بداية أشكرج أختي ليلى على طرحج للمواضيع الهادفة والحساسة التي تقتحم مجتمعاتنا ولابد لها من حلول واقعية وصحيحة
أنا بشارك بنبذة أو نقاش وليس جواب إذا تسمحين لي :
أولاً: البنت المغتصبة وبدون وجه حق ووبدون إرادتها ، اللي يقبل يآخذها يكسب فيها أجر كبير ويستر عليها، والأيام اللي يعيشونها مع بعض راح تثبت له إنها شريفة وعفيفة واللي صار مو بيدها غصب عنها، ياما بنات أنوخذ منهم أغلى شي والله ستر عليهم وتزوجوا وعاشو حياتهم ، وتلاقين اللي تزوجها مستانس وياها وسعيد والله يعوضه بأشياء أحسن منها.
ثانياً: أنقهر من بعض شبابنا العرب إن يقبلون يتزوجون بنات اللهم يكافي ( بنت مو شريفة ) على بو إن يحبها ومغرم فيها وحبه يكفر عن الشرف، والبنت المغتصبة بالنسبة لهم بنت ما تستحق إني أتزوجها وأستر عليها!!
ثالثاً: ما أكثر هالزمن اللي إنخلط فيه الحابل بالنابل ومحد يعرف اذا البنت فقدت عذريتها بعمد أو طريج خاطئ او فقدت عذريتها بإغتصاب وإنتهاك عرض ، لذا لابد من التقصي عن هالموضوع بصورة واضحة
رابعاً: انا بالنسبة لي ماعندي مانع أخطب حق أخوي هذا النوع من البنات وخصوصاً إنها مغلوب على أمرها وغصب عنها صار هالشي بس شي يضمن لي أنها مو فقدته بطريق خطأ، وأخوي شي يرجع له بس نبقى إحنا العرب هذي أفكارنا ما يتقبلون فكرة الزواج من مغتصبة، والدال على الخير كفاعله .
ورب العالمين ستار على عباده بني آدم ما يستر :bbbiu:
____________________________
أما بخصوص الرجل المغتصب وايد شباب تزوجو وهم متعرضين لحالة إغتصاب في مراحل عمرهم السابقة وبالعكس صارو رجال يتمتعون بشخصيات قوية ويعرفون يواجهون ويربون أبناءهم ويفهمونهم عشان ما يطيح الإبن في نفس المشكلة اللي طاح فيها الأب، وفي العكس اللي يفقد شخصيته ويكون غير سوي وتكون الحياة صعبة ويمكن يواصل بالدرب لأن عجبه الموضوع اللهم يكافي.
رأي الشخصي: اذا كان رجال وتعالج ومافيه عيب ، ما عندي مانع بس تكون عندي أدلة ملموسة وواقعية إن هالرجال خلاص تشافى وسليم ويقدر يمارس حياته الطبيعية عادية .
:eh_s(17)::eh_s(17)::eh_s(17):
وشكراً لج
