تحبين تقرين كتب English ؟؟ حياج معاي

[C'est La Vie]

سلااااااااااااااام حبيباااتي


بغيت أسأل عن كتب أنجليزيه تكون مصوره ,, يعني قصه وصور ,, يعني حوارات

مثل كتاب شريته مؤخرا من البحرين كان رواية توايلايت ،، كاان يجنننننننن

حوارات وصور روووووووووووووعه​

وعليكم السلام
حبيبتي ممكن توضحين اكثر؟
قصدج comics ؟

 

[C'est La Vie]

وعدتكم اني اقولكم تقييمي عن The Time Machine
مثل ما قلتلكم اهي القصة قصيرة
بس فيها نظريات علمية بسيطة مني ومني ممكن تخربط
انا صج اني كنت علمي بالثنوية بس هم اضطريت اني اقرا ال notes اللي آخر الكتاب عشان افهم
بس من ناحية القصة وااااايد حلوة واندمجت فيها واعطيها 10-10

القصة باختصار عن عالم يسافر الى سنة 802701
سنة ثمان امية واثنين الف و سبع امية وواحد ميلادي. رقم صعب مو؟
ويبدي يستكشف المكان اللي حوالينه
ويلاقي ان الحضارة تغيرت والناس اختلفو وصارو نوعين
نوع أليف وبريء يعيش على السطح
ونوع متوحش يعيش تحت الارض يبوقون آلة الزمن مالته
واهو يبي يردها وتصير احداث مثيرة وتخرع في محاولته عشان يرد الزمان لي ورا

 

[فرح العمر]

حبيبتي C'est La Vie

نفس هذا الكتاب ,, توايلايت

http://www14.0zz0.com/2010/09/06/18/719292868.jpg

في صور وحوارات

أبي نفس هالنوعيه وين أحصلها ,!!!​

 

[C'est La Vie]

اتوقع ان هذا اسمه Manga
صور وفيها حوارات
مادري وين تلاقينهم بالكويت بس يمكن تلاقينهم بموقع امازون

 

[تويتي]

اهلن بنات

يبتلكم كتاب غموض ليلحين ما قريتة



اسمة Dark of the moon by john sandford








اهو عن ثلاثة مجرمين و محقق جنائي


:fun:

 

[ninni]

رد : تحبين تقرين كتب English ؟؟ حياج معاي

أنا يبلكم رواية قريتها من فترة و خلصت قرايتها. بصراحة عجبتني وايد و اهي تتكلم عن آخر رواية Charles Dickens كتبها بس ماكملها.

 

[C'est La Vie]

تويتي ميرسي عالكتاب يا قلبي :33_1185028183:

نيني حياج الله معانا
عاد انا حاطة ببالي انشالله بعد العيد بقرا رواية oliver twist وتكون بداية لي مع روايات charles dickens :ceaf32e183:
ميرسي عالكتاب


بنات ترقبو عيديتي لكم coming soon

 

[ninni]

رد : تحبين تقرين كتب English ؟؟ حياج معاي

^ الله يحييج C'est La Vie. انا ودي أقرا روايات Charles Dickens بس عندي وايد روايات شريتها و بعدي ما قريتها.
قبل هذا ودي أقرا كتب J.R.R Tolkien.

 

[C'est La Vie]

انشالله اول ما اخلصها اقولج رايي فيها :icon30:
enjoy

 

[ninni]

رد : تحبين تقرين كتب English ؟؟ حياج معاي

^ تسلمين و ما تقصرين. مشكورة مقدما و انا يبتلكم رواية ثانية :

القصة حقيقية عن George Mallory وهو اول رجل صعد قمة جبل افريست.

الصورة أخذتها من Google Images.

 

[~ تريآق]

رد : تحبين تقرين كتب English ؟؟ حياج معاي


ماشاء الله ديرتنا عامره بالكتب عسى دوم

Dark of the moon by john sandford

والله شكله عجيب ..

بانتظار تقييمش له تويتي ^^ عشان يا نتحمس له معاش يا نرميه بحر معاش

:
.

أوما يا نيني مدري ليه بس يجيبون طاري ديكنز اكـــش ههههههههه

احسه شي من العيار الثقيل

بس ان شاااء الله بقرا له قريبا كتاب وبعدها اقرا هذا .. بس خليني اخلص اللي بالرف بالاول خخ

:
.

paths of Glory

شكلو جميل خاصة انه يتكلم عن قصه حقيقية

والركمنديشن حقته مره قويه ^^

اذا قريتيه قولي لنا رايش فيه .. :eh_s(22):

ويعطيك الف عافيه



سي لافي زمان عنش :eh_s(22): .. بانتظاار مفاجأة العيد على أحر من الجمر :d

 

[ninni]

رد : تحبين تقرين كتب English ؟؟ حياج معاي

^ مادري شفيني قريت اللي كتبتيه كذا مرة عشان استوعب. ماعليه توني متفطرة و ماكو تركيز هههههههههه.
معني مو أي قصة تعجبني و القصص الحقيقية مو دايما تشدني بس Paths of Glory عجبني و أحداثها حلوة

 

[~ تريآق]

رد : تحبين تقرين كتب English ؟؟ حياج معاي



عادي يمكن مسواي انا وهاللهجة العويا ههههههههههههه

خلاص اجل باللسته ان شاء الله ^^

قواتش الله يابعدي

 

[تويتي]

بنات قريتها الرواية Dark of the moon بس ما خلصتة

تدشين بالقصة عجيبة يعني اهو المجرم يبي يحرق البيت يقولج شلون يحرقة .... الخ



:eh_s(7): ​

 

[This is it]

رد : تحبين تقرين كتب English ؟؟ حياج معاي

قوه بنآت !
امممم .. انا وآيد احب اقرا روآيآت انجليزيه و كتب بعد ..
يتلي فتره يعني ما اقرا ..
وودي بكتب او روايات يديده تنصحوني فيها.. طبعا انا احب الرومآنس اما عن الكتب احب الكتب اللي تتكلم عن تطوير النفس و جذي ..
و بغيت اسأل عن كتب توايلات .. اهي نفس الفلم لاني شايفه افلامهم بس صرآحه متردده اذا اشتريهم و لا لآ يعني تنصحوني اشتريهم و انا شايفه الفلم اساسا ؟

و طبعا شآركت بالمنتدى عشاان الــ Book club لوول
و ياريت بعد تعطوني اقتراحات عن روايات قريتوها حلوه و كتب حلوه و مشكووورين

 

[~ تريآق]

رد : تحبين تقرين كتب English ؟؟ حياج معاي

اهلا ذيس از ات
نورتي الحته ^.^

انااا عن نفسي
شريت توايلايت ساقا قبل لا اسمع عن كل ذي الضجه وقبل اشوف الفلم حقه
صديقتي كانت قايله لي انها شرتهم وبتبداهم
فقمت شريتها عشان نقرا مع بعض وبس خخ
بس الجــد
ماندمت .. حبيتهم
قريت لين الحين نيو مون وتويلايت وشفت الافلام بعد ناخلصت
فرررق بين الفلم والروايه
الروايه اجواءها غير وتفاصيلها روعه
يعني اذا حبيتي الفلم بنسبة ٦٥٪ فراح تحبين الكتاب ١٠٠٪

بعد العيد يمكن اكمل باقي الاجزاء
لاني ماحب اقرا لنفس المؤلفه كتب ورى بعض ااخاف اتعلق باسلوبها وما اقدر اقرا لغيرها خخخخخخ

بالنسبه لبعض الكتب اللي حبيتهم
روايه اسمها please forgive me لـ melissa hill

وروايات cecilis ahern حبيتهم مرررة
اسلوبها حلو وفكاهي
قريت لها thanks for the memories
where rainbows end
مرة حلوين

ومم فيه كتاب صدق the host لستفني ماير مررررة ايداع
برايي احلى من توايلايت

وهذا اللي يحضرني الحين اذا صحصحت وذكرت شي بجي ادرعم عندش خخ
نورتي من جديد

 

[C'est La Vie]

كل عام وانتو بخير
تقبل الله طاعاتكم

 

[~ تريآق]

رد : تحبين تقرين كتب English ؟؟ حياج معاي


كل عآم وانتوا بخير

وعديكم مبآرك

منا ومنكم سي لافي ^^

 

[ام عبدالوهاب555]

السلام بنااات


بقولكم الصراحة

انا من زمان قارية الموضوع ، وقلت بنفسي من صجهم من يقرى انجليزي ، لاني مدمنة كتب وروايات بالعربي ، بعدين فكرت اقوي لغتي بدون دورة وقلت اجرب اقرا رواية بالانجليزي وتفاجات بنفسي اني خلصت الرواية بسرعة واستانست رحيل وسهلة ، فالحين هابة بالانجليزي... وانا ما احب اجرب وايد مؤلفين اخاف ما افهم او ماتعجبني الاحداث

بديت بدانيال ستيل ونورا روبرتس وعلقت عليهم

واستغربت انكم ما كتبتم عنهم كلش ....لهالدرجة مو حلوين مع انه الامريكان مسمين نورا ملكة الرومانسية

وانا احب جيفري ارتشر وايد بس اخاف اسلوبه صعب بالانجلش....فشرايكم تنصحوني اشتري وابدا اقرا له


الزبدة قررت اغير وابدى بنيكولاس سباركس و جودي ابليكوت

ابي احلا واخف روايتين لهم

لاني رحت المكتبة واحترت شنو اخذ لهم

وسؤال اخير : مافيه نظام مكتبة استعارة لهالكتب لاني احب اقراهم مرة وحدة ولا اكرر القراءة وابتلشت انترست مكتبتي حيل ومو هينة اسعارهم

مشكورين مقدما

 

[C'est La Vie]

وعليكم السلام هلا وهج الحياة
الحمدلله ان عجبتج قراية الانجلش وانشالله تكون فادتج بتقوية لغتج :eh_s(7):

بالنسبة حق المؤلفين اللي ذكرتيهم
وايد كنت اشوف كتبهم بس ولا مرة قريتلهم
لأن انا ميولي مو رومانس
مو شرط ان ما ذكرناهم بالموضوع يعني مو خوش مؤلفين بالعكس
يمكن البنات ما قروهم او لأي سبب ثاني
جيفري ارتشر اول مرة اسمع فيه
دام انج ذكرتيهم فهذي فرصة انج تعرفينا عليهم
شرايج تقولين لنا شنو قراءاتج لهم ورايج فيهم؟

نيكولاس سباركس انصحج ب the notebook او the choice
جودي بيكولت قريتلها بس my sister's keeper

نصيحتي لا تلتزمين بمؤلف واحد
حاولي تنوعين عشان تكتشفين اكثر عن ميولج واهتماماتج

بالنسبة حق الاستعارة للأسف اغلب المكتبات بيع ما عندهم استعارة
عندج حل من اثنين
يا انج تشترين الكتب وبعدين تبيعينهم على مكتبة www.q8books.com اللي تشتري كتب مستعملة
او تسوين مثلي
انا اختي تدرس بجامعة خاصة وعندهم خوش تشكيلة كتب -خصوصا الكلاسيك-
اقولها تستعير لي وبعد اسبوعين ترده او تجدد الاستعارة
لأن للأسف المكتبات العامة ومكتبة جامعة الكويت ما عندهم شي يذكر من الرويات الانجليزية