& تجمـع مراجعـات مستشفى السيـف &

[انجبر قلبي]

انا كنت اراجع عند الدكتور عمرو عصام بالسيف.. مامداه توه ماصارله شهر طلع منهم و راح رويال حياة!
وانا كلللللش مو حاطه ميزانيه حق رويال!

من قال!


توني داخله عليه قبل يوم اهناك متا مداه ينتقل

 

[انجبر قلبي]

المستشفا كل شي فيه اوكي انا مرتاحه فيه بس ليش زياده الاسعار فوق ما اهم غاليين زادوا


و فوق ما زادوا لغوا الخصومات



ويقولون من صاحب المستشفا


والا الستاف و الدكتورة مرتاحه عليهم



امرنا لله

 

[اخت خالتهم]

بنات لو اولد بمستشفى السيف بميزانيه الف دينار يكفي ؟؟

 

[انجبر قلبي]

اذا ولادتج طبيعي و بتاخذين اصغر غرفه كلاس بي تكفي


اذا اكبر لازم تحسبين احساب اكثر احتياط لان يزيدون عالفاتورة اسعار الادوية و التحاليل

 

[اخت خالتهم]

انا عطوني سعر الولاده بغرفه في اي بي a ب ٨٧٠ من غير سعر الدكتور و انا دكتورتي من براة


يعني تتوقعين زياده ٢٠٠ مو اكثر ؟

واهم شي عنايتهم شلونها وغرفهم صغيره والا زينه !

 

[انجبر قلبي]

اخت خالتهم ماعرف اسعار اللي دكتورتهم من بره راح يكون ارخص مدام معطينج السعر زين بس الزياده بين ال200 و ال300 احتياط

لان ماتدرين عن حالتج لا سمح الله


يعني انا ولادتي الاولي كنت حاسبه حساب الطبيعي بس وقتها ضعف نبض بنتي و حولوني قيصري وانصدمنا بالسعر لان مو متوقعين قيصري ما كان عندي اي مشاكل سبحان الله

ف الحين حاسبين حسبه القيصري الله لا يقول انشالله مع ان دكتورتي قالت لي طبيعي تقدرين


بس الاحتياط واجب و انشالله يطلع سعر اقل بس انتي خلي احتياط الفلوس موجوده



و الغرف روحي شوفيهم عالطبيعي احسن

 

[فرزاشيهـ]

غرفهم رووووعه حت اصغر شي كبيره و واااسعه بالنسبه لكل المستشفيات اانا ماخذه اللي اكبر من اصغر وحده

و دكتوري من برا

عناايتهم روووعه و السسترات نفوسهم زينه تهبل و نظاافه و يكفي المنظرر البحر رد رووحي عقب الولاده

ان شالله الولاده الجايه اكيد السيف بدون تفكير .،



موفقييييين ياارب

 

[Om_il3ubed]

السلام عليكم

انا اراجع بالسيف عند راجني و ان شاءالله بولد عندها

المستشفى جربتها سنة 2010 على بنتي و الحمدلله صج صج صج أبحرت برعايتهم

تجربتي ناجحه بكل المقاييس و ان شاءالله الله يتمم على خير واولد هناك مره ثانية

 

[Poison_Girl]

الله يسهل علينا .. يقولون بيفتحون اجنحة اليديده..

 

[انجبر قلبي]

الله يهون علينا و عليكم

 

[om-fai9al]

السلام وعليكم
انا اول مره بروح السيف وبراجع عند الدكتور اشرف مرسي تنصحوني فيه ولا لا ؟!!
وشلوون خياطه زين ولا لا؟؟!
وايد اسئله محيرتني ودي تساعدوني

 

[Poison_Girl]

والله مادري.. أنا اراجع عند دكتوره روبينا
أنا يضحكوني البنات لمن أي احد يسال عن المستشفى والسسترات يقولون ماكو سسترات
أنا يوم كنت بالطوارئ ٣ فوق راسي داشين وطالعين علي.. ويوم بولد ٥ سسترات اشكثرهم

وآخر شئ الحمدلله لمن ودوني غرفتي كلما أطق الجرس لازم ثنتين يودوني الحمام...

حوش خدمه ونظافة ما قصرو..

 

[روزماري]

شدعوه من يقول ما كو سسترات
انا مراجعاتي سونار بس سسترات ثنتين عند الدكتوره
حتى يساعدوني وقت السونار مع انه ماله داعي اقدر اقوم من السرير بس توقف عن راسي و تمسك ايدي تقومني
انا مبدئيا أشوف عنايتهم روعه مع أني ما ولدت فيه بس مراجعات و ان شاء الله ناويه أولد فيه

 

[om-fai9al]

مشكوره حبيبتي
انزين وكماهم قوي ولا خفيف؟؟!

 

[Poison_Girl]

ام فيصل كمامهم قوي..
وانا طلبت من دكتورتب اتقزني ابﻻه عل حوضي.. وايد زينه اتخدر نص جسمج احين من ابرة الظهر
انت اخاف من ابرة الظهر

 

[انجبر قلبي]

الله يسهل يارب


مابقا شي علا ولادتي اتمنا اولد طبيعي المره الاولي كانت قيصري


ادعولي

 

[Poison_Girl]

الله يسهل عليج وتولدين طبيعي

 

["*آآآنؤؤؤقهـ*"]

الله يسهلكم ولادتكم

ع خييير وسلاااامه

 

[مصممة جرافيك]

وااااي خرعتوني بنات ولا وحده فيكم والده بمستشفى السيف طبيعي مو معقوله كل اللي يولدون هناك قيصري ليش شسالفه انا قام اراجع عند دكتوره راجني والحين اخراسبوع بالتاسع وانا بالبجر اول مره اولد وخرعتوني حدكم

 

[Poison_Girl]

مصممة جرافيك انا الحمدلله ولدة طبيعي عند دكتوره روبينا .. اهم شي اتكثرين مشي وجماع وصعدي ونزلي الدري تحركي وايد علشان ولدتج اتصير سهله خصوصا انج انتي بجر.. والله يسهل عليج وعلينا