تجمع مواليد وامهات شهر ديسمبر 2013 .. أحلى المواليد

[Om_HoBi]

سلاااااام
شلوووونكم
انا من صار في قروب بالبيبي فماقمت ادش المنتدى السمووووحه

شخبااااركم
باقيلي 3 ايام واطلع من الاربعين
ااول امس اللي اهو كان لي 35 يوم نزلت علي اخت نفاس اشوه

سنيار تكفين ابي تفاصيل اللولب انا بركبه الشهر الياي خايفه اركبه الحين


امونيتا عطيه فيتامين دال لازم
انا من رابع يوم كان لي موعد مع المستشفى و قالي الدكتور و من يومها وانا اعطي بنتي لازم
و ترى فيتامين دال ينقص بالجسم من جيل لي جيل فاحنا و اهلنا فيهم نقص فما بالكم عيالنا


انا ماجهزت حق الاربعين لأن بنقل شقه يديده و قاعد نجهزها و ماراح تخلص قبل الاربعين فانشالله بس اطلع راح ابدي اتسوق و منها المعاش نازل


برررد مابي اطلع بنتي هالايام عشان اقض اذونها
بس امس زرت بيت حمولتي استثنائيا عشان حماي بسافر كان ياي باجازه
و انشالله يمكن اليمعه الياي دام بنزورهم فواحنا طالعين منهم نمر الصيدليه و اقض اذونها
عاد اذونها فيها شعر تفشل هههههه


اللي بنتها ترجع ترى في حليب حق الترجيع
انا بنتي هم ترجع مرات بس ماغيرت الحليب بس ناويه انشالله بشوف شلون
استخدم لها ابتاميل كومفورت فباخذ ابتاميل مال الترجيع

 

[سنيار البحر]

مساء الورد

اليوم اللي طلعت فيه من الاربعين ورايحه اركب لولب
الا تسويلي سونار قالت الحين الدوره بتنزل عليج ما اركبه لين تخلصين

والله وارد البيت الا نازله
كنت مجهزه بروح الشقه ورايحه الصالون وحافه ومسويه حواجبي ومستشوره شعري ههههه حسافه كله ع الطل
رديت البيت تدفيت والحين اكل دويات نفاس والدورة غزيره تخرع كل شوي اغير الكوتكسه اول مره تجيني دوره جذي تجيب لي دوخه قاعد اعوض بعصير شمندر وجرجير وحبوب حديد
وسويت لينتي تراجي مسكينه بجت بجي
وباجر امتحاني بدرس الحين والله يسهل
صج زحممممه زحمممه الجدول ماكو وقت

 

[Om_HoBi]

ويييه سنيار يالله ماعليه تتعوض
بس اهم شي اذا حطيتيه قوليلي التفاصيل
و الدوره انا هم غزيره بس عاديه يعني ليلحين لي 3 و جنه اول يوم ماخفت

واااي انا مابي بنتي تبجي خايفه احط لها الاراجي بس لازم استعيل عشان لحمها طري ليلحين حبيبتي
انشالله الله يسهل

 

[كيميائيه]

غاد انا عكسكم ومستغربه
جتني يوم 42 وخفيفه
مرات الكوتكسه بس فيها نقطه
واحس جسمي متكسررر

وبنوتي للحين ماتعدل نومها تسهر بليل
بس قامت تقهد فتره طويلع مو مثل قبل كله نايم
ومن قضيت اذونها حسيت صج انها بنوته

 

[بشـاير]

وانا نزلت علي ب٣٩ اول يوم قبل ماتنزل احس ظهري منكسر بحياتي ماحسيت بالم الدوره
ولما نزلت جنها دوره عادي مو غزيره ولا خفيفه زينه دقيت ع الرداده قالت لي خامس يوم اجي
وبما اني سافرت فقالت لي ع الدوره الجايه بس اخذي تحميلات بيتادين اكلي ماش وفلفل هوا
لين الدوره الجايه ادق عليها تجيني ،، بنتي عووووبه قاعده احاول اعدل نومتها عشان اذا رحت شقتي
بشرت بنتي تحسست من لوشن جونسون والبيبي اويل راح اغير المجموعه كلها شنو رايكم شنو استخدم لها

 

[Om_HoBi]

واخيييرا قضيت اذون بنتي و الحمدلله عدت على خير و صارت بنوته هههه

انا الدوره بالعاده 6 ايام و هذي هم نفس الشي اليوم اكمل 6 و خلاص ماقاعد ينزل الا خفيييف فاتح لي مشيت فبحط تحميله بشوف ينزل شي ولا اسبح
و اليوم اطلع من الاربعين كولولولولوش هههه
بس برد بيتي الاسبوع الياي


بشاير
وي بنتي قام يحبب و اليوم لما قضيت اذونها سألت الصيدلاني قالي حطي سيباميد اسمه واقي للوجه وقال هم مع الشتا البشره تتحسس من الجفاف

استخدمي هالمنتج يمكن احسن من جونسون

 

[amonitta]

شخباركم بنات

وشلون بيبياتكم

بعضكم طلع من الاربعين بشرو شلون الوضع وتغيرت نومتهم ولا نفس ما اهي ماتغيرت

بسألكم بنات.. عين ولدي داشه فيها رمشه وصارلها فوق ال5 ايام قالولي تطلع من نفسها بس ماطلعت

انا اتضايق وانا اشوفها شلون اهو المسكين

شسوي شلون اطلعها؟

 

[sh-q8]

شلوونكم ياحلوين عساكم بخير
حدي ولهاانه عليكم

اتوقع الرمش بيدج تقدرين تطلعينها بس لازم تكون نظيفه وصج بيبجي البيبي او ان كنتي خايفه روحي ارطبييب لان حرام

وبخصوص منتجات جونسون انا وقفت ماقمت استخدم جونسون بس الشامبو وناطرته يخلص علشان اتجه حق سيباميد
جربت كريم الويه وكريم الحفاظه وممتاز مع بنتي الحمدلله

وبخصوص اللي قضوا اذاني بنياتهم مبرووكين الفال لي اقض اذن دانه
عاد يوم السبت بنيتي تكمل شهر ماشاءالله وعندي موعد حق الحوض بيجيكون عليه عاد قلت حق زوجي بقض اذنها بس خايفه لاتبجي وتصيرً مناحه

بنات انا ٢/١٠ اخلص الاربعين بس لي الحين ينزل علي نفس افرازات صفرا ودم مرات شالحل والخياط ماطاح كله واحس نفسيتي تعبانه من هالشي

ماجهزت شي ولا رتبت اموري
احس اني موعارفه شي خصوصا اني بجريه واول وحده في بيتنااا تتزوج ف نقذوني شزهب وشسوي قلت بصبغ شعري بس لاول مره بحياتي بس مادري وين
وحزه طلعتي من النفاس ريلي يكون مو بالديره قلت اروح اطل على غرفتي واغير فيهاا علشان نفسيتي تتغير خصوصا انس ساكنه عند حمولتي
وماراح ارد رسمياا بيتهم الا ب ١٥ الشهر لان ريلي يكون رادمن السفر بليل
ويكون ناطرته

 

[sh-q8]

وشنو قصه التحميله بناات

 

[Newbaby]

للأسف ولدت قيصري و ولاداتي كلها راح تكون قيصري



نفاسي بجي وقهر حاولت اولد طبيعي و بالاخير تعب الجنين

مقهوووووووووووره لاني ماشفت ضناي بعد ولاده علاطول لانه ماقعدت من الافاقه الا بعد ساعتين




ومقهوووووووووره على خيبه الامل ومقهورررره لانه راح اضل شهر كامل تعبانه

 

[sh-q8]

الحمدلله على سلامتج ومبروك ماياج نيوبيبي
قولي الحمدلله ان ضناج بخير وصحه

ويمكن خير لج هالشي لان لو نطروا بعد جان الله لايقول صارت مضاعفات اكثر
منو قال خلاص كله قيصري
خالتي يابت بنتين قيصري والثالث قالها الدكتور اعطيج طلق صناعي وانطر 9 ساعات ان ماولدتي اولدج قيصري
واهوه شق جيس الهادي والحمدلله ولدت طبيعي

يعني في امل لاتحاتين اختي

وليش نفاسج يصير ضيقه وحزن
تفائلي اختي علشان نفسيتج وانتي ماتبين ترضعين البيبي
ترى اهو يشرب من حليبج يعني يتأثر
يعني خلج كله سعيده ومرتاحه علشان لي شرب البيبي يكون مرتاح وسعيد

وماتشوفون شر

 

[sh-q8]

@6fula ضيفوهاا ترى اكاونت مفيد وايد يحل ويجاوب على اسئلتناا عن الاطفال اليدد

 

[amonitta]

Sh-q8

انا هاللاحد اطلع من الاربعين

وقاعده اشتريلي هدوم طلعه يديده وبجايم وشيلات وشغلات جذي يعني اجدد كبتي

وانتي مادام ريلج بيرد حلوه فكرة تغييرج لغرفة النوم

ومثلا صالون حق حمام مغربي وبديكير منكير

Newbaby

حبيبتي ترا انا قلت نفس الحجي وكنت واااايد متأزمه

شوفي اقولج الصراحه اول 10 ايامم تعب فا خلي احد يساعدج وحاولي تريحين بس امشي كل يوم نص ساعه عشان تسرعين التآم الجرح

بعد ال10 ايام راح تحسين بتحسن

بعد 20 يوم بتحسين نفسج وايد احسن

وبعد شهر بتردين طبيعيه ان شالله انتي بس صبري

انا والله واااايد كنت متضايقه وحتى هني بهالتجمع كنت اقول بلبنات اني خايفه من الولاده الثانيه اذا صارت قيصريه

بس والله راح تعدي الفتره وبتردين طبيعيه ان شالله

اهم شي تهتمين بجرحج الخارجي بالاربعين

والجرح الداخلي يبيله اقل شي 4 شهور لي 6 عشان يلتئم

وموفقه

 

[احبك ليش؟]

قوه بنات انا من مواليد فبراير بس ولدت 25/1 قيصريه الحمدلله على كل حال و بنتي قضيت اذونها بطلعتي من المستشفى كان عمرها 3 ايام قلت احسن عشان ما تحس و صج ما حست فيها وايد الحمدلله بس بسألكم صارلها يومين فيها امساك عزكم الله شنو الحل لان احس وايد متأذيه مسكينه

 

[Newbaby]

حسبي الله ونعم الوكيل


بنات القيصري ملاحظين في انتفاخ فوق جرح القيصري مباشرتن

نفس جفسه او مطبه فوق جرح وتحت كرش صاير مكانها

 

[amonitta]

احبك ليش الحمدلله على سلامتج ومبروك البنوته

واحسن قضيتي اذنها ارتحتي

والامساك يصير اذا دخلتي الحليب الصناعي

انا اول ارضعه طبيعي وكان على طول يوسخ مع كل تغيير حفاضه تقريبا

بس لما دخلت الصناعي قام مايسويها على طول بس وديها الدكتور احتياط يجيك عليها بس مافيها شي ان شالله

Newbaby

انا فوق الجرح متفوخ بطني بس مو مباشره فوق الجرح

من خياط لي خياط يفرق بس ان شالله مايكون هذا شكله النهائي

راح تلقين انه عندج وايد تساؤلات وهالشي طبيعي انا كنت جذي على كل صغيره ادقق بس بعدين كل شي يرد طبيعي

وتقدرين تراجعين دكتورتج وتسئلينها عن أي سؤال يخطر فبالج

 

[احبك ليش؟]

اي انا ما رضعتها طبيعي لان اول 3 ايام كنت تعبانه من القيصيريه بعدين حاولت شكثر بس احطها على صدري تبجي بجي مسكينه ما تبي حقرتها قلت اذا ياعت صج راح تاخذه بس ماكو فايده بعدين قلت ماكو حل الا الشفاط رحت و شريته ماكو ما يطلع فيه شي غير جم نقطه حتى ما يوصلون حلجها فا ظلت عالصناعي و هذا ثالث يوم لها امساك و مادري شلون اتصرف شكلي بروح الطبيب

 

[كيميائيه]

شلونكم بنات شخباركم
وشاون البيبيات
لكم وحشه
اايوم تطعيم بنتي حدي متصرقهه
شكلي ببجي معاها ههههه

 

[amonitta]

تمااام الحمدلله
مسكينه حبيبتي بس عطيها ادول عشان لاتسخن

انا بعد اسبوعين تطعيمه عقب الاعياد الوطنيه ان شالله

اهمه يونسون بس مراات يبطون الجبد تخيلي كيميائيه يسهر كل يوم لي 6 الصبح

وعادي متحمله .. قبل امس قاعد لي 10 الصبح صج ينيييييت ??

قهرني وقاعده اهزه واحاول انومه لو ساكت عادي بس المشكله يبجي طول الوقت

بس هم أحبه ?

 

[كيميائيه]

يااحلووه عندنا وعندج خير
بس انا حدها لي 9 ااصبح اذا بدعت فيني
ويوميا تنام 4الفير

طعمتها قاعده تبجي وتون معوره قلبي حيييل