تحبين تقرين كتب English ؟؟ حياج معاي

[C'est La Vie]

ما رحتي مسرحية بالعيد؟
انا اليوم يبتلج احلا مسرحية :tek:

Pygmalion by George Bernard Shaw


قصة عن بروفسور لغة انجليزية يقابل بنت فقيرة تبيع ورد
ولهجة البنت ال accent مالتها قبيحة وتدل على مستوى حياتها وتعليمها المتواضع
فيقرر البروفسور ان يراهن رفيجه
ان خلال فترة من الزمن يقدر يعلم البنت لهجة الطبقة الارستوقراطية
ويغير اسلوبها وشكلها ولبسها
ويوديها حفلة الملك ويخلي الناس تصدق انها فعلا اميرة :balo:
فيا ترى ينجح البروفسور؟ ولا يخسر الرهان؟


القصة هذي تحولت الى فيلم musical حاز على جوائز اوسكار
بطولة منو تتوقعون؟


ما غيرها الفنانة الجميلة Audrey Hepburn :ggdw:
الفيلم اسمه My Fair Lady

ويقال ان هالقصة اقتبسو منها فيلم سيدتي الجميلة بطولة محمود ياسين ونيلي :050103nbh_prv:


ملاحظة : الكتاب موجود ب 4shared

 

[C'est La Vie]

شرايكم ناخذ بريك؟
هذي اكثر اغنية حبيتها من الفيلم

http://www.youtube.com/watch?v=owWPgUyK7DY

 

[ScarletteO'Hara]

وهج الحياة
انا احب كتب جودي بيكولت و قارية لها
mercy
my sisters keeper
plain truth
salem falls
the pact
ninteen minutes
احلاهم و انصحج فيه
ninteen minutes
the pact
روعة شوي عليهم

 

[تويتي]

back girls

رحت جرير اليوم طبعا كل الي ابيهم مخلصين

سكارلت رحت بشتري the pact مخلص

و بنات سالته عن هولز موفينغ كاسل قال مخلص يعني في بجرير صح ؟

و memory of geisha مخلص :0bee2e8d89:

و بسنا قرقة

و اقولكم شنو شريت

شريت The Notebook by nicholas sparks






و شريت Masquerade BY Melissa de la cruz

 

[ScarletteO'Hara]

^^^
عليج بالعافية حبيبتي خوش كتب
happy reading

 

[a3gl-5bla]

حبيبتي C'est La Vie

نفس هذا الكتاب ,, توايلايت

http://www14.0zz0.com/2010/09/06/18/719292868.jpg

في صور وحوارات

أبي نفس هالنوعيه وين أحصلها ,!!!​

شوفي حبوبه هذول النوع يسمونهم مانجا manga
ووووواااااااايد استانس عليهم ( للعلم اني توني هابه فيهم ) لول
يوم انج كنتي بلندن ليش ما دشيتي مكاتبهم!! ولا بس خميتي من العطور و المكياج (آخر اهتماماتي)

شوفي الله وكيلج انا كل مكتبه اشوفها لازم ادشها و ألقي نظره و لين شفت هذا اللي انتي تسألين عنه
twilight manga volume 1
اخذته و خلصته بيوم واحد الرسومات حلوه وايد بس اهوا مقسمينه جزئين
عاد الحين انا رديت الديره و ماكو منه بالكويت ترا
و بحاول ادور عالجزء الثاني لان ابوي الله يحفظه بروح لندن على بداية السنه و بوصيه يدورلي عالجزء الثاني

 

[~ miss NERD ~]

و هالكتاب شكله مشوقني من زمان أشوفه بس اتردد اخاف ما يعجبني

شرايكم فيه و شنو يتكلم عنه؟

:23_asmilies-com:
من صجج انتي!!
لا يبا مو شي هالكتاب كلش
و اعرفج مكا تحبين هالسوالف بناء الشخصيه و مادري شنو :friends:

 

[AquaBlue]

Hi ana waid a7ib agra books modmena lool anyway 7aba agolokoum 3an kotob garaythoum waid i3jibooni
1. everyone worth knowing hathy nafs il katba ily iktibat the devil wears prada
2.Face to Face yitkalam 3an mo3anat bnt ib mara'6 il anorexia
3.ily i7iboon TWILIGHT lazem yigroon A HOUSE OF NIGHT NOVEL waay 3indi a7la min twilight
4. Twenty times a lady
have fun reading

 

[C'est La Vie]

merci aqua blue for the recommendations :tek:

 

[ام عبدالوهاب555]

أهلين بنات
عذرا عالتأخير بس لاب توبي رسميا مخرف
شكرا عالاقتراحات وبجربهم
وحابة اقولكم عن أفضل المؤلفين بالنسبة لي:
Jeffrey archer
رواياته عجيبة ، كلها أفكار جديدة وغموض و دراما حيل حبيته ، وأنصح بشدة لقراءتها وهو انجليزي فيمكن تكون الرواية شوي صعب اسلوبها لاني قريت رواياته بالعربي وبجرب اقرأ له انجليزي ، الكاتب سير انجليزي وعضو بمجلس النواب وسيرة حياته بروحها قصة، قريت له :
Prisnor of birth – kane and abel – as the crow flies
موقعه الرسمي لمعلومات أكثر :
http://www.jeffreyarcher.co.uk/

danielle steel
الكاتبة أمريكية وعندها تسع أطفال من عدة أزواج وسيدة أعمال، العديد من رواياتها تحولت لأفلام تلفزيونية وتقدرون تلقونها باليوتيوب ، طبعا هي مشهورة بالنهايات السعيدة ، غالبا رواياتها تنتهي بأن البطلة تلقى الرجل الصحيح لتتزوج وتحمل ، اللي حبيته في رواياتها بأن المرأة مهما كان حالها لازم تلقى نفسها بالوظيفة أو الهواية الي تحبها وراح تلقى الرجل المناسب ولا تدفن نفسها بزوج او صديق يضرها أو حياة ماتلوق لها، قريت لها عشرين رواية ، حيل سهلة رواياتها بالانجليزي ، قريت لها بالعربي والانجليزي، أنصح ب :
Rouge – the wedding – H.R.H – BUNGALOW 2 – TOXIC BACHELORS
موقعها الرسمي لمعلومات أكثر :
http://www.randomhouse.com/features/steel/

NORA ROBERTS
الكاتبة أمريكية وعندها ولدين ، وسيدة أعمال ، أيضا بعض رواياتها صورت كأفلام تلفزيونية ، رواياتها رومانس وبعضها رعب مع جريمة وتكون خلطة حلوة وعجيبة ، قريت لها بالعربي والانجليزي ، رواياتها وسط مو سهلة حيل بالانجليزي ، أنصح ب :
HIGH NOON – ANGELS FALL - In the Garden Trilogy : BLUE DAHLIA – BLACK ROSE- RED LILY
موقعها الرسمي :
http://www.noraroberts.com/
شرايكم تجربونهم وأشوف آرائكم

 

[ام عبدالوهاب555]

صج نسيت
عندي سؤال محيرني : شالفرق بين fiction & non - fiction

يعني تكون مثل قصة حقيقية أو كتاب أدبي عادي غير الرواية الخيالية؟؟

وشرايكم بالسير الذاتية : لاني أحب أقرا الروايات فقلت خنستفيد معلومات ومنها أقرا قصة ، فحيل عجبني هالنوع ، قريت سير مالكوم اكس ، السجينة ، وتزجت بدويا ( امراة بريطانية تزوجت اردني عايش في البترا بين كهوف الجبال وتوفى فكتبت قصتها)
شنو تنصحون من سير ذاتية؟

 

[C'est La Vie]

Fiction - Books that are made up by
the author, or are not true,
are fiction.

يندرج تحتها اي قصة او رواية سواء كانت رومانس دراما او جريمة خيال علمي او غيرهم
المهم ان القصة تكون من وحي خيال الكاتب


Books that are nonfiction, or true,
are about real things, people,
events, and places.

تندرج تحتها السير الذاتية وكتب التاريخ والفصص الحقيقية و الكتب العلمية وغيرهم

 

[C'est La Vie]

وهج الحياة
انا قريت عن ماري انطوانيت وبنتها
وهم عن قيصر روسيا واعدامه مع عايلته

وناوية انشالله بقرا عن سيرة حياة غاندي ومارتن لوثر كنغ ونابليون


تقدرين تقرين عن اي شخصية تعجبج بس اهم شي تتأكدين من حيادية الكتاب ومصادره

 

[~ تريآق]

رد : تحبين تقرين كتب English ؟؟ حياج معاي



ماشاء الله والصفحة عامره :d

سي لافي

حبيت قصة المسرحيــــة مرة مرة وان شا ءالله اني بقراها وحتى اختي حفظت اسمها في الويتنغ لست ^^

:
.
توتي

عليج بالعااافيه وان شاء الله تحصلين كتبش اللي تبغينها

عاد هنا عندنا ميموري اف غياشا محذف في الخبر والدمام تبيني احذف عليتش واحد :d

اذا قريتي Masquerade BY Melissa de la cruz

عطينا رااايتش فيه .. كل ما اروح اشوفه ويجذبني غلافه .. بس اتردد فيه

خلصي وقولي لنا رايتش اذا ممكن ^^

وقواتش الله

وهج الحياه

مشكووورة عنوني للمؤلفين والقصص

تحمست اكثر شي لنورا

ان شاء الله بس اخلص اللي في اللسته وكل ابوها ببدا اقرا لها

ويعطكم مليون الف عاافيه

^^

 

[~ تريآق]

رد : تحبين تقرين كتب English ؟؟ حياج معاي



اعـــلان

من بعد اذنج سي لافي :eh_s(22):

راح نبدأ قراءة كتاب

The Painted House by John Gresham

هذا الاسبوع ان شاء الله <~ لسه ما تحدد اليوم

بس اللي يناسبكم نقبل فيه :eh_s(22):

اللي تحب تشاركنا ما يردها إلا كيبوردها وجرير

ونتشرف ونُســعد بانضمامكم أكيد :eh_s(7):

والتفاصيل تلقونها هنا

http://www.q8yat.net/showthread.php?t=413759&page=66

 

[C'est La Vie]

اخذي راحتج يا قلبي
الموضوع موضوعج :friends:

 

[LUXURY]

السلام عليكم
والله يبناااااااااااااااااااااات من زمااااااااااااااااااااااااااااااان ماقريت
وودي اقرا والهي نفسي واشغل وقت فراغي بشي مفيد
عندي روايه حطيت اسمها من زمان ولا قريتها شريتها من كارفور
وقررت باذن الله ابدي اقراها من اليوم
يا رب يقدرني اخلصها بسرعه واشتري غيرها

 

[~ miss NERD ~]

بنات
كتاب the notebook
وين الاقيه !!

 

[Megan Rocks]

بنات
كتاب the notebook
وين الاقيه !!

jarer , i saw the book there two days ago

 

[~ تريآق]

رد : تحبين تقرين كتب English ؟؟ حياج معاي


صبآآح الخير ..

شريت مجموعة جديدة من الكتب

وبالمناسبه ..

لقيت موقع صدق صدق يوصل الكتب بالمجآن

لكن عيبه مو لكل الدول .. من دول الخليج السعودية والبحرين

لو لكم احد هناك وهيك ممكن تستفيدون منه

شريت منه خمس كتب سعرها جداا معقول .. والشحن زي ماقلت لكم وصلني ببلاش

هذا الموقع

http://www.bookdepository.com/

الكتب اللي شريتها منه

روايات ل Elizabeth scot

stealing heaven

السطرين الموجودين بقود ريد .. صدق مايحمسون ههه بس الرفيو حقته تحمس

Eighteen-year-old Dani grows weary of her life as a thief when she and her mother move to a town where Dani feels like she can put down roots.​

love you hate you miss you

قصته إن وحده اختها ماتت .. وماتحب أحد يجيب طاريها او يسألها عنها .. وما تبغ تتكلم في الموضوع مع أي كان ..لأنها تظن انها السبب في متها فتقوم تكتب لها رسايل باللي في خاطرها

وهذا جزء من رساله كتبتها لاختها

You know, I always thought I told you everything, but there are some things I should have said but never did. I should have told you about the time I lost your new sunglasses. I know you really liked them. I should have apologized the time I ruined your brand-new skirt, the one with the beading. I should have apologized for a lot of stuff.​

الاصدار الجديد ل cecelia ahern

انا شفتهم كاتبين شورت ستوري .. بس الصرااااحه ماتوقعته لذي الدرجه

اكبر من الكف بشوية .. وفيه 75 صفحة

أحس لو بجيب شويا من قصته بتخــلص وبتحترق هههههههه

باختصار ام لها اطفال تجيها حالة احباط بعد ما يتركها زوجها لراقصه عمرها 32 سنه وتطيح بالايس كريم عل وعسى تلقى العزا فيه

اكثر من كذا ماظنتي ينقال




وأخذت

Things not seen By Andrew Clements

قصته إن ولد مراهق صح من نومه لقى نفسه "خفي" ويجيه احباط لما يحاول يتعود على الوضع
ويتحطم اكثر لما يلاحظ إن كل اهله مايحسون فيه ولا يسمعون كلامه
يتعرف على بنت ضريره تجلس بالمكتبه .. راح تحس فيه وراح يتعرف على اولاد بمثل حالته كثار
وتبدا الحكايه

هذا اللي اذكر اني قريته قبل اشتريه ^^



وبس :eh_s(7):


عاد لأمانه ما بمدح في توصيل الموقع مره مره خخ

اخذ 3 اسابيع كامله لين وصلوا

وفوق كذا حق سيسليا وستيلنغ هفن وصلوني مكسرين والثانيين صاحين ميه ميه

وخلصت قرق خخ