تعالو نتبادل تجهيزاتنا لرمضان؟؟؟؟؟؟

[الجووووهره]

بصراااااااحه انا ماحب افرزن احب اني اسوي كل يوم بيومه ماحب التخزين والسالفه ماتسوي كلها شغلات بسيطه ولا صرت عازمه اشتغل قبلها بيوم واخزن بالفريزر...............يسلمو على الموضوع الحلو

 

[رهف ورهش]

تبيع الكبب مجمدة ولا مطبوخة ...؟؟؟

حبيبتي هي تبيع مجمده وبنتها تبيع طبق مشكل شكله يفتح النفس (لذيذ بشكل مو طبيعي)
وعلى فكره نسيت اقولكم عن القبوط عندها المثلج وعند بنتها مطبوخ لاتطوفونه اللي ما ذاق قبوطها يعني جنه ما اكل قبوط

 

[سعودية قلبها كويتي]

انا هالسنه ماراح اسوي شي لأن النساة عامله عمايلها معي ..

بس بعطيكم من تجاربي :

الطماط اطحنه واوزعه بعلب بلاستيك اللي لها غطا (استخدام واحد بس )
وبنفس العلب بعد اسلق العدس واطحنه ووازعه بهالعلب .. حق شوربة العدس .

فيه ناس تفرم البصل وتفرزنونه .. انا ماجربت ..

الدقوس . تقدرون تفرزنونه وتستخدمون له نفس العلب البلاستيك .

صلصة البيتزا افرزنها ..

والسمبوسه .. والسبرنغ رول والسمبوسه الحاليه ..

ربيان .. اقشره وانظفه وابهره ..
والدياي اشتروه مبرد وقطعوة واغسلوة وبهروه ووزعوه بأكياس ..

الباميا .. اقمعها .. واسلقها دقيقتين واصفي الماي منها واوزعها بأكياس ..

الفلفل البارد .. الجزر .. الفاصوليا .. تتقطع وبأكياس تتوزع ..


الله يبلغنا رمضان يااااااااااارب وحنا بخير وبصحه وعافيه قولو امين

 

[حور الحلوة]

بنات نبي طريقه حلوة للسمبوسه عشان بسويها وافرزنها

وبسالكم انا قبل رمضان بيومين افرزن بس ابي اعرف يصير الحين هاليومين ؟؟

والحين بقول لكم شنو السوي

احشي السبرنغ رول جبن كيري واللفه واحطه بصحن بلاستيك واغلفه و على الفريزر

ومرات مو دايمن اقطع جزر طوال او مربعات وفلفل بارد الوان واحطهم بكيس الي يتسكر من فوق وعلى الفريزر

والصنوبر انا ما احطه بالكبت لا بالفريزر لان في زيوت بسرعه تفسد
والجوز ( عين الجمل )


وسمبوسه خضار وجبن وسمبوسه بطاط واااااااااو تهبل

ويالله نبي طرق الي تسوونها للفريزر وردوا على اسالتي لا تطنشون

 

[غلاي غير]

حق الحلو عجينه سويتز

بس الجبن المالح والخضره واي شي ماينحط عليه شيره بعد القلي عجينه الهندي

البصل اقطعه واكيسه كل شوي بروح

الطماط اقطع واكيسه كل شوي بروح
خلطة البيتزا اسويها وازيد عليها اذا بردت بالبرطمان من فوق اصب عليه زيت زيتون وبالثلاجه
الكبب والرولات
الشبنت والكزبره حق الحمسات والملفوف انظفهم وانشفهم واثلجهم
واحمس بصل وابهارات وطماط وكل شويه بكيس حق اي حمسه احتج لها
الحشو وبرطمان بالثلاجه بس حطي فوقه الزيت عشان مايخترب
روبي روب بالبيت عشان اللقيمات لان ماشاء الله بالجمعيه ماتلاقينه
واذا تذكرت شي برد

 

[ام ناييف]

انا افرز الشيش برك حق القبوط والشيش برك
السمبوسه اللي بالجبن اسويها اما اللحم اخذها من معجنات الشويخ مثلجه
الكبب اخذ من اختي لما تسوي او اشتري من الجمعية

ورق العنب افرزه بصواني قصدير وادخلها الفرن اسرع
الجلاش باللحم افرزه بصواني قصدير وعلى الفرن
اصابع السمبوسه لصينية السمبوسه بالكريما بعد بصواني قصدير

اول كنت اجهز ثوم وزنجبيل واحطهم بغراش الحين لقيتهم جاهزين بسيتي سنتر صوب الخل والفلفل

الخضار ما قد فرزتهم بش شكلي بفرز الطماط والبقدونس والكزبره

وسلامتكم

 

[هجووورة]

ممكن طريقة شيش برك الله لايهينج

 

[● ● MisS P!nK ● ●]

الموضوع حلو وصج بوقته انا انتظر شويه على نص شعبان راح ابدي ان شاء الله وعسى الله يبلغنا رمضان ويقبله منا صج الموضوع حلو وانا مستانسه فيه

 

[MJ_LoVeR]

الطماط نفرمه ونحطه بالفريز حق الدقوس ..
السمبوسه نشتريها من مطعم الجمعيه مجمده جاهزة جبن/خضره ..

ورق عنب انشالله باخذه من ام جابر توني أدري انها تسوي ورق عنب بالدبس مثـلج ..!

اللحم نشريه قبل رمضان بيومين او ثلاثه نقصصه صغار ونحط كل كميه بجيس وبالفريزر حق التشريبه ..

البصل قبل نفرمه ونحطه بالثلاجه بس حسيت ريحته قويه بالثلاجه فصرنا نقصه بنفس الحزه ..

وكل عام وانتو بخييييير

 

[الباسمه]

MJ_LoVeR
حبيبتي تكفين ابي رقم اللي تبيع ورق عنب مجمد بدبس الرمان

 

[كويتية cuot]

ممكن طريقة شيش برك الله لايهينج

وانا بعد ابي طريقتها ...
وبالنسبة لي الشي الوحيد إلي افرزنه هو السمبوسة اسويها بجبن الفيتا والعناع واوزعها باكياس حسب الكمية الي احتاجها
وباقي شغلي كله اسويه نفس الحزة أحس يطلع أحلى
ومبارك عليكم الشهر ...( وايد مبجر ) :eh_s(6)::eh_s(6):

 

[زري منثور]

انا مو شاطره كثير بالمطبخ

بقولكم على السمبوسه احنا نستخدم دلتا مرره روعه

واسوي منها أصابع احشيها بحشوة الدجاج واغمسها ببيض وبقسماط روووووووووووعه

طبعا" مو كل السمبوسه لا نقص نصها ونحشيها ونلفها مثل الرول ونسكرها بمسحه جبن على الطرف علشان ماتنفتح بالقلي

وعليكم بالعافيه

انا بعسكر بهالموضوع علشان استفيد

 

[جلاديلياس]

تسلمييييين حبيبتي عالموضوع المفيييد

 

[aljadel22]

فوووووووق لايوقف

 

[حور الحلوة]

ما رديتوا يا حوريات متى تبدون الشغل للفريزر ؟؟

ونبي طريقه الشيش برك مضمونه ميه بالميه ........ ولا يوقف

يالله بروح اشتري اغراض رمضان بعد جم يوم .......... ولا يوقف

وابي مواعين حلوة من وين اشتري بس مو غاليه سعرها زين ......... ولا يوقف










ولا يوقف



















و لا يوقف

ولا يوقف




ولايوقف













ولا يوقف

 

[MJ_LoVeR]

للرفع...........

 

[كويتية cuot]

للرفع

 

[as.as]

مشكورين على الطرح والمعلومات المفيده خواتي


اقوم بخلط مقادير عجينه البيتزا والمعجنات (الجافه) واحضر كميه منها واقسمها على قد وجبتنا اليوميه , وعند التحضير مجرد ما اضيف الماي
والزيت , ولان الشوربه من اساسيات الفطور اليوميه فاطبخ كم دجاجه او عظم الخروف واخذ الخلاصه واسويها
وجبات صغيره واجمدها بالفريزر , وفي رمضان اضيفها لاي نوع شوربه خضار عندي .

 

[غلاي غير]

الله كريم ويبلغنا رمضان ويعينا على صيامه وقيامه

ابدوا يابنات بالسمبوسه والكبب والخضره بس الحمسات قبل الرمضان بيوم يومين

 

[حور الحلوة]

الله يعطيج العافيه