& تجمـع مراجعـات مستشفى السيـف &

[Safire]

رد: &&((((((تجمع الحوامل اللييراجعون بمستشفى السيف ))))))&&

كارتير ... هو المستشفى حلو و هادي وفي ناس يمدحون السسترات عندهم بس اغلى من باجي المستشفيات ... فانتي احسن شي روحي واخذي جولة عل غرف و الاسعار وشخليهم اسالة ... اا عل دكتورة لازم ترتاحين لها ... الصراحة هذي الدكتورة ولدت امي وكانت ولادتها وايد صعبة لان كان فيها تليف بالرحم و فتك و ولدت قيصري بس الحمدالله كل شي عدا على خير والدكتورة وايد حبوبة و مريحة و شاطرة و ترا كملت دراستها الحين اهي استشارية ... بس احس اهم شي الراحة النفسية لان معظم الدكارة استشاريين و شطار بس سبحان الله انتي والي ترتاحين له

 

[كارتير]

رد: &&((((((تجمع الحوامل اللييراجعون بمستشفى السيف ))))))&&

حبيبتي,,,,,,,, الله يخليلج امج ويتمم عليها الصحه والعافيه ......بالنسبه للمستشفى رحت وهو راقي وهادي واهم شئ مافي زحمه وازعاج يعني عجبني بتوكل على الله ,,,انتي متى موعد ولادتج ؟؟

 

[Safire]

رد: &&((((((تجمع الحوامل اللييراجعون بمستشفى السيف ))))))&&

حبيبتي تسلمين ... انشالله ترتاحين للمستشفى و الدكتور ويرزقج بطفل سليم يارب ... انا تو الناس علي موعدي على اخر 2 او اول 3 ... عاد انشالله تقوليلي كل شي عن المستشفى والعناية والكمام بعدين :eh_s(6)::eh_s(6):

 

[قصيده حب]

رد: &&((((((تجمع الحوامل اللييراجعون بمستشفى السيف ))))))&&

البنات الييراجعوون بمستشفى السيف ياريت تتكلون عن مراجعتكم وعن المستشفى اكثر
وابي اعرف تكلفه الولاده الطبيعيه الاجماليه مع التحاليل والادويه اذا غرفه عاديه ومشكورين والله يهون عليكم حملكم وتولدون بالسلامه

 

[Safire]

رد: &&((((((تجمع الحوامل اللييراجعون بمستشفى السيف ))))))&&

قصيدة حبيبتي ... جيكي على الصفحة الاولى او الثانية راح تشوفين كل الاسعار بس محد يدري جم يصير ويا الادوية والتحاليل لان وحدة عن وحدة تفرق يعني في وحدة يمكن يعطونها دم زايد ووحدة ثانية ما تحتاج او يمكن في ياهل يحطونة بحضانة لا سمح الله ويا الحمدالله ما يحتاج فهذا لشي مو ثابت ... والمستشفى حيل هادي و نظيف و الدكاترة طبعا انتي والي ترتاحينلا ... وترا غرفتهم العادية شرحة و فيها وسع يعني مو ضيجة ... واحسن شي انج تروحين وتشوفين بنفسج

 

[قصيده حب]

رد: &&((((((تجمع الحوامل اللييراجعون بمستشفى السيف ))))))&&

مشكوره حبيبتي سفير على الرد

 

[اريج الجوري]

رد : &&((((((تجمع الحوامل اللييراجعون بمستشفى السيف ))))))&&

مرحبا بنات ,,,

ياليت اللي ولدوا يقولن قصة ولادتهم بالتفصيل الممل ,,,

 

[مغتربة 2006]

رد: &&((((((تجمع الحوامل اللييراجعون بمستشفى السيف ))))))&&

انا انشالله ناويه اولد هناك وبقولكم عن تجربتي
وانشالله تكون تجربه زينه يارب

 

[اريج الجوري]

رد : &&((((((تجمع الحوامل اللييراجعون بمستشفى السيف ))))))&&

مغتربه ان شاء الله تولدين بالسلامه يارب ,,,

وناطرين قصتج ,,,

 

[سفيرة العشق]

رد : &&((((((تجمع الحوامل اللييراجعون بمستشفى السيف ))))))&&

انا الحمد لله ولدت بمستشفى السيف وتوني اليوم طالعة
المستشفى روعة والخدمة اروع والسسترات ماشالله مايخلونج لحظة
والاهم العناية والراحة
بنات انا طبعا كنت رايحة ومافيني طلق يعني الدكتورة تبي تولدني قبل مو عدي عشان السكر
عشان جذي خفت اطول بالولادة وفعلا قعد 12 ساعة بغرفة الولادة والدكتورة صبرت علي
الولادة كلفتني 1000 وشوي
لأني مددت يوم زيادة + سويت خياط تجميلي + صورت البيبي + التحاليل والفحوصات
انا خذت الغرفة الاستاندرد بس الكبيرة مو الصغيرة وكانت شرحة
الولادة مع سعر الغرفة 625+ 100 ليلة اضافية + الزيادات اللي قلت عنها فوق
واي استفسار انا حاضرة

 

[كارتير]

رد: &&((((((تجمع الحوامل اللييراجعون بمستشفى السيف ))))))&&

[CENTER]حمدلله على سلامتج ويتربى بعزكم :aha::aha::aha:[/CENTER]
س1_ولادتج طبيعيه ولا عمليه
س2_ شلون الكمام
س_3 منو الدكتوره

اسمحيلى كثرة عليج الاسئله [/​

​

CENTER]​

 

[سفيرة العشق]

رد : &&((((((تجمع الحوامل اللييراجعون بمستشفى السيف ))))))&&

الله يسلمج حبيبتي
الولادة طبيعية الحمد لله
والكمام عجيييييييييب تدوخين
والدكتورة روبينا اهي اللي ولدتني
وبصراحة تهبل وشاطرة

 

[اريج الجوري]

رد : &&((((((تجمع الحوامل اللييراجعون بمستشفى السيف ))))))&&

الحمد الله على السلامه سفيره العشق ,,,

انزين سؤال يصير اخذ غرفه عاديه وقت الولاده وعقب اخذ سويت للإستقبال ؟؟؟

 

[سفيرة العشق]

رد : &&((((((تجمع الحوامل اللييراجعون بمستشفى السيف ))))))&&

اريج سألتهم قبلج قالوا ما يصير
قالوا لي الغرفة العادية تنحسب لج مع الولادة 625 حتى لو خذيني يوم واحد
واذا بغيتي السويت تزيدين سعر الليلة الاضافية للسويت اللي اهي 250 -300

 

[اريج الجوري]

رد : &&((((((تجمع الحوامل اللييراجعون بمستشفى السيف ))))))&&

اوكي لو بسوي جذيه واولد بالغرفه العاديه ,,,

وثاني يوم اخذ السويت بو300 دينار لأنه عاجبني ,,,

واخذ ليلتين يطلع الححساب تقريبا 1200 دينار ,,,

بدون حسب الادويه والخدمات الثانيه ,,,

اتوقع اصك الــ 1500 دينار ,,,

ما ادري احس وايد خصوصا انا مو بجر الحمد الله عندي عيال وكبار ,,,

احس ماتسوى ,,,

شرايكم ؟؟؟

 

[مغتربة 2006]

رد: &&((((((تجمع الحوامل اللييراجعون بمستشفى السيف ))))))&&

ممكن تقولين لنا بالتفصيل جم سعر الصور وسعر التجميلي والفحوصات
عشان اعرف اشكثر ازيد عالميزانيه

لان قالوا التجميلي 50
والصور هم مت ظنتي تطلع وايد
والتحاليل والفحوصات جم؟؟؟؟؟
لان انتي زيادره على سعر الغرفه 300 مو جنه وايد؟

 

[سفيرة العشق]

رد : &&((((((تجمع الحوامل اللييراجعون بمستشفى السيف ))))))&&

شوفوا حبايبي

انا اول ما رحت لهم دفعت سعر الولادة مع الغرفة 625 حق يومين هذا عند الدخول
وعشان انا قعدت يوم كامل بالولادة راح علي يوم بالغرفة يعني تقريبا قعدت بالغرفة العادية يوم واحد بس
عشان جذي زدت يوم بعد ب100 ماخذت سويت اهي نفسها الغرفة لانها كانت عاجبتني وشرحة صار الحساب 725

اللي زدته عاد :

التجميلي ب50
تصوير البيبي ب25
التخطيط 15 تقريبا
سويت سونار دقيق بالولادة ب25
المغذي ب20ما احتجت وايد
تحليل السكر لان كان فيني سكر ب10
ادوية ب82
متابعة البيبي 20
تحاليل وفحوصات للبيبي 50

ملاحظة هالاسعار قابلة للتغير من وحدة للثانية يعني مو ثابتة

انا كنت مسوية حسابي انه بيطلع زيادة لأن كل عيالي كانوا لما ينولدون ينحطون بحضانة
وسعر الحضانة عندهم 100 لليوم اذا كان البيبي تعبان لا سمح الله
والتحاليل حسب احتياج الام او البيبي
عني على حسب سوي حسابج فوق سعر الولادة 300-400 دينار احتياط ..

 

[سفيرة العشق]

رد : &&((((((تجمع الحوامل اللييراجعون بمستشفى السيف ))))))&&

اوكي لو بسوي جذيه واولد بالغرفه العاديه ,,,

وثاني يوم اخذ السويت بو300 دينار لأنه عاجبني ,,,

واخذ ليلتين يطلع الححساب تقريبا 1200 دينار ,,,

بدون حسب الادويه والخدمات الثانيه ,,,

اتوقع اصك الــ 1500 دينار ,,,

ما ادري احس وايد خصوصا انا مو بجر الحمد الله عندي عيال وكبار ,,,

احس ماتسوى ,,,

شرايكم ؟؟؟

اريج حبيبتي تبين الصراحة ما تسوى تاخذين الغرفة اللي ليلتها ب300
انا كنت بسوي نفسج بس خواتي قالوا لي غرفتج حلوة وتطل عالبحر وحديقة معلقة وشرحة مع انها عادية
بس اللي يشوفها عبالة vip
لانهم يختلفون مو كلهم نفس الشي
انا شفت الغرف الكبيرة ما عجبتني قصتهم وماكان متوفر اللي ابيهم كلهم محجوزين على حظي وخيرة
وبيني وبينج اغلب الناس يولي اول يوم بس زدت يوم راحة لي واستجمام وقلت 100 ما تفرق اهم شي راحتي
والطلة الحلوة اللي تشرح النفس :eh_s(15):
اما 300 تعور القلب صراحة حق يوم
ممكن تزيدين يوم بالعادية نفسي وتسوين استقبالج على يومين جذي وفرتي 200 دينار

 

[اريج الجوري]

رد : &&((((((تجمع الحوامل اللييراجعون بمستشفى السيف ))))))&&

حبيبتي والله سفيره ,,,

كلامج صح لكن انا بسوي استقبال بس بالمستشفى ماراح استقبل بالبيت ,,,

واهلي شكثرهم ,,, شيلمهن شيلمهن ,,, هع

عشان جذيه فكرت بغرفه كبيره ,,,

شكلي بظل بالهادي ,,,

لأني حيل ارتاحله ,,, بس فكرت بالسيف من باب التغير ,,,

وريلي مو راضي يوديني السيف ,,,

يقول الهادي تعرفينه ومن عمرج عندهم ليش التعنفق ,,,

الله كريم ...

 

[أمـ علاوي]

رد: &&((((((تجمع الحوامل اللييراجعون بمستشفى السيف ))))))&&

سفيرة العشق
الحمدلله على سلامتج ومبروك ماياج


زين شلون طريقة تصوير البيبي يعني يصورونه أول ماينولد ولا شلون وكم صوره ؟؟

ويقولون في شاشه بالغرفه اللي انتي فيها تشوفين فيها البيبي واهو بالحضانه صح المعلومه ولا خطأ ؟؟