تزوجتي عن عدم قناعه ثم عشتي عادي ولا شنو الكل يدش نبي نستفيد

[فوق الثريا محلي]

اه اهم شي القناعة انا تزوجت غصب عني و كنت رااااااااااااااااااااااااااااااافضة و النتيجة الطلاق الحمد الله ع كل حال

 

[طموحه بزياده]

في حديث عن الرسول يقول فيه ان المقه من الله يعني المحبه من الله

انا تزوجت وما كنت مقتنعه فيه بس وافقت عشان اخلاقه وسمعته الزينه

بس ما حصل توفيق وكنت مو متقبلته لدرجه مو طبيعيه سبحان الله

والحمدلله

 

[تُخْفِي غَلَاها]

اب
اب​

 

[nonii soda]

انا قبل لا اخذه ما كنت مقتنعه فيه كلش كلش واهلي ضغطو علي لمن خذيته

والنتيجة بالملجة ما تميت شهر معاه وانفصلنا !

بنات اهم شي انج تستخيرين ربج وتكونين مقتنعه وما تستعيلين *

 

[الفـدعـه]

مماكنت مقتنعه بس الحمدالله طلع ولد حلال والله يخليه لي

 

[Mrs_Orchidia]

محد كامل .. فلازم كل وحدة تتنازل و تغامر بالزوج اللي بتاخذه
بالذات الزواج التقليدي .. مايعرفون بعض كلش .. خطبة اهل عادية
يملجون و يبدون يتعرفون
حتى لو كامل و الكامل الله .. يطلع المستخبي مع الوقت

طبعًا تمشي الامور .. يا انها تمشي او طلاق
و الطلاق مو خيار حلو او سهل .. او انه حل للمشاكل

 

[حرم احمــد]

انا زواجي بعد شهر والله العالم كل يوووم دموعي ع خدي محد غصبني اخذه ولا احد ضغط علي

انا احب وكلمة احب شويه واللي احبه يبادلني نفس الشعوور لكن ظروفه (( لانه بدوون مو كويتي )) ماقدر يخطبني وانتو عارفين شنو يعني (( بدون يعني لا وظيفه لا فلوووس ))

لمن جا ولد خالتي خطبني انهارت اعصابي تدرون ليش احترت مدري شسوي رفضته وقالولي استخيري استخرت ووافقت لكن لحد الحين كاره الساعه اللي راح اتزوج فيها والله ودي تصير مشكله او اهو يكرهني ويطلقني قبل لا اشوفه اهو مافيه عيب لكني احب ومابي اظلمه ولا اظلم نفسي والله اكتب ودموعي ع خدي اااااااااااااااااااااااااااااه بس يارب والله هالدنيا ماتسوا

 

[الهنوف1411]

السلام عليكم ورحمه الله وبركاته
سجلت معكم لاني عارفه انكم ما راح ترفضون



احتاج تصويتكم حبايبي احتاج 2000 صوت
فقط اضغطي على كلمة صوت للمشاركة اسفل الصفحة
http://www.4in1-stc.com/home/show/14766
جزاكم الله كل خير

مافيه وقت لي كثير

 

[ما كو اسم]

الزواج قسمه ونصيب والدليل ان حتى اللي عن عدم اقتناع بعضه يصيب وبعضه يخيب مثل اي زواج عن اقتناع وتجربتي اني كنت عن عدم اقتناع من ناحية الشهاده ولكن تجربتي ناجحه ولله الحمد واهم شئ الاستخاره والحين زوجي شهادته اعلى مني بس ما يعني ما عانيت اول الزواج من وناسه البنات اللي حوالي اني ماخذه اقل شهاده مع انه طلع اعلى مني بالاخلاق والطيبه

 

[جلكسيه اس 3]

انا ما كنت مقتنعه
بالزواج كنت ماخذه صوره سيئه عنه
ان الزوج مو زين و هذي كانت قناعتي
و الزوجه دايما تصبر تصبر و بالاخير محد اقدرها
و رغم هذا تزوجت و صرت ام اعيال
و هذا انا الحين مطلقه و متاكده انه هالشي خيره لي

 

[كراميلا مرة]

رفع

 

[شوبارد قطر]

والله انا بعد ماكنت مقتنعه
بس الحمدلله مرتاحه نوعا ما
والشي الوحيد اللي كان مو هامني فيه قبل الزواج وحسيت ان المفروض اكون مهتمه فيه واحطه بعين الاعتبار
الشهاده و الوظيفه لاني عانيت من هالشي
اما باقي الامور سهالات نقدر شوي نتقاضا عنها
والمشكله في الزواج انج مو مقتنعه حتى لو مرتاحه نوعا ما اي مشكله تمر عليج وتكون كبيره شوي تقولين بطلب الطلاق
او تلومين اللي غصبج
هذا هو العيب
فالوحده المقتنعه بتستحمل اللي يجها لان خذته عن قناعه

 

[hbenc]

من ناحيتي انا كنت مطيورة عالزواج وطريقة زواجي كانت غريبة تخيلو طالعة مع امي الجمعية ولا ينقز بويهيي واحد لا شكل ولا طول وكان شكله حيييل غريب ( والله مو قصدي احش ) المهم جان يقول حق امي بتزوج بنتج جان امي تستحي وتقوله اخذ رقم البيت وفعلا خذاه عاد انا استانست عالطريقة الي انخطبت فيها وقلت مابي واحد شكله حلو كافي ان انا حلوة وعلي اقبال عاد اليوم الثاني امه دقت وعرفنا منها ان ولدها لا شهادة ولا وظيفة سنعه وتخيلو ابوووووي حبيبي رفضه رفض تااااام وانا عاندت ابوي وبجي وصراخ وحالتي حالة ليما اقنعت ابوي الفقير غصب وخذيته وربي وربي من اول يوم ملجة ناداني باسم غيري واكتشفته ان يخوني ويحب وحدة مو كويتية والحبيب ناوي ياخذها علي لان اهله ماكنو راضين ياخذها الا لمن ياخذ المقرر (الزوجة الكويتية ) عاد اهوا صارحني سليحط عليه عقبها اشوة اشوة ان ماصار شي بيني وبينه وبالغصب طلقني عقب ماعلقني 10 شهور في بيتنا وندمت حدي اني تسرعت وخذيته بدون تفكير كل هذا عشان خطبني بالجمعيه مالت علي مادري شنو كان جوي حزتها
بس الحمدلله فليت منه بدون خسائر وربي يعوضني خير

 

[باتي باتي]

انا بعد ماني مقتنعه بسبب الفارق التعليمي واكبر مني وعنده مشاكل نفسيه وهو صغير بس كله طلع بعد الزواج وصبرت غصب بسبب العيال ولانه صعبه الواحده ترجع لاهلها يالله هذي الحياه

 

[NODA 2]

صج صج صج موضوع حلووو
مممم عن نفسي غامرت لا ان كنت داشه بمرحلة اكتئاب من شغله و سبحان الله جذي يتني وحده اعرفها قالت في احد في بالج ولا عادي تاخذين زواج تقليدي قتلها خل يتفضل بيتنا والله يجدم الي فيه الخير
سبحان الله تقدم و اهو خوش واحد مممم وابوي علقه شهرين وخالتي كل اسبوع ادق تقول اي ولا لاء واحنا نقول بعد نبي وقت
و كان عندي وقت افكر بشهرين بس كنت موافقه بدون ما اشوف اي شي فيه للحين مو مستوعبه شلون وافقت الحمدالله ريلي خوش واحد بس في شي ناقصني بس دايم اذكر نفسي و اقول الخيره فيما اختاره الله
الحمدالله علي كل حال

 

[reem93]

اب اب ,,
طموشه​

 

[& شرطان الذهب &]

اب موضوع حلو ومالنا الا ربي نتوجه له الله يعوضنا بالجنه

 

[عيوني مودي]

انا ماكنت مقتنعة فية بسبب انة جداااا تقليدي وقديم وكل شي عيب ورفضت
بس تزوجت اول سنة كانت رائعة وحلوة وتعلقت فية ولاني ماعندي حل وسط حبيتة حب جنوني جنوني
واكتشفت انة مايستحق محبتي لة وان ولا رجال يستحق الحب مهما قلتو
لانة بس تعلقين فية وتحبينة يبدا الوجة الحقيقي يظهر

 

[شوبارد قطر]

اعتقد كلنا وصلنا ان الانسان مو كامل وحتى احنا لو سالنا الرياييل والله بيقولون نفس الكلام
الاستخاره هي الحل الوحيد اللي بيريحج

 

[ام خلوودي حبيبي]

انا وحده ماكنت مقتنعه 100% وكنت متردده حيل ووافقت لاتسألوني ليش بس الحمدالله اني وافقت حياتي سعيده معاه بإستثناء الإشكالات العاديه بس الحمدالله فديته مومقصر وحاطني على راسه