تزوجتي عن عدم قناعه ثم عشتي عادي ولا شنو الكل يدش نبي نستفيد

[(حكاية قلب )]

ممممم الله يكون في عونكم
لآانا مو متزووجة توووني ..,واذا راح اتزوج
ابي اقتنع 100% ع ـلي زوجي ^.^​

 

[المها التميمي]

أنا بالبداية ماكنت مقتنعة ابداً .. تميت مخطوبة 6 سنوات مثل ما يقولون خطبة أهل يعني من صغري فلانة حق فلان
وماكنت مقتنعة .. ولما كبرت وصرت بالثانوية وصارت الخطبة رسمية كان يجينا عشان يسلم علي تغيرت نظرتي وصرت متفائلة
فيه ورضيت بالواقع وتم الزواج .. وفعلاً كنت سعيدة أول سنة من زواجي وحبيته بجنون لدرجة كنت اتهاوش
مع اهلي أو اهله وخواته اذا تغشمروا معاي بكلمة عليه (( اهلي يحبونه بس يبون يرفعون ضغطي وانا ما اتحمل عليه كلمة))
كنت أحس انه يحبني ويخاف على شعوري ويبي يسعدني بأي شكل ,حتى لو ماحققلي اللي ابيه كنت اتفهم هالشي لأني واثقة انه
يبي يسويلي كل شي بس مو قادر فبعض الأحيان ... لكن مثل ما يقولون دوام الحال من المحال
كل شي تغير فيما بعد ومع مرور السنوات انقلب حاله 180 درجة ,, العبوا عليه عيال وبنات ابليس وصار واحد ثاني وتحول كل الحب
اللي بداخلي لكره وحقد وقهر على عمري اللي ضاع معاه وانا في أول حياتي , أختي تقولي صرتي مثل الوردة الذبلانة !!
وكل من شافتني قالت الهم واضح في ملامحج .. أنا حساسة حيل عشان كذا ماقدر أخفي الهم حتى لو مثلت

الخلاصة .. المشاعر والحب وحده ما يكفي لأن الحب ممكن يتحول لكره والعكس صحيح .. المهم هو الصفات والأخلاق الزينة والتفاهم
يعني لو جاكم زوج صالح وعنده كل المواصفات المطلوبة اللي ممكن تخليج سعيدة حتى لو ما حبيتيه تزوجيه , لأن المشاعر بتتغير مع
الوقت .. المهم المعاملة الزينة والأخلاق السمحة والتضحية .. و يكون شاريج , مو تحبينه ويطلع فالنهاية بايع !!

 

[قــل مـا تـشـاء]

ابـ ,,,

 

[كلي ذوق 1]

انا اتزوجت ومااااااااكنت مقتنعه فيه بس اهلي اصرو لانه اخلاق وضيفه حلوه بدايه زوجي ندمت عجزت احبه وحملت بس بعد ولادتي مادري شصار فيني صرت اموووت فيه
بس ترى من تزوجنا واهو مدلعني ومازعلني
امكن الي مخليني مو مقتنعه فيه اول اني كنت ابي مزيون واهو عادي شكله تفكير مراهقه بس احمد ربي مليون مره اهم شي يابنااااااااااااااااات الاخلاق اذا طيب بتحبونه غصب لو انه جيكر

 

[Lo0o0lY]

طموشــه

بس ان شاءالله بتزوج واحد مقتنعه فيه 100%

العقل قبل الحب طبعا

 

[أم^تركي]

انا كنت مو مقتنعه كنت متردده بس الحمدالله بينا حب كبير من نطالع بعض نشوف شكثر نحب بعض الحمدالله مرتاحين متفاهمين

 

[just ask me]

بالاستخااره ماارااح يصير فيه ندم ولا مغاامره

لانك بتطمنين لقرااارك اللي بتتخذينه بعد الاستخااره

 

[عيش و مرق]

موضوع حلو


طرج جديد لقضيه حياتيه مهمه

 

[Lovely_R]

طمووووشة اب اب

 

[الشموخ~~]

هذا توفيق من اللة اول شي بعدين الواحد لا يتوقع انة الطرف الثاني بيصير مثل الخاتم بيدة هذا مسؤلية وعايلة وراها عيال

 

[انا لحبيبي .]

up

 

[lolwah]

اللي تزوجت وماكانت مقتنعه ليش شنو الأسباب ؟ مادي ولا من الشخصيه ولا من اهله؟

 

[شوشه ام كوشه]

انا تزوجته وماكنت مرتاحه مادري ليش وطلع احساسي بمحله من تزوجنا مشاكل بتوصل على حافه الطلاق بعد ماضاعت احلى سنين عمري شيردها الله كريم ويعوضني بعيالي

 

[حورية الجنه]

ااب

 

[Miss sensitive]

لا الحمد لله اقتنعت فيه من اول مره شفته وربي حط السكينه بقلبي

فما عندي جواب لسؤالج

 

[أحبج يمه]

اب
اب

 

[Miss McDonald]

• الخيرة فيمآ آختآره الله ..
• بالاول حكمي عقلج .. خلي مشاعرج بعيده كل البعد عن قرآرتج !

 

[شماليه أصليه]

انا غامرت وكان إجبار من اهلي
ماكنت مقتنعه فيه موليه لا تعليم لا شهاده لا ثقافه لا شكل لا شخصيه
عندي منه طفلين وحامل
وصلبوه عشان عيالي
ما قدرت احبه ابد بس شسوي
المشكله هو حاس بالهشي وقاعد يبادلني نفس المشاعر
لازم الوحده تتزوج عن صناعه والا راح تعاني طول العمر
لدرجة اذا غاب عني ما اشتاق له ولا بينا حب ولا سوالف
ازواج علا ورق وكلنا صابرين عشان عيالنا
والشكوا لله
الله يعوضني بعيالي ويسامح اهلي

مثلي بالضبط 100%

عادي حبيبتي اتوقع اغلبية الحريم عايشين جذي لان الزوج الكويتي( مو كلهم بس أكثرهم ) :ch12: جماد عديمي احساس
شنسوي عشان تمشي الحياة لازم نتحمل

 

[عمرها السعودية]

اب لعيونكم


انا للحين ماعرف خيرة من شرة مع اني مخطوبة والموافقة تمت عن طريق اهلي واخواني وخوالي

 

[الفدنه]

بالبدايه ماكنت مقتنعه مو عشان شخصه
لا اصلا ماعرفت عنه شي
ماكنت ابي اتزوج كلللللللش ههههههههه
مو صاحيه ادري بس اكره الزواج استغفر الله
بس الحمدلله الخيره فيما اختاره الله
وهذا انا مستقره ومستانسه وزوجي مريحني واحبه
بس كل زوج له عيوب مثل مالنا عيوب
ومحد كامل