تعاالي انتي ياللي اتخلين ريلج يدش وياج محلات قمصان النوم

[بشوشه]

ياحلوج ^_^

اي مو مشكله عادي اكيد يكون بخاطره شغله معينه

يقولها واهي تروح تشتري ... عادي الامور سهالات

بعد خو مو شي صعب يشرح اللون والا الموديل

واذا كلش كلش عندهم نت يطالع ويتمقل على كيفه وينقي على راحته

والا لازم يرتز جدام الحريم

مشكوره عالرد حبوبه

كلامج صح النت ما خلا شي فكره واااااااااايد حلوه و جهنميه بس و اللي يبي شي يختاره مو في باله ما يعرف شنو الموديلات و يبي ينقي؟؟ و من المحلات و ما يعرف سايتات النت شلون ؟؟؟

 

[^noonaa^]

يااحلات ردووودكم كلها عيييين العقل

وياليت اللي هالنوعيه من الحريم يقرون ويحسون على دمهم شوي

 

[؛؛حلاوه؛؛]

رد : تعاالي انتي ياللي اتخلين ريلج يدش وياج محلات قمصان النوم

اي فشله انا مره كنت بنكست صوب الاندروير

قاعده انقي ستيان ولا واحد هاد مرته وقاعد يطالعني وانا اطالع بالستيانات لووول بعدين هديت اللي بيدي ورحت صوب ريلي

لما شاف ريلي جان ينحاش يروح صوب مرته

 

[الاسطورة]

اووووووووووووووووف
تنبط جبدي من هالنوعيه من البشر


يعني المره الي تخلي ريلها يدخل معاها
شنو تبي بالضبط
تبينا انعرف ان ريلها كووول
ويعرف بهالسوالف

ما ادري
احسن انها مو حلوه لا بحقهم ولا بحقي
يعني اذا انتي ما خذه راحتج وتنقين وتشتري
انا مو ماخذه راحتي وانا احس ان في عيون اتراقبني وتشوف شنو عندي
وتلقينه من تحت لي تحت يقولها اخذي هذا ويكون نفس الي بايدي
اشكره اشكره خيل الاخ

 

[عز النفس يغنيني]

دانا موقفج يفطس هههههههههههههههههههههههههههههههههههههههههه

الله يعينها المره لو أنا منها إنهرررررررت بجي

 

[So0oKaRa]

مره اختي راحت تشتريلها قمصان نوم دشت المحل تختار ولا يدش ريال معاه مرته والمره عبايه راس وحالتها حاله
والمره ساكته ما انطقت بكلمه دش ريلها جان يقول للبياعه ها يبتي اللي طلبته منج؟
جان تقول اييي وتعطيه الهدوم ويحاسبها ويطلع
انا بعرف مرته شنو موقعها من الاعراب!!!

 

[^noonaa^]

8
8
8


لوووووول مااكو شغل الظاهر اهو بيلبسهم

 

["اسطورة العشق"]

مادري لا تهجمووووووووووون علي
بس انا احسها حركه حلوووه ان ريلها يختار معاها .. يعني اهيا بتلبسله اهو يعني حلوو انهم ينقون مع بعض
يختار لها شنو يحب يشوف عليها .. مادري انا احس مافيها شي ...

اهما بيكونون مندمجين مع بعض مالهم شغل في باجي الناس دشوو و الا طلعوو
مادري كل وحده تدخل تاخذ الي تبي مالها شغل بالريال الي مع مرته داخل ..

هذي وجهة نظر .........

 

[kuwaitya_zoGaa]

=========
مكرر

 

[kuwaitya_zoGaa]

والله انا اللى اشوفه انه بقمت الغباء لما المره ادخل زوجها معاها المحل
لانه بيقعد يشوف البنات اشبياخذون وبيقعد ايقارن بين ذوق زوجته وذوقهم
وبيقعد يتمقل فى اجسام البنات صح والا لا ؟؟؟ وبعدين يبي يختار لها ميخالف انمشيها بس شنو اتدخله والمحل متروس ؟؟
المفروض تراعى الحريم اللى موجودين بالمكان
عفيه البنات اللى قالو عادى اندخل رياييلنا تخيلي انتى داشه تختارين وفجأه ترفعين راسج وتلاقين حماج والا موظف معاج بالشغل مدرعم المحل
عادى عندج ؟؟؟ واى والله اموت واحيا مليون مره بمكانى .

 

[eman84]

انا بقول راايي بصرااحه

الموضوع هذا انطرح اكثر من مره !! ليش مسوينها مشكله كبيره

كل واحد حر ياجماعه بحياته ومن راقب الناس مات هما !!

يمكن انتو عندكم عيب و اهم عادي !!

يمكن انتو تبون تفاجئون رياييلكم و اهم لا ؟ يبون يلبسون على ذووق الريال ؟

وسالفة العيون الزايغه انا اقول اللي يخز راح يخز بأي مكان و الرياييل اللي ينطرون حريمهم عند الباب والله العظيم ان يقزرونها خز وتحرش و المساكين داخل يتشروون لهم ؟؟ والله كذا موقف صارلي شخصيا هذا غير ان يقزرها تلفونات عاد شوفوا مع منو !!

انا مو مع ان الوحده تدخل ريلها معاها بطريقة مطلقه وبايعتها وبأي وقت (مع ان كيفهم) بس مع ان تختار وقت ومكان منااسب مايكون فيه زحمه ابدا . وفعلا الريال اذا عنده زوجة ثانيه او عشيقه تأكدوا ألف بالميه ان يختار ملابسها بنفسه ويشتريها وصح انا وحده تبيع بمحل قالتلي تدرون ليش ؟؟ بسكم تقمتون بالريال وتلبسوون على كيفكم مو كل مره المره تصيد مزاج الريال ترى نااادر جدا روحي الصبح مثلا مبجر و دخلي معاه عالاقل يأشر لج هذا وهذا ويطلع واذا ماكو احد عادي وين المشكله ؟؟ خلوا الامور طبيعية جدا

وتقبلوا وجهة نظري

 

[المزه]

اي والله موحلو الواحد يدش مع زوجته هالاماكن لا مره واحد دش والفلبينيه تقوله ما يصير رجال يدش اهنيه واهوا جنه مايسمع وكل اللي بالمحل طلعو وما قدرو يشترون منه والفلبينيه عصبت وهو وزوجته استانسو

 

[غمزه وإبتسامه]

ههههههههههههههههههههههههههههههههههههههههههههههههه

 

[بتبوتااا]

ريلي بصراحه ما يخليني حتى اطل على هالمحلات وانا معاه بس الصراحه تنبط جبدي لو اشتري شي وخصوصا لي كان غالي وما يعجبه اقطه زباله على طول :/

فعشان جذي قمت اشتري من النت واخليه يشوف معاي ويختار لي واشتري:> .

 

[قَلبڪْ صًخرْ]

انا اللي يغثني اييوون بدون حريمهم

ولا سوالف الشعبيات .. تلوع جبدج من الصعايده هههههههههههههههههههههههههههههه

كل واحد شاقل لفلبينيته لوووول

 

[حرم_طيار]

رد : تعاالي انتي ياللي اتخلين ريلج يدش وياج محلات قمصان النوم

عاشت نونا

انا قبل لدشيت محل ولقيت واحد مع مرته على طول اطلع
واقول بقلبي قطيعه ما يستحي

 

[جوك احلى جو]

من قلب قلة ادب

 

[در الـبحـور]

السلام عليكم

اي و الله صاجة مو يبطون جبدي بس إلا الأعصاب تنزل كلها علي ههههههههه أستغفر الله

اشحقة داش محل قمصان نوم ما أدري و بصراحة حتى المرة ما تقدر تقول لزوجها انطر بره اشوي

و الله معاج حق عييب محل حريم لو كان محل رياييل يرضى مرته تدخل وسط الرياييل تخوزز ؟؟

الله المستعان و عسى الله يصلح هالناس و مشكورة يا قلبي عالموضوع

 

[غير عنهم]

مره كنت في اتش اند ام الافنيوز ولا ريال ومرته المره تقول حق ريلها شرايك بهالستيان البرتقالي؟!
ولا يقولها باعلى صوته غلطانه عالبرتقالي جلحه وتاخذين هاللون!! والله كل الحريم الي بالمحل التفتو عليه واهي عادي ولا كأنه تقوله شفيك حلو والله
جان توريه واحد ثاني قالها من كبر صدرج ماخذه جذي :nocommint: تخيلو والله فشله حسيت بحر وصرت اعرق من الفشله
ويوم يت بتحاسب مادري شخذت عاد مسكينه جان يقولها خلصينا ماصارت كلها جم ستيان وجم صروال ماصارت يعني !!
والله وانا مبققه عيوني انصدمت عمري ماتخيلت اصادف جذي ناس قطيعه تقطعهم :eh_s(13):​

لالالالالالالا مو طبيعي احنى فين قاعدين في بيت ابوه يقول لمرتة جذي حسبي الله علية فشلها وهي مسكبنة شكلها تعودت عليها فصار عندها عادي نو بربلم

 

[أم عبوودي11]

انزين انا الحين اقري اشكثر تحلطم على الرياييل انزين في رياييل بعد وجهة نظره الحين اللي يبيع ريال ماستحيتوا والا هذا موريال اللي مجابلج على الاقل ريلها يدش وياها احسن