تجمع مواليد ( مارس & ابريل ) 2014 الله يحفظهم

[Q8_QT]

عندي و عندج خير بقي لها اقل من اسبوعين و غير هالضرسين ما شفنا ههههههه عالاقل حبت شوي حسستنا ان في تطورات

ههههههه اي والله صاجة انا تحبي من مدة وبادية توقف الحين تتقضب بالطاولة و توقف

 

[خجل آلعذارى]

ربي يحفظ لنا ذريتنا ??


انا بنتي مواليد فبراير يعني اكبر منكم بشهر
حركاتها أوكي تحبي وتوقف والحين تبي تتوازن تحاول فديتهاا
بس طلع لها ضرس واحد هههههه عادي لا عندها نقص كالسيوم ؟!
منو عنده فكره

 

[baa6aa]

كويت وانا بنتي تصف يمج قامت تمسك و توقف ودي ايبب هههههههههه


خجل العذارى عادي ترى لان يقولون اللي تحبي بسرعه يتاخرون الضروس

الحين بنتي لثتها اللي فوق صاير لونها ابيض من الضرسين اللي بيطلعون و اخيرا

 

[خوخه89]

انا بنتي هالاسبوعين كله مريضه بسبه الجو يوم حر ويوم برد وانا تلعوزت معاها بعد كله متعلقه فيني وماتبي حد حدي تلعوزت

 

[fofowa_q8]

مساء الخير شلونكم بنات؟

شلون عيالكم؟

غطيت عنكم مادري انكم تدخلون التجمع

كنت ادش اسولف بروحي محد يسولف

بس الحين ماشاالله رديتو

 

[fofowa_q8]

يحلوهم اللي قامو يحبون ويوقفون

انا ولدي طلع له ٨ ضروس ٤ فوق و ٤ تحت

ويحبي لي ورا بس مايقدر لي جدام ومايوقف

ذبحته الاسنان بس يبجي ويفرك حلجه حبيبي سنن مبجر

 

[baa6aa]

خوخه الله يعينج صج شي يتعب اذا مرض الياهل



فوفو ولكم باااك
ماشاءالله يلا عقبال تشوفينه يمشي و يلعب بالصاله لعب هههههه
ماخذيتي له شي حق العوار ؟
احط حق بنتي جل افرك فيه لثتها احس اهون العوار

 

[fofowa_q8]

بطه والله استخدمت نوعين من الجل مافادو

معاه اذا وايد قام يبجي وتعسر اعطيه ادول

شسوي مرات مايقدر ينام مسكين

ويستانس عالعضاضه يحبها

بس مناعته كلش مضيق خلقي لازم كل اسبوعين ثلاث

يطيح مريض وحرارة وكمام

 

[خوخه89]

فوفو اخبارج مع الحمل جم لج الحين ؟
بقى شهر ويكملون بيبياتنا سنه ايه عليهم

بس معوره قلبي ديزي تبي تلعب مع يهال ماتحب تلعب بروحها

 

[خوخه89]

بطه مب جذي وبس الحين حتى حضانه ماتبي تروح ميننتني

 

[مآيكبرني نك]

آممم بنات محتايه مساعدتكم ؟

ولدي مادري شفيه من أوكله احس بشي ثجيل ع صدره ويتم يصيح

ومايرتاح الا لو رجعه كله ومؤخرآ صاير يرجع حتى الحليب

هالحاله صار لها اسبوعين تقريبآ .. معقوله من التسنين ؟

 

[Q8_QT]

هلا بنات شلونكم




فوفة شلونج بشري عنج





بنتي الاسبوع الياي تكمل سنه فديتها
انا ملاحظة الصبيان اشطر من البنات انا ولدي كان مطلع ضروس اكثر منها بعمرها اهي من فوق منتفخة اللثة و شكلهم بيطلعون بس صامدين لي الحين

 

[Q8_QT]

ما يكبرني





وديه الطبيب احسن شوفي شنو المشكلة





خوخة





ماتشوف شر بنتح انا امتأذية معاهم كله منتشلين

 

[خوخه89]

مايكبرني يمكن ولدج محتاج حد يمسده او مسقط انا اعرف اذا مثل حاله ولدج يكون نسقط يعني لهاته طايحه محتاج انه يمسدونه ويرفعون لهاته بقطعه ماعرف شلون افهمج بنتي صادها نفس ولدج ومسدوها ثلاث ايام مع رفع اللهاه والحمدلله رجعت تاكل

 

[مآيكبرني نك]

خوخه تصدقين امي قالت لي نفس الكلام قلت لها انسي هذي خرافآت ��

مستحيل اخليكم تمسدونه لوول

عيل اذآ جي بخليها تمسده ع قولتج ��

شكرآ حبي كيوت

 

[baa6aa]

مساااء الخير بنات

الوقت يمر بسرعه ماشاءالله باجر بنتي تكمل سنه

عقبال نفرح فيهم معاريس يارب كلنا

و مايشوف شر منووعي وديه الطبيب تطمني احسن لج صراحة

وفوفو عيل مالج الا البندول الله يعييينج

خوخة انا شكلها بنتي بتسوي نفس الشي لان الحين صايره بزياده ماتبي احد غيري معاناه اذا بروح الدوام
المفروض تعودت يعني من شهر 8 و انا راده الدوام

ليلحين كل يوم تنهااااااااااااااااااار

 

[Q8_QT]

بطة


كل عام واهي بخيييير وتفرحين فيها عروس يارب انا بنتي الاسبوع الياي تكمل سنة فديت قلبها حبيت شهر مارس لانها من مواليده

والله يعينج على سالفة الدوام صج يكسرون خاطري انا انحاش منها مااحب اشوفها تبجي اهي تقعد الصبح معاي قصدي اهي تقعدني حق الدوام لوووووووول ولا لو علي جان علوووم كل يوم متأخرة يالله اهي فترة وتعدي ان شاءالله

 

[baa6aa]

وانتي بخيييير يارب حبيبتي ما قصرتي
ماني مستوعبه انها صارت سنه ماشاءالله الايام تركض
اتذكر شلون كنت اقول يالله بس خل تطلع لي متى بتقعد
والحين كل شوي تمر ببالي لحظة الولاده و كل شي رد جنا رجع فينا الزمن سبحان الله
صج اهمة نعمه صج اهمة زينه الدنيا
ربي يحفظهم و يبلغنا فيهم و يرزقنا يارب و يرزق كل محروم من احلى شي بهالحياه



احنا معاناتنا الصبح اذا قمت و ماشافتني يمها بالفراش تهستر
ولازم اقعدها عشان اوديها بيت ابوي فتكون قاعده معانا كل يوم
فمعاناه الروحة حق الدوام من بيت ابوي لان تكون معاي فتبيني طول الوقت
وهبتها اليديده الحين تخليهم يدقون علي بس تسمع صوتي تضحك و تروح عنهم

 

[Q8_QT]

اللهم آمين الله يخليلنا عيالنا و يبلغنا فيهم غاية املنا



هههههههههه بطة يا حلوها بنتج خوش هبة بس تبين الصج احسن لج ولها ااتصلي عليا منها تطمنين واهي تسمع صوتج انا ولدي العود كنت على طول اتصل واكلمه واتطمن عليه الحين يا خلاف المخ مييييح قمت انسى مرات اتصل من اللوية والتدوده

 

[خوخه89]

بطه كل عام وبطتج بخير احنا للخين شهر ٤ تكمل سنه

مايكبرني شلون ولدج مسدتيه ولا

ترى حجي الاوليين صح لاتقولين خرافات انا كنت اقول مثلج وماصحى بنتي وخلاها تاكل غير المسود هي حتى حليب كانت ماتشرب