السلام عليكم ورحمةالله وبركاته
انا حدي زهقانه انا كنت من قبل 5 سنوات شزيني والحين انا تعبانه لاني مريضه بالروماتويد وانقلبت حياتي رأسا على عقب
الحين كل رفيجاتي راحوا عني حتى اختي الوحيده تغيرت عليه وما اقول الاالحمد لله الذي لايحمد على مكروه سواه
وحتى زوجي صار يكرهني جن انا الي مرضت روحي حسبي الله على كل واحد تغير علي بدون سبب صرت ما اطلع من البيت لاني ما اقدر امشي واتفشل اروح عند احد ويضلون يطالعون اصابعي لانها تشوهت حتى بناتي يطلعون ويخلوني بالبيت بريحاتي والله انا قاعده ابجي وانا قاعده اكتب ماساتي
من كثر ماريلي كرهني لقيته مره مع الاثيوبيه وشفته تعرفون شقال حمد ربج انا صابر عليج ورحت لاختي والله لايوريكم نفسيت اختي ورجعت له مذلوله لانه ما عندي احد لان امي وابوي ماتوا واخوي مسافر واخذ واحط بهلقلب ماادري شسوي تعبت حيل والشكوى لله الناس كلهم تغيروا علي بعض مرات ادعي على روحي واقول يارب اخذ امانتك خل ارتاح بس هم ارجع واقول الحمد لله
تعرفون ريلي شيقولي الله ما يحبج لو الله بحبج جان مامرضج والله تعبت وايد ماادري شسوي
يارب لو تاخذ روحي لوتشفيني لاني وايد متضايقه حاشى لله اني متضايقه من مرضي بس انا متضايقه من الناس ونظرتهم لي
عمت عيالي كل خميس تقول لبناتي تعالوا عندي ويروحون ويخلوني بروحي زين ان في كمبيوتر حتى افضفض فيه وارتاح
الله لايبلاكم والله يشافي كل مريض ويشافيني ابي دعواتكم لي ان الله يعطيني الصبرعلى مرضي وانا راضيه ومحتسبه عند ربي
والله يجازيني خيرويالله حسن الخاتمه يارب
وانا اسفه لاني طولت عليكم بقصتي او بسالفتي الي تضيق الخلق
بس تدرون لما تكلمت احس نفسي اني ارتحت
الله يشفيك
لا تفقدين الأمل من الشفاء ، لا تدعين بالموت
هالناس هذول قطيهم ورا ظهرج ، ما يقدمون و لا يأخرون
هل أنتي فعلا مستعدة للموت ؟ الموت وراه حساب و جنةو نار
ممكن مرضك هذا كان سبب للمغفرة و رضا الله
زوجك و صديقاتج و عيالج و عماتهم و الخ بالطقاق اللي يطقهم
المنة مو لهم، المنة لله
اذا اهم ما يقومون بواجبهم ، حسابهم عند ربج
لا تشيلين هم و تكلفين نفسج فوق طاقتها
استغفري و طلبي العلاج و ادعي بالشفاء و لج رب كريم
((والله جد موضوع يفشل بس هذا الصج بعد اسبوعين بكمل 24 واحس نفسي من الحين عانس مع ان ماعلي زود حمد لله بس ياربي حظ ماكوووووووو ماقو ماقو ماقو
