تجمع * يوميات رشيقة و عصقولة *

[Reham 84]

ونه بسم الله وشو هالصورة ههههههههه تخيلي يخلص التجمع وحنا زيها معضليين

بناات انا كلما ادخل القسم اتحطططططم لأن اسمه تجمع السمينات ههههههههه
لو يغيرونه يخلونه
يوميات النحيفات والنحيفات مستقبلا مو أحسن !!

 

[LuLiTa]

لوووووووووول ريهام ,, لانه في تجمعات حق الناس اللي يبون يمتنون ,, فـ هـ الاسم شامل عرفتي شلون ؟

 

[LuLiTa]

الريوق ::
1 ك جاي بـ حليب + شكر دايت واحد

الغدا ::
صدر دياي مشوي + توسته 1 +نص كوب شوربة عدس+ سلطة خيار و طماط + علبة روب لايت ,,​

 

[ابجديه شآعر]

بنات عجزت استمر على رجيم يومين وعقب اخربه بس مو اكل عيش لآلآ لاتخافون
يعني اشرب كافي قطعه تووست

وزنت والحممدلله ناقص وزني بس لو التزمت كان نزلت اكثر ,, بنات شو الحلل

ابي اركز على رجيم واحد مو قادره وربي نفسيا مو قادره والحمدلله ماخربت اكلي

 

[LuLiTa]

ابجدية ::
جيكي مواضيعي و شوفي الريجيم اللي انا حاطته و امشي عليه حدده سهل و يضعف ,,, و من قوانين التجمع انج اتستمرين على ريجيم معين عل الاقل اسبوووع ,,,


عشااي :
2 توست + جبن سلايس+ طماط + باديان مشوي +2 م زيت ,,, و شربت بندول ,, و عقبها سويت تمارين معدة متنوعة ,,,

 

[Reham 84]

/انا صارلي يومين اكل ريجيم من مخي لان ماكانت متوفره اغراض الريجيم
اليوم الغدا سندويشة ديك رومي
العشا اناناس
واخذت سناك شيبس صغير حق ريجيم هوول ويت رز وقمح مو بطاط بس لذيييذ
وحبتين صغااااار تشوكلت لاني ماافطرت
الرياضه مشيت يمكن ساعه الا ربع

 

[LuLiTa]

بناات نبي التزااااااااااااام

 

[عسل 511]

مساااء الخيرر اسفة بنات تأخرت عليكم لأن النت مفصول
امس الفطور:نصف رغيف خبز بر+خيار+وجبن+عير برتقال
الغداء:سمك فيلية بالثوم والليمون+سلطة (خيار+جرجير)
العشاء:زبادي
اليوم صحيت الساعة12،30أكلت خبز بر+عصير برتقال بس
المغرب:قهوة+2حبة معمول بشكولاتة
طبعاا مااااأنسى المشي .

 

[عسل 511]

ابجدية شاعر الله يعافيك ياعمري

 

[LuLiTa]

هلوووو مو باقي الا يوووم واحد عـ الميزان

اول ما قعدت من النوم لقيت الاهل طالبين هريس و اكلت جم قفشة معاهم

 

[ابجديه شآعر]

بنآت صرآحه وبدون زعل ,,


قروبنآ نآيم حده , يعني كل وحده تدخل وتكتب يوميآتهآ وتطلع كآنهآ تحل الوآجب

بنآت القروب عشآن نشجع بعض ونسسآعد بعض ونسسولف ونتعرف مو بس نكتب ونطلع

لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآلآزم تشجيع ونسولف ونتكلم عن يوميآتنآ اشيآء صارت لنا
مواعيد عزآيم


بنات لآزم حركه بالقروب مو بسس تكتبون وتطلعون

 

[ابجديه شآعر]

انا مآفطر ابدآ


اصحى متآخر اسوي فطور لآن زوجي يصوم , وعقبهآ اشرب كآس كآلإي بالحليب وتوست بالجبن
واتعشى زبآدي او سوآئل



لي يومين وذآ نظامي ,, ماشتهي آكل حيل

اليوم كليت مكرونه بس ماكثرت اول مره اكل مكرونه لي اسبوع ونص قاطعته هو الرز

اغلب وقتي مآآي وكافي وشابوره وزبآدي وبسكوت شآي وتفآح كيوي

اخذ حبوب اليآلإ طبيعيه كانت لبنت عمي من اخصائيه غذآئيه بس عطتني يآهآ قالت ماستفدت منهآآ
انا صرآحه مشت معآآي وقبل انام اسوي ريآضه

هذي حيآتي

 

[Reham 84]

والله صاااادقه ابجديه لازم حماااس مو بس نقول وشو اكلنا

شلوووون نخلي القروب حماااس !!!

 

[Reham 84]

انا جربت حبوب سد الشهيه
سدت شهيتي مضبووووووووووط والله اهلي مابقى مطعم ماراحوه واروح معاهم وماااشتهي ابددد كني ماكله خروووف

بس طيييحت شعرري بشكل مو طبيعي اخذتها بس اسبوع يمكن وشعري لليوم يطييح مدري شسوت فيني هالحبوب صرت اخاااف من كل الحبوب

 

[Reham 84]

بكررره الميزاااان

لوليتا الحين بكره كل وحده تدخل تكتب كم نقصت ؟؟
ولا تبين نرسل لك ع الخاص وانتي تقولين لنا من الفايزة من كذا احمس؟؟

 

[ونـــة خفوووق]

اسفـــــه اسفـــــــــه من امس والله لهيت تعرفوون ويك اند

اليوووم كان فري ومع جمعه الاهل

نوووووو رحت زوارة الاهل وهببت بس موووو حيل <<شسوي كنت أصووم



ا

 

[ونـــة خفوووق]

بناااااااااااات متحمسه للميــزان

اليووم كنت لابسه تيشرت الكل يقووولي ضعفاانــه <<<وناااسه

 

[ونـــة خفوووق]

ايه نسيت ...


بما ان اليوووم فري ..... سويت رياضه اول مارديت قعدت العب ع السيكل وسوويت رياضه الضغط ومممممممم مالت الزنوود

 

[ونـــة خفوووق]

بنات حدي متلخبطه هالاياام ومشتته

اعذرووني اذا تأخرت

وادعوولي بليز انها تنفررج

 

[LuLiTa]

ريهام كل وحده اتوزن و اتحطه عـ العموم عشان كل وحده اتعرف اتقيم اذا نظامها اييب نتيجة أو لأ ,, لانه للحين في اول اسبوع فـ كل وحده للحين اتجرب و اتشوف شنو اللي يضعفها و يناسبها ,,, عـ الاسبوع الياي ان شالله نبدا كل وحده اتوزن و ادزه لي عـ الخاص,, بس سؤال اشحقه تاخذين حبوب سد شهية ؟ انا عندي احسن شغله اتسد الشهية اهي القهوة التركية و الجاي الاخضر عـ الاقل شغلات طبيعية و ما منها مضار ,,,

وااايد قعدت من النوم بلاعيمي نااار ,,, و كـ العادة بلعت حبوب انفلونزا لي لحد ما ترست بطني فـ عقب الهريس سويت برغر و اكلته و عقب سويت تمارين معدة ,, ما ادري شـ فيني من مرضت و انا حابه تمارين المعدة يمكن لاني اسويها و انا قاعده ؟



انزين بنات هذا اهو توقيعنا جاهز ,, شرايكم فيه ؟



​