تعاالي انتي ياللي اتخلين ريلج يدش وياج محلات قمصان النوم

[الأماكن]

رد : تعاالي انتي ياللي اتخلين ريلج يدش وياج محلات قمصان النوم



الشرها ... مو على المرة ... على الريال الخبل اللي مافيه ذررررة رجوووولة ... أشلوون يرضى لنفسه يدخل هالأماكن

تدرووون حتى الكوتكس!!! ... لما أروح مع زوجي الجمعية مايرضى يقرب صووب الكوتكس ... يقووول روحي انتي و اخذي ... جنه نبوووق مو نشتري ... لووووول

 

[memories*]

ايي والله هالحركه حدها بايخه أصلا عيب عليهم هالرياييل وين رجولتهم يتمخطرون بين قمصان النوم

 

[chanel N22]

صح لسانج نوناااا
شلونج قلبي مشتاقتلج

 

[فاقده ابوهاااا]

والله العيب من الريال نفسه على حسب الريال ، ان بصراحه ما ادش هالاماكن الا مع ريلي لانه اهو يحب ينقيلي هالشغلات لاني بالاخير راح البسهم حقه والله ان راسه بالارض وعينه ما تشوف الا غيري والملابس الي بايدي ولا يلتف لا يمين ولا يسار وعلى فكره يا بنات الريال الي يلتف يمين ويسار هذا بالمره مو محترم زوجته ومعتبرها ولا شي لو حاطلها اعتبار وهيبه جان ما طالع غيرهااا وانا لو ريلي في امه خير خل يلتفت :tongue22: جااااان اكسر ارقبته :weight_lift: اخليه يتوووب ويحرم بالمره :eh_s(2):

 

[كبرياء أمراه]

يبتيها ع الجرح
والله ياكرهي للرياييل اللي اجوفهم بهالمنطقه وياكرهي للمره اللي مسويه روحها ليلى وماتقدر تختار الا بوصي

عيب عييييييييييييييب
يبيلنا نسوي حمله وننشر كتيبات ع هالاوادم لي جفناهم هني
بالله مره جفت مره مع ريلها تختار .... قطنيه
يعني بالذمه يايبته يختار يبي اللي ع ورد او ساده

عن جد هالحركه تنرفز وقمة الهلاقه ومافيها ذوق

 

[احب المنتدى]

رد : تعاالي انتي ياللي اتخلين ريلج يدش وياج محلات قمصان النوم

وااااااااااااااااي

لاتذكريني


يا كثر المواقف البايخه و الي تفشل الي مرت علي


مره انا كنت بدبنهامز الافنيوز و اتشرى ملابس داخليه و في ريال مع مرته
مرته تقوله اشرايك يقول حلو بس عينه علينا بيشوف احنا شنو بنشتري
وااااااااااااااي


الشرهه مو على الرياييل
الشرهه على مرته الي مدخلته
اوكي خليوقف بعيد على الاقل



موضوع حلو


مشكووووووووووره

 

[أمواج البحر]

والله عيونه بالارض والا بالسقف

قلة ادب صراحه ريال داش محل متخصص بالملابس الداخليه وقمصان النوم الحريمي!!!!!!!!!

خو اشدعوا سأليه قبل لا تروحين المحل ولا قبل لا تدشين

مو يدش ويندعس بين الحريم

لا تقولون ما يطالع اشدعوا يطالع ونص لو من تحت لي تحت .. حتى لو لمحه وحتى لو مو قصده

والله مارضاها لا على نفسي ولا على ريلي

باقي بس يسوون الحمامات مشتركه ويدخل الريال مع مرته عشان يشوف لها الحمام فاضي والا لا وانتو بكرامه

رياييل اخر زمن استغفر الله يرتفع ضغطي لما اشوف ريال داش هالمحلات

آل ايه آل ينقيلي!!!!

 

[brettey]

رد : تعاالي انتي ياللي اتخلين ريلج يدش وياج محلات قمصان النوم

ويه انا قبل جم سنه جذي دشيت محل قمصان نووم وقاعده اشوف وتوريني البياعه وتدش وحده ومعاها زوجها واهي بعد متنقبه والصراحه انبطت جبدي وقطيت نغزه ولا همني قمت اتحلطم واقول حق راعيه المحل يا اخي مو حاله هذي ليش ماتمنعون دخول الرياييل محلات قمصان النوم ترى ماناخذ راحتنا يعني اشلون وابتسمت ولا المدام اهي وريلها يخزوني بعصبيه عشتوا مو عاجبهم جان اطالعهم بخزه استحقار والف ويهي وارد اتحلطم اوف الواحد بياخذ راحته مو قادر
قولي اهتم ولا همه صج قله ادب

 

[pretty sarona]

اي يا شينهم .. و الحريم من فئة معينة .. دام ان تبين راي زوجج ابهالسوالف طلبوا من النت

 

[mafio98]

ووواي هذا كله يهون بالنسبه خق الريايل اللي يدشون محلات حريم يتشرون حق حريمهم!!!!!
قبل جم يوم انا بلافنيوز بشتري اند ويرزات ولاهيه ادور القياس ماسمعت الا صوت ريال يمي رفعت راسي الا ريال كبير اقل شي عمره ٥٠ ودين لحيته لي سره وقاعد يشتري اندر ويرزات حق مرته!!!!!
حدي حقدت قطيت اللي بيدي ورحت لامي قلتها شفيه هذا الا الاخ ماسك التليفون والله والله بدون مبالغه اكثر من نص ساعه قاعد يتشرى الاخ وينادي الحريم اللي يشتغلون عطيني من هذا وعطيني من هذاااااك صج ويع خلاني اطلع من المحل بكبره

 

[بنت الكويت 25]

بنات شرايكم وحدة من معارفنا تقولي انا كنت رايحة محل اشتري ملابس داخلية تهقون شنو شافت تقول شافت وحدة داش معاها ريلها غرفة

القياس تخيلوا يعني مو بس يدش المحل يدش غرفة القياس

 

[●|أملي بالله كبير |●]

عيب عليهههم ألغلط من الرجال ومن المرهـ وبعدين شلون تسمح لزوجهها يدخل أصلا ..~

 

[Killer^Girl]

الشرها على مرته الي راضيه وساكته
يعني مكان مو مناسب اذا مايستحي المفروض انا اعلمه

 

[shaikhat al-zain]

انا الحمدلله ريلي من نفسه ما يحب يدخل معاي المحلات حده ينحرج

 

[D A N A]

مره كنت في اتش اند ام الافنيوز ولا ريال ومرته المره تقول حق ريلها شرايك بهالستيان البرتقالي؟!
ولا يقولها باعلى صوته غلطانه عالبرتقالي جلحه وتاخذين هاللون!! والله كل الحريم الي بالمحل التفتو عليه واهي عادي ولا كأنه تقوله شفيك حلو والله
جان توريه واحد ثاني قالها من كبر صدرج ماخذه جذي :nocommint: تخيلو والله فشله حسيت بحر وصرت اعرق من الفشله
ويوم يت بتحاسب مادري شخذت عاد مسكينه جان يقولها خلصينا ماصارت كلها جم ستيان وجم صروال ماصارت يعني !!
والله وانا مبققه عيوني انصدمت عمري ماتخيلت اصادف جذي ناس قطيعه تقطعهم :eh_s(13):​

 

[بشوشه]

انا مايدتكم و عيب و قلة ادب و كل اللي قلتوه عين العقل

بس سؤال يعني الريال ماله خاطر ينقي و يختار اللي شيتهيه على مرته ؟

مجرد سؤال ؟؟؟؟؟؟؟؟؟ لا تاكلوني

 

[kookiz]

عاد لقيتي اللي يرضى يدش لوووووووووووووول

اصلا يقولي تبين تدشين هالمحلات روحي مع اهلج خخخخخخخخخخخخخ

واذا عاد اضطر يوقف برى

نفس الحالة لووووول

 

[مملوحة_الوصايف]

رد : تعاالي انتي ياللي اتخلين ريلج يدش وياج محلات قمصان النوم

جم مره صارتلي مرات ادش ابي اشتريلي بجايم ولا ملابس داخليه اشووف هالي يحووس مع مرته حمدالله والشكر ويتلفت مادري يكوونون منبهرين مادري شفيهم بس والله انا عادي اخذ الي ابي واطلع لان ماراح اخلص اذا جذي الهانم تنقي وتفقق وتاخذ رايه بضيع وقتي واذا اهو ما استحى ودش انا والله ما استحي بس اتصدد واخذ الي ابيي من تحت لي تحت لووول بس كلش حركه مو حلوووه خصوصا اذا مسك الاشياء ونقي وتمقل وييييييييييييييييع

 

[أمواج البحر]

انا مايدتكم و عيب و قلة ادب و كل اللي قلتوه عين العقل

بس سؤال يعني الريال ماله خاطر ينقي و يختار اللي شيتهيه على مرته ؟

مجرد سؤال ؟؟؟؟؟؟؟؟؟ لا تاكلوني

ياحلوج ^_^

اي مو مشكله عادي اكيد يكون بخاطره شغله معينه

يقولها واهي تروح تشتري ... عادي الامور سهالات

بعد خو مو شي صعب يشرح اللون والا الموديل

واذا كلش كلش عندهم نت يطالع ويتمقل على كيفه وينقي على راحته

والا لازم يرتز جدام الحريم

 

[اليوم السابع]

اختي مره كانت في بعض المجمعات اللي يكون فيها محلات الملابس الداخليه كبيره ومفتوحه والزباين يضيعون فيها المهم شافت مره منقبه وداخل معاها زوجها الملتحي وخدامتها فلبينيه متحجبه وشايله البيبي .المره حايسه بين الستيانات تدور وطاحت عين اختي على الزوج وهو ياشر للخادمه بعينه ويهز راسه صوب سراوويل البكيني وهي اطالعه وتقرب يم البكيني وبطريقه سريعه اشرتله على موديل معين كان عاجبها الظاهر تقول اختي ما دري عاد خذاه بنفس اللحظه او رجع مره ثانيه بروحه وخذاه لها (الفلبينيه مؤكد انها زوجته )