تطبيقي لخلطه الكبسه من كنور للعرايس و الي ماعندهم وقت يطبخون

[noo7a]

السلام عليكم

كنت ماخذه خلطه الكبسه من كنور من زماااااااااااااااااان

وناسيتها بالمره

ذاك اليوم قاعده اتعبث بالمطبخ لقيتها فقلت خل اجربها

و مشالله طلعت لذيذه جنه عيش بخاري وحدها سهله و ما تاخذ وقت

يعني تنفع حق الي دوامهم متاخر مثل حلاتي بالجامعه اطول

و حق العرايس الي لي الحين مو ذاك الزود بالطباخ

حدها حدها سهله و مريحه لا تقعطين تطحنين المطاط ولا تقصقصينه ولا تتوهقين بمقدار الملح و البهارات كل شي فيها جاهزه

المقادير
---
كوبين عيش
بهارات حق فوح اللحم
زيت
بصله صغيره
مغلف خلطه الكبسه من كنور

الطريقه
---

اول شي تنقعين العيش بماي لمده نص ساعه

و تفوحين اللحم مع بهاراتج ليما تحسينه استوى

بعدين بالجدر تحمسين البصل و تحطين فوقه اللحم و تحمسينهم مع بعض بو 5 دقايق

بعدين تكتين العيش فوق اللحم

وتاخذين مغلف كنور و تذوبين الخلطه مع كوبين و ثلاث ترباع ماي و تصبينه فوق العيش

وتخلينه على الجوله بنار عاليه لمده 5 دقايق بعدين تقصرين على الجوله و تسكرين راس الجدر لمن يستوي العيش

وبالعافيه

نصيحه جربوها وايد سهله و مريحه و حلوه

هذي صوره الخلطه



مني تطبيقي مع اللحم



و مني تطبيقي مع دياي ستيك من امريكانا

 

[أم حمودي**MALL**]

يسلمو حبيبتي

 

[بنت الكويت &]

رد : تطبيقي لخلطه الكبسه من كنور للعرايس و الي ماعندهم وقت يطبخون

يسلمووووووو

 

[Hello_kitty]

بالعافيه تسلم ايدج

 

[Red ليبس]

مشالله

تسلم يدينك
حدها تشهي

 

[Tom ♥ Jerry]

.

يمي يم (= !
مشكورة حياتي ..

 

[noo7a]

حياكم

 

[Om_Ksha]

اي عجيييبه خلطه الكبسه )

و كنور عنده خلطات عجيبه خلطه المكرونه - خلطه السباجيتي هاذي عجيبه - خلطه البشامييل بدال اللويه سهله و لذيذه

تسلم ايدج و بالعااافيه عليكم

 

[noo7a]

اي عجيييبه خلطه الكبسه )

و كنور عنده خلطات عجيبه خلطه المكرونه - خلطه السباجيتي هاذي عجيبه - خلطه البشامييل بدال اللويه سهله و لذيذه

تسلم ايدج و بالعااافيه عليكم

انا لقيت من النت بعد خلطه العيش المكسيكي
و الهندي
بس ما حصلتهم مادري من وين

 

[Om_Ksha]

ايي مرات حتى ادور خلطه الكبسه ما القاها بالجمعيه وايد خلطات ما القاهم حسافه :\ موو كل مره تلقينهم .. و الكبسه احلا من المكسيكي منزمان كليتها بس همن حلوه

 

[بنت الكويت &]

رد : تطبيقي لخلطه الكبسه من كنور للعرايس و الي ماعندهم وقت يطبخون

مشكووورة

 

[لوليتا الدلوعه]

يمي

شكلها يشهي
ان شاء الله اجربها

يعطيك العافيه

 

[جارة القمر]

بالعافيييييييييييييييييييية

 

[حصووونه]

اي والله صاجه جربتها جونااااااااااااان
والبشاميل ماستغنى عنها بدال الحوسه اسهل واحلا

 

[noo7a]

حياكم بنات

 

[حرم سي السيد]

يسلموا عاد تصدقون عندي وحده ان شاءالله بسوي عالغداء اليوم

 

[& ام سلمى &]

وااااااااااااااااو يسلمو ياقلبي

 

[noo7a]

يسلموا عاد تصدقون عندي وحده ان شاءالله بسوي عالغداء اليوم

عاد مو تنسين تقولين لنا شلون طلعت

 

[صآعده تحت}..]

رد : تطبيقي لخلطه الكبسه من كنور للعرايس و الي ماعندهم وقت يطبخون


ماشاء الله تشوق

يعطيج العافيه

 

[بـ سـ كـ وتـ ة]

رد : تطبيقي لخلطه الكبسه من كنور للعرايس و الي ماعندهم وقت يطبخون

يممم تسلم ايدينج

جربت الخلطة الهندية لذيييييذة حتى لو تسوينها بروحها إذا كنتي تحبين العيش

آنا أحبها بدون ايدام لذيذة