& تجمـع مراجعـات مستشفى السيـف &

[Safire]

رد: &&((((((تجمع الحوامل اللييراجعون بمستشفى السيف ))))))&&

بنات منو مجربة السونار الرباعي بالسيف و بجم ؟؟

 

[zalabia84]

رد: &&((((((تجمع الحوامل اللييراجعون بمستشفى السيف ))))))&&

بنات منو فيكم ولدت بالسيف و شنو تفضلون السيف والا رويال حياة

 

[شموخ ومهابه]

رد: &&((((((تجمع الحوامل اللييراجعون بمستشفى السيف ))))))&&

يالله بنات نبي تفاعل

زلابياااا>>> رويال حياة على كلام الناس مصح مومستشفى يعني يقدم الرعاية للوالدة بعد الولادة اهو اساسا جذيه اما غرفه كشخه
اما السيف مستشفى كامل والناس يمدحونه والله يستر على الاقل احسن من الهادي اللي صاير لووووووووعه من الزحمه

 

[شهد الحلوة]

رد: &&((((((تجمع الحوامل اللييراجعون بمستشفى السيف ))))))&&

امس دقيت عالسيف كنت بسوي سونار قالي 30 دينار أشدعوه بس سونار 30 وقالي لي 8 بس فاتحين واذا استشاره تفتحين ملف 20 والسونار 15 هونت رحت دار الشفا

 

[zalabia84]

رد: &&((((((تجمع الحوامل اللييراجعون بمستشفى السيف ))))))&&

حبيبتي شهد الحلوة سونار ال30 دينار هذا شامل كل شي وحتى ما تسوينه عند الدكتوره لا لازم تروحين قسم الاشعه هناك يسوونه
حبيبتي شموخ ومهابة ادرة انه رويال حياة مثل الفندق مو مستشفى بس انا قصدي من ناحيه الخبرة في الولادات اتوقع اهو احسن من السيف وامس في وحده كانت حاطه موضوع الصراحه خرعتني معنه رحت شفت غرف السيف وفي جم وحده عجبتني

 

[قصيده حب]

رد: &&((((((تجمع الحوامل اللييراجعون بمستشفى السيف ))))))&&

البنات الي يراجعون بالمستشفى انا اول مره اراجع عندهم دفعت خمسه وثلاثين دينار عشرين فتح ملف واستشاره و15 حق سونارالسؤال هالحين اذا بارد اسوي سونار كم بدفع

 

[Safire]

رد: &&((((((تجمع الحوامل اللييراجعون بمستشفى السيف ))))))&&

قصيدة انا كل مرة لما اراجع ادفع 35 ... 20 استشارة طبيب و 15 سونار

​

 

[وردة الكاميليا]

رد: &&((((((تجمع الحوامل اللييراجعون بمستشفى السيف ))))))&&

الزيارة 15 والسونار15 واذا المراجعة أقل من أسبوع مجانا

 

[سفيرة العشق]

رد : رد: &&((((((تجمع الحوامل اللييراجعون بمستشفى السيف ))))))&&

بنات انا ودي اولد بمستشفى السيف اشرايكم فيه انا متخوفه منه ليش مستشفى يديد وخايفه ما يكون عندهم خبره كافيه اشتنصحوني

والله انا كنت نفسج متخوفة قبل لا اولد عندهم وخاصة اني كنت حالة خاصة بس الصراحة المستشفى روعة وخدمتهم اروع والدكاترة ماشالله ما يخلونج كلش وكلهم خبرة
توكلي على الله واولدي فيها كافي ان غرفها شرحة وتطل عالبحر لوووووول

 

[سفيرة العشق]

رد : رد: &&((((((تجمع الحوامل اللييراجعون بمستشفى السيف ))))))&&

يالله بنات نبي تفاعل

زلابياااا>>> رويال حياة على كلام الناس مصح مومستشفى يعني يقدم الرعاية للوالدة بعد الولادة اهو اساسا جذيه اما غرفه كشخه
اما السيف مستشفى كامل والناس يمدحونه والله يستر على الاقل احسن من الهادي اللي صاير لووووووووعه من الزحمه

انا معاج وقبل لا اولد افتريت على كل المستشفيات وما ارتحت الا للسيف

 

[سفيرة العشق]

رد : رد: &&((((((تجمع الحوامل اللييراجعون بمستشفى السيف ))))))&&

الغرفه الستاندرد الي خذيتيها بس غرفه وحمام تكرمين شلون قدمتي الضيافه للناس وين حطيتي اغراضج

حبيبتي الغرفة الاستاندرد اللي خذيتها كبيرة جنها في اي بي وعطوني 3 طاولات وفيها مغسلة مع ثلاجة والله كفتني
واغراضي حطيتها بالكبت كبير

 

[Diva-Q8]

رد : &&((((((تجمع الحوامل اللييراجعون بمستشفى السيف ))))))&&

قوه بنات انا اختي ولدت برمضان عندهم عند دكتوره ندين انا مابلعتها بس اختي وايد ارتاحت معاها وتنصحني فيها اهما مايستقبلون الحوامل اللي معدين الشهر السادس يقولون ممنوع بس اختي كانت بالخامس لمن راجعت عندهم ولادتها طبيعيه وخذت ابرتين بالظهر وطلق صناعي وولدها قعد بالشيشه 10 ايام وكانت بغرفة vvip وايد شرحه وتصلح حق اللي بتسوي استقبالها بالمستشفى قعدت ليلتين وامي كانت معاها بالغرفه واهي تولد الحلو فيهم ان القراب منج يقدرون يقعدون عندج لي اخر لحظه اذا انتي طلبتي هل شي والمرافق بغرفة العمليات ماله رسوم

اختي بجر وظلت تطلق من الساعه 1 الظهر لي الساعه 12 بليل مسكينه فحطت وولدت الساعه 2 الفير بس للأمانه ماسمعنا صوتها تصارخ كلش بس اتحلطم يمكن من الابر اللي خذتها والكمام مادري ! لان كنا لاصقين اذونا بالباب وانا اقولها من وره الباب مو تنسين تدعيلي واهي مسكينه ترد علي صوتها يرجف وتظحك تقول انزين وااااااااااااي الله يقومكم ويقومني بالسلامه معاكم خواتي

والخدمه اكثر من ممتازه كانوا السسترات حتى تكرمون الفوطه الصحيه وملابسها الداخليه يبدلون لها ويشطفونها ويحطونلها المرهم عالخياط بس باقي يمشطونها هههههههه وكلفة 2700

طبعا اختي صاجه لمن قالت بدعيلج اهي ولدت برمضان وانا الحين حامل الحمدالله ربي استجاب دعوتها لي وانا بعد هذا اول حمل و بسوي مراجعه عند روبينا اذا ارتحت لها بولد عندها اذا الله ثبت حملي على خير بذن الله واذا ماعجبتني مالي غير دكتوره ندين على مدح اختي بذبحها اذا طلعت خواره بس ماظن اخذ نفس الغرفه يمكن اولد بالريسبشن ارخص هههههههههههه

واخيرا دعائي لي ولكم:

اللهم اجعله مسلما صالحا عابدا ذاكرا..
حافظا للقران الكريم وممن يعملون به..
اللهم اجعله بارا بوالديه وأهله..
اللهم حسن خلقه وخلقه ..
اللهم أعذه من شياطين الأنس والجن..
اللهم سهل ويسر حمله وولادته..
اللهم أقر عيني به..
اللهم ارزقني ولدا غلاما واجعله تقيا ذكيا
واجعله سليما معافى ولا تجعل في خلقه زيادة ولا نقصان ..
واجعل عاقبته إلى الخير...
اللهم إني نذرت لك ما في بطني محررا...
فتقبل مني إنك أنت السميع العليم...
اللهم اصلح لي ذاتي وذريتي...
اللهم استودعتك هذا الجنين فحسن في خلقه وأخلاقه يا رب العالمين..
اللهم اني اسألك هون الطلق وحسن الخلق .. وارزق المحرومين يا ارحم الراحمين
اللهم آمين
:*

 

[عاشقه الاسمرانى27]

رد: &&((((((تجمع الحوامل اللييراجعون بمستشفى السيف ))))))&&

حبيبتى ديفا والله الف مبروك لاختج وعسا الله يتمملج على خير يا قلبى يارب

انا نفسج لو يصيير بالرسبيشن وايد ارخص بس بيصير على عينك يا تاجر الكل يطالع وجدامج شارع الخليج كلهم يدشون وتدرين اوقات يصير فينا بلاغه شف لازم نشوف

بناااااااااااااااااات ائبى رقم المستشفى ائبى اسوى سوناااااااار عندهم


سونارهم العادى حلو وواضح ولا اى شىء

 

[ayshay]

رد: &&((((((تجمع الحوامل اللييراجعون بمستشفى السيف ))))))&&

السلام عليكم
اخباركم حبيباتي............
بستفسر عن شغله انا حامل وان شالله ولادتي 24 ديسمبر ان شاء الله وهالحمل بعد 6 اجهاضات والله يعوض صبري خير ولايحرمني ولايحرمكم يارب المهم اراجع عند الصباح عند الدكتور مايكل وكنت طول فتره الحمل تعبانه واخذ ادويه سيوله وابر وفقر دم الحمدالله على كل حال
المهمم انا اراجع بعد عند روبينا بالسيف وقالتلي لان حالتج خاصه وخايفين على البيبي راح انولدج قبل موعدج باسبوعين ومرتاحه لاسلوب روبينا
بس محتاره اولد بالصباح لانهم رعايه وخبره ولاسمح الله اذا البيبي احتاج شيشه او رعايه خاصه مافي مثل الصباح من بعد رحمة ربي
وخايفه من المستشفيات الخاصه لانه قالي احتمال لان عندج فقر دم تحتاجين دم الله يستر؟؟؟
ابي نصيحتكم والله محتاره

 

[zalabia84]

رد: &&((((((تجمع الحوامل اللييراجعون بمستشفى السيف ))))))&&

قوة بنات... وااي بناات طمنوتي الله يطمنكم دنيا و اخره كنت حدي خايفه من الولادة بالسيف معنه رحت مرتين جيكت على الغرف ال في في اي بي والرويال سويت وماادري احس اني خايفة بس شكلي بتوكل على الله واولد هناك وعلى فكره اسعارهم نزلت ب 200 دينار فرق انا عندي الاسعار القديمه واليديدة فرق 200

 

[ليمونه صفره ^_^]

رد: &&((((((تجمع الحوامل اللييراجعون بمستشفى السيف ))))))&&

سلام عليكم بناااات و اشلونكم

أنا صاااار لي وااايد ناسيه المنتدى و توني أشوف هالقروب
أنا كنت وحده من اللي تراجع بالسيف و يمكن سمعتوا عني
من حبيبتي سفيرة :e3: أنا اللي ولدت برمضان وعند دكتورة روبينا علي
تراها وااااايد شاااااطره ماااااشاء الله عليها

حياتي سفيرة الحمد لله على سلامتج و مبروك مااااياكم ويتربى بعزكم


أما بالنسبة للمستشفى ترى واااايد زينين بس أسعارهم غالية شوية
و أنا أخذت الستاندر ايه وااايد روعه و منظر البحر عجيب
السسترات ما يخلووونج دقيقة وحده يعني تعيشين ملكه عندهم :wqedqw:

 

[engineera_2007]

رد : &&((((((تجمع الحوامل اللييراجعون بمستشفى السيف ))))))&&

أقول زلابيا شنو آخر لستة أسعار حصلتيها من السيف ياريت تفيدينا ؟؟

 

[شموخ ومهابه]

رد: &&((((((تجمع الحوامل اللييراجعون بمستشفى السيف ))))))&&

مرحبااااااااااااااااا

اشلونكم بنات

الله يبشرج بالخير زلابيا صج عاد نزلوا اسعارهم

انقذيني باللستة اليديده

 

[سفيرة العشق]

رد : رد: &&((((((تجمع الحوامل اللييراجعون بمستشفى السيف ))))))&&

سلام عليكم بناااات و اشلونكم

أنا صاااار لي وااايد ناسيه المنتدى و توني أشوف هالقروب
أنا كنت وحده من اللي تراجع بالسيف و يمكن سمعتوا عني
من حبيبتي سفيرة :e3: أنا اللي ولدت برمضان وعند دكتورة روبينا علي
تراها وااااايد شاااااطره ماااااشاء الله عليها

حياتي سفيرة الحمد لله على سلامتج و مبروك مااااياكم ويتربى بعزكم


أما بالنسبة للمستشفى ترى واااايد زينين بس أسعارهم غالية شوية
و أنا أخذت الستاندر ايه وااايد روعه و منظر البحر عجيب
السسترات ما يخلووونج دقيقة وحده يعني تعيشين ملكه عندهم :wqedqw:

ياحياتي ليمونة صفرة
شخبارج ولهانة عليج وايد
واحسن نصيحة نصحتنيي اياها اني اولد بالسيف عند د روبينا
الله يحفظ لنا عيالنا

 

[zalabia84]

رد: &&((((((تجمع الحوامل اللييراجعون بمستشفى السيف ))))))&&

افاا علييكم بناات من عييوني انا الحيين بالدوااام وان شااءالله ارد البيت وانزلكم اسعار اللسته اليديده