تزوجتي عن عدم قناعه ثم عشتي عادي ولا شنو الكل يدش نبي نستفيد

[أإلع ـشق دلع ـهـأإ]

.















أسمعي العلم الآكييييييد مني ..

الزوآج قسمه ونصيب .. مآله شغل خذيتيه بقنآعه أو لآ ..

يمكن ماتبينه ومومقتنعه فيه بس يكون خيره لج والعكس صحيح !!

والله قآل في كتآبه " عسى ان تكرهوا شيئا وهو خيراً لك وعسى ان تحبوا شيئا وهو شرا لكم والله يعلم وانتتم لا تعلمون "

يعني البنت اللي تزوجت واحد مقتنعه فيه وحابته توقعين راح تستانس معاه !!

لآآ يمكن تنصدم بعدين فيه ويطلع انسان حقير !!

وفي بنات بس ان شافوا مثلا زوجها قآل مآتطلعين من غير شوري قلبت الدنيا وقالت ندمت اني خذيته ..

وحده زوجها قال ماتحطين مكيان عم قالت ياليت ماخذيته وخذيت فلان عادي عنده !!

ووحده زوجها قال لا تنامين عند اهلج ولاتجينهم االا مره بالاسبوع كرهته وقالت حياتي تعيسه معاه !!

ويقولون مايسوي مايسوي و و بس لانه رفض شي ..

علشآن جذي الرسول قال ‏ ‏يا ‏ ‏معشر ‏ ‏النساء تصدقن وأكثرن ‏ ‏الاستغفار فإني رأيتكن أكثر أهل النار فقالت امرأة منهن ‏ ‏جزلة ‏ ‏وما لنا يا رسول الله أكثر أهل النار قال تكثرن اللعن ‏ ‏وتكفرن ‏ ‏العشير ‏ ..

وتكفرن العشير يعني تقول ماسوى وليش وو و نفس الامثله اللي قلتلج عنهم ..

فعلشان جذي اذا تبين نصيحتي أذأ خطبج وآحد وأهلج يمدحونه ومآعندهم مآنع وأنتي تشوفين مافيه عيب أستخيري ووآفقي ..

لآنه التوفيق من الله ..

أعرف وحده كل مآيخطبها وآحد رفضته لآنها جآمعيه وجميييييييييله وبنت أصل وفص تقول هذا مآعنده شهآده وهذآ معآشه مو شي و وو كل مآخطبها واحد طلعت فيه عيون لين كل شوي يقلون الخطاطيب لين مااختفوا وصآر عمرهآ فوق الـ30 ..

تبجي تقول لأمهآ ليتج زوجتيني بالغصب ومآخذيتي شوري ..

والله يوفقج ..
























.

 

[وسطية ديمقراطية]

انا الحمدالله خذيت نصيبي اللي مقتنعه فيه

وحده معاي بالدوام ملج عليها واحد وكانت مو مقتنعه لأنه على قولتها حييييييييييييييييييييييييييل ضعيف
مسكينه تقول أدري ريال والنعم فيه وولد حمولة بس ماااااني قااادرة اتقبل شكله

بصراحه الشكل مهم الى حد كبير
مااقول اهم شي .. اقول مهم

خصوصا للي بنيتها الاستمرار طول العمر

 

[ҜęҜสђ]

.
.
.
اناا بالبدايه ماكنت مقتنعه بالزواج ولا حتى١%
لاني كنت صغييره ..وماكنت ابي الغربه..
فكرة اني راح اصحى بيوم والاقي نفسي محرومه من كل اللي احبهم هي لوحدها كانت تألمني..
بس القراار ماكان بيدي ..كل شي كان اقوى مني،،
تزوووووجت..
زوجي يحبني ويحااول يسعدني باي طريقه..
يتهيأله اني سعيده معاااه..مايدري ان من دااخلي كل الحزن فيني ..
بعيدده عنهم كلهم..
بوقت اكوون احتااج فييه امي ،،احتاااجها منن كل قلبي..لاكن ماالقى حوولي الا ظلي،،
...
بوقت اشتااق لصديقااتي ولجمعاتنا..اشتاااق لخواتي وضحكناا..اشتااق حتى لاخواني لصغااار..ودي احضنهم ..اشتقت العبهم..
لاكن يكونووون ابعد شي عني..
حيااتي مع زووجي حلووه..بس الغربه مرررررره..علقم وربي..
لو ترجع الايام لورا سنتين..رااااااح اقوولها وبالفم الملياااان..لا والف لا ..مااابيك..

 

[honey lust]

موضوع حلووو

اب

اب

 

[قطوووة]

اااااااااب

 

[امراه من طابقين]

رفع لعيونش

 

[][ sarah ][]

انا من حزب الطماشه بس موضوعج حيللللللللللللللللللللللل حلووووووووووو

 

[last-moon]

انا مو متزوجة للحين اذا تزوجت انشااااااااااااااء الله اقولج​

 

[قـہۈه فـرنسيـہ™]

موووضوووع حلللوووو ...

بس أنا عككككس ...

تزوووجته عن قناااعه تامه وشبه قصة حب .... والحييين لوو يرد فيني الوقت ما أوافق

 

[الترفة89]

أبــــــ

 

[سندس 90]

أب أب
الموضوووووع روووووعه ويستاهل

 

[ba6boo6ah]

مع اني مآجربت بس أحس صعبة الوحدة تغآمر خصوصا في سالفة الزوآج
لآنها مو سالفة يوم يومين ! طووول العمر لآزم الوحدة تتأكد من مشآعرها
وتستخير إذا حست بالرضآ تتوكل ع الله بس إذا كآن في اي شعور بدآخلهاا
يرفض هالشي الأفضل أنها ترفضة وتردة وربي يعوضها خير منه

 

[San3a.Q8]

من احلىىىىىى المواضيييييييع و محور نقاش وااااايد بنات

احلى ابببببببببب

 

[مس روبنز]

الموضوع روعه

ولاحظت الأغلب مو مرتاحين لعدم القناعه من البدايه

وكثير بهالوقت الأهل يغصبون بناتهم مادري ليش!!

وفي شغله ثانيه بعد الأغلب يوافق على رجال وما يعرف عنه شي ويقطون بناتهم عليه

حلو الواحد يروح يسأل عن الولد بكل مكان وبعدها يعطي البنت حرية التفكير والاختيار


يالله بنات سمعونا تجاربكم خل نستفيد أكثر​

 

[عشق رسامه :$]

اب
اب

 

[متوترة]

انا الى الان مادخلت عليه بس وافقت بتهور شوي يعني غامرت
بس ان شاء الله خير . بيني وبينك احب الامور تسير على ماتبي ماحب على كل شي
اركز واحسب كل شي حساب ..خليها ع ربك وافقي لو انخطبتي بس سوا ارتاحتي او ماارتحتي ترا ماتفرق
لانك لو تزوجتي برغبتك وبقناعه وطلع مو حلو بتلومين نفسك
وحتى لو مو مقتنعه وطلع عكس الي تبين هم بتلومين نفسك
كذا كذا مرد اللوم ع نفسك
بس ترا كل شي مكتوب ومقدر والحياه سعيده او شقيه نحددها احناوكل واحد وطبيعته

 

[كشمش]

والله والله لو ضاله عانس وايد احسن لي بنات مو اي شي تاخذون فكرواااااااااااااااااااااااااااااااااااااااااااا وسالوا عن الريال عدل عدل عدل ترا بعض الناس يغشون

 

[t0o0fa]

انا مع الاخت ! بدويه وآيد !

غامري بس بواحد مو بخيل ولا يشرب

انا غامرت بس على اساس مثل ما يقولون او عنده سوابق

ريلي مو نفس المواصفات اللي كنت أبيها و احلم فيها

و سبحان الله لما كانو إييوني اللي كنت ابي بهالمواصفات استخير و ما ارتاح و يتفركش الموضوع

بدون إجبار من اهلي كانت لي الحريه المطلقة

بس لما خطبني ريلي كنت استخير واايد و لانه بالبدايه كان مجرد كلام بالسر و الفتره كانت طويله تقريبا سنتين

ليما نخلص جامعه انا وياه

كنت استخير .. مرات احلم بأحلام مو زينه و مرات أمي تحلم بعد بأشيا تخرع و اقول خلاص مابيه

بس مره حلمت حلم .. عرفت انه خير لي و انه الاحلام اللي مو زينه كانت من الشيطان

حلمت بصوت يقولي بأذوني " إنه لقوي ٌ أمين " قعدت من النوم وانا قلبي متطمن

و لمن قعدت وياه بالنظره الشرعيه حسيت بأمان و انا وياه الحمدلله فقبلت

بس بعدين عقب الملجه و خاصه الفتره الاولى كنت بدون مبالغه مااحبه .. احترمه و عادي بس مثل ما قالت وحده من الخوات ما اشتااق له .. لانه كان كله بويهي كل يوم إيي يشوفني ولا نطلع .. فـ ما كان معطيني مجاال اصلن عشان اوله عليه

و طبعا ويا ترتيبات العرس لازم تصير مشاكل صغيره هذولا يبون جذي واحنا نبي جذي و تطيح براس الريال لانه عليه ألف شغله .. بهالفتره اللي انا فيها الحيين صج حسييت اني أكرهه بعد مو بس مااحبه .. بس تعوذت من الشيطان الرجيم و استغفرت و دعيت ربي .. و بنات المنتدى هم ما قصرو ويااي << كاتبه مشكلتي لهم

يعني الحمدلله .. انا قناعتي الشخصية اذا كان الريال زيين و معدنه طيب لا تحاتين مع العشره بتحبينه

احنا بشر عندنا مشاعر و اثنين عايشين ببيت واحد اكيد بيوم بتحنين له و قلبج يلين

بس صدقوني الدعااء شئ مهم واااايد و ترا اغلب المشاكل اذا مو كلها من الشيطاان يحب يفرق بين الازواج

و عسى الله يرزق كل بنت بالزوج الصالح

و اسمحولي ع الاطالة

 

[خانها الحظ]

’،





جزاكم الله خير بنات صج استفدت كثير وباقي البنات استفادوا بعد


والخيره فيما اختاره الله لنا ,


بعد توكلنا عليه آكيد ,.







اللهم صلي علي محمد وعلى اله وصحبه اجمعين

 

[نبضها نادر]

ماكنت مقتنعه أبد أبد لا بشكله ولا بوظيفته ولابتعليمه ولا بأهله
وبداية زواجي كنت أحس اني ظلمت نفسي يوم وافقت عليه وما قدرت أحبه وكان حاس بهالشي
والحين بعد سنتين بالضبط
أموووت عليه يسوى عندي الدنيا ومافيهاا الله لايحرمني منه مو مخلي علي قاصر والله العظيم كل يوم يكبر بعيني أكثر وأكثر
رجال بمعنى الكلمه ياما تحملني وياما وقف معاي يعاملني معامله عمري ماحلمت فيهآآ درجة اني ماأذكر متى آخر مره زعلني أو غلط علي
الله يديم هالحال يارب