تجمع * يوميات رشيقة و عصقولة *

[LuLiTa]

اوكي اعتمد هـ القروب ,,, و الرياضة انا اسويها يووم و ترك ,,, الاثنين مشيت و الثلاثا بريك و الاربعا بـ العب رياضة ,,, بس ما ادري اخليها مشي او سباحة :/ شكلي بخليها مشي لانه جهازي عندي موجود في البيت و عقبها عندي موعد مع صديقاتي ,, و يوم الخميس او اليمعه بـ اخليه حق السباحة ,,, صارلي اسبوع ما رحت احواض السباحة :/ ,,,


تعشيت ::
نص ك شوربة عدس+ خضار مشوية + 60 غرام صدر دياي مشوي + علبة رووب دايت + رقي ,,,

 

[Reham 84]

هلا ابجديه ريجيمي اظن اسمه ريجيم الاستاذه ساره حطي بقوقل اتوقع يطلع من زماااان طابعته قلته خليني اسويه


اليوم تغديت سب واي اخذت الصمون هوول ويت ودجاج مشوي ولايت مايونيز وكللل الخضار مع دايت كوك وماتعشيت والحين اشرب كوفي 70 كالوري ودي اعرف فيه كافيين ولا لا مو مكتوب ع العلبه
والصبح او العصر اول ماقمت من النوم سويت تمارين الارداف والمعده بحااااول اسويها كل يوم يارب استمر
والمشي بخليه يوم ويوم زي لوليتا

بناااات شدوا حيلكم ماابقى شي ع السبت اليوم الاربعاء

 

[Reham 84]

بنات قولوا لنا سوالف تحمس للريجيم مثلا موقف صار لكم
لبس ودكم تلبسونه

 

[كيكه توفي]

بالتوفيق

 

[ياليتك حليلي]

بنات طلبتكم تكفون
ابغى شي يوخر السيلوليت لانه بجد مقرفني : (
نحفت وطلع بفخذي واضح والمؤخرة

 

[Reham 84]

ياليتك حليلي ماودي احطمك بس سمعت دكتور اوز كم مرة يقول مافي شي كل الكريمات خرااابيط اللي تسويه ممكن اذا تفيد مجرد تخفف بس ومو تغيير واضح
الحل ليزر او الخرابيط هذي اللي بالاجهزة
بس يقول ممكن تلاحظين تغيير اذا حطيتي الكريمات وسويتي تدليك مع رياااضه واخيرا ريجيم وجبه كل ساعتين يقول اللي جربوا الرجيم هذا يقولون خف السليلايت

 

[ام مهرة 2009]

هلا لوليتا
اشلونج ؟؟؟

 

[ابجديه شآعر]

بنات طلبتكم تكفون
ابغى شي يوخر السيلوليت لانه بجد مقرفني : (
نحفت وطلع بفخذي واضح والمؤخرة

فيه كريم من نيفيآ وآحد لشد الجسسسم واستخدمته وعن تجربه خفف السيلوليت بشكل ماتتصورينه

والثاني برضو من نيفينآ للسيلوليت

كل يوم استخدميه ,,

معروف الي تسوي رجيم , لآزم تدهن جسمهآ بكريمآت وزيت اللوز المر لآن الجسم ينحف فتبآن الخطوط ,, واحيان يسمر الجسسم لذلك لآبد من خلطات الجسسم

استخدمي نيفيآ وتوكلي على الله :eh_s(7):

 

[ابجديه شآعر]

بنآت انا لي رجعه بس وربي مشغوووووووووووووووووووووووووووووووله حدي ,,
بروح اتجهز لآن بروح نسير على خالتي ,

السمموحه ولي رجعه

بالعافيه ماكليتوآ صبآيآ

 

[ابجديه شآعر]

غريبه مآلكم حسس اليوم عسسى مآآشر بنآآت ,,.

انا صحيت وشربت مآآي لين طلعت عيوني وعلى المغرب سويت لي كآفي و آكلت شآبوره

ورحت الزيآره شربت شآي بسس

والحين اشرب كآفي وكرسون شآكلت لآن هذا السنآك حقي






انا بطلت اسوي رجيم فآدي , وسويت رجيم من كيفي
وبآن فرق كبير في ملآبسي الحمدلله من جد متحمسسسه حدي

 

[LuLiTa]

ليتك ::
ماكو الا كريمات الترطيب ,, لانه مع الريجيم الجلد على قولتهم يقفد مطاطيته و مرونته فـ تطلع هـ الخطوط ,,

ابجدية ::
حبوبة الاحسن تلتزمين بـ ريجيم على الاقل اسبوع عشان اتشوفين منه نتايج ,,,

ام مهرة ::
هلا فيج يا قلبي ,, موفقة بـ ريجيمج ,,


بنات ترا بطة حلوة عندها ظروف طارئة فـ راح اتوقف الريجيم هـ الاسبوع و تبدا معانا من يديد عـ الاسبوع الياي ,,,بس احنا قروبنا مستمر ,,,



يومياتي ::
انا اليوم فرررري ,,, لانه عندي زوارة +يمعة صديقاتي ,,, ان شالله باجر اذا الله كتب بروح احواض السباحة اغير جو ,,, على فكرة قريت انه المشي العادي داخل حوض السباحة مفيد حق الجلد ما ادري يخفف السيليوليت ما ادري شنو يسوي المهم انه مفيد و بروح ان شالله اجرب هـ الطريقة ,,, بس المعلومة المؤكدة انه السباحة الحرة في ماي البحر تمنع و اتخفف السليوليت لانه ملوحة البحر + حركة الجسم عكس تيار البحر يسوون مساج حق الجلد ,,,

 

[LuLiTa]

ريهام انا ودي انه لما البس نفنوف سهرة مخصر ما احاتي و لا اهتم اذا شكله مضبوط او لأ
و انا تقريبا طولي زين بس الكيلوات الزايدة اتغير ملامحي شوي ,,, و انا لاحظت لما اضعف تحلى ابتسامتي و تطلع لي غمازات

 

[ياليتك حليلي]

فدييييييييتكم الله لايحرمني منكم يابنات
ابجدية وليلو طمنتوني بعد ماطيحت قلبي ريهام ههههههههههه
يومي
فطور مافطرت
الغداء 5 ملاعق جريش
العشاء
طبق صغير مرقوق
ماشربت موية ولا مشيت اعوض بكرة ركض ومش و10 اكواب موية

 

[Reham 84]

ياليتك حليلي هههههههههههه اسفه ياقلبي والله هذا اللي سمعته
ابجديه وشو الكريم اللي استخدمتيه؟؟ انا استخدمت نيفيا باي باي سليولاتيت ماسوى شي يذكر
بنات انا اقصد بالسليو لايت التجاعيد والعرافيط والحفر هههههه شرايكم بالشرح المفصل
مو الخطوط الخطوط اسمها تشققات البيضه
انا امنيتي البس بجامة الشورت بالبيت طبعا كلما امر محل واشوفها يتقطع قلبي امنيتي اجربها
بس فخوذي كلها سليولايت يارب اذا ضعفنا ترووح
اليوم اول ماصحيت سويت رياضة الارداف وافطرت كوب نسكافه والغدا سلطه بس كنت مرررة جوعانه حطيت معاها 3 شرايح ديك رومي والعشا ان شاء الله اناناس
يالله بنااات شدوا شدواااا مابقى شي

 

[Reham 84]

لوليتا ان شاء الله انبسطتوا قولي لنا بوشو خربتيها ؟؟
شوقينا
انا امووت بالسباحه بس مااعرف اسبح بالبحر هههه اخاف من الاشياء اللي تحت شي يلزق وشي يزحلق وشي يجرح

 

[ونـــة خفوووق]

ياااا صباااح الخيـــر ع العصقولاات والرشيقــاإت اسمحوولي من عقب دوخه امس

قعدت مصدعه طول اليوووم

ابجدية شاعر .... مايجيج الشر حبيبتي

ليتك حليلي .. ريهاام ... شسوب انا اسهر وانام فلازم وجبه تكوون طاايفتني

ممم امس كنت صايمه اول ايام البيض قعدت ع الفطوور شوووربه وسلطه

طلعت

لما رديت كليت من العشاا بشااميل وبس ...... وشويه سلطه


والله احس اني كسوووله حدي

سويت شويه تمارين الضغط ووو مال عضلات الصدر ووحق الزنوود

وبس

لووولوووو نبي تووقيع .....

عاد انا قاعده اعابل بعمري بهالعطله هو دايت هوو جسم

 

[ونـــة خفوووق]

يـــــــــــااارب نصيـــــــــر جذيـــــه

 

[ونـــة خفوووق]

شدوووو الهمــــــــه يا بناااات







هههههههههههههههههههه انشالله مانصير جذيـــه

 

[ونـــة خفوووق]

بناات جاي اخضـــــر ربيـــع مووو صج انصحكـــم فيـــه

 

[LuLiTa]

ونة خفوق ::
عااد انا كله اشتهي اشرب جاي اخضر بس احتار شنو احسن نوع ,,

ريهام ::
اتصدقين عااد بـ اليوم الفري حسيت روحي مو متحمسة حيل للاكل ,, اكلت فطيرة صغيرة و حلاو ميني حبتين و باقي اليوم شربت جاي بـ حليب ,, يعني ما اكلت وجبه كاملة عدلة ,,, و انا اذكر اخر مرة رحت اسبح بـ البحر كانت ايام التسعينات و من عقبها كله اروح الاحواض ,,,

يومياتي ::
اليوم قعدت من النوم عندي عوار بـ بلاعيمي ,, فـ للحين ما اكلت شي لانه كنت طوول الوقت ابلع بالبنادول و حبوب المص ,,, يمكن اسويلي شي حاار اشربه عشان اترووح حرقة البلاعيم ,,, و ما رحت احواض السباحة و بسوي جم تمرين بعد شوي ,,,