& تجمـع مراجعـات مستشفى السيـف &

[انجبر قلبي]

مصممه الله يهون عليج انشالله انا وياج و الباجي كلنا نولد طبيعي توكلي علا الله و اقري ادعيه الولاده انشالله خير يارب

 

[انجبر قلبي]

امين اجمعين مشكورين حبايبي

 

[مصممة جرافيك]

ان شاء الله يارب مشكورين طمنتوني اشوي 

 

[Poison_Girl]

شلونكم بنات.. بغيت اسالكم شنو الفيتامنات الي تستعملونها ؟..
انا كنت اخذ على اعيالي pregna plan بس ابهل حمله يابتلي الرقعه ثقيله علي.. سبحان الله
الحين عطتني دكتوره روبينا mum to be و حاليا ماشي وياي واخذ asprin baby

 

[انجبر قلبي]

بحملي الاول و الثاني اخذ بريقنابلان


خفاف علي الحمدالله


لاني جربت بريجناكير يسوولي لوعه و احيان ارجع ماناسبوني

 

[Ghaima]

السلام عليكم

شلونكم بنات

انا عند دكتورة رائدة الفضلي حبوبة ولدت عندها قبل بالهادي

والحين يت للسيف

المستشفى بصراحه احسه غالي والدكتورة اصلا تخصصها انابيب مو نساء بس ماقدر انا جربتها وعجبتني حيل بالولادة يوم كنت بجر

والسيف يزيد 200 على اللي برا قسم النساء والولاده يعني لو طبيعي جم بيطلع علي ..

وراح اخذ ابره ظهر وباخذ غرفه عاديه لأني مو بجر ولا شرايكم اخذ كمامهم ؟ انا جربت كمام الهادي عور راسي وقطيته ما حبيته بصراحه وابره الظهر مريحه ماحسيت باي شي

فشرايكم ؟

 

[Ghaima]

انا اخذ بريقنا بلان حلو معاه كالسيوم وحبوب للوعه معاهم فوليك اسيد

 

[روزماري]

غيمه
انا عند الدكتورة رائدة و بولد عندها ان شاء الله
شلون ولادتها و خياطها
ياليت تفيديني دامج مجربتها

بالنسبه للفيتامينات انا طلبت مني تحاليل شامله عشان تشوف شنو محتاجه
و للحين مستمره على الفوليك يوميا و حبوب الكالسيوم اكلها يوم و أنساها عشر

 

[انجبر قلبي]

شسالفه كلمن قام ايي السيفكله دكاتره قاعد ينتقلون فيه


الحين كلما اروح موعدي بشوف الغرف يقولولي فل


ماشالله قبل لازم يكون في غرف فاضيه


قمت اخاف ما يلاقولي غرفه لول



وانا اكيد انصح بابره الظهر روعه و ماتخوف



بلا كمام و غيره مافي احلا من هالابره

 

[Poison_Girl]

اي ماشاءالله المستشفى صار كله فل... وعلى الاسعار تره كل المستشفيات غلو مو بس السيف
انا انشاءالله باخذ الغرفه الازقيره.. مره رحت مستشفى المواساة شفى ازقر غرفع واي اتلوع الجبد
غرفهم السيف واي يشرحون القلب

 

[Poison_Girl]

انا جربت كمامهم روعه ودي اخذ ابرة الظهر بس اخاف... وهل مﻻه بقولهم ما ابي بي بربيش ما ا

 

[انجبر قلبي]

بس السيف من الاساس نار اسعاره مو مثل الباجي و غرفهم تعتبر اصغر مع اني احب غرفهم بس ك مقارنة بالمستشفيات الثانيه


ابس ماعندي فكرة عن المواساه


وترا ابره للظهر ماكو شي يخوف كل اللي تسمعونه عنها اشاعات سهله وكلمن يعرف يغزها ومامنها مضار غير صداع عقب الابره مده ماتزيد عن اسبوع مو العمر كله


بس في ناس يرتاحون حق الكمام

 

[وحيدةالمشاعر]

مررحباا ياحلووواااات ...
انا ولدت مرتين في مستشفى السيف عند الدكتوره راجني روووعه هالدكتوره اجيها لاصارلي 8شهور لان من بداية شهوري مراجعاتي برره ولادتي الاخيره خذيت غرفة في اي بي aروووعه الغرفه فيها غرفه للمرافق وحمامين عزكم الله للمرافق وللضيوف وحمام لي وصاله كبيره ومطبخ ومكان للبوفيه تحطين فيه حلوياتج وتقديمج وتطل عالبحر وبلازما ثنتين وحده جدامي ووحده للضيوف بالصاله يعرضون فيها البيبي مباشره كلفت علي الولاده مع ليلتين ب1450 وسوا خصم لان زوجي تابع لوزاره الداخليه وصار حسابهم 1100 ... وان شاءالله ولادتي الثالثه بإذن الله عندهم ..

 

[انجبر قلبي]

الحمدالله ع سلامتج وحيده مشكورة عالمعلومات بس مع الاسف شالوا خصومات الوزارات

 

[وحيدةالمشاعر]

الله يسلمج ياقلبييييي....
صج شالوهااا ،،، توني ادري!!!

 

[انجبر قلبي]

اي وحيده توهم شالوها هالسنة و انا والده السنة اللي طافت خصموا حق ريلي وزاره الدفاع
واستفدنا من الخصم
بس حسافه الرسبشن تقول شلنا الخصم انلغى !!!!!!

 

[++MesK++]

خصومات الوزارات لغوها صارلهم تقريبا 4 شهور

 

[Poison_Girl]

اشوه انا تامين البترول ..

 

[нάγoηά cнεмίsтяγ]

السلام عليكم

بنات انا والده من قبل بالسيف و الخدمة كانت توب اهي خدمة سسترات و الاكل روعه و راهي ويكفي 4 اشخاص ووجبات سناك بين الوجبات الرئيسية وعنايه السسترات وكلشي كان خيالي

بس الحين من صارت الزحمة عندهم الخدمة زفت من كل النواحي هذي ولادتي الثانيه عندهم


والله ما توقعت كلش انا حدي كنت متعلقه فيهم اصلا من قبل لا احمل و اولد اراجع مراجعاتي بالسيف

توني والده و انصدمت بالسيرفز ادق الجرس سنه السسترات يالله اييون .. اوكي نفسهم حلوة و يردون عاللي تبين بس ماكو سرعه استجابه كلش قعدت عندهم خمس ايام ماكو مرة يوني بسرعه !! حدهم اصدموني لانهم ماكانوا جذي

ثاني يوم طلبت الريوق تاخروا علي ساعتين مخليني انطر ريوق يابوه حزة الغدا تخيلوا

كلما اطلب بنتي يتاخرون ساعه و اكثر

السستر فتحت ادوية بتعطيني بدون لا تستشيرني فاتحتلي حبوب حديد من كيفها وانا عندي نفسهم بالجنطه قلتلها ليش تفتحينه انا ماقلت لج فتحيه مو ذنبي الحبوب كاهم معاي بالجنطه وقاعده اخذهم و عندي وايد مو محتاجة اشتري علبه يديده قالت يعني تبين تردينه قلتلها اكيد راحت ما رضوا ردت لي اتقول ما رضوا يردونه لازم تاخذينه ... يعني اشكرا غلطتها وتبيني ادفع بدالها قلتلها كا السسترات اللي قبلج قبل لا يفتحون الادوية قاعد يعطوني خبر شمعنا انتي ومارضيت اخذه لان مو مسئوليتي


ثاني شي الاكل استغفرالله !!! مغيرين الشركة مادري شسالفتهم من بعد ما كان راهي شكثر اكل يزيد كنت احط بالثلاجه الحين والله هذا رابع يوم وانا ميته يوع اييبولي اكل عصاااافير



الريوق توستتين و جبن بدون شي بدون عصير بدون ولا شي هذا بس الريوق
قبل عصاير و شغل عدل و سلطات
الحين ما شفت شي من هذول


الغدا ما يحطون شي اشربه يعني اقص بلقمتي مثلا
الله يعافي ريلي اللي شاريلي عصاير والا جان اللقمة واقفه ف بلعومي حسبي الله عليهم انشالله


و تخيلوا يومين ما اييبون لي وجبات السناك سالت سستر قالت مافي سناك السنة اللي طافت في سناك
سالت سستر ثانيه ليش ماكو سناك قالت منو قالج في سناك !! و من عقبها قامو اييبون !!
والسناك شنو الله يخليكم

موزة و روب بس


قبل فطاير من اهني لي اهناك و سلطة فواكه و الحين حاطين لي موزة و روب الحمدالله عالنعمه مو نوعي اهتم بالاكل جذي بس دافعين فوق للالفين علا شنو هالسعر اذا حتا الاكل مو راهي و اكل عصافير علا شنو مغلين الاسعار علا شنو ماخذين هالمبلغ ابي بس شي واحد زين غير عمليه دكتورتي


اقولهم فتحولي البيبي كام يقولولي خربانه


للعلم هالخدمة اتيي مع الغرف اللي انتي دافعه سعرها عيل ليش هالاسعار احد يقوللي


و للعلم اني قبل كنت اشوف بنتي بالبيبي كام بس هالولاده لا كلشي عندهم زفت كل شي خربان و ريلي شكثر تهاوش معاهم علا شغلات لو عندي وقت جان كتبت لكم باجي المشاكل

حسبي الله عليهم الله يعوضنا

 

[нάγoηά cнεмίsтяγ]

اي و نسيت اقولكم انهم فوق ما زايدين الاسعار عن السنه اللي فاتت


مقللين عدد ايام الاقامة للقيصري


كانت اربع ايام صارت 3 ايام يعني علا شنو الغلا مادري