وولادتي تكون هينه

 

[Q8_QT]

الله يسهل عليج فوفو ويقومج بالسلامة