تصوير الابوريت فاشل

[شقرديـه عالطل]

للاسف ماشفته
بس مرت اخوي ماتمدحه نفس الاول

 

[غربة الشوق]

رد : تصوير الابوريت فاشل

بنات ماشفته تحروني جذي

 

[kuwait_queen82]

ليش ماخذتي كامرتج الفيدو و صورتيها او الا ممنع دخول اولياء الامور؟؟؟

 

[الجفووول]

ماعليه حبيبتي


اهم شي انه شاف ابونا صباح وكان بنفس المكان اللي اهو فيه

هذي بروحها تكفي

 

[اشتاق الى ربي]

الاوبريت رووووعه والاضاءه والتأثيرات والكلمات معبره حدها صراحه هالاوبريت عندي احسن من اللي قبل .. وخصوصا الكلمات عن الصلاة والدين يهبل والغزو شي عجيب نزل دموعنا غصب .. ما قصروا عيالنا وبناتنا الله يحفظهم .. انا شفت الاعادة على قناة دبي .. اللي بيشوفون الاعادة في مواقع ناقلته كامل .. حطي بالقوقل الوطن الا الوطن ويطلعلج ..

 

[noty]

بالعكس انا وايد عجبني حييل حلو و مرتب و منظم

و التصويير بالعكس حلوو بس عيبهم انه ما في تركيز على الحضور

يعني مثل ولي العهد الكاميرا ما يت عليه الا اخر شي

بس بصورة عامه حييل حلوو

 

[شتتني غيابك]

صاجة كل من يقول انظلم الاوبريت بالتصويير

 

[محظوظه ومبروكه]

بالعكس انا وايد عجبني حييل حلو و مرتب و منظم

و التصويير بالعكس حلوو بس عيبهم انه ما في تركيز على الحضور

يعني مثل ولي العهد الكاميرا ما يت عليه الا اخر شي

بس بصورة عامه حييل حلوو

^^

كلامج صح وانا معاج بكل كلمه قلتيها


بنسبه لي حيل عجبني الاوبريت حتى ملابس البنات حلوة

 

[missnohaa]

ولا يهمج يا قلبى المهم انه مشارك وهذا اكبر فخر له وبالنسبه حق الاوبريت انا بصراحه عجبنى واااااااااااااااايد وبالذات الكلمات ولا اروع منها وشىء يديد وحلو وفى جرأه بالكلمات
وبالنسبه حق الحركات الحلوه اللى سووها بالتصوير رووووووووووعه
ربى يحفظ ديرتنا من كل شر قولوا امين :yaaaaaarb:

 

[dob106]

كافى انه شارك و راح ما ينساها وراح يسولف فيها حق عياله واحفاده ان شاء الله

 

[noorq8]

تصوير فاااااااشل واللقطات عفيسه والجهال كلن بحال نفسه ولا كأنهم متدربين . والجمهور كراسي فاضيه المفروض يكونون مستعدين ويعبون الفراغات حتى لو بمدرسين كاشخين وكان ناقص يباب المدرسات ماكان فيه يباب فصار الشي مو كامل ................طبعا مو كل الأغاني لكن بصفه عامه مومضبوط

 

[فوشيه كويتيه]

اختي مشآركة فيه

 

[فوشيه كويتيه]

الصرآحه حلو والكلممات حيييل مؤثرة بس لج عليه بتصوير

 

[بدوره 22]

انا من البنات اللي شاركوا في الاوبريت ...


انا معلمة تربية موسيقية واختارونا علشان نغني اغاني الاوبريت وطبعا سجلنا في استديو النظائر ..

من شهر 1 واحنا نشتغل ..


بالنسبه حق التصوير الاخت معاها حق حرام وايد يهال ما يبنت ويهوهم!

السنه اللي فاتت ميزوا اللي غنوا .. حطو الكالميرا على ويوهم وقرينا اسامسيهم ..وهالسنه لا!

حتى الاغاني الي ارقصوا عليها الناس ماتعرف منو كتبها ومنو لحنها!

انا حظرت في قصر بيان ..العرض الثالث ... يوم السبت الساعه6.30

رووووووووعه شويه عليه ..التلفزيون وايد كان ظالم الحفله..

انا حبيت الاخراج المسرحي..

تخيلوا ان كان في شاشه مثل التور ..3دي روووعه بالطبيعه شلون مسوين لوحة الغواصين لمن غاصوا


وايد حلوووو بس التلفزيوني لا وايد ظلم اللي يرقصون وظلم اللي يغنون وظلم الملحنين والمؤلفين..

من حقنا نعرف منو غنى وألف ولحن هاللوحه ..


حتى أسامي اللوحات ما انذكرت!!

أرض المحبين .. الترحيب ..شراع النجاح.. أهل السلام .. أنا بأمان ..وغير وغير ...

ومن ناحية الكلمات والله بالعكس بنات وايد حلوه سمعوها زين ...


أوبريتات الثمانينات تهبل ولي الحين لها ذكرياتها وحلاوتها موجوده ..بس بعد لازم نجدد مايصير محلك قف .. ولا تنسون حتى ظروف الدراسه والمناهج بذاك الوقت كانت وايد أحسن ..من الحين ..

الحين لامناهج ولا وقت مثل الاوادم..المهم عشان ما اغير الموضوع ..

البلي باك الحين يستخدمونه لانه اسرع واسهل واوفر حق المجهود المبذول ..

ووالله ترى حتى البلي باك موووووو سهل ...

تدرون شكثر نقعد على الاغنيه ...؟؟؟



تخيلوا لوحة الختام بس إحنا البنات بروحنا من غير الشباب لمن سجلنه أصواتنا من الساعه 7 لي الساعه 11 بالليل!

يعني في لوحات تصير بس شباب أو بس بنات .. وفي لوحات لا تكون جماعيه .. وكل مجموعه فينا تسجل بوقت .. اليهال 3 العصر واحنا البنات 6 والشباب تالي الليل أو مرات بأيام متفرقه يعني كل مجموعه لها يوم .. مرات يكون التخطيط ان التسجيل بس لوحتين .. لكن في لوحات صعبه فناخذ وقت فيها ومانسجل الا وحده والخطه تقول ثنتين .. يعني تخيلوا المجهود والوقت اللي يروح كله محسوب علينا علشان لازم نخلص ونسلم السيد للقصر والمدارس ..


طبعا المدراس كانوا يدربون على اللوحات بعزف وكلمات اللي احنا نسجلهم بس على مانخلص يعطونهم شي كروكي مبسط على ما نسجل الاغنيه الاصليه ...


تخيلوا .. من ال 7 أو ال 4 نسجل لي 11 بالليل ...ناخذ بريك بو ربع ساعه حق اللي بصلي ولا اللي بتريح ظهرها من القعده ولا اللي بتاكل .. طبعا هذا غير باجي اللوحات ..

نعيد الجمله 16 مره .. 8 بالسرعه اللي تسمعونها و8 بسرعه أبطىء

طبعا مو كل مره نقول 16 مره صح .. لان في الحان تحتاج أداء ودقه حتى في لفظ الكلمه والحرف ودخول الجمله وقفلة الجمله يعني عادي نوصل 25 مره بس إعاده ومرات ما نكون سجلنا ..

وهذا غير وقت تسجيل العزف وتركيب الايقاع ..

كنا 6 معلمات .. واحنا ماراح ناخذ 1000 دينار أقل طبعا

بس كانت ايام وايد حلوه .. وانا افتخر اني اشتركت بهالاوبريت .,وسويت شي افتخرحق ديرتي ..

 

[om al ghaleen]

اهو حلو بس مو مثل كل اوبريت
وان شاء الله يعوضونج

\\

 

[*الماضي على ويش نعيدهــ*]

كافي الامير قدم شكر للمشاركين بالاوبريت
وقال انهم بيضو الوجه امام رئساء الدول

الباقي مو مهم

 

[وهج الحب]

السلام:
صحيح اوبرتات الكويت اول وايد احلى اتذكر انها بعد عرضها بالتلفزيون نروح نشتريها فيديو ونقعد نشوفها وترقص معاهم وكلامتهم

نحفظها اما الحين يا ما تنشاف مثل هالابرويت او ما تحمسك مثل كلمات اغاني اول ..

واحس انه حتى الطلاب كانوا برقصهم فيه حماس اما الحين الكل تحسين ان حركاتهم مصطنعة ...

على فكرة كان صورتي بالحفلة او اجرتي احد يصور انا دائما اسوي بحفلات المدرسية لعيال اخواني اجر احد يصورهم ..ان شاء الله السنه الجاية ..
هو صحيح عشان خاطر اليهال ينكسر خاطرهم اذا ما طلعوا ..

 

[حلوة ومملوحة الكويت]

طبعاا فررق كبير بين اوبريتات قبل والحين
وهالاوبريت احلى مافيه لمة البنات على ابونا صبااح
وان بعض المعاني فيها تجديد وحرص على التذكير بقيمنا الاسلاميه
لكن بالنسبه للتصوير حده فاااشل
الحركات الحلوه بالرقصه يصورها من بعيد
ضاعت حلاوة التفاصيل
وبالنسبه للملابس
آنا كلش ماعجبتني الالوان المستخدمه
كل شي فسفوري ماكان فيها شيااكه
مثل الاوبريتات مالت الثمانينات
وفقدت شادي الخليج وسناء الخرااز
عمووما انتظرت شي احلى من الي شفته
وعسالله يعيد افراحج يااكويت علينا بالخير والسلاامه​

 

[Marymary]

هاي
بنات مدرستنا مشتركين بالوبريت وقبل جمم يوم عادوو الاوبريت حق اولياء الامور وحق الشخصيات المعروفه
رحتيلها ؟؟
كل البنات قالولي الي عدرسهم انهم عادو الاوبريت حق اوياء الامور وان اهاليهم يو

 

[Marymary]

انا من البنات اللي شاركوا في الاوبريت ...


انا معلمة تربية موسيقية واختارونا علشان نغني اغاني الاوبريت وطبعا سجلنا في استديو النظائر ..

من شهر 1 واحنا نشتغل ..


بالنسبه حق التصوير الاخت معاها حق حرام وايد يهال ما يبنت ويهوهم!

السنه اللي فاتت ميزوا اللي غنوا .. حطو الكالميرا على ويوهم وقرينا اسامسيهم ..وهالسنه لا!

حتى الاغاني الي ارقصوا عليها الناس ماتعرف منو كتبها ومنو لحنها!

انا حظرت في قصر بيان ..العرض الثالث ... يوم السبت الساعه6.30

رووووووووعه شويه

انا حبيت الاخراج المسرحي..

تخيلوا ان كان في شاشه مثل التور ..3دي روووعه بالطبيعه شلون مسوين لوحة الغواصين لمن غاصوا


وايد حلوووو بس التلفزيوني لا وايد ظلم اللي يرقصون وظلم اللي يغنون وظلم الملحنين والمؤلفين..

من حقنا نعرف منو غنى وألف ولحن هاللوحه ..


حتى أسامي اللوحات ما انذكرت!!

أرض المحبين .. الترحيب ..شراع النجاح.. أهل السلام .. أنا بأمان ..وغير وغير ...

ومن ناحية الكلمات والله بالعكس بنات وايد حلوه سمعوها زين ...

أوبريتات الثمانينات تهبل ولي الحين لها ذكرياتها وحلاوتها موجوده ..بس بعد لازم نجدد مايصير محلك قف .. ولا تنسون حتى ظروف الدراسه والمناهج بذاك الوقت كانت وايد أحسن ..من الحين ..

الحين لامناهج ولا وقت مثل الاوادم..المهم عشان ما اغير الموضوع ..

البلي باك الحين يستخدمونه لانه اسرع واسهل واوفر حق المجهود المبذول ..

ووالله ترى حتى البلي باك موووووو سهل ...

تدرون شكثر نقعد على الاغنيه ...؟؟؟

تخيلوا لوحة الختام بس إحنا البنات بروحنا من غير الشباب لمن سجلنه أصواتنا من الساعه 7 لي الساعه 11 بالليل!

يعني في لوحات تصير بس شباب أو بس بنات .. وفي لوحات لا تكون جماعيه .. وكل مجموعه فينا تسجل بوقت .. اليهال 3 العصر واحنا البنات 6 والشباب تالي الليل أو مرات بأيام متفرقه يعني كل مجموعه لها يوم .. مرات يكون التخطيط ان التسجيل بس لوحتين .. لكن في لوحات صعبه فناخذ وقت فيها ومانسجل الا وحده والخطه تقول ثنتين .. يعني تخيلوا المجهود والوقت اللي يروح كله محسوب علينا علشان لازم نخلص ونسلم السيد للقصر والمدارس ..


طبعا المدراس كانوا يدربون على اللوحات بعزف وكلمات اللي احنا نسجلهم بس على مانخلص يعطونهم شي كروكي مبسط على ما نسجل الاغنيه الاصليه ...


تخيلوا .. من ال 7 أو ال 4 نسجل لي 11 بالليل ...ناخذ بريك بو ربع ساعه حق اللي بصلي ولا اللي بتريح ظهرها من القعده ولا اللي بتاكل .. طبعا هذا غير باجي اللوحات ..

نعيد الجمله 16 مره .. 8 بالسرعه اللي تسمعونها و8 بسرعه أبطى

طبعا مو كل مره نقول 16 مره صح .. لان في الحان تحتاج أداء ودقه حتى في لفظ الكلمه والحرف ودخول الجمله وقفلة الجمله يعني عادي نوصل 25 مره بس إعاده ومرات ما نكون سجلنا ..

وهذا غير وقت تسجيل العزف وتركيب الايقاع ..

كنا 6 معلمات .. واحنا ماراح ناخذ 1000 دينار أقل طبعا

بس كانت ايام وايد حلوه .. وانا افتخر اني اشتركت بهالاوبريت .,وسويت شي افتخرحق ديرتي ..

كلمة احب افوولها لج ولجميع المعلمات المشتركااات يعطييييكم الف الف عاافيه ولقطه الغواصييين شفتهاااا عجيبه لانهم مستخدمين 3 دي ترى مو بس بلقطه الغواصييين ... حتى بوااايد لقطاات حتى بلقطة الغزوو ت
كاان عجيييب
والي تقوول ان مو نفس الثمانينات اكيد ماراح نسوي نفس ديكورات قبل اكيد الاغاني والموسيقى راح تتغير
لان رؤساء دولة حاظرين فمو معقولة بنحطلهم وينج يالابره وينج يالابرة ادور ابرتي صج انها جميله هالاغاني لكن جميله بوقتها
سعو اغاني وكلمات وموسيقى اغاني الثمانينات وحتى الفيديوكليبات الصراحة ما تشجع ان الواحد يسمعها انا اتكلم عن الاغاني العادية للمغنييين
اما الحين لا الايقاعات اختلفت ... تطور استديوهاات متوفره بتقنيات عاليه لتصفيه الصوت والموسيقى .... الفيديو كليبات صايرة انواع واشكال وتصويره بتقنيات عاليه ....
ومثل ما قالت اخت بدور التلفزيووون ظالم الاوبريتتت